- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 46
الموضوع: مرض لمزاولة في الشوارع والمجمعات
-
14/09/2017 12:44 AM #1
مرض لمزاولة في الشوارع والمجمعات
سلام عليكم ورحمة الله وبركاته
:بو جاي بتقمقيمته:,تراكم ذيك اليومة ماوالمتوني لبر,تو انا مالني ذيك المرة منزللكم موضوع
ومسوي فيه مثال للصلاة والناس تخاف المسؤولية وانتوه جلستو تركزو فالمثال
عت ما اسويلكم كذاك
نخش دغري عالموضوع عن تكونو مستعجلين
في مجتمعنا الناس اشكال وانواع,وقالوها اللولين الناس اجناس ,يعني انته وحظك
يمكن يطيحلك واحد يرفعلك ضغطك ويمكن يطيحلك واحد وترتاح تجلس معاه
فما نعرف ايش الاسباب اللي ادت هالناس للاختلاف بالرغم انهم من بيئة واحدة
المهم
سويت تدريب في احدى الشركات العالمية (خليها مستورة بس),وحقيقة تعرفت ع شباب ونعمك(موظفين)
الا واحد اذاني خلاني اكره اليوم بو تدربت هناك واعطيه رقمي,,هذا المخلوق كنه فاضي وماعنده شغلة
يوم يلقاني يقولي عندك جروبات واتس اب ,وخلا دبي وخلا مسقط وخلا نشوي وخلا وخلا
وانا حقيقة من النوع اللي ما احب اعطي الشخص في خشمه,كل ماجاء نزوى تم يتصل
اوين خلا ندور في جراند مول ,قلت له كان اتجي البيت حياك الله
وخاطف يقولي بطران نته ماتبغى ترابعنا
اخر مرة تصلبي وقالي باغي اللاقيك والخ..قلت انا كم مرة ذا رادنه
خلا نشوفه,لقيته جايب معاه واحد مجينينة الا كماه من نفس الطينة
جلسو اول شي يتحترو السيارة وذاك بو معاه يطلع سلبيات وكنه ينكت وماعرف مهوه
وانا في فوادي اقول متى افتك منهم ذلا الثنينة ,باغي اروح عنهم وماعارف
بعدين قالولي خلا شيه نداور نتحتر ,قلت لهم سمحولي انا باغي اروح مكان
ف يوم اقولكم انه شي ناس غير نمونة,لو شافوهم الشيوبة ايقولو فيهم الزوال
طبعا الشي اللي ضايقبي انه هو افكاره غير عني ,اوين تحسوه يبغى يدور فالشوارع
وكأنهم مغيبين حروزهم ويدورو البنات ,وفاضين باغين جروبات والخ..
وحتى ربيعي اللي معي مدرب مستأذي منه ومن هذي الافعال
لو لاقدر الله طاحلكم نفس هالشخص,كيف تتعاملو معاه؟؟
وايش السبب اللي يخلي هالمخاليق في الشوارع ويدورو خلق الله ماكنه معهم بيوت؟(بالرغم انهم كبار+يشتغلو)
-
مادة إعلانية
-
وعليكم السلام ورحمه الله وبركاته
اهلا ومرحبا بك اخينا @NITRO
لا حول ولا قوة الا بالله العلي العظيم
سبحان الله فيه ناس كذا بنسبه لي لو صادفت من هذا الفئه طبعا طبيعتي من النوع صعب جدا رد طلب احد ما في مواجهتي من اول مره ولكن اذا شفت وحده اللي تعرفت علي من هذا الفئه كريمه معها اول طلب لكوني ماارد لها طلب احترام لها واذا نظرت لها بلمثل مثل اللزقه طبعا سوف اضعها في القائمه السوداء ولن استجيب لها ولا اطيع لها طلب وبلفعل مثل هذا الموقف مررت به المره الاولﮮ والثانيه احترام لها والمرات القادمه ماتعرفها زهور
تراه طيبه ماتستوي في كل شي احيانا ترميك في مصائب وانت في غنﮮ عنها! !!
احترامي لك
-
14/09/2017 05:44 AM #3
انا اشوف انه اغلب الي زايغه عيونهم هم المتزوجين
عندي زميل عمل بالضبط مثل ذيلا الي تكلمت عنهم
ننزل صلاله من بعد الدوام نبى نستمتع بالأجواء وهو يبى يروح كارفور واللولو خخخخ
واضح انك ي سامح انسان راعي سوالف وضحك خخ
عشان كذا هو كل من يوصل دياركم يقولك تعال بنطلع نتمشى
ايضا هو شكله ما من دياركم ولا قريب منها
وهالشي من صالحك لنه بتقدر تسحب عليه بكل سهوله
من رايي تسحب عليه
-
14/09/2017 09:12 AM #4عضو نشيط
- تاريخ الانضمام
- 10/04/2014
- الجنس
- ذكر
- المشاركات
- 405
يبدو أنك تفتقد للصراحة، شخصياً دائماً أكون صريح مع الناس وهذا أحياناً يضعني في مشاكل.
