- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 134
الموضوع: توفير المال تجاربكم وخبراتكم
-
19/09/2016 08:18 AM #1عضو نشيط
- تاريخ الانضمام
- 16/04/2014
- الجنس
- أنثى
- المشاركات
- 108
توفير المال تجاربكم وخبراتكم
صباح الخير لكل الحوائيات الجميلات..
الموضوع باين م العنوان توفير المال»
انا من النوع اللي يضيع مصروفي ع طلعات
ومطاعم وشوبينج وو
يعني كل ماقلت ببدي من هالشهر اوفر
تطلعلي قايمه مالها اخر من احتياجاتي واللي ابغي اشتريه!
انا مش موظفه.. اخذ مصروف شهري
مره عشان السفر وكنت حابه يكون معي مبلغ لي دخلت جمعيه
وفعلا حسيت ان معي مبلغ يسوى .. يعني فكرة الجمعيه كانت حل عشان اوفر
بس عيبها التزام.. والله اتمنى ادخر واوفر في حسابي بس ما عرفت
بغيت تجاربكم ونصايحكم
واللي وفرت كان لها هدف معين؟
ولا ع مبدا خلي قرشك الابيض لليوم الاسود؟
وشكراا للجميع مقدمآ..
-
مادة إعلانية
-
19/09/2016 08:44 AM #2
يسعد صباحك أختي
الإدخار شي مهم جدًا في حياتنا من خلاله ما نتأزم ونروح نتسلف
أنا أشتغل بس راتبي الحمدلله ما كثير
بس الحمدلله أقدر شهريا أحتفظ ب100 من غير الإلتزامات الثانية إللي هي الجمعيات وغيرها
ومصروفي الشخصي تقريبا 50 لكل شي والحمدلله يبقى لآخر يوم بالشهر, وإذا بقى منه 10 أو 20
احتفظ فيهم بظرف خاص إذا صارت فيه طلعات أو سفرات ما أتأزم
أو إذا احتجت أشتري أو أغير لبساتي فالمبلغ موجود
والحمدلله جمعت للحين مبلغ حلوو وبإذن الله راح أشتري سيارة
بدون ديون ولا وجع راس
طبعا ما أحرم نفسي حاجة, وكفاية طلعة مع الأهل مرة أو مرتين بالشهر نغير جو
طبعا الكماليات ما أشتري كثير, لأني ما أحب أرمي حاجات جديدة
يعني أشتري شي أعرف أنه صح يدوم وإذا حبيت أغير المبلغ المتبقي شهريا منه أطلع
الحمدلله عندي القدرة على الإدخار
وأنا صح كل وحدة وخاصة إللي ما تقدر تمسك فلوسها
أنها لما تستلم المصروف أو الراتب
تقسم فأظرف وكل ظرف لحاجة معينة وتلتزم أنها ما تمسك منه أبدًا إلا للحاجة المتروك له
هذي طريقة تساعد للي عنده نية فتنظيم مصروفه
-
19/09/2016 08:49 AM #3
هلا خيتي
حاولي عزيزتي تقنعي نفسك انه ما تصرفي بيستك الا للشي الضروري
كل شي يتكرر مثلا التسوق مو لازم كل اسبوع او كل يوم طلعه ...واكل مطاعم
نظمي جدولك لانه هذا استنزاف للمبالغ
اختي
التزمي بالجمعيه ..وحاولي تدخري المبلغ
اعملي اكثر من جمعيه...بمبالغ بسيطه
او افتحي حساب بالبنك ..ووفري به جزء من المصروف مالج..صدقيني لما بتحتاجي بتاخذي منه وما راح تطلبي من اي شخص
انا مرتبطه تقريبا ..باكثر من شي كوني ام وموظفه
فاطلع الالتزامات الخاصه
اطلع مبلغ لحساب شراكه بيني وبين زوجي (حاطين هدف وان شاء الله نوصل له)
اطلع مبلغ لجمعيه (دخلتها للتسليه مثل ما تقولي ...علشان احصل مبلغ تالي ينفع وقت الازمه)
ويبقى لي مبلغ احاول اني امشيه
ما اقولك نطلع بالاسابيع للمجمعات وللمطاعم بس التسوق مسويه عليه خط احمر ..للضروره القصوى فقط.
