- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 28 من 28
-
26/01/2013 03:15 AM #1
تنطيف ثروتل للكزسes330 من اعدادي وتجربتي مهم جدأ لأصحاب الكسزات
السلام عليكم ورحمة الله وبركاتة
اخواني الاعزاء اهلآ وسهلا بكم في موضوعي المتواضع الذي امل ان ينال رضاكم وان تعم الفائدة للجميع خصوصا الاغلب يمتلك الكزس الحين وهي مثل ماتعرفو سيارات حساسة جدأ
طبعا مثل ما ذكرت في عنوان الموضوع عن طريقة تنظيف الثروتل للكزسes330 الذي يعتبر جزء مهم من اجزاء المحرك والذي يجب صيانته ولاهتمام فيه لأداء افضل وقياده سلسه واقتصاد في الوقود
اعتقد الكل يعرف شو هو الثروتل وشو طريقة عملة في المحرك وانعكاس ادائة في القيادة
اول شي راح اعرفكم علي الثروتل بدي ك تعريف وعمل:
تعريف الثروتل:هو المنظم المسؤول عن كمية دخول الهواء (اعتماداُ على حاجة السيارة ) وهذى عند الوقوف
اما عند الحركة فيتحكم السائق المركبة في كمية دخول الهواء على حسب السرعة(ضغطة البنزين) فعندها تنفتح بوابة الثروتل على حسب السرعة
ما عمل الثروتل ؟
الثروتل بدى و هو الجزء المسوؤل عن ادخال الهواء الى غرفة الاحتراق وهو كما قيل الانف الذي يتنفس منه السيارة وفي فرق بين حساس الثروتل وثروتل بدي الحساس هو عمله أذا احتاجة غرفة الاحتراق الى الهواء فتنفتح البوابه من دون الدوس على دعسة البانزين الكترونيا.
وهذي صوره توضح موقع الثروتل في محرك السياره.
طبعا المحرك لسيارتي الكزس es330 وهوه نفس المحرك لes300 من موديل 2002 الي2006 للخليجي
والحين نشمر اليدين ونبدي الشغل ونقول بسم الله وقبل نشوف علي السريع شو راح نبطل واسم القطه لكي نوصل لثروتل
طبعا نبدي بالترتيب مثل ما هو واضح فالصورة.
1- البطارية
2- بوكس الفلتر مع الثروتل سنسر
3- دبة الفلتر
4-الثروتل القطعه المهمه
5- مجمع الثروثل
عاد الحين نحتاج الي الادوات و الصوره التاليه توضح شو المطلوب
1- منظف انجن ديجريزن
2- w40 or w80
3- المنظف التلامسي للدوات الكهربائية والاكترونيه وهذا لتنظيف فيش الكهربائيه
والحين نبدي العمل واول شي نشيل البطارية والاسهم توضح مكان البراغي واماكن بعض الانابيب الصغيرة اللي لازم نشيلها بس نحفظ مكانهم عشان لما تخلص تركبهم صح
وبعدها نوصل لبوكس الفلتر نبطل عدد2 براغي من الجوانب ونرفع الجزء العلوي لبوكس الفلتر ونشيل الفلتر
طبعا ايبقي الجزء السفلي من بوكس الفلتر موجود وهنا 3 براغي نبطلهم وبعض الانابيب الصغيرة وكذا يكون شلنا البوكس فلتر
الاسم الصفرا هنا نفصل البوكس من البيب الصغير هذا بعملية شد بسيطه والاسهم الخضرا لباقي الانابيب
وبعدها نوصل للجزء الثالث وهي دبة الهواء وهذي بسيط ازالتها كل ما عليك ان نفك شوي علي براغي الكليبات وتسحب القطعه للامام كما هو موضح في الصورة
وكذا نكووووون وصلنا للثروتل ومثل ما تشوفو يوجد عدة اشياء مرتبطه فية ومصلة معاه وهي:
