- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 10 من 10
-
26/02/2011 01:30 AM #1عضو نشيط
- تاريخ الانضمام
- 14/12/2010
- الجنس
- أنثى
- المشاركات
- 548
كريم سوفت آند بيوتيفل لفرد الشعر...دشوا بناااااااات
مرحبااااااااااااا شخباركم بنوتات
من كثر ما أدور ف النت عن كريمات تمليس الشعر حصلت كريم اسمه سوفت آند بيوتيفل
يفرد الشعر ويخليه حريييييييييير حسب كلام البنات ف مختلف المنتديات...والبعض يقول انه يخرب الشعر ويتساقط
قلت أحسن أسأل وأشوف اذا أحد جرب هالكريم....
بلييييييييييز حبوبات اللي جربت هالكريم تخبرني عن تجربتها؟
وكيف يكون الشعر بعد الفرد...يتساقط أو عادي؟
وبكم هالكريم؟
وكم يستمر تأثيره ع الشعر؟؟
ووين أحسن أستخدم هالكريم أو أسوي تمليس ف الصالون؟
انتظر ردودكم بنااااااااات تكفوووووون
-
مادة إعلانية
-
26/02/2011 11:02 PM #2عضو نشيط
- تاريخ الانضمام
- 14/12/2010
- الجنس
- أنثى
- المشاركات
- 548
وينكم بناااااااااااااات؟؟؟!!!!!!!!
-
26/02/2011 11:47 PM #3
هلا الكريم تعطي نتيجة حلوة لمده 3 شهور او اكثر على حسب شعرك...اذا حابة شعرك يكون شكله طبيبعي سوي جلسات حمام زيت و البخار سواء فالبيت او الصالون و لازم تخلي شعرك رطب بالكريم او سيرم او زيت حسب اللي تستخدميه ...و اهم شي نفس اليوم اللي بتسويه روحي صالون و استشوري شعرك عشان تكون النتيجة حلوة....عسى اكون افدتك حبوبة..
-
26/02/2011 11:57 PM #4عضو نشيط
- تاريخ الانضمام
- 14/12/2010
- الجنس
- أنثى
- المشاركات
- 548
ووين يسوا جلسات حمام زيت وبخار؟؟ ف أي صالون حبوبة؟
وقصدج اسوي جلسات قبل أو بعد ما استخدم كريم سوفت؟؟
ووين بالضبط يبيعوا كريم سوفت اند بيوتيفل؟ وأنتي جربتيه وكيف صار شعرج بعد الكريم طبيعي؟ ولا تساقط؟
سووووري ع كثرة الأسئلة هع
-
27/02/2011 12:05 AM #5
وأنا أفرفر بالمنتديات لقيت طريقة فرد الشعر
فحبيت أنقلها لكم..
ـــــــــــــــــ
////
لكم الطريقه ...
فرد الشعر ..
هناك فرد طبــيعي بـ استخدام الخلطات لكــن لا يسـتمر طويلا
وفرد باستخدام الاستشوار ..
وهناك فرد كيماوي حاله حـال صبغات الشعر ،، يستمر لـ ثلاث شهور او سته .. على حسب اهتمامك بـ شعرك
وهناك انواع اخرى مثل فرد الكيراتين ، والفرد المائي و و و
ما ابـغى اعطيكم طريقة بـ الفرد انا ما اعرف لها او مو ظامنتها ..
ابــعلمكم على طريقة الفرد بـ استخدام سوفت اند بيوتفل .. متواجد في الصيدليات والعطارين ومحلات التجميل سعره يتراوح مابين 25 إلى 39 ريال سعودي، وهذا اللي اعرفه و استخدمه احيانا
له عدة انواع بالزيت و بالاعشاب و عادي
وله عدة درجات : للشعر الخشن ( super ) ، وللشعر الوسط ( regular)،، ولشعر الاطفال
افضل استخدام اللي بالزيت وللشعر الوسط ..
وان كان شعرك خشن مثل الشعر الافريقي فـ استخدمي النوع المخصص لـ شعرك
-------------------
ملاحظات مهمــه جدا
* يجب ان يكون شعرك مغسول قبل الفرد بـ يوم او يومين
* يكون الشعر خالي من الزيوت او الكريمات
* ان كان شعرك ناعم ، او شبه ناعم ، فلا داعي للفرد .