والحمدلله
السموحه ع المداخله
-
19/09/2016 08:50 AM #4خاطر
- تاريخ الانضمام
- 20/07/2016
- الجنس
- أنثى
- المشاركات
- 18
حلو انه حد يدخر ولا يروح يتسلف خصوصا للي يستلموا راتب
-
19/09/2016 09:19 AM #5
روحي البنك قوليلهم اريد برنامج ثمار
نظامه:
تحددي قيمه يدسوها لك عندهم وتحددي المده وعاد ما تقدري تسحبيهن الا من البنك داخل
مثال:
يقصو 100 ريال لمدة سنه
بينخصمن من راتبك شهريا
اذا احتجتيهم قبل السنه ممكن تروحيلهم من داخل البنك قوليلهم حولوهن عالحساب اريدهم
وجددي الخدمه مره عشان تستمري فالتوفير
-
19/09/2016 10:04 AM #6
صباحك خير
عاملة توفير مال 400 ريال والحمدلله
جمعية مدتها عشرة اشهر ب300 ريال
وجمعية ثانية مدة اربع سنوات مال 100 ريال
واحاول ما اصرف كل راتبي اخلي فحساب ثاني مال 200 ريال توفير بس اذا احتجتهم اخذ منهم
والحمدلله
-
19/09/2016 10:14 AM #7عضو مميز
- تاريخ الانضمام
- 29/07/2015
- الجنس
- أنثى
- المشاركات
- 1,914
أوفر نفسي بنفسي
ماأسحب من رصيدي غير بالشهر مره وحده لمن ينزل الراتب
وأقتصد باللي أسحبه لنهاية الشهر
بتصرف وأقلل مصروفاتي طبعا عشان ماأسحب مره ثانيه
والأمور حلوه والحمدلله
.
-
19/09/2016 10:47 AM #8
-
19/09/2016 11:12 AM #9
ادخر شي حلو فعلا
عاد اصرف فلوس مخاسير ..
-
19/09/2016 11:14 AM #10عضو نشيط
- تاريخ الانضمام
- 04/02/2015
- الجنس
- أنثى
- المشاركات
- 442
-
19/09/2016 11:32 AM #11عضو مميز
- تاريخ الانضمام
- 13/09/2014
- الجنس
- أنثى
- المشاركات
- 3,595
الادخار يختلف من شخص ل اخر
حسب المسؤليات والالتزامات الي عليه
وحسب الراتب
انتي خبرينا كم مصروفك عشان نقدر نساعدك
-
19/09/2016 11:47 AM #12خاطر
- تاريخ الانضمام
- 01/09/2016
- الجنس
- أنثى
- المشاركات
- 30
اهلين خواتي
انا عن نفسي جدا كريمه في اي مكان انشح فلوسي وفي الهدايا مااقصر وطبعا حسب الظروف واتصدق وكل شي
بس من سنه الماضية كنت افكر من بدات اداوم صارلي 8 سنوات ادخرت بس طبعا يغطي لما اتأزم وراحن المدخرات ولكن دخلت جمعيه بقيمة 200 ريال
وعندي اقساط السياره 300 ويتبقي مبلغ ولحين افكر اسوي مدخر حالي بروحي وحبيت فكرة الثمار يمكن افتح حساب اسوي هالطريقه ماشي فايده ننشح غوازي ويوم نتقاعد كانه مامسوين شي
وراتب التقاعد لايعتمد عليه
ولحين كل شي صار غالي لازم الانسان يقتنع بالي عنده يعني ماينزل تلفون اخر موديل تلقوا الكل راكض ركض يشتري والتلفون الى عتده بخير وعافيه ومافي شي الانظمه مثل ماهيه ماتتغير
الله يسهل عالجميع وان شاء الله الاخت مالديفيه تحطي في بالك فكره وخطه زينه تدخري فيه لمستقبلك
تحياتي
بنت محمد
-
19/09/2016 11:53 AM #13
شكلك فهمتيني غلط
مجموع الادخار 600ريال
400 مقسم حال جمعيتين
و200ريال مبلغ ف حساب التوفير @لؤلؤة مزون
-
19/09/2016 12:19 PM #14عضو جديد
- تاريخ الانضمام
- 24/05/2015
- الجنس
- أنثى
- المشاركات
- 68
عجبني الموضوع كثير
في عمان ما فيه استشاريين في مثل هالامور