1- انبوبين ماء
2- فيشة الثروتل الاكتروني
3- 4 براغي
وهذي الصوره لتوضيح
هنا لازم تنتبه جدأ وانت تشيل فيشة الكهرباء لثروتل لكي لاتقطع او تنزع احد الاسلاك من مكانها لان اعادها صعب جدأ
وفي الصوره راح تشوف الطريقة والفيشه بعدما بطلناها
طبعا مثل ما شفتو في اول شي في الادوات انا جبت منضف الاجهزة الكهربائيه ولاكترونيه وهذا راح تستخدموه الحين لتنظيف الفيشة هذي وبعد فيشة الثروتل اير ماس او الساعه مثل مايسميها البعض
والحين راح نوصل للقطعه الاخيرة واللي هي تجي خلف الثروتل ويوجد بها 6 براغي موضحه بالاسهم و2 انبوب هواء
وهذي الصوره للتوضيح
بعد ما نفك البراغي.. 5 براغي راح تطلع كامل وبرغي واحد راح يطلع منه النت بس وتسحبها الي الامام مثل ما واضح في الصورة الجاية
لاننسي نفصل الانابيب قبل لا نشيلها كامل
والحين راح نوصل لمجمع الثروتل وهذا يوجد فيه جازجيت حاذر جدا عليه لا ينقص وسويلة شوي ايل او جريز عشان لما تجي تركب القطعه اللي شلنها قيل شوي ماتقص الجازجيت
وهذي الصوره تبين لك الجازجيت وستحست انك تنظف الفتحات بقطعة قماش نظيفه
والحين عاد روح ريح شوي وبعدها ارجع وافرشلك كرتون وامسك المنظفات وقطعة قماش وبروش صغير وابدا تنظيف
طبعا انا صورت من بعد التنظيف وراح نبدا بالثروتل اول شي
مثل ماشفتو البوابة نظيفه ولا توجد بها اي اوساخ سوداء متراكمه بعد التنظيف
وهذي للوجه الثاني لثروتل
ونجي للقطعه الثانية وفعمل نفس طريقة التنظيف باستخدام الw80 و الدجريزنج
والوجه الاخر
وهذي هي القطعتين بعد التنضيف
والحين بعد ما نظفناهم نرجع نركبهم واريدكم تنتبهو لقطه مهما وهي:
1- في مجمع الثروتل اخر قطعة يوجد 6 براغي وعند التركيب تعمل عملية كروس اي تركب برغي من فوق وبرغي من تحت في عكس اتجاهه عشان تتوازن القطعه صح وتركب صح
2-نفس الحركه في الثروتل يجد 4 براغي وتركب بعملية كروس اي اشارة ظرب او اكس
بعد ما تركب القطع كلها تركب البطاريه وتنتظر15 ثانيه
تتاكد ان جميع القطع مركبة وفي مكانها الصحيح
وتتاكد من جميع الانابين راكبه صح ون البراغب كلملة في مكانها
تشغل السيارة وتحطها شغاله 10 دقائق
عاد في النهاية انصح بانك تاخذ مثل هذي العلبه وتضيفه في خزان الوقود ليكون الشغل سلسم وميه ميه
راح تلاحظ بعد تنضيف الثروتل الاشياء التاليه:
1-اقتصاد في الوقود
2- نعومة وهدو المحرك
3- سلاسه واستجابة اكثر اثناء القيادة
4-واستقرار مؤاشر RPM
الوقت المستغرق في العمل 5 ساعات
تكلفة العمل في الجراجات تتراوح من 10 الي25
وفي الحركه وشغل اليد بركه وخلي سليم وكومار يولووووووووو
وعسي اكون قدمت شي ينال رضاكم
وتقبلو تحياتي......
-
مادة إعلانية
-
26/01/2013 04:42 AM #2
شغل جميل و مرتب اخي الكريم أن شاء الله يستفيد منه الاعضاء اللي عندهم نفس السياره ...
