- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 24 من 24
الموضوع: مشكلة في بلكات الألتيما موديل 2008
-
01/05/2017 08:56 AM #1
مشكلة في بلكات الألتيما موديل 2008
ياااااخي أيش ذي المشكلة بو طالعتلي تو اسميها ورطة
سيارتي الألتيما موديل 2008 أربعة سلندر على كل شهرين أغير بلكاتها
ما معقولة ياخي
البلكات أشتريها جديدة من الوكالة مال 100 ألف ولكن ما تعمر أكثر من شهرين أو ثلاثة
يعني خلال 3 أشهر أحصلهن غاديات خالات من كثر الحرق بو فيهن
يعني أحس السيارة أنها تتعب ومن أجي أشيك البلكات أحصلهن تعبانات خلاص وما باقي لهن روح
وأسير مرة ثانية واشتري غيرهن من الوكالة ونفس المشكلة تكون
تضعف السيارة وتموت وما يكون فيها قوة البرررررررررررررر
فحصتها كمبيوتر ونفس المشكلة ما يظهر فيها شيء
وفحصت الكويلات رغم أنهن جديدات ما كملن سنة ونصف
قلت يمكن ما ما ينفعن البلكات بو اشتريهن من الوكالة .. رحت قبل فترة واشتريت بلكات مال تويوتا مال 100 ألف وهي المشكلة
يعني يجلسن 3 اشهر او اربعة وبعدين يموتن بالكامل
وأمس وديتها عند الكهربائي وطلعن البلكات ميتات وغيرتهن من نيسان العربية
وقبل فترة غيرت التايبيت لأنه كان فيه لييييييك
قالوا النيسان قليل الاحسان
بس أنا يتهادالي أني مدقوق بعين
أقول ... حد يعرف يحل ذي المشكلة بو عنــــدي
آخر تحرير بواسطة هامور مدلل : 01/05/2017 الساعة 02:04 PM
-
مادة إعلانية
-
01/05/2017 01:40 PM #2
الكويلات اصليات؟
-
01/05/2017 02:05 PM #3
-
01/05/2017 03:22 PM #4
جرب ركب بلاكات دينسو اريديوم باور 22
تحصلهن في الشارقة
يتحملن حراره وكهرب قوية وبترول زائد عن الحد
سبب المشكلة اللي معك
كهرب وايد قوية في الكويلات وتركم وقود هائل في غرفة الاحتراق. وادي الي عدم تحمل هذا البلاكات
المهم
شريلك بلاكات رياضية
اسمهن اىريديوم باور دينسو
رقم 22
انا مشتري 8 حبات ب 300 درهم
وشوف وعسي خير
واتوقع بتكد معك وايد
وفيه خيار ثاني
تجرب بلاكات لكزس
ال اس 460
اللي فيه 3 رؤوس
من موديل 2008 وطالع
ايضا يتحملن الكهرب القوية والحرارة
وسعر الحبه اعتقد 6 او 7 ريال
تحصلهن في العربية
انت جرب لكزس ال اس 460 وشوف
آخر تحرير بواسطة أبوالطيب : 01/05/2017 الساعة 07:54 PM
-
01/05/2017 07:40 PM #5
وشيك بعد علي الفيول بم
يمكن يدخل بترول وايد ويسبب معك هذه المشكلة
-
01/05/2017 07:40 PM #6
-
02/05/2017 09:00 AM #7هلا صديقي @أبوالطيب
تراني قبل عن اكتب ذا الموضوع كنت مغير البلكات في نفس اليوم يعني ركبت مال نيسان نفس اللي كنت استعملهن واشتريتهن من نيسان العربية
نفس الشيء الفيول بمب مغيرنه تقريبا قبل 7 اشهر
واليوم الصبح مخلنها السيارة تحر مال دقيقتين وحسيت انه السيارة كأنها باغية تبنــد
يعني أشك انه ما بس البلكات فيهن مشكلة، أكيد هناك شيء مشكلة ثانية
وقبل اسبوع كنت فاحصنها كمبيوتر بس ما طلع فيها شيء
اذا تعرف ميكانيكي او كهربائي متخصص خبرني
ذاك اليوم رحت المحل اللي كنت واصفلي اياه "ليكود" او ذا اسمه بالانجليزي
فحصوا السيارة وقالوا عندي مشكلة في البلكات وغيرتهن من وكالة نيسان