لو يحطولنا فالسبلة كذا خانه تخص هالموضوع ويجيبولنا ناس فاهمه ومتخصصه فهالامور
كان نص اللي بالسبلة بتتعدل حياتهم
معظمنا نحن العمانين ما عندنا وعي بالادخار
والخطه الشرائية غلط اللي نشوفه نشتريه
-
19/09/2016 12:27 PM #15عضو جديد
- تاريخ الانضمام
- 24/05/2015
- الجنس
- أنثى
- المشاركات
- 68
سالفة الاظرف فكره حلوه لكن بتكوني حاطه الاظرف فالبيت وهذا الشي مو امن نوعا ما
يمكن تصير سرقه او حريق لا سمح الله والمبلغ يضيع
اعرف ناس تخزن الفلوس فالبيت مره من المرات جات امطار قويه وسالت الواديان ودخل البيوت ودخل بيت هذولا الناس وشل فلوسهم الوادي شقى عمرهم راح بلحظه
-
19/09/2016 12:37 PM #16
الموضوع اختي يباله قناعة
اذا الانسان مقتنع بالادخار او لا
فلو مقتنع صدقيني من نفسه بيقدر يتحكم في مصروفاته ...يعني يصرف نظر ع الاشياء اللي مالها داعي..مجرد مظهر فقط.
ويحافظ ع اللي معه..
بالنسبه للاخت صاحبة الموضوع اللي فهمته انها مب موظفه...
فتطلب ارائنا فكيفيه التوفير والادخار.
-
الادخار فن ..
بصراحة تعلمت من صغري بأنه مصروفي ليس كله لي ... فكنت اقسمه نصفين او ثلاث
ولازلت للأن اعمل بنفس النهج ...
كوني موظفة ..
ف راتبي جزء منه للاهل (نور عيوني)
وجزء اخر اكافئ نفسي او شراء حاجياتي (الاحتياجات الشهرية + مصاريفي)
وجزء بيني وبين ربي ( )
وجزء للادخار (لا استخدمه الا اذا اضطرتني ظروف قاهرة)
وجزء للأزمات (احد اراد دين او اردت بالمساعدة او لزمني غرض هام ) وللعلم اذا ما تم استخدامه ف يرحل للشهر القادم حتى ازيد جرعة الادخار
بشكل شهري اعد هذه القائمة واعدل فيها في ايام الاعياد والمناسبات
-
20/09/2016 09:48 AM #18عضو نشيط
- تاريخ الانضمام
- 12/02/2012
- الجنس
- أنثى
- المشاركات
- 320
انا ولله الحمد راتبي يروح للجمعيات عشان نبني بيت المستقبل هههه
ولكن ادخر مبلغ 50 ريال شهريا ولا امسه ابدا ابدا... صحيح انه مبلغ بسيط لكن على الأقل احصله وقت الظروف القاهرة بدل لا ابعثره يمين يسار.. و50 فوق ال50 يصيرن مية وهكذا...
-
20/09/2016 11:50 AM #19
الادخار مفيد كثير،، وخاصة في وقت الأزمات
والا أنا بصراحة ماا أعرف هذا الإدخار مخاصمني ليش
مجرد ماا ينزل الراتب يطير بسررررررعة :: يأخي مدري ليش::
كل شهر أقوول بقتصد هالمره بس ماشي فايدة
-
20/09/2016 12:47 PM #20
امممممم صحيح ان الادخار فن....
انا الادخار احيان يكون معي معي و احيان يعاندني....
انا من النوع اللي اصرف ع كل شيء يكون خاطري فيه وأحس سعره معقول...
بس الأشياء اللي احسها سعرها اوووووووووفر م اقرب منها و لو يموت خاطري ع كثر م يبيها....
ف الفترة الماضية صار عندي أزمة اقتصادية عااااااااااااااالمية.... يعني ف عالمي الخاص...
و للأسف اضطريت اصرف تقريبا كل اللي عندي....
كنت سابقا ملتزمة بجمعيات... و أستلم الجمعية اخر وحدة...
عشان عاد بالأخير اتهنى بالمبلغ ولا ادفع لشيء اني خلاص صرفته.... اكره هالشيء....
و لكن للأسف اخر جمعية سويتها للحين م استلمتها لظروف م يعلم صدقها من كذبها غير ربنا....
