استفسار عن جامعة السلطان قابوس ..

[abadi 69]

السلام عليكم
اولا مبروك عليكم الشهر الفضيل
وثاينا مبروك حالي قبلوني ف الجامعه خخخ
وعقبالكم << بس عن المصخ الزايد

بس بغيت اسأل
تو يوم نروح الجامعه مو اشل معي ؟
يعني شهاده ؟ صورة ؟ ليسن ؟ بطاقه شخصيه ؟ مزيل العرق يمكن نوبه ؟

تراني لفيت ولفيت وما حصلت مو باييين
وعبيت الاستماره مالهم
واحرص بس اروح
لكن يوم اروح مو اشل ؟

ومشكورا واجد م تقصرو

[aljarh94]

سمع هذه الكلمة ادخل على موقع القبول الموحد وبتحصل هناك نكش في الموقع بتحصل بيانات مال الجامعات والكليات مال عمان كلها مع بيانات الاتصال وخذ رقم الجامعة واتصل فيهم ...
أو عطيني اسم الكلية اللي قبلت فيها وأنا إن شاء الله بدبر لك الرقم ::: اللي يسئل ما يتووه:::

[abadi 69]

مشكور يالجريح .. تراه فكرت كذاك .. بس قلت بكره الصبح احسن اتصل .. وقلت ادور شويه ف النت وحصلت نبذه عن المطلوب

ف كلية التجاره والاقتصاد والحمدلله

ومشكور صاحبي

[aljarh94]

رقم هاتف كلية التجارة والاقتصاد: الرقم ما حصلت لكن شوف هذه عمادة القبول والتسجيل فيها أشياء كثيره وإن شاء الله بتستفيد منها موفق إن شاء الله وعقبالنا السنه القادمه إن شاء الله
منتدى جامعة السلطان قابوس:http://www.4squ.net/vb/
موقع جامعة السلطان قابوس : http://www.squ.edu.om

[haRd tiMes]

شوف موقع الجامعة اخي...
او شوف من كتاب القبول الموحد رقم الفون للجامعة واتصل فيهم...

موفق

[abadi 69]

مشكورين حبايبي .. التوفيق للكل .. عقبالكم ^_^

[Abdullahx6]

شل نسخة من حسن السيرة والسلوك

ونسخة من شهادة البلوم

وتقريبا 3 صور شمسية بخلفية زرقاء ( حاول تكون الصورة حلوة ... أذا ما عندك صور حلوة ... سير الحلاق وأتسبح وتكشخ وتعطر ولبس ملابس العيد وتعال المصور وصور ... أتبع كلامي تراك بتندم بعدين )

ونسخة من البطاقة الشخصية

ونسخة من الجواز او شهادة الميلاد

وبالتوفيق صديقي

ومعروف كلية التجارة ... احسن كلية بالجامعة

[Abdullahx6]

وعبى طلب الألتحاق علشان تخلص التسجيل بسرعة عندهم

http://heac1.gov.om/showthread.php?t=3003

وهذا المستندات المطلوبة بشكل أدق

المستندات المطلوبه هي
1) طلب الالتحاق.
2) أصل كشف الدرجات لشهادة دبلوم التعليم العام .
3) نسختان من جواز السفر و نسختان من البطاقة الشخصية .
4) نسخة من بطاقة استلام راتب الضمان الاجتماعي إذا كان الطالب أو الطالبة من ضمن الأسر المستفيدة من راتب الضمان الاجتماعي .
5) اربع صور ملونة بخلفية زرقاء مقاس 4x6 مع كتابة الاسم في الخلف .

[سبأ55]

وعبى طلب الألتحاق علشان تخلص التسجيل بسرعة عندهم

http://heac1.gov.om/showthread.php?t=3003

وهذا المستندات المطلوبة بشكل أدق

المستندات المطلوبه هي
1) طلب الالتحاق.
2) أصل كشف الدرجات لشهادة دبلوم التعليم العام .
3) نسختان من جواز السفر و نسختان من البطاقة الشخصية .
4) نسخة من بطاقة استلام راتب الضمان الاجتماعي إذا كان الطالب أو الطالبة من ضمن الأسر المستفيدة من راتب الضمان الاجتماعي .
5) اربع صور ملونة بخلفية زرقاء مقاس 4x6 مع كتابة الاسم في الخلف .

كيف يعني نطبعه ؟؟

[Abdullahx6]

كيف يعني نطبعه ؟؟

لا ما لازم تطبعه الحين

بس كمل البيانات اللي فيه ولما تسير تكمل التسجيل بالجامعة بتطبعه هناك