ما قصر راعي lx470 شلني معه
آخر شيء طلع أخوي يعرف راعي lx470
-
02/05/2017 10:03 AM #8
اذا معك
مشكلة
بتكون مشكلة ماست فاير
اي
يشتغلن 3 سلندر او 2
يعني خلل في برمجة السيارة
من ناحية إدخال هواء والوقود
وهذا تصلحيه في داينو وتعيد برمجة كمبيوتر وكالة وتراه مكلف شوية
لكن انت جرب بلاكات اللكزس اللي وصفتلك ياهن او دينسو ايرديوم باور
مشكلتك صارت معنا في سيارة تويوتا فورنر
كنا مبرمجين يونتشب
ومحد عرف المشكلة الا لما رحنا نعيد برمجة اليونتشب
قال هذا مشكلة ماست فاير
-
02/05/2017 11:25 AM #9
-
02/05/2017 10:06 PM #10
-
03/05/2017 07:54 AM #11
حاول تشيك على دبة العادم الأمامية
يمكن متصكرة
اذا متصكرة ضروري تغيرها و رح تروح المشكلة
-
03/05/2017 08:01 AM #12
الدبة اللي تجي تحت المينيفول كنت قالعنها العام الماضي
بعدين اشتريت مينيفول كامل من نيسان العربية
وشيكت على دبة البيئة رغم أني كنت مغيرنها قبل 8 اشهر تقريباً
وقبل اسبوعين قلت ما شيء فايدة غير اني اشيل الدبة اللي تجي تحت المينيفول مرة ثانية
لكن المشكلة هي هي ...
اشوف السيارة ما فيها عزم اللي كانت عليه
اذا دقت في راسي ما شيء غير gs 350 موديل 2013
-
03/05/2017 08:07 AM #13
@أبوالطيب
اذا برمجة بتكون غالية عليي صديقي
ما شيء محلات ثانية تعيد برمجة وكالة نفس الشيء للسيارة
-
03/05/2017 08:55 AM #14
-
03/05/2017 09:05 AM #15
الدبة اللي أعنيها صديقي ... دبة المينيفول وطبعاً شاليتها قبل اسبوعين
يعني كانت المشكلة موجودة قبل عن أشيل ذي الدبة
والسبب أني شاليتها لأني استنفذت كل الحلول
وما زالت المشكلة قائمة
يعني المشكلة ما من الدبة
وعلى فكرة ... دبة المينيفول ما تجي منفردة .. بل تجي كاملة مع المينيفول
الجديدة ب 220 ريال تقريباً
المستعملة ب 160 ريال
-
03/05/2017 09:22 AM #16
اقولك يا اخي @هامور مدلل
سير احرق طلسم تحت سيارتك قريب اذان المغرب
شكله الموتر مدقوق بعين وما مصليه ع النبي .
ياخي غريب امر موترك
احس ان مشكلتك شي غير البلكات
بالاحرى عندك مشكلة وهيه بو تخلي البلكات يحترقن بهذي السرعة .
-
03/05/2017 10:36 AM #17
@مبارك بن لندن
مسولها مغابير ذاك اليوم قبل آذان المغرب
بس كأني شايف سنور سود جالس عدالها
يمكن يدور خوووته
تراه هذا بو باغي اعرفه ... بس ما قادر هين العوق
-
03/05/2017 12:45 PM #18
اخي @هامور مدلل
ابغاك تعمل فحص حال الفيول بم مال السيارة
احتمال كبير معطينك فيول بم مال 6 سلندر
فحصه بالكمبيوتر وخليهن يقيسون ضغطه ويقارنون بضغط الوكالة
واباك تسوي حركة
تنقل الكويل رقم 1 و 2 وتخليهن بدل 3.4 والعكس
وتركب بلاكات لكزس ال اس 460
بس اهم شي تفحص بريشر الفيول بم
يمكن يعطيك فول بريشر ويسبب لك هذا المشكلة
يحرق بلاكات
-
03/05/2017 01:07 PM #19
@أبوالطيب
الكويلات اليوم العصر ان شاء الله ببطلهن في البيت وبشوف النتيجة
والبلكات تراهن جديدات مغيرهن بس قبل يومين
يعني اذا بغيت اغير مال 460 بغيرهن عاد بعد فترة
والفيول بمب بحاول افحصه خلال ذيلا اليومين
اذا بدلت بين الكويلات ... أيش المفروض يطلع في السيارة؟
يعني موه بيستوي ...