يطلب مني البعض أحياناً أن أخرج في رحلة قد تستغرق ٦ ساعات للطريق فقط. طبعاً أرفض بكل إباء ولا أجاملهم، هل يعقل أن أخرج إلى آخر الدنيا لأطبخ وجبة ثم أعود؟ ضياع وقت وإرهاق شديد هو ما سأجنيه من تلك الرحلة. الآن الحمدلله لا أحد يدعوني لمثل تلك الرحلات.
في موقف آخر أيام الدراسة كنت أكره الغش كرها شديداً وكان معظم من في الفصل يغشون. ولأني كنت ممتاز في تحصيل الدرجات كان دخولي معهم في جماعة الغشاشين سيكون مكسب كبير لهم. أرسلوا شخص بالنيابة عنهم ليقنعني للدخول معهم، هذا الشخص كان ملتحي وهو من يصلي بنا الظهر والعصر جماعة في الكلية، عاتبني هذا الشخص وقال يجب أن أفكر في مستقبلي جيداً وأن أترك هذا الإستهتار! كان يعتقد أن تركي لفرصة الحصول على درجات أكثر بمثابة إهدار لوقتي ومالي وتقليص لفرص الحصول على وضائف مرموقة.
ولا أخفيكم، كانت نبرة صوته نبرة وعظية حزينة.
طبعاً رفضت العرض بكل إباء وعيون وآذان باقي الطلاب تراقب وتسمع فأصبحت العدو اللدود الذي يمنع الخير عنهم ويقف حجر عثرة في طريقهم لتحقيق النجاح وكسب المال الحلال لهم ولأولادهم.
يا صديقي، إياك و(مسايرة) الناس والرضوخ لكل ما يريدون. ستكون أنت الخاسر الأكبر إن فعلت ذلك.
-
14/09/2017 09:32 AM #5
فعلا اخي البعض يرفعو لك ضغطك باتصالاتهم ومسحاتهم يمكن
يرسلك باليوم فوق ٣٠ مسج وتندم انك عطيته رقمك
وبالرغم لا ترسل له وهو يرسل الناس ترسل فقط الجمعه
خاصه اذا شخص علاقتك معه محدوده
مثل هولاء لا تعطاهم اهميه يتصلو قول مشغول يرسلو لا ترد
واذا ازعجوك اعملهم حظر ... للاسف فضاوه دواره شوارع
-
14/09/2017 11:05 AM #6السلام عليكم ورحمة الله وبركاته
نايترو الكلمه التي تستحى منها بداها
حطه مبدأ لك..
كثير بتصادف بحياتك ناس أشكال وأجناس
كون واضح وصريح بترتاح ..
لو لاقدر الله طاحلكم نفس هالشخص,كيف تتعاملو معاه؟؟
أنا شخص كذا وكذا
طبيعتي تختلف عن طبيعتك وشخصيتي غير عن شخصيتك
تطبعت بطبعي وأخلاقي يا حي الله فيك على العين قبل الرأس
وغير كذا ما مستعد أغير طبعي مجامله لشخص..
وايش السبب اللي يخلي هالمخاليق في الشوارع ويدورو خلق الله ماكنه معهم بيوت؟(بالرغم انهم كبار+يشتغلو)
هو الفراغ وقلة الإيمان وعدم تحمل المسؤوليه بعد..
بوركت نايترو..
-
14/09/2017 12:21 PM #7محظور
- تاريخ الانضمام
- 12/04/2016
- الجنس
- ذكر
- المشاركات
- 1,270
فيه ناس تعتبر هذي هواياتهم ... غالبية الناس اللي يطلع من الدوام يروح البيت ويتغدا وينام شوية ويجلس مع أهله
لكن البعض سبحان الله كيف أمورهم .. يطلع من الدوام سيده على المراكز التجارية ويحاوم ومزرزر عمره بمصر أتقول السيد فلان ..
وما ف جيبة ريال
وعاد ايرجع البيت نص ف الليل ما وراه دوره .. وسيده على الفراش ونام .. وكل يوم نفس الروتين .. ما كأنه معه أهل ..
