عرق الخباط أو العرق النابض في السرة

[سوار الياسمين]

السلام عليكم أخواني اخواتي

من فترة وانا اعاني من آلالام وسبق وطرحت موضوع عسى ولعل اجد حل لهالشي عندكم

كنت اعاني من حراره في وسط الصدر حرارة قوووووويه بحياتي ما حسيت فيها متعبه جدا
وبعدها صرت اعاني مع هالحرارة مثل الانقباض ف صدري وقلبي واحيانا طعنات ف جانب اليمين والشمال وامرات احس بخمول وتعب وكسل مفاجئ

واحيان احس بثقل ف منطقة الصدر والظهر يعني نفس البالون تحت صدري يضيق النفس

زرت كل العيادات والمستشفيات وعملت فحوصات وكطل شي سليم حمد لله وما زال الألم مستمر
مدري ليش لما ما يعرفو بالمره يرجعو هالشي للحموضه مع اني مجربة الحموضه قبل واعرف ان هالشي ماله علاقه فيها نهائيا

رقيت نفسي وواضبت على الاغتسال بالملح والسدر

والاعراض بعدها تخف وتزيد فجأه

مع خوف ووسووسة وقلق

بداية كل هذا كان سببه صدمه مفاجأه صاحبها خوف شديد استمر معاي
صرت أخاف من كل شي أبسط الأشياء او الأصوات تخوفني
بعدها تتابعت معي هالاعراض


من يومين رحت أمسح عند حرمه ومسكت السره ( الصرار ) وتحسست نبض قوي فيه وبالمره قالت أن سبب اللي فيني هالعرق لما ينبض ويصير ف مكان ما مكانه
بالاول ما صدقتها ويش دخل هالعرق ف اللي احس فيه

رجعت للنت وقريت عن هالعرق اللي البعض يسمية الخباط أو الهباط أو الخلعه واللي عادة ينتج بسبب صدمة مفاجأه


اللي عنده خلفيه عن الموضوع ما يبخل فيها الله يخليكم
او يعرف كيف أتعالج منها

[Optimist Fire]

وعليكم السلام ورحمة الله وبركاتة

شوفي هل الموضوع قد يفيدك الله يشفيك @سوار الياسمين
http://avb.s-oman.net/showthread.php?t=2690466

[i am moon]

سوي فحص مال جرثومة المعده يمكن عندك جرثومة المعده
او القولون الشرير

والغازات ترا تسوي نغزات ف الصدر والخاصره

فتق السره علاجه شعبي ( بالوسم او المسح طبعا المسح الم فضيع الحرمه تخلي كوعها ف البطن

امممم شي حريم يوسمن
بس انا شخصيا ما اشجع ع الوسم

شي ناس وسموا وبعد كم سنه رجعتلهم هالاعراض
وشي ناس وسموا والحمدلله تعافوا


لا تفكري ابدا التفكير مرض ويجيب امراض وطلعي غيري ساافري سياحه

معافاية ان شاء الله

أسال الله العظيم رب العرش العظيم أن يشفيك