وهذي الامور يبالها رجال ما حريم اشعرفنا نحن بالشغلات هذي حدنا نسوق سياره تاير وما نعرف كيف يبدلوه
يعطيك العافية .
-
26/01/2013 09:58 AM #3عضو عميد
- تاريخ الانضمام
- 26/05/2007
- الجنس
- ذكر
- المشاركات
- 20,302
شكرا أخي على هذا التوضيح
والانسان زين يعتمد على نفسه في صيانة السيارة دام هو قادر وعنده الإلمام..
بارك الله فيك
-
26/01/2013 10:04 AM #4
-
26/01/2013 11:07 AM #5
أبداع منك وخلي كومار يغيب...
والتصوير راقي ومميز..
-
26/01/2013 11:45 AM #6
جزاك الله ألف خير على هذا الطرح الجميل والمنسق
ومثل ما قلت في أشياﺀ فالسيارة ممكن بأنفسنا نصلحهن بس التبرذيلة والإتكالية مشكلتنا
تشكراتي لك أخي
-
26/01/2013 12:04 PM #7عضو نشيط
- تاريخ الانضمام
- 24/12/2009
- الجنس
- ذكر
- المشاركات
- 757
ممتاز جدا
كل الشكر اخي
-
26/01/2013 03:39 PM #8
اشكر مروركم اخواني الاعزاء
واتمني من مشرف السبلة ان يثبت الموضوع لتعم الفائده
واحب اظيف نقطه مهمه,,,,
وهي بعد مانظفت الثروتل بامانه صارة قيادة السيارة ممتعة وسلسه وماودك توصل البيت تريد بس تدور وتدور وتستمتع بالاداء الجميل والهادي خصوصا لمحركات الكزس المشهورة بهذا الشي
-
26/01/2013 03:45 PM #9
اذا ما خاب ظني احد الاخوة كان طرح قبل فترة تجربة للكسز لكن اعتقد موديل اخر وشي حلو نشوف هالتجارب الشخصية
شكرا عالطرح اخي
-
26/01/2013 04:02 PM #10
-
26/01/2013 08:05 PM #11
تشكر جزيل الشكر على الجهد الطيب
وأكيد راح يفيد شريحه كبيرة من رواد القسم
جزاك الله خير
-
27/01/2013 01:21 PM #12
جميل جدا
ماقمت به من جهد شخصي وتقرير مميز
لانه مثل هالاشياء بسيطة وماتاخذ عليك الكثير
بس البعض كله يتكل على لهنود وياخذو عليه مبلغ وربك اعلم بالتنظيف
لكن لما يكون بنفسك بيكون اهتمامك اكبر
وطرحك بيكون ذو فائدة كبيرة لتحفيز مالكي السيارة على الاعتماد على الذات والاستفادة بموضوعك الشيق
دمت لى تميز اخي العزيزوننتظر ابداعاتك القادمة
-
28/01/2013 11:29 AM #13عضو مميز
- تاريخ الانضمام
- 25/05/2011
- الجنس
- ذكر
- المشاركات
- 1,207
عمل مميز
بعض التصليحات في السيارة لابد من الشخص أن يعتمد فيها على نفسه
ما كل شي بسيط نروح نركض الجراج
وهذا توجهي حيث أنني لما أروح الجراج أول مرة أشوفه مو يسوي
وأذا رجعت نفس المشكلة مرة ثانية أصلحه بنفسي
-
30/01/2013 03:38 PM #14
بارك الله فيك
حلو الإجتهاد والعمل الشخصي والإعتماد على النفس
-
04/02/2013 01:44 PM #15
-
05/02/2013 10:44 AM #16
مشكور على هذه المشاركة الطيبة
وأنا متأكد بأن الجميع سيستفيدو منها
بارك الله فيك
وبالتوفيق
-
06/02/2013 08:45 AM #17
-
06/02/2013 10:21 PM #18
