الكذب عند بعض الحنايات

[غيوم عبري]

بما انه قابل علينا عيد كالعاده ندور حنايات عشان نتحنى حناء اوكيه
لكن الحذر من بعض الحنايات
اختي تعرفت على بنت بالانستقرام منزله صور حناء حلوو كثير ودقيق ومنظم
ولما رحنا عندها اول شي قالت لنا مامعنا زحمه ولما رحنا لاقينا المكان معبي زحمه ومليون وحده هناك مع انها قالت ماشي زحمه
وانتظرنا فوق 6 الساعات ولما جت تحني اختي الصدمه.....!!!!1
نقشها حتى للاطفال فضيحه..رسمت رسمه لو اسويها لطفل ماتعجبه يعني
وايدها كانت تهتز وفيه بنات طلعن من معها بعد مشاجرات كثيره
ووصلت للسب

بعض الحنايات وليس الكل يستخدمن صور غيرهن على اساس انه شغلهن هن و ايدين بنات الناس هي الضحيه
ومن غير الاسعار المبالغ فيهن اوقات الاعياد
ومن غير زحمه ولانتظار بالساعات
لذالك نصيحه
للبنات لاتسيري مع حنايه ماتعرفيها وماشفتي حناها الا بايدين بنت
ولاسون استكرات عن لمذله والانتظار

[السفيرة الملكية]

انا من يوم سون لي حنا أي كلام مال بسرعه صرت مااروحلهن. .صرت أخلي بنت اختي تحنيني ...والحمد لله بنت اختي حناها ماشاء الله الحين صارت تحني عرايس وارتحت من الزحمة وامسك دور وارتحت من حنا أي كلام.

[SILVER STAR]

انا ما أسوي حناء في الأعياد لأن ما نروح مكان كله ف البيت مرتاحة ، فلوس الحناء روحي تمشي بهم او اشتري شي حلو للعيد بدل حناء يخلص ف يومين من غير الزحمة تضييع وقت واسعار نار ، لو تعرفي وحدة من عائلتج او جارتج تحني أحسن غير كذا مافي حل غير الملصقات

[الجمال الصامت]

نوبه انا ما اتحنى واذا تحنيت شي استيكرات

[الشيخة ميرا]

نحن حجزنا عند وحدة وعندها فلورز فوق 108 ألف

وقبل ساعتين كنسلت موعدنا ... مرة تقول رأسها ومرة تمرّض أمها ... كذابة

لا تصدقوا هـ الأشكال وخاصة الحنايات

[Silentworld]

انا احني نفسي بنفسي فيديني ورجولي

[نسيم الياسمين]

حتى انا مرة شفت حناء بنت تحني من الانستغرام...والصور لماتشوفيهن تقولي رووعه..ولما رحنا عندها تفاجأنا انه حناها ابدا ما حلو.. الحمدلله اننا بعدنا كنا ننتظر دورنا وجالسه تحني بنات قبلنا... من شفنا كذا حناها اعتذرنا وطلعنا من عندها

[غيوم عبري]

@السفيرة الملكية
تراه عشان زحمه يسون عاد شخابيط اهم شي لفلوس
يعني عادي يجيبن 100 بنت بيوم واحد ويسون اي شي بس عشان فلووس
يبالي اخليها تنقشلي بنت اختك
وانتي سويلي واسطه قوليلها من طرفش

عب زين لقيت حد يحني اباش تساليها سؤال عن لحناء اذا مامعش مشكله

[غيوم عبري]

انا ما أسوي حناء في الأعياد لأن ما نروح مكان كله ف البيت مرتاحة ، فلوس الحناء روحي تمشي بهم او اشتري شي حلو للعيد بدل حناء يخلص ف يومين من غير الزحمة تضييع وقت واسعار نار ، لو تعرفي وحدة من عائلتج او جارتج تحني أحسن غير كذا مافي حل غير الملصقات

صحيح مانسير مكان بس يعني تحسي عمرش كشخه
ويطلع حلو ونوبه لحناء من مظاهر لفرح عشان كذا حلو للعيد
بس مثل ماقلتي مشكله الاسعار الناريه والاستغلال بو يسوونه قبل لعيد

[غيوم عبري]