وبعضهم ف المجمعات كل يوم جالس فذاك المقهى فنفس الكرسي يطالع بو داخل وبو خارج ..كأنه موكل يحسبهم ...
كل يوم راز عمره ف نفس البقعة .
المهم .. اللي مثل هذا بما إني عرفت أموره وعرفت طريته وأسلوبه .. ما أرد على إتصالاته وما أعبره أبدا ..
وإذا زودها بصارحه وأقوله لو سمحت أنا مشغول ما فاضي حال الدواره والمحاوطه .
وسلم عليهم
ودمتم بخير .
-
14/09/2017 01:08 PM #8عضو مميز
- تاريخ الانضمام
- 31/01/2017
- الجنس
- ذكر
- المشاركات
- 1,319
لازم تكون واضح من البدايه الشخصيه ال مايناسب طبعك طنشه وحط له حظر من البدايه راح يفهم انه غير مرغوب وراح يبعد اما تجامله وتروح معه وتخجل منه ماينفع
-
-
15/09/2017 08:41 AM #10
صباح الخير ..نايترو. عطهم مجال في البدايه ثم ارحل عنهم ""
والبشر اجناس واطباع وعقول وقلوب مختلفه بعضها متخلفه ..
الانسان بطبيعته كائن اجتماعي لا بد ان يصطدم او تصدمه الرياح
اما ان تكون نسمه هواء او رياح تتطاير معها الغبار والاتربه .. والوقايه خير من الف علاج وعلاج.. اليس كذلك..
جمعة مباركة"".
-
15/09/2017 02:03 PM #11عضو نشيط
- تاريخ الانضمام
- 12/02/2011
- الجنس
- ذكر
- المشاركات
- 655
موضوع مهم جدا أخي نايترو ..
في اعتقادي بأن أكبر من يعاني من هذه الظاهرة هم سكان العواصم أو الولايات المركزية، لأن الناس ترفد إليها من مختلف الولايات لقضاء
حوائجهم ومصالحهم سواء حكومية أو خاصة، وكل ما راح يخلص موضوع أو يراجع في دائرة حكومية قال خلا نمر على فلان نحوط ونضيع وقت
بدون أن يراعي أي ظروف لذلك الشخص، المصيبة أنه يضعك في موقف محرج ويتصل بك هاتفيا وانتة ما تعرف ايش نيتة وايش يريد منك إلا
لما ترد علية ويضعك في موقف محرج ..
إحنا في البلدان الصغيرة اللي ما فيها مصالح ولا مجمعات ما عندنا مثل هذا، لأنة قليل حد يجي من الخارج إلا إذا كان زائر فقط قاصد ناس معينين،
وطبعا الزائر يتصل بك قبل فترة ويعطيك خبر إني أزورك في اليوم الفلاني وانته تكون مستعد ومفرغ نفسك من جميع النواحي، وإذا كان عندك
عمل فراح تكلف شخص أخر يقوم به، أما الهجوم المفاجئ اللي يحطك في موقف محرج ويضيع وقتك وعملك فهذا ما أحبة صراحة وما اسمية
زيارة،،،
-
15/09/2017 02:04 PM #12عضو نشيط
- تاريخ الانضمام
- 12/02/2011
- الجنس
- ذكر
- المشاركات
- 655
-
15/09/2017 02:26 PM #13
شله سوق نزوئ ولا المرفع ، مع الشياب خلهم يصابيوه ...
-
15/09/2017 11:00 PM #14عضو نشيط
- تاريخ الانضمام
- 12/01/2017
- الجنس
- أنثى
- المشاركات
- 598
وعليكم السلام..
ناس مثل إلي ذكرتهم، نصيحة لا تعطيهم فيس
ولا بيتمادوا معك...أعطيهم الصراحة وخبرهم
إنك ما فاضي حال هالأشياء، وبساعتها عاد
ما بتحصلهم يسويوا كل ذي الأشياء.. لكن
إذا جلست مخجل منهم، وكل مرة يسحبوك
مكان وكله ضياع وقت ما من صالحك..
-
15/09/2017 11:11 PM #15عضو عميد
- تاريخ الانضمام
- 23/06/2014
- الجنس
- ذكر
- المشاركات
- 28,294
مساء الخير
الحمدلله ما صادفت من هذي الفئة
الله يعينك نيترو.
