شنو ألبس تقليدي في عرسي ؟؟؟؟

**كوكب النور** · 31/12/2010 02:26 PM

السلام عليكم ورحمة الله وبركاته

عرسي ان شاء الله بيكون بالبيت وعائلي اهل وجيران ومعارف ، وحابة ألبس لبس تقليدي بس يكون كشخة وراقي جدااااااااااااا.

اولا بشنو تنصحوني ؟؟؟ انا حاطة ببالي ألبس عماني بس ابي اسألك هل يصير مع العماني ما اتحجب ؟ يعني أسوي شعري مفتوح وشوية كيرلز واحط شيلة العماني الكبيرة عالراس او الكتف ؟؟؟؟ ام لازم بالعماني تحجيبة وسوالف؟

ثانيا حد يعرف محلات او حريم يبيعون عماني وملابس تقليدية تكون راقية جدا جدا وكشخة وتشابه تصاميم نوال الهوتي وأنيسه الزدجالي ؟؟؟؟ بس بأسعار معقولة يعني عالاكثر 150 الى 200 ريال ؟ سمعت انه في حريم يفصلون مثلا القطعة في الهند وباكستان وتكون تفصيلات رهيبة للتقليدي ويبيعوها بس تعرفو وين احصلهم ؟

ساعدوني يا بنات ربي يجازيكم كل خير

**كوكب النور** · 31/12/2010 02:41 PM

......

**ام نضال** · 31/12/2010 05:28 PM

الف مبروك عزيزتي... يا سلام عرسك ان شالله بيكون روعة واااااااجد... ما في احلى من العماني الاصيل
اتمنى اساعدك والله بس اعرف وحدة تفصل ف الهند شغلات رهيبة بأسعار واجد حلوة ومعقولة

من زمان ما تعاملت معاها بس برسلك رقمها والله يوفقك يارب

**أحاسيس أنثى** · 31/12/2010 05:29 PM

مبرووووك مقدما ... للاسف ما قد لبست عماني ولا اهلي يلبسونه ...

عسى تحصلي رد يفيدج

**كوكب النور** · 31/12/2010 06:21 PM

مشكورة وايد عزيزتي ام نضال ، ومشكور احاسيس انثى عالرد

**سفيرة في أرض الوطن** · 31/12/2010 06:56 PM

تابعي الخاص

**أحلى مسقط** · 31/12/2010 10:15 PM

اختي العماني ميزته بحجايه والذهب ولبسته الاعتياديه التقليديه

ماحلو ابدا تلبسي عماني وتسدلي شعرك العماني بيفقد رونقه العماني بكامل لبسته وحجابه

البسي عماني والبس الاكسسوارات وتحجبي يطلع جميل

واذا تريدي تشلي شعرك البسي فستان او نشل ولا مخوره ولا شوفي فساتين مغربيه

**دره14** · 31/12/2010 10:24 PM

من رايي اللبس العماني احلى بالتحجيبه

ممكن تلبسي اليمني المطور وتفتحي شعرك وتعملي الكيرلز نفس ما قلتي
وتحطي الشال بتاعه ع الراس بنفس ستايل الطرحه وبيطلع شي شي

ومبروك مقدما

**طالبة التقنية** · 31/12/2010 10:47 PM

العماني م حلووو بدون حجااابي بس اليمني المطووور حلوو بدون حجاب فووقه الشااال ماااله

**صمتي حكايه** · 01/01/2011 01:13 AM

اذا تريدي رقم نوال الهوتي ممكن اعطيش ،،
لانها تقربلي ،،
والاسعار ترا بين 400 وفوق ،،

**e7saas** · 01/01/2011 07:59 AM

انا اقولج ..
ألبسي الظفآري .....

روووووووووعه مع الشعر المرفوع والميكب .. بيطلع جنااااااااااااااااااااااا ااااااان ..

**كوكب النور** · 01/01/2011 08:51 AM

مشكوووووورات بنات وايد وايد

طيب اليمني المطور وين احصله؟؟؟؟

هل تعرفو محلات تأجر ؟ وابي بعد اعرف وين احصل مثلا اماراتي او بحريني او هندي بس راقي وكشخة يناسب ليلة العرس؟ يعني ابي احط عدة اختيارات واشوف المناسب.

**إبراهيمية** · 01/01/2011 10:46 AM

مبروك ربي يتممها على خير وتوفيق وسعاده يارب ،,

أنا حضرت عرس بالبيت العروس لابسه لبس تقليدي بس لما تشوفيه تفكريه فستان
لونه بيج على أبيض ويشبه قماش الفستاتين
وكان القماش كله خرز زشك
أعتقد تحصليه بالبواب بالخوير أقمشه فساتين عرائس
أو مزون بروي
اللون الابيض أو البيج أحلا شي للعروس

وكانت عامله تسريحه وباقه للمسكه والطرحه طويله من الخلف
وحاولي لون النعال_الله يكرمكم- بيج أو أبيض كعب

شرح اللبس :
((لبس لتحت الركبه وتحته سروال طقم كأنه عماني بس أخر الدشداشه حركات من القماش نفسه وخرز))
والطرحه نفس القماش بس شفافه وطويله من الخلف وبالاطراف حركات دلع

كان اللبس كشخه مهما كان بسيط بس القماش مبيننه فخم
ممكن تلبسي عليه إكسسوارات فضيه

وتطلعي ولا أحلا
بالتوفيق
واي خدمه نحن جاهزين بعون الله،,.