@الجمال الصامت
نتيه مريحه راسش عن الصدعه والله
بس بعده لحناء مال حنايات احسن

[غيوم عبري]

@الشيخة ميرا
لاوالله حلوه ذي بعد تكنسل
شوسويتن لها نزينن؟؟
مامعقوله سكتتن عنها صراحه
حركه ابدا ماحلوه لو منكن كان شهرتبها جزاء على مافعلته

[غيوم عبري]

انا احني نفسي بنفسي فيديني ورجولي

مشكله ان حنيت عمري اقدر احني يدي اليسار بس اليمين؟..@@
واخرتها ياليته يطلع حلو
راسمه ورده بايدي وامي حسبتها بيت
ومن يومها ماحنيت عمري

[غيوم عبري]

حتى انا مرة شفت حناء بنت تحني من الانستغرام...والصور لماتشوفيهن تقولي رووعه..ولما رحنا عندها تفاجأنا انه حناها ابدا ما حلو.. الحمدلله اننا بعدنا كنا ننتظر دورنا وجالسه تحني بنات قبلنا... من شفنا كذا حناها اعتذرنا وطلعنا من عندها

شيمه خبريني عنها ذي ع الاقل لو بلخاص
عشان مااقع ضحيتها

[غيوم عبري]

خلاص بنات تعلمن احسن

[السفيرة الملكية]

@السفيرة الملكية
تراه عشان زحمه يسون عاد شخابيط اهم شي لفلوس
يعني عادي يجيبن 100 بنت بيوم واحد ويسون اي شي بس عشان فلووس
يبالي اخليها تنقشلي بنت اختك
وانتي سويلي واسطه قوليلها من طرفش

عب زين لقيت حد يحني اباش تساليها سؤال عن لحناء اذا مامعش مشكله

تحني عادي ماعندها مشكلة وبدون واسطة. @غيوم عبري

[الشيخة ميرا]

@الشيخة ميرا
لاوالله حلوه ذي بعد تكنسل
شوسويتن لها نزينن؟؟
مامعقوله سكتتن عنها صراحه
حركه ابدا ماحلوه لو منكن كان شهرتبها جزاء على مافعلته

وبعده مأخذه عربون كانت ... وإلين ترجعه يبغالها واحليلها
معليه الله بيأخذ حقنا

[عيون الجرناس]

من ظهرن الاستيكرات ... صراحة عافيت الحنايات
كلما لفت نظري نقشة معين اشتريتها


والامور طيبة ..

[صاحبة السعادة]

أنا عن نفسي أعرف الحنايات وأجربهن من قبل العيد وبيني وبينهن تعامل يعني زبونة دائمة ...


ولكن


في العيد أستكاااود اروح بصراحة ...

أتحنا مع زوجة حميي أو أحني نفسي (مال حاجات بسيطة) أو استكرات ...


هو حلو التغيير وكذا ومرات أقول بحجز مع فلانة وأول ما أذكر الزحمة أكنسل ...لأني ما أحب الإنتظار وخاصة قرب العيد أغلب الوقت عندنا شغل ما نلحق ع شيء ..


عشان كذا اشفر الحنا مع الحنايات للمناسبات و الأيام الخاصة ويوم يدق ف الراس




وبخصوص حنايات الانستغرام ما أعتمد عليهن ...

إذا تدوري ع حناية سألي البنات وخليهن يراونك شغل الحناية ف يدهن عشان تتأكدي قبل لا تروحي..

وسألي بعد عن الأسعار ..إذا ما ناسبك لا تروحي ...

وسلامتكم

[بسمة س]

صابني نفسكم يختي وحده من شناص حناها فالصور ماعليه كلام ويوم حجزناها حق عرس أخوي لا وبعد تاخذ عربون

الصدمه.................حناها لوووووووووعه وهونت قلت فداج العربون مااريد شي وفوق هذا بطيئه جدا جدا

[أمواج الحياة]

بخصوص الحناء
دايما نشوف الواقع غيييير عن الصور
لكن جربت حناء مع حرمه وطلع أجمل بكثيييير عن الصور
والأحلى انها تبدع من ذوقها وما تقلد

[البسمة الدائمة]