مجهود رائع أخي الكريم ماشاءالله تبارك الله عليك
-
07/02/2013 10:28 AM #19
بارك الله لك اخي ....بالعادة انا ايضا انضف الثروتر بنفسي لسيارات اللكزس وبالامس ايضا عملت تنضيف لل 430 الامبراطور وايضا لل es 300
-
19/02/2013 12:04 PM #20
up up up
-
19/02/2013 12:35 PM #21
كل الشكر لطارح الموضوع
-
19/02/2013 11:45 PM #22
موضوع مميز يستحق التقيم
اعتقد لو تسو سلسلة لمجموعة سيارات يكون احسن عشان الفائدة تشمل الكل
و شكرا
-
28/01/2014 09:36 AM #23
ما شاء الله أخي
موضوع مميز بالفعل
توجد لدي أيضاً مواضيع متعلقة بالإعتماد على النفس وعدم دفع مبالغ ضخمة للجراجات عشان شغلة ما تأخذ وقت وجهد كبير وغير معقدة ، والمواضيع موجودة بتوقيعي
-
28/01/2014 07:51 PM #24عضو نشيط
- تاريخ الانضمام
- 20/01/2014
- الجنس
- ذكر
- المشاركات
- 174
مجهووود طيب و تقرير متكامل و الكمال لله سبحانه
يعطيك العافيه أخووي
-
29/01/2014 04:50 AM #25
الله يعطيك العافيه عالمجهود اللي بذلته أخوي
-
04/02/2014 12:45 AM #26عضو مميز
- تاريخ الانضمام
- 29/12/2009
- الجنس
- ذكر
- المشاركات
- 1,146
بارك الله فيك أخي ...
أنا أيضاً أقوم بتنظيف الثروتل لسياراتي ... وأقوم بتغير زيت وفلتر المحرك وتشحيم السيارة .. وآخر مرة كانت لي تجربة في تنظيف الراديتر .. وتنظيف إنارة السيارة من الاصفرار ... ولكنه ينقصني عدم التصوير لكل الأعمال ...
وبصراحة اكتسبت خبرة من النت كثيراً فعندما تحدث عندي أية مشكلة أحاول أبحث عنها في النت حتى أتوصل لطرق حلها .. والشكر لله تعالى ...
عسى في الأيام القادمة أقوم بأعمال وأصورها ...
ودمتم سالمين ..
-
06/02/2014 01:24 AM #27
ما شاء الله شغل جميل ومرتب وواضح ...
-
06/02/2014 09:00 AM #28
شغل جميل وشرح واضح ومرتب..
اغلب السيارات لما الrpm يكون ماثابت يرتفع وينزل اكبر الاحتمالات يكون من الثروتل قبل اسبوع ميتسوبيشي ماجنا كان الريس يرتفع وينزل ماثابت واحيانا تبند..وبعدين نظفت الثروتل والحين امورها طيبه ولا كنه فيها شي الحمدلله..
مشكور ع الطرح الجميل...فآئده تعم الجميع..
مواضيع مشابهه
-
||~~تجربتي االثانية:كيف تخلصت من السيلوليت وتجربتي لكريم بارتنرلاف بالفلفل~~||
بواسطة الضيان في القسم: قسم إهتمامات حواءالردود: 53آخر مشاركة: 08/09/2012, 07:13 PM -
[ استفسار ] تنطيف المصابيح الامامية من الداخل والخارج
بواسطة بياض الثلج2010 في القسم: لوازم المركبات وقطع غيارهاالردود: 3آخر مشاركة: 27/08/2012, 03:39 PM -
[ استفسار ] قيمة ثروتل لومينا
بواسطة jeep94 في القسم: لوازم المركبات وقطع غيارهاالردود: 2آخر مشاركة: 23/04/2012, 02:02 PM