-
15/09/2017 11:35 PM #16
ياهلا استادة @زهور الظاهرة
حموه كذاك تحوريني بنص عين؟
الله يجنببش عنهم,ناس حقيقة مزعجة ,هم ينعرفو من اول مرة
على قولتهم لكتاب يبين من عنوانه ,ف نتيه لاتاطيهم مجاال لبر
نعم نرحب بالزيارة اللي يجينا وباغي يتمشى في اماكن سياحية او يشرفنا البيت,لكن كذاك مخاطاة
فالشوارع موه من الفايدة فيها؟
اكيد,والصاحب ساحب
يا انه يرفعك او ينزلك
احسنتي
-
15/09/2017 11:37 PM #17
صحيح هو فئة كبيرة من المتزوجين عيونهم زايغة الله يهديهم
كذاك تشه
ايوه هو قريب منا بالمنطقة وشغال في بلادنا,يخلص من دوامه عاد يطش يدور عادي ماعنده مشكلة يطلع مسقط ذيك الحينة
وهو مخلص 4.30 وجاي من الصباح
مشكلتي اخجل ماعرف اقولهم اياها في لخشم
اجلس اتهرب منه
@BnShams
احسنت
-
15/09/2017 11:40 PM #18
@Edio
حقيقة في الامور الحساسة واللي يمكن تسبب حساسية او زعل انا غير صريح
وفعلا واجد منهم هالناس,اوين يطلعو مشوار هين عشان يقولك نشوي او غيره ,يعني شي ماقابض قاعدة
كيه خصيمهم حد يسويبهم كذاك وعاد يكرهوك كره فالدراسة وبيسموك الحاسد والخ..من الاسماء لا تكون ضدهم
وكلامك عين العقل بالفعل,وانا حقيقة يوم عرفته كذاك ما حتكيت معه واجد
لانه في بلادي والبعض يعرفني لو سوى شي خطأ بيرجعلي انا ماحاله
احسنت
-
15/09/2017 11:42 PM #19
واجد منهم هالنوعيات ياخي الله يهديهم
واللي يغربك يعني مايملو لبر
ولما يسمعو مثالا شي فعالية في مكان او غيره هم اتحصلهم قدام وغرضهم شي
يعني كأنه الرياح توديهم هين ماتروح
@الصراحه راحة
احسنت
-
15/09/2017 11:45 PM #20
وعليكم السلام ورحمة الله وبركاته @@ بنت صحار @
والله ياليت لو اروم ,يبغالي شوية من صفات الشيوبة اعق الكلمة وما احسبلها حساب
المشكلة احاسب وما ابغى حد يوخذ عني فكرة مازينة
وفعلا معش حق,هو المفترض دايما تجي من ذات الشخص ماحنوه نقوله
على سبيل المثال انا استمع للاغاني ومعي زميل مايسمع الاغاني
خلاص انا عاد احترمه اذا ركب معي مابشغل اغاني
يعني الشي يجي من الذات
ما هو يقولي فلان ماتشغل اغاني وانا ما اسمع لانه لكتاب واضح من عنوانه
احسنتي
-
15/09/2017 11:48 PM #21
اما انك جبتها @منبع الخيرات انه هذي هوايتهم
وفعلا هذا الملاحظ يعني تفكيره تحسه مال ذيك الحينة
وماعنده طموح مستقبلي او تفكير
وماشايل همه ولاحساب للبيت واهله
عبارة البيت فندق للنوم والغدا والعشى اذا كان بعده يوكل معاهم
ويبغالهم شجاعة للمواجهة لانه ناس تحس ماعندهم هدف ولاطموح
حتى اذكر اني كلمته انه يبحث عن وظيفة في مكان افضل وماشي هو متخاذل ومتكاسل
وراتبه مابذاك الزود فالشركة الحالية
احسنت
-
15/09/2017 11:51 PM #22
والله موه تسوي تراه هذا الغلط لما تفتح الباب لمثل هالاجناس @قهوة سادة
والمشكلة ماتبغى تحسسه وتقوله في خشمه,هو المفترض ينقد ع عمره
بس شكلي لاحول ولاقوة اقوله نعم,واوضحله هو بيكون يفكرني كماه
بالرغم فيني لحية تتونة عبارة مطوع
احسنت
-
15/09/2017 11:54 PM #23
هيوا كذاك @خفايا القلوب
يعني ناس كنه تفكيرهم لليوم فقط,عادي عنده يضيع ماله ووقته في اشياء هو يكون مامحتاجنها
واذا جلس فالبيت اتقولي كشاخين في راسهم
ماتعرفي حقيقة ايش الاسباب اللي ادت فيهم هالامور
احسنتي
-
15/09/2017 11:55 PM #24
الله بالنور والسرور الغالي @دمعة النورس
وكلام جميل اخي العزيز,هو عطيناهم المجال حقيقة ولين تو المجال مفتوح
بس تحسهم ماراضين يتغيرو ويعقلو
بالرغم انه البعض اعماهم كبيرة والمفترض يكونو عاقلين
لكن سبحان الله
احسنت
-
اهلا وسهلا اخينا التتون الاتون واحد فالسبله @NITRO
افااااا من هذا بو يحور بنص عين
ايوه اخي صح كلامك ماتقصر الداخليه ترحب بالضيوف بارك الله فيهم وبلفعل الطيبه ماكل شي عادي نهايتها تكون اليمه! !!
