هلا شباب وين أفضل الصني أو الاكسنت أرجوا المساعده

**صياد 2050** · 27/09/2011 03:00 PM

هلا
وين أفضل الصني أو الاكسنت للمكده أرجوا المساعده ؟
وشكراااااااااااااااااا

**السهم الجريح** · 27/09/2011 03:02 PM

الصني اليابانية الصنع احسن بكثير

**ذئب السلطنة55** · 27/09/2011 03:03 PM

شي طيب

**صياد 2050** · 27/09/2011 03:12 PM

أرسل أصلا بواسطة السهم الجريح

الصني اليابانية الصنع احسن بكثير

بس خبروني الصنع كوري

**تاجر مبتدى** · 27/09/2011 03:39 PM

الصني طبعا حتى لو كوري لانها نيسان ماركة جابانية ولاتنسى ان قيمتها فيها لان الهاينداي اطيح قيمتها بسرعه

**upscale** · 27/09/2011 03:41 PM

good luck

**نجم المضيبي** · 27/09/2011 03:46 PM

صنى افضل

**rigoo** · 27/09/2011 04:48 PM

نفس الشي لا حد يقولك يابانية الثنتين كوري

والهاينداي اطورت كثير اذا تبيها حق استخدام

اما اذا تفكر تبيعها بعد كم سنة الصني الناس فبالهم تيوتا ونيسان والباقي ماله قيمة

مع انه اغلب السيارات الحين كورية وتايلندية

**ماكسيما99** · 27/09/2011 04:51 PM

احسن لك الاكسنت
لانه الصني الجديد فيه عيوب كثير واسال
الصني الجديد ترفع حرارة
ماثابته في الشارع تشوح انا سقتها ماحلوة ابدا

ربي يوفقك

**bethankfull8** · 27/09/2011 07:12 PM

ما اعرف

**السهم الجريح** · 27/09/2011 07:27 PM

أرسل أصلا بواسطة صياد 2050

بس خبروني الصنع كوري

صديقي فيه الصنع كوري قيمتها في حدود 5 آلاف بالوكالة وفيه الصنع الياباني وقيمتها بالوكالة أعلى من الكوري
يعني يجين نوعين كوري وياباني

**السهم الجريح** · 27/09/2011 07:32 PM

وبصراحة من واقع تجربتي الصني سواءا كانت الكورية الصنع او اليابانية الصنع أحسن من الأكسنت بكثير وحتى سعرها بعد ما تستخدمها ما ينزل مثل الأكسنت على طول يطيح سعرها .
أنا استخدم صني موديل 2008 اليابانية وبصراحة من اشتريتها لحد اليوم ما شكيت منها أي حاجة واقتصادية وسرت فيها صلالة أكثر من مرة ولا رفعت حرارة ولا غيره .

**صياد 2050** · 27/09/2011 09:44 PM

اشكركم يا أبناء بلادي على الردود الطيبه
بس بصراحه تو تحيرت زياده حد يقول كذا وحد كذا

**majeesawi** · 27/09/2011 10:04 PM

خذ صني وريح بالك..

**black- ss** · 28/09/2011 07:49 AM

- ينقل الى سبلة السيارات

**Grnan** · 28/09/2011 07:54 AM

عليك بألاكسنت
وتوكل ع الله

**intelligent** · 28/09/2011 09:08 AM

اذا تريد تشتري فحص
احس تاخذ لك الاكسنت .. مريحه + اقتصاديه

**نيران البراري** · 28/09/2011 11:18 AM

الصني اكيد الافضل

**Mr.e7sass** · 28/09/2011 01:43 PM

عندنا صني موديل 2006 كملت 6 سنوات معانا

غيرت السير مره
وغيرت السفايف مرتين
والسياره ماشيه الحين 223000
هههه ما شاء الله
والصرفيه عسل

بس ترا الصني من شكلها سيارة هنود وش تبى فيها
نحنا جاتنا بلاش ولا صراحه الصني شكليا تعبان جدا

**سيح المحبيل** · 28/09/2011 01:51 PM

خذ لك الأكسنت وريح بالك ، ما عليك من كلام الناس .
الحين لا توجد بالوكالة بس اعمل طلب مثلي .