م اقول غير حسبي الله و نعم الوكيل... هو الغني يرزق من يشاء بغير حساب....
الموهيم... و عاد من يومها رجعت عقدتي من الجمعيات...
لان لمن كنت صغيرة كنت اشترك بجمعيات صغيرة و كل مره يصير اشياءات و م استلمها.... مشكلة التعامل مع الكبار...
الموهيييييييييييم.... ياخي احس ان صار لي زمان اشتغل و ع كثر اصرافي لو مخلية الفلوس بدل لاعبة فيها ع كل شيء صغير...
كان الحين اني هامورة و عندي سيارة فحص كاااااااش بدون اي سلفيات... بس بعدني بطلعها بدون سلفيات...
الخطة الجهنيمة مالتي للإدخار...
عندي مليون حساب ف البنوك...
و عندي اكثر من حصالة....
ف اللي اسويه ان احط 50 ف هذا الحساب..100 ف هذاك الحساب..
50 ف هالحصالة...20 ف الثانية.. اقسم المبالغ هنا و هناك...
و كذا لمن احط المبلغ احس انه شويه و م يأثر ع اقتصادي الشخصي...
ف كذا عاد انا اتناسى كم حطيت مبلغ ف اغلب المواقع...
و في وقت الحاجة...... تجي المفاجأة الكبرى....
عندي مبلغ محترم..
و هذا طبعا غير عن اللي انساهم ف المحفظة الفلانية... والشنطة الفلانية...
و احلا شيء لمن انظف كبتي و افتش اغراضي الاقي فلوس كل مكان....
و طبعا فكره حلوة للي تصرف وايد...
لمن يكون عندك مبلغ محترم تاخذين فيه قطعة ذهب... هالشيء اني كنت اطبقة لفترة قبل الأزمة الاقتصادية...
و الذهب كلنا نعرف فايدته ف الازمات....
و أهم أهم أهم شيء الصدقة.....
لان سبحان الله لمن تتصدقي حتى وانتي تصرفي الله يبارك لك بالفلوس ف تحسي ان لسا عندك مبالغ للادخار...
الصدقة حتى لو 5 ريال تنفع صاحبها بدنياه و آخرته....
اني لمن توقفت عن هالشيء صراحة كل اموري المادية اعتفست...
و حاليا جاااااااااااااري البحث عن عائلة ايتام محتاجة...
و الله ولي التوفيق
-
و هذا طبعا غير عن اللي انساهم ف المحفظة الفلانية... والشنطة الفلانية...
و احلا شيء لمن انظف كبتي و افتش اغراضي الاقي فلوس كل مكان....
ياخي كأنك تتكلمي عني هههه
تصدقي انه خواتي الصغار لما يشوفني عاملة حملة تنظيف للكبت ... يجين يساعدني ومعروفات ليش
اونة اللي يحصلنه حالهن ..
بس بجد احب كذا ... تتفاجئ بمبلغ حلو وانت ف قمة انشغالاك بترتيب كبتك
-
20/09/2016 01:55 PM #22
هلا هلا @عيون الجرناس
طبعا يساعدوا ترا مغارة علي بابا بتنفتح لهم: فيس فاطس ضحك:
بس ترا هو هذا الحماس... كأنه هدية منك لك
و سبحان الله تجي هالحركات وقت التقشف والملل... ترجع الحماس والنشاط...
-
20/09/2016 04:23 PM #23عضو مميز
- تاريخ الانضمام
- 20/11/2011
- الجنس
- أنثى
- المشاركات
- 1,017
عن نفسي زوجي ماسك مصاريف البيت والماليه وكل شي وحاولت كذا مرة اقنعه بخطة ادخار لكن م شي فايدة يقول الامور عندي وكل شي تمام
حتى راتبي يطير اول ب اول
-
20/09/2016 04:44 PM #24عضو مميز
- تاريخ الانضمام
- 10/10/2011
- الجنس
- ذكر
- المشاركات
- 1,428
الصدقة
-
21/09/2016 10:57 AM #25عضو نشيط
- تاريخ الانضمام
- 29/11/2015
- الجنس
- أنثى
- المشاركات
- 521
احس الادخار فن من فنون العظيمة القتالية الصبرية ..