**كوكب النور** · 01/01/2011 11:31 AM

اختي ابراهيمية مشكورة وايد

اذا تعرفي البنت ممكن تساليها هل تأجر اللبسة؟

**رتوش الخليج** · 01/01/2011 12:06 PM

أرسل أصلا بواسطة كوكب النور

مشكوووووورات بنات وايد وايد

طيب اليمني المطور وين احصله؟؟؟؟

هل تعرفو محلات تأجر ؟ وابي بعد اعرف وين احصل مثلا اماراتي او بحريني او هندي بس راقي وكشخة يناسب ليلة العرس؟ يعني ابي احط عدة اختيارات واشوف المناسب.

ممكن تحصلي عند رتوش الخليج

ظفاري ع يمني مطور

**شذى الورود** · 01/01/2011 02:08 PM

أرسل أصلا بواسطة e7saas

انا اقولج ..
ألبسي الظفآري .....

روووووووووعه مع الشعر المرفوع والميكب .. بيطلع جنااااااااااااااااااااااا ااااااان ..

وانا رأيــــــــــي من رأي الاخت ............

**جنة85** · 02/01/2011 09:05 AM

العماني مب شي مع التسريحة

بس الظفاري والصوري حلوين مع التسريحة

انا في عرسي لبست صوري مع تسريحة ما ادري اشلون اشرحلك بس طلع رهيب
واللبس فصلته في باكستان

**سيدة اعمال** · 02/01/2011 10:13 AM

لبسي ظفاري او صوري مع التسريحة

العماني حلاوته مع الذهب

**مثابره** · 02/01/2011 10:25 AM

الفستان احلا شي

**باقة ورد** · 02/01/2011 11:58 AM

هلا عزيزتــي كوكب النـــور،،
ألف مبروكـ وربي يتممـ لكـ زواجكـ على خير

تابعـــي الخـــــــاص ..

**ساعة صمت** · 02/01/2011 02:01 PM

أرسل أصلا بواسطة جنة85

العماني مب شي مع التسريحة

بس الظفاري والصوري حلوين مع التسريحة

انا في عرسي لبست صوري مع تسريحة ما ادري اشلون اشرحلك بس طلع رهيب
واللبس فصلته في باكستان

لبس صوري فباكستان؟

كيف
اصلا يخيطنه صوريات

يمكن بلوشي اللي لبستيه وليس صوري اصلي
من قالج الصوري ينفع مع تسريحه

انا صوريه
ماينفع الثوب او بما تسموه القبعه لازم تنحط ع الراس

وذا عملت تسريحه بيغطيها القبعه

بس الظفاري حلو بدون تسريحه

والصوري اكيد جونان بس ما ينفع تحط القبعه تحت يعني بيطلع مبهذل وشكله غير

روحي سوق السبله وسوي طلب هالتصميم اللي تبغيه وان شاء الله الاخوات مبيقصرن معج

**سماء الحرية** · 03/01/2011 08:30 AM

انصحك بالظفاري
انا لبست ظفاري ف الصباحية وخليت شعري مرفوع وايد حلو كان

**جنة85** · 03/01/2011 08:39 AM

أرسل أصلا بواسطة ساعة صمت

لبس صوري فباكستان؟

كيف
اصلا يخيطنه صوريات

يمكن بلوشي اللي لبستيه وليس صوري اصلي
من قالج الصوري ينفع مع تسريحه

انا صوريه
ماينفع الثوب او بما تسموه القبعه لازم تنحط ع الراس

وذا عملت تسريحه بيغطيها القبعه

بس الظفاري حلو بدون تسريحه

والصوري اكيد جونان بس ما ينفع تحط القبعه تحت يعني بيطلع مبهذل وشكله غير

روحي سوق السبله وسوي طلب هالتصميم اللي تبغيه وان شاء الله الاخوات مبيقصرن معج

حبيبتي انا عملت تسريحة وحطيت القبعة فوق الراس مب تحت ..
وفي وايد مصممات عمانيات يفصلن الملابس هناك وانا بروحي شفت محلاتهم وباساميهم بعد وطبعا يفصلوا اللبسة هناك 50 ريال وهنا يبيعنه 400 ريال

وهذا هو اللبس
http://www.s-oman.net/avb/showthread.php?t=892154

**كوكب النور** · 03/01/2011 08:51 AM

وايد مشكورات بنات

انزين ممكن صور للتسريحات المرفوعة اللي تناسب لبس صوري او ظفاري

**Noor83** · 03/01/2011 09:01 AM

شوفي الخاص

**كوكب النور** · 08/01/2011 07:27 AM

مشكوووورات

**Umhatim** · 08/01/2011 09:36 AM

تابعي الخاص يالغلا

**قلبي ملكي** · 08/01/2011 01:44 PM

لبسي ضفاري وعملي تسريحه مرفوعه بطلعي شي

**كلي امنيات** · 08/01/2011 06:07 PM

غاليتي
اختي بملكتها سوت تصميم مع نوال الهوتي

بس صوري وظفاري يعني مطوووور

وكثير حلو
وسوت برقع شكله حماسنج
وسوت ربطه للشعر مثل القماش كامل شك
وسوت تسريحه
وطلعت فن
ممكن تاخذي الفكره

**عطر رومانسي** · 08/01/2011 06:59 PM

مبارك لك أختي..

بصراحة ما عندي فكرة عن العماني_ما نلبس أبدا

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: شنو ألبس تقليدي في عرسي ؟؟؟؟

أدوات الموضوع

البحث في الموضوع

نمط العرض

شنو ألبس تقليدي في عرسي ؟؟؟؟

أف مبروووكـ ،,.

قواعد المشاركة