تجرية نيسان سينترا وسيرفس وكالة ...

[أبوالطيب]

بسم الله الرحمن الرحيم



الوالد اشتري نيسان سينترا 2016
1.6
رقم واحد
شاشة نفجيتر + رنقات وغيرها من المواصفات


سيارة جميلة جدا وعزم ممتاز برغم محرك 1.6
جربنها مع كرولا 1.8 2015 وارد وتطلع السينترا

السيارة استخدام الوالد.

بعد 6 اشهر استخدام كملت 2000 كيلو فقط

اتصل وكالة نيسان

وقالو لنا لازم نسرفس السيارة

واول سيرفس مجاني تراه

قلنا السيارة بعدها ماكملت المسافة وهي 10 الف



قال لنا لازم تجي لانه مرت 6 اشهر ولا بيضيع الضمان

المهم الوالد راح وشلها
وبعد السيرفس

الوالد حس تغير كبير في السيارة

العزم ضعيف
الصرفية زادت
نفضة اثناء التشغيل ولما تسخن تخف لكن محسوس
صوت تكتكه في المحرك


المهم الوالد جاي يشكي صوبي انا اخوي

قلنا هذا 200/200 من الايل

ورحنا اقرب بنقالي معه حفرة عشان نبدل ايل

واشترينا ايل نيسان الذهبي 5W30
مع الفلتر

السيارة تشل 3 ليتر حسب الكتلوج
وبدلنا الايل بريال مع البنقالي

والسيارة رجعت عافيتها نفس اول
النفضة
العزم
الصرفية
كله تحسن ورجع نفس

اول

نصحية

سيرفس وكالة نيسان

الله يستر
معرف اي نوع يستخدمون من الايل

لانه اكثر من سيارة متأثرة

واحد الأصدقاء نفس سالفتنا
بضبط في التيما 2016
وسرفس برا في كراج معتمد درجة اولي ايل الماني ورجعت عافيتها

واحد الاصدقاء ايضا في نيسان باترول 2016 400 حصان

هو ما احس بضعف العزم بسبب محرك النسيان الجبار

لكن بعد ماسرفس خارج الوكالة قال الموتر وايد تغير عليه كانه أشتري جديد


الموضوع تراه وايد ناس متأثرين ونحن من ضمنهم

لكن الحمد لله موجود معنا فرع لوكيو مولو نسرفس معهم حاليا واسعار مناسبة وخدمة مميزة

نصحية فقط استخدم ايل 5W30
فقط وبتحس الفرق الهائل

[King Sami]

كلامك صحيح اخي العزيز

لكن اللي اعرفه انه وكالة النيسان عندها نوعين من زيت المحركات و 5W30 متوفر عندهم , لكن اتوقع انه العامل المكلف بالصيانة حط زيت 20W50 علشان كذا تأثرت السيارة

المشكلة اغلب الوكالات تستخدم نوعية 20W50 وهذي النوعية ثقيلة جدا على محرك السيارة وتصلح للموديلات القديمة جدا

و الحين تقريبا كل السيارات الجديدة تستخدم تركيبة 5W30

[صهيب الحارثي]

وكالة او تي اي ع كلام الموظف يستخدموا 10ω30 ،بالنسبه لموضوعك ابو الطيب حل شيوبه انا افضل انهم يصينوا سياراتهم في الوكاله او مكان معتمد لتفادي المشاكل وهم عادي يفضلوا يدفعوا اكثر مقابل الراحه ،تحياتي لك وشي زين انك وضحت سلبيه من سلبيات الوكالة لان بعض الناس تفكر ان الوكالة مثاليه 100%

[وسام الأمجاد]

نشكرك على التنبيه وإن شاء الله المقال يفيد الجميع.. مستغرب من الوكالات عندنا يستخدمو الآيل الثقيل حتى الآن، جميع السيارات الوارد من 15سنة يستخدمو 5w30 والآن متجهين إلى لزوجة أفضل.. ونحن ربعنا فاهمين اللزوجة خطأ يقولك يتأثر بالحرارة(شو دخل اللزوجة في الحرارة!)

الآيل حتى لو كان لزوجته خفيفة مصمم انه ما يتأثر بالحرارة عكس السائد عدنا.. الآيل ذو لزوجة ثقيلة يدمر المحرك ويعدم البستنات.

المهم مستغرب من السنترا كان طلعت عل الكرولا الوارد

[أبوالطيب]

المهم الوالد قررر انه مايصين في الوكالة بعد تجربة اول سيرفس


وصديقي راعي التيما 2016
بروحه مستغرب يقول
انه سرفس 3 مرات في الوكالة لانه سيرفس مجاني لين 30 الف
ويقول السيارة يحسها ثجيلة وعزم ميت

خاصة من تكمل 3 الف من السيرفس
والسكان ينفض

ولما سرفس خارج الوكالة ونوعية الايل بنفسنا اخترناه 5W30
تغيرت تغير جذري كانك طلعتها من الوكالة


وايضا صديقي راعي النيسان بترول اتصلو فيه الوكالة

قالو له ليش ماتجي تسرفس

قال بس مابا

وعطوه عروض وقالو بنرخص والخ

واصر علي رأيه بسبب الاختلاف اللي لاحظه بعد اول سيرفس خارجي

[NITRO]

هو حاليا فعلا نيسان اضافت خيار 5w30 للعشرة اللاف
بس سعره نوعا ما مرتفع
وما اعتقد انه زيت ذو جودة

بارك الله فيك

[أبوالطيب]

هو حاليا فعلا نيسان اضافت خيار 5w30 للعشرة اللاف
بس سعره نوعا ما مرتفع
وما اعتقد انه زيت ذو جودة

بارك الله فيك

اضافة خيار 5W30
وتحصله في العربية
وسيرفس وكالة نيسان مايستخدمونه

اللي اعرفه انه
معهم درام ايل

يغرفون منه لكل السيارات
ديزل
بترول
8 سلندر
6
4
ويعطونك من راسهم
هذا 10 الف
وهذا 5 الف

الله يستر

[وسط الحشا]

انا سرفست خارج الوكالة بسبب السعر الخيالي و نص ساعة مخلص مشكلة وكالة النيسان يقولك خلها الصبح و استلمها المغرب عشان تبديل آيل و برع الوكالة ١٠ دقايق

[suliman112]

هو حاليا فعلا نيسان اضافت خيار 5w30 للعشرة اللاف
بس سعره نوعا ما مرتفع
وما اعتقد انه زيت ذو جودة

بارك الله فيك

@NITRO
هل ينفع للماكسيما من 2010 وفوق ؟؟؟

[NITRO]

اضافة خيار 5W30
وتحصله في العربية
وسيرفس وكالة نيسان مايستخدمونه

اللي اعرفه انه
معهم درام ايل

يغرفون منه لكل السيارات
ديزل
بترول
8 سلندر
6
4
ويعطونك من راسهم
هذا 10 الف
وهذا 5 الف

الله يستر

ايوه هم يستخدمو زيت مختلف بالوكالات معهم درامات
ما اعرف اي شركة
سمعت سيرفو

[NITRO]

@NITRO
هل ينفع للماكسيما من 2010 وفوق ؟؟؟

@suliman112
نعم هذا الموصى به

[terbo911 343]

والله ما تعرف اهداف الوكالة وليش تستخدم هذي الزيوت

ام ان الكادر غير مهيئ ويحط اي زيت

شكرا ع التنبيه.