طبعا واضح من ردي انه ما من نوع الي ادخر .
-
21/09/2016 11:50 AM #26
صبحكم الله بالخير والطاعات
موضوع مهم جدااااا خصوصا لنا حواء لكون ان المال يذهب في لحظه
عن نفسي من اول ماتوظفت مسكت جمعية كبيرة لاكثر من اربع سنوات و منها اشتريت سيارتي بدون اقساط والحمدلله
وكنت محددة مبالغ شهريا ترسل للجهة المطلوبة ان كانت صدقة او حساب توفير بمبلغ بسيط كون الجمعية تأخد اكبر نصيب من راتبي
و اسحب اول ما ينزل الراتب مبالغ واخصص منها المبلغ للوالده الله يحفظها او مساعده احد ثم اهتم بحوائجي
وبعد الزواج والابناء فتحت حساب لكل بنت بعد ولادتها
واحط فيه مبلغ
والحمدلله على كل حال
كل شئ يحتاج له ترتيب واصرار وان شاء الله ينجح
-
21/09/2016 12:18 PM #27
السلام عليكم
بصراحه انا ادخر بس ع حسب الظرووف ..اول انا وزوجي نصررف بلا حدوود ويجي اخر الشهر مفلسين ..
لين فكرنا عدل وشفنا اننا نصرف فلوسنا ع حاجات تافهه مرات..
ف الحين من ينزل الراتب يحول لي مبلغ ك مصروف لي وطبعا ما المس منه شي لانه يوديني اتسوق شهريا للبيت والي ينقصني وهو يدفع ..ومن غير عنده حساب اخر يدخر فيه مبلغ شهريا ..
ونحاول نشتري الضرووريات وما يمنع نمتع نفسنا من طلعات ومطاعم ونكافيئ نفسنا بهدايا والخ ..
والحمدلله للحين الامور طيبه ..واحاول ادخرر اي فلوس معي وما اصررف
يعني ملابس ترا ما كل شهرر نفصل ونلبس ..بين كل كم شهر اشتري قطع وافصلهن واجدد من ملابسي
برغم اني ماا موظفه بس الحمدلله اجمع شهريا مبلغ زين ..
-
21/09/2016 12:36 PM #28
انا فتحت حساب ثاني ف نفس البنك الي ينزل فيه الراتب وخبرتهم شهريا يحولوا مبلغ لهالحساب
وحطيته بددون بطاقة سحب السبب اني فتحت هالحساب كان عشان تجديد السياره ودفع المخالفات سنويا
بس فالفتره الاخيره صرت استكاود ادخل البنك عشان اسحب المبلغ وطلبت منهم بطاقة سحب وعطوني وطار الادخار
-
21/09/2016 02:58 PM #29
@عيون الجرناس ,,, ما شاء الله فعجبتيني .. ربي يحفظك
-
21/09/2016 11:12 PM #30
مواضيع مشابهه
-
##قبل السفر إلى :: سويسرا..النمسا..ألمانيا...نصائح من تجاربكم وخبراتكم...##
بواسطة xaL3aMRix في القسم: قسم الاستفسارات السياحيةالردود: 11آخر مشاركة: 22/07/2014, 12:32 PM -
[ استفسار ] ##قبل السفر إلى :: سويسرا..النمسا..ألمانيا...نصائح من تجاربكم وخبراتكم...##
بواسطة xaL3aMRix في القسم: قسم تقارير السياحة الخارجيةالردود: 3آخر مشاركة: 17/07/2014, 04:48 AM -
تجاربكم وخبراتكم عن أقراص ( selenium) (سلينيوم)؟
بواسطة لولو مرجان في القسم: قسم الاستفسارات الطبيةالردود: 4آخر مشاركة: 14/05/2014, 07:47 PM -
بالصور سيدة صينية توافق على قطع رجلها لعدم استطاعتها توفير المال لعلاجها
بواسطة راعي الحلال في القسم: السبلة العامةالردود: 11آخر مشاركة: 07/09/2012, 02:54 PM -
.... الحل بأيدينا ... تستطيع توفير المال للمحتاجين والفقراء والباحثين عن عمل.. لماذا فرطنا به
بواسطة الناصرالعربي0000 في القسم: سبلة السياسة والاقتصادالردود: 1آخر مشاركة: 03/01/2011, 10:40 AM