امس الوالده رايحه تسوق وصادفت بمثل هذا الفئه شباب قله مشغله ومتجمعين ويمشوا خلف البنات وهن مسكينات ماعارفات وين يروحن ومرتبكات ومامتهنيات ياخذن راحتهن كل مايروحن ممر يحصلنهم امامهن اخر شي الوالده شايفه الوضع وماعجبها وقصفة جبهتهم عاد بغوا عمرهم وطلعوا من المكان المشكله هذا الفئه مامن المنطقه يجوا من مناطق ثانيه من اجل هذا الهدف الله يهديهم يارب
احترامي لك
-
15/09/2017 11:59 PM #26
عليك نور @في قائمة الإنتظار فعلا هالشي
وهذي هي المشكلة والمصيبة انه يحطك بموقف محرج
يعني حتى لو مافيه تنسيق مسبق مانختلف,ومثالا يقول باغي يسلم علي ويتمشى
لكن تحصل انه غرضه يحوم على لبيوت ويروحلك المراكز وقاصد شي ماطيب
هنا المشكلة
وفعلا مطلوب التنسيق المسبق,الاجانب حقيقة يعجبوك
لو شخص جاهم بدون موعد مايستقبلوه,اما حنوه العرب
واحد راحلك مكان يروح يزور فلان بدون عن يخبره ويفاجئه حقيقة
وتخجل ترفض جيته
وكلامك عين العقل ,وعسى بس اللي فيهم هالطبع يغيروه
احسنت
-
بصراحه اعطيهم الاولﮮ والثانيه وبعدها كان يشوفوا عسهم بيشوفوا ردي اني اخدمهم
@NITRO
-
16/09/2017 12:01 AM #28
يضربوه بالمقشاع ولا موه يسويله؟
مشكلته مايطيع يخاوي الشيوبة ولا يروح لبيووت عاجبتنه حواطة الشوارع
@Business dealers
احسنت
-
16/09/2017 12:04 AM #29
موه اسوي @سلامة وبناتها صاني خجول ماعرف اطي حد فخشمه
قرضيني تشه من حميقتش
وانا حقيقة مامجارنه لانه مثل هالاشكال ما احب ارابعهم ,حتى يوم اخر مرة ملاقنه ماتحركت من البقعة بو ملاقنهم فيها
وعاد هم قالو خلا ندور قلت لهم مرتبط باغي اودي حياني
وبعده ربيعه بو ذيك اليومة جايبنه معاه,لقيته في احد الاماكن وزين ماشافني
ولاكان ايغشني
احسنتي
-
16/09/2017 12:05 AM #30
الله بالنور عمي سالم @Salim 565 نعمة الحمدلله
وعسى ان شاء الله ماتتصدفبهم
ويعين الجميع
احسنت
مواضيع مشابهه
-
ترخيص لمزاولة الاستشارات الهندسية بظفار للايجار والاستثمار
بواسطة إبن عمان20 في القسم: استشارات هندسيّةالردود: 2آخر مشاركة: 08/04/2014, 08:45 PM -
شركات تصليح الشوارع وتدمير الشوارع في آن واحد في دائرة الاتهام
بواسطة هزيم الجروح في القسم: سبلة السياسة والاقتصادالردود: 26آخر مشاركة: 14/08/2013, 08:57 AM -
نشكر الجهات الحكومية على رصف الشوارع بقرية الصفيح (ولاية إبراء ) لكن الشوارع تنقصها مطبات . توجد صور
بواسطة سالم مبارك الحارثي في القسم: سبلة السياسة والاقتصادالردود: 22آخر مشاركة: 24/03/2013, 07:19 PM -
مراقبة الشوارع عبر الكاميرات + وضع قوانين لتوقيف المتهورين + دراسة الشوارع.. للحد من حوادث المرور
بواسطة الرجل المهم في القسم: سبلة السياسة والاقتصادالردود: 20آخر مشاركة: 26/02/2012, 09:51 PM