بسم الله الرحمن الرحيم
السلام عليكم ورحمة الله وبركاته
وزارة الصحة الكاذبة
وزارة الزراعة المنافقة
حبيت اذكركم أن " الساكت عن الحق شيطان أخرس " وانتوا ما شاء الله عليكم ما تعرفو شو يعني الحق عشان تتولوا مناصب انتوا ما قدها ...فحبيت انا اذكركم " وذكر فإن الذكرى تنفع المؤمنين"
زميلة لأختي درست تخصص كيمياء مختبرات بالكلية التقنية العليا بمسقط وحصلت على درجة البكالوريس ...ثم انتظرت مع الباحثين عن عمل للحصول على وظيفة .. وبعدها حصلت عرض في وزارة الصحه على أنها تدرس دبلوم في التثقيف الصحي على أنها سوف توزع في منطقتها بعد إنهاء التدريب وفعلا درست وما قصرت...في صيف هذا العام كان اسمها ضمن الخمسين ألف الموظفين على حسب المكرمة السامية وطلع اسمها في وزارة الزراعة وكانت الوعود التي لا تنتهي ابدا وليس لها حل انها سوف توزع في منطقتها وانتظرت الى ان جاء تعيينها في ولاية بهلاء ...وكانت تقطع المسافة يوميا من ولاية عبري الى ولاية بهلاء ""ما بعيد صراحة بس 160 كم"" وقد حاولت معهم أن تنتقل لمنطقتها بوظيفة إدراية لكنهم رفضوا وقالو لها ان ماشي غير هنا اذا تبي ...بعد ما خبرت وزارة الزراعة انها سوف تنتقل داومت ع شهر 9 لغاية اليوم في وزارة الصحه في مسقط وحتى الحين ماشي راتب والمصيبة الأكبر الحين جايين يقولوا لها بكل وقاحة"" من طلب منك إنك تداومي هنا "" مصخره يا وزارة الصحة
راجعت وزارة الزراعة قالوا لها وزارة الصحه راده علينا ماشي درجه متوفره لك عندهم ""أكبر من المصخره الي قبل""
وزارتين كبيرات في السلطنة ما قادرات تحلن موضوع بسيط مخلين موظفه مثل الكورة في الملعب هنا وزراة الصحة وهنا وزارة الزراعة : انا بحله لكم
وزارة الزراعة طبعا انتي منافقه لانك قلتي للموظفه انك خلاص قدمتي نقلها لوزارة الصحه ووزارة الصحه طبعا انتي أكبر مصخره لانك درستي الموظفه وواعدتنها بدرجه مثل زميلاتها وانها توزع ف منطقتها والحين تقولي ماشي درجه..
أسألكم بالله عليكم على من تضحكو!!!
ايشش هذه الدولة الي ما عارفة شعبها كيف عايش ذليل تحت رحمة هذول الناس الي جلست ف كراسي وخلاص
بعد هذي دولتنا احنا ولنا فيها حقوق مثلكم بالضبط سواء كنا نفس الدرجة أو لأ ولازم تفهموا هذا الشي وانا اقولها يا وزراة الزراعة ويا وزارة الصحه انتي قيمتكن تحت تحت تحت اذا مشكله بسيطة مثل هذي ما عارفين تحلوها ومبهدلين مواطنة يمكن تشتغل اكثر عنكم وما تخلفت عن الدوام ابدا ...
ايش هذا الاحباط .. ايش هذا الكسل والاستهتار ايش هذي الحياة والله ان قبل نسمع اغاني وطنية يقشعر البدن لها والحين والله بس نسمعها نطفي التلفزيون لان ما عايشين مثل خلق الله تبونا نجلس تحت رحمتكم طول عمرنا ولا نطلع ولا نشوف ياخي خلي شعبك يطلع خليه يشوف يتثقف يشوف الدول الثانية وين وصلت خليه يحس بقيمته بين الشعوب ..الناس تتقدم واحنا نرجع للخلف....
ملاحظه: حللوا رواتبكم الي تشتغلو فوق لانكم مسؤولين عن ارازاق ناس وهذي ما شوية عند رب العالمين " اعطوا الأجير اجره قبل ان يجف عرقه"" وانتوا مسؤولين امام ربكم قبل اي احد وان شاء الله قادر على أي ظالم..

حسبي الله ونعم الوكييييييييييييييييييييي ييل ...حسبي الله ونعم الوكيل