**رجال الله** · 28/09/2011 01:56 PM

اكيد الصني اخي

**بطل عمان** · 28/09/2011 03:25 PM

مر الوكالة وشوف السيارتين عن قرب

**جحفان** · 28/09/2011 03:59 PM

استعملت الصنى لمدة 10 سنوات

سياره روعه

يابانيه

......

**nizsan** · 28/09/2011 04:56 PM

كلا السيارتين حلوات ومال مكده.

الأكسنت أفخم وميزاتها أحسن.

الصني سيارة عادية وغير معقدة وسهلة الصيانة وتوافر قطع الغيار.

الأكسنت الجديد سمعت فيه مشاكل شوي والله أعلم والوكيل تعبان.

الصني صلب وبودي أقوى وما يتدعثر وحتى في الجرجرة سوقه, حسب علمي ما فيه عيوب لأني سألت أكثر من شخص
الياباني والكوري نفس الشي بس يفرق التصميم ونفس قطع الغيار والثبات زين في المنحنيات على الأقل أحسن عن غيرة.

أخوي أشجعك أكثر على الصني sunny وأحسن تصلي إستخارة وتدعوا ربك يوفقك.

بالتوفيق

**1ROTAKU1** · 06/02/2016 12:07 AM

بعد 5سنوات من المووضوع ماذا اخترت ؟

**شاعر مبدع ومتميز** · 06/02/2016 09:54 AM

والله عن تجربه
معنا أكسنت موديل 2011 الشكل الجديد
والحمدالله استخدام يومي وكرف الدوام والكليه والشماج

وسواقتي كما الحلاويه

سرفس ع الوقت وللحين السيارة ماشيه بحدود 140 ألف وللحين ماغيرت السفايف ولا بدلت فيها شي غير المشاشات

وتجي بعد 1.6 وهبة ريح في فئتها

الكوري تغيرت والحمدالله فيه تطور

هذي تجربتي

بالتوفيق لك

**مخلص قابوس** · 06/02/2016 01:07 PM

كإضافة فقط....

الصني الحالية تأتي :
- كورية ( تنزل من سنة 2006 لحد اليوم تقريبا ) سيارة عملية وقوية ومتواضعة ( دائما تأتي النوافذ الخلفية عادي - هندل- ).
- هندية وتنزل من 2012 أو 2013 قبيحة الشكل بمحرك ضعيف ( كلها متفعصة وخلفيتها جدا قبيحة.

بالنسبة للصني الكورية تقريبا 2006أو 2007 ما أتذكر ...... المهم قطع بها مسافة مع قرب 500 ألف وباعها من سنتين ( يعني يكرفها كرف وخطوط .. السعودية وصلالة والبحرين ) سيارة قوية جدا

**sothelopower** · 06/02/2016 04:53 PM

مساء الخير اخي
انا طنت محتار نفس الشي و كان الاختيار سياره صني وارد
موديل ٢٠١٣ السيارة حلوة من الداخل لكن بامانة صدمني محركها عزمه تعبان حسيت ان السيارة ما فيها عرق نيسان اللي تعودنا عليه .
انتقلت الى مشروع البحث عن هيونداي اكسنت و الحمد لله صرت املك بهدف الاستخدام اليومي و بامانه انتشارها في الشوارع اكبر دليل على تفوقها بين المنافسين و للعلم السيارة الحالية بالججز ..
و استهلاك البترول صراحة على كثرة مشاويري ممتاز
و للعلم السيارة الجديدة صارت افضل مع مثبت سرعة و حساساس و شاشة و الشي اللي يشفع للسيارة اكثر لم نسمع
للشركة عن نية لتحديث السيارة معناه السيارة عليها طلب كثير
في كل مكان و في النهاية اختياراتك هي اللي تحكم

**البرونز** · 06/02/2016 05:13 PM

زين بعد 11 سنه نسمع تجاربكم

**best-909** · 06/02/2016 09:02 PM

عليك بالصني

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: هلا شباب وين أفضل الصني أو الاكسنت أرجوا المساعده

أدوات الموضوع

البحث في الموضوع

نمط العرض

هلا شباب وين أفضل الصني أو الاكسنت أرجوا المساعده

مواضيع مشابهه

[ الجهاز ] أرجوا المساعده .....

أرجوا المساعده..

أرجوا المساعده

أرجوا المساعده

قواعد المشاركة