يا حظها الي فيها بارض وما تتحنى فالعيد انا حاولت وحاولت وللاسف ما قدرت يوم ما اتحنى في ايدي ورجلي وحنا محترم ما احس بطعم العيد لا يردني استكر ولا غيره رجلي ممكن استيكر

بس يدي لا والله حشا والف حشا وزوجي دوم يتنازع تضيعي وقتك ومن غير كم مره تصيري مواقف فالصالونات ونعم ما اسكت اصفدها الحنايه زين ما زين ما اقصر فيها دام ما معها اسلوب مع الزبونه

والحمدلله الفتره الاخيره صرت اتعامل مع حنايه لو انتظرت ما انتظر كثير ومن غير اسلوبها عسل ما شاء الله وذوق كذا الحنايات ولا بلاش ما شحطه على الفاضي

[SILVER STAR]

يا حظها الي فيها بارض وما تتحنى فالعيد انا حاولت وحاولت وللاسف ما قدرت يوم ما اتحنى في ايدي ورجلي وحنا محترم ما احس بطعم العيد لا يردني استكر ولا غيره رجلي ممكن استيكر

بس يدي لا والله حشا والف حشا وزوجي دوم يتنازع تضيعي وقتك ومن غير كم مره تصيري مواقف فالصالونات ونعم ما اسكت اصفدها الحنايه زين ما زين ما اقصر فيها دام ما معها اسلوب مع الزبونه

والحمدلله الفتره الاخيره صرت اتعامل مع حنايه لو انتظرت ما انتظر كثير ومن غير اسلوبها عسل ما شاء الله وذوق كذا الحنايات ولا بلاش ما شحطه على الفاضي

انا تقريبا فوق ٥ سنوات ما أتحنى فالعيد لأن عيدنا ممل وحدي بنت وأخ واحد والثاني ف الدوام يعيد وبس كله في البيت ما نطلع الا المساء نروح نسلم ع جدتي ونجلس تقريبا ساعتين عندها وخلاص ، وفِي العائلة مافي بنات بعمري لأني اكبر حفيدة والبقية اصغر عني تقريبا ب ١٠ سنوات وأكثر ونص العائلة ما يعيدوا في مسقط أصلا وما أشوفهم الا بعد العيد بفترة فما أتشجع أحط حناء والحمد لله مرتاحة ههههههههه

[عبق نزوى]

انا بس مرة وحدة صار لي موقف مع حناية اتذكر اسمها ف الانستا بعد كهرمان

حجزت لعرس اخوي ولما جا يوم الموعد رسلت لها علشان اعرف وصف البيت وم استلمت وحاولت اتصل بها الجهاز مغلق وانتظرت لحد العصر قلت يمكن تتواصل معي ولا تواصلت ولا ردت ولاشي

هذك اليوم بحثت عنها هنا ف السبلة وحصلت لها رقم ثاني واتصلت وردت علي وحدة طلعت اختها وخبرتها وقالت انا م موجوده ف البيت وم اعرف وين اختي وكذا ولا رضت تساعدني

لكن م قصرنا فيها انا واختي وحشيناها ف الانستا وبعد سوت لنا بلوك
واعتقد هي للحين بعد تحني تحذرن تتكفرن بها
لانه بعد صارت حال اختي قريب حجزت عندها وجت قبل بيوم قالت لها م اقدر احنيش

طبعا هن لما يحصلن الي احسن يدقن طاف

عن نفسي من النوع الي عادي عندي اجرب، احجز واروح اذا الحنا حلو ترا استمريت معها واذا ما حلو تكون المرة الاولى والاخيرة

والحياة تجارب مرة تصيب ومرة تخيب

[ام نوح]

ماشي كما استيكرات فن الابداع كل مرة ينزلو اشكال جميلة وحلوة وعملية لا كوافيرات ولا حجوزات ومذلة ولا خرابيط وما نخسر فلوسنا على الفاضي الحمدلله بنات العيلة كلهن يستخدمن لاستيكرات وروعة

اشكالهن على الايدي

[بنت السالم]

فعلا كذابات ومخادعات ينزلن صور والواقع غير ويطلبن مبالغ خيالية الله لا يسامحهن

[عذبةالمشاعر]

الله يهديهن ..

[totasoni]

ياربي كم بنت طاحت لنفس المشكلة ..