تجربة التغيير من الزيت التخليقي الى 10w40

[NITRO]

سلام عليكم ورحمة الله وبركاته



حقيقة الشعب العربي بشكل عام يفتقد الى خبرة الزيوت التي يستخدمها للسيارات ,والبعض منهم يتكل على الوكالة على انها ذات الدراية الكبرى في صيانة سيارته
ولكن للاسف بعض الوكالات تخرب لك المكينة وانته ماداري (طبعا اتكلم عن بعض الشركات الاسيوية)

حقيقة جربت مجموعة من السيارات الوارد ولم تصان في الخليج اطلاقا وكانت تجي مكملة الممشى مالها مال الزيت واتعجب من صفاوة ذالك الزيت عند تغييره
وطبعا اللي يشوفه بيقول انه زيت جديد حتى الغريبة ماتحصل اطلاقا نقص في الزيت

عالعموم اذكر اخر مثال كان عندنا هو الاكستيرا
لو تجيبولي اكستيرا جديدة موديل 2015 وتم تغيير ايلها من بهوان
وتقارنوها بالاكستيرا اللي معنا 2008
من الصوت بتقولو انه الاكستيرا مالنا اجدد من 2015

تصدقو انه السيارة تجلس بجانبها ومشغل مكيف وحتى حس ماتسمع لها

المهم رحت اغيرلها الزيت وطبعا انا مخبر الاخ انه احطلها تخليقي 5دبيلو30
قالي وديها مع ...هم خبراء والخ.. وبعد التغيير قالي كلامك صحيح

السيارة جاتها عدة امور واغلب ملامك الاكستيرا الخليجي اللي يصينوها وكالة او محلات اللي مايستخدمو الزيوت التخليقية هالشي
1-ارتفاع ضجيج المحرك (وفي الاساس المحرك مايله صوت)
2-نفضة في السيارة لما تكون واقفة (مع الزيوت التخليقية انسى النفضة)
3-السيارة تبغى تبند لما تشغل مكيف وهي واقفة (في الخليج يقولو هذا عيب في الاكستيرا وفي الاساس هو من الزيت اول ماغيرت الزيت جاتها الحالة)
4-صوت البساتن
5-فقدت جزء من عزمها

تخيلو معي هذا الزيت 10w40 يعني مارحنا صوب 20w50 وكذا سوى بالسيارة

اعجبت بثقافة الامريكان اللي معهم وكل السيارات اللي جبناهن وشفتهن من قديم وجديد كلهن بزيوت تخليقية والمحركات نظيفة جدا جدا اعتقد الزيوت الثقيلة مامتوفرة الا معنا لانه ثقافة البعض متدنية للاسف في هذا الجانب
حتى لصقة التأمين بلط اذا السيارة يستبدل فيها يحطلك ستكر في المكينة عشان تعرف اخر تبديلة

السيارات الامريكية والاوروبية مأدبة معنا الوكلاء لانه لو سويت لها زيت ثقيل ياتسلم عالمكينة او يصيرلها مشككلة بالمحرك
اما الاسيوي عادي كل شي يشربنه ومن كذاك الوكلاء معنا يحطولهن ارخص شي

وانصح اي واحد يجيب وارد لايسويلها الا الزيوت التخليقية اللي مدروجة عالرقم ولاتقولولي انه هذا الرقم مال امريكيا ولا غيره

[سيباوي كول]

تشكر عزيزي نيترو

بخصوص النصيحة
يفضل تاخذ زيت المحرك على الرقم الموصي به من المصنع.
و أمورك في روب

أنا سيارتي الفولكس واجن زيت المحرك رقم 5w-40
صح انه غالي سعره