-
03/05/2017 02:42 PM #20
معك مشكلة. اسمها ماست فاير
يشتغلن بلكين او 3.
او بلك اشتغاله اقوي عن الثاني
والمشكلة الثانية وقود يدخل زائد عن الحد
تبا تعرف ذالك شيك البلك وشم ريحته
وايضا شم رائحة الايل مال السيارة اذا فيها ريحة بترول
واعتقد بسبب هذا المشكلة اللي صارت لك
دبة البيئة اعتقد بتحصلها منصكة
@هامور مدلل
-
11/05/2017 05:50 PM #21خاطر
- تاريخ الانضمام
- 21/03/2015
- الجنس
- ذكر
- المشاركات
- 23
شيك على الانجكترات
-
20/05/2017 12:12 PM #22خاطر
- تاريخ الانضمام
- 19/03/2015
- الجنس
- ذكر
- المشاركات
- 27
اول سؤال / كيف صرفية البترول معك ؟ وكيف حرارة السيارة ايضا ؟
اذا كانت سيارتك 4 سلندر فالمفروض يمشيك فول تانكي 700 كيلو الى 750 كيلو من لحظة تصفير عداد الكيلو لحد ما يولع ليت البترول
اذا كانت صرفية السيارة كبيرة مع عزم ضعيف فالسبب ممكن يكون من الاوكسجين سنسر ، اتوقع انهم ما ركبوه زين لحظة ما بدلت المنيفول ، وهذا اذا كان ما شغال يولع معاك ليت تشك انجن
وممكن يكون السبب ايضا من قطعة اسمها منظم البترول fuel regulator وهذي قطعة رخيصة اذا اختربت تخلي بترول واجد يدخل السلندر وبالتالي السيارة تطلع دخان ابيض شوية من الجزوز
وعن تجربة / اذا كنت ما مبدل زيت جير السي في تي من زمان ، يضعف عزم السيارة كثير ،
بالتوفيق
-
28/05/2017 01:41 PM #23عضو نشيط
- تاريخ الانضمام
- 28/12/2014
- الجنس
- ذكر
- المشاركات
- 460
الله يسهل عليك صاحب الموضوع..وتنحل المشكلة يارب العالمين ..
لدي سوال اخواني..
وين افضل مكان اشتري بلكات للألتيما ...
لانه في الوكالة سعرهم فوق 36 لعدد 4 بلكات
-
28/05/2017 03:32 PM #24
مقاصد الخير ...
تحصلهن في نيسان العربيه
مواضيع مشابهه
-
مشكلة في ( هرن ) الألتيما 2008
بواسطة هامور مدلل في القسم: كراج السبلةالردود: 25آخر مشاركة: 19/04/2015, 12:40 AM -
[ استفسار ] السلام عليكم عندي مشكلة في الألتيما 2009 ترجو المساعدة
بواسطة hoist22 في القسم: لوازم المركبات وقطع غيارهاالردود: 3آخر مشاركة: 22/06/2013, 12:27 PM -
[ معروض ] للبيع بلكات ليزر للدودج و كراسيلر 6 بلكات
بواسطة kindi2011 في القسم: لوازم المركبات وقطع غيارهاالردود: 4آخر مشاركة: 17/05/2013, 11:15 PM -
[ إستشارة فنية ] مشكلة في بلكات البي ام 325
بواسطة السندي في القسم: سبلة السياراتالردود: 5آخر مشاركة: 09/07/2011, 08:30 PM