أبحكي لكم قصه قبل ما تنامون
قصة غرام بين خل وخليله
كانوا يعيشون الهوى ( حلم مجنون )
تورق عصافيره تغني نخيلـــه
وكانوا اذا طال البعد يوم .... يبـكــون
هذا اذا طاااااال البعــد ... بس ليلــة
واذا تلاقــو تهمس " يدين " و " عيون "
وصمت الشفايف .... !
كان افضل وسيلة
كانوا بوجه الوقت دوم يتباهون
ولا فكروا بالوقت لو شد حيله
سنة وهم " يبنون يبنون يبنون "
عش الغرام اللي غصونه ظليلة
تدرون بعد العام وش صار تدرون ؟
صارت اماني وصلهم مستحيله
تفرقوا واحلامهم صارت طعون
وذاقو مرار الحب عن سلسبيلة
كله سبايب شك يتبعه ظـنــون
بقلوبهم خيم ولا اعلن رحيله
اثنينهم تابوا بعدها يحبون
عاشو على هالذكريات الجميلة
هذي الحكاية وان قدرتوا تنامون
في الحلم بتشوفون خل وخليله



منقول