*اذا كان شعرك كثير وطويل راح تحتاجين لـ كرتونين من الفرد
اما لو كان شعرك قصير او قليل تحتاجين كرتون واحد ..
--------------
مقدمات العمل
طبعا لما تفكــين الكرتون حق الفرد راح تلاقين
1/ ظرف كريم مكتوب عليه حرف A ... هذا تدهنين فيه شعرك كـ وقايه للشعر
2/ علبه B و علبه C ... هذولي هم الفرد .. اخلطيهم سوى بالعلبه الكبيره ..
بس لا تخليطهم الا اذا كنتي جاهزه للفرد .. يعني ماينفع ابدا تخلطينهم وتخليــنهم وقت طويل بدون استخدام . على طول خلط واستخدام
3/ ويوجد بـ الكرتون عود خشبي علشان تستخدمينه بـ الخلط ..
4/ علبه شامبو
5/ علبه بلسم للشعر
6/ علبه مثل الماء هذا تثبيت للشعر
7/ ورقة تعليمات وادخلها قفازات بلاستيك ..
جهــزي مايلي :
.. مرايه .. مشط لتقســيم الشعر .. فازلين ... فوطه تغطين فيها الاكتاف والظهر
ساعه علشان تــنتــبهين للوقت
الان ::
قسمي الشعر كما تعــلمنا في الدرس الرابع من دورت استشوار الشعر .. وهذا الدرس مثبت في القســم لـ اهمــيته .
قسـمتي شعرك ومشطتيه و رفعتي كل قسم بـ شباصه او ربطه و خلصتي ..
ادهــني وجهك بـ فازلين وكذلك اذانك و خلف الاذن و الرقبه من الخلف والامام و يديــنك وذراعك
تدرين ليه .. علشان لو الفرد جاء على هـ الامكان يكون الفازلين يحمي ومايضر جلدك الفرد
.. اخلطي B و C .. جيدا .
والبســي القفــازات
خذي كميه من الخليط وادهني فيها القسم الخلفي من الشعر .. و حاولي تغطين الشعر كله ..
بعد مو معقوله شعر مفرود و شعر خشن هع ..
ثم انتقلي وبسرعه للقسم الاخر وهكذا حتى تصلي إلى مقدمة الشعر
مع الحرص على تغطية الشعر جيدا بالخليط .. حتى يتشربه و يعطي نتيجه افضل
بعد ما تغطين شعرك كله بـ كريم الفرد ..
الان مــلسي الشعر بـ يدينك .. كانك تمسحين عليه مسح الوضوء بس اضغطي عليه
الان جيــبي العود الخشبي اللي خلطنا فيها .. وملسي فيها شعرك
لانها قويه وتملس افضل من اليدين ..
لو كنــتي سبق و حطــيتي حناء او صبغه بـ شعرك راح يطلع لونهم مع تمليس الشعر
يعني مثلا لو كنت قبل شهرين سويت حناء لشعري . و اللحين جايه افرد راح الاحظ ان لون الفرد بدل ماهو كان ابيض راح يكون برتقالي .. ليــــــــــش ...؟؟؟؟ هذا الحناء طلع .. يعني لا تستغربين لو صار معك هـ الشيء
شوفي الساعه . واحسبي يوم تخلصين من تغطيت شعرك بـ الفرد اذا صار لك ثلث ساعه
انطــلقي لـ دورة المياة الله يكرمك وتسبحي
غســلي شعرك بالماء جيدا .. حتى تظنين انه خــلاص مابقى شي من كريم الفرد بشعرك
بعدين جيــبي الشامبو و افركي شعرك فيه زين ..
لو باقي من كريم الفرد بشعرك نقطه ماراحت راح يتغير لون رغوة الشامبو إلى اللون الفوشي
وبتعرفين انه فيه كريم فرد بشعرك ولازم تغسلين اكثر .. اغسلي حتى تتخلصين من الكريم كله
انتهيــتي من غسل شعرك ..
حطي البلســم .. وانتظري دقايق .. على ما تنــتهين من فرك جســمك بتكون مرة الدقايق <-- احلفي ههههههه
اغسلي شعرك و حمام الهناء ان شاء الله
الان نشفي شعرك بالفوطه وحطي عليه العلبه الشفاف اللي داخلها مثل الماء
ومشطي شعرك زين و شديه بـ البكله ..
من بكره راح تلاحظين ان شعرك اختفت التدرجات منه لكن جااااف ؟؟
الحــل كريم شعر قديم معروف بـ اسم كريم ليدا (ابو ورده )..
الله يسلمك دهني شعرك فيه لين يقول اتووووب ههه وركزي عـ الاطراف
وخليه ساعتين ثم تروشي ..
وعلشان تتخلصين من ريحة الفرد مع انها ريحة عاديه بس البعض مايحبها .. بخري شعرك وحطي عليه شويه من المسك الابيض
ونعـيما عليك شعر ناعم و لين وخالي من التجاعيد وريحته حلووووه ..
لا تنــستانين كثير
كل شي وله مقابل .. صح انك حصلتي على شعر ناعم خلال نصف ساعه
لكــن لازم اهتمام بالشعر بعد الفرد حتى مايتكسر شعرك خاصه لو كان شعرك جاف
استخدمي زيت لشعرك
واذا كنتي بالبيت لفي شعرك كعكعه او جديله او اي تسريحه حلوه و تناسب ستايلك بس اهم شي انها تلم اطراف الشعر
لا تكثرين استخدام مجفف الشعر ( الاستشوار )
لو بغيتي تعيدين فرد شعرك بعد 3 شهور .استخدمي الفرد الخاص بـ الاطفال
لانه خفيف ومايضر الشعر مره .. وبنفس الوقت يفرد . وينفع اكثر شي للي سبق وفردت شعرها
او للشعر الاطفال ..
دعواتك لي
-
27/02/2011 12:17 AM #6عضو نشيط
- تاريخ الانضمام
- 14/12/2010
- الجنس
- أنثى
- المشاركات
- 548
ثااااااااانكس قلب ظفارية ع المعلومات^_^
-
03/03/2011 12:53 AM #7عضو نشيط
- تاريخ الانضمام
- 14/12/2010
- الجنس
- أنثى
- المشاركات
- 548
من عند معلومات عن الموضووووووع؟؟؟؟؟؟؟؟؟؟
من جرب سوفت اند بيوتيفل؟؟؟؟؟؟؟؟؟؟؟؟؟؟!!!!!!!
-
03/03/2011 10:31 PM #8عضو نشيط
- تاريخ الانضمام
- 09/08/2008
- الجنس
- أنثى
- المشاركات
- 104
اختي اعرف وحده قريبه مني سوته
شعرها نوعيته وسط لا خشن ولا ناعم بس متموج بزياده شوي
من سوته تساااااااااااااااااااقط شعرها رغم انه كثيف بس التساقط كان خصله بخصلتها تخيلي !!
من سوته تقريبا خسرت ربع شعرها من التساقط .. غير القشره الفظيييييعه اللي صابتها منه ..
ما انصح فيه ابدا .. من بعد ما شفت تجربتها .. هذا وهي نوعية شعرها صحية وقوية .. بس الحين شعرها تدمر !
-
04/03/2011 02:16 PM #9عضو نشيط
- تاريخ الانضمام
- 14/12/2010
- الجنس
- أنثى
- المشاركات
- 548
زين نبهتيني ميمو
أنا نفس الشي شعري وسط مو خشن
والله ما نعرف شو نسوي حج شعورنا
كنت ناوية اسوي كيراتين أو اليوكو الياباني بس نفس الشي قالوا يتساقط
يعني ما شي حل أبدا؟!!!!
الحين بصيح هع
-
07/03/2011 11:30 PM #10عضو نشيط
- تاريخ الانضمام
- 09/08/2008
- الجنس
- أنثى
- المشاركات
- 104
اي شي غير طبيعي لازم ياثر فالشعر .. وانتي تسوي شي ع حساب شي ثاني
حاولي تدوري خللطات طبيعيه افضل .. مفعولها بطئ بس افضل بمية مره .. واصح طبعا
مواضيع مشابهه
-
[ معروض ] كريم ولوسيون هيرباتون لعلاج تساقط وهيشان الشعر والثعلبه وزيادة كثافة الشعر متوفر عند المندوبات
بواسطة ايموفافا2006 في القسم: ادوات التجميلالردود: 172آخر مشاركة: 23/07/2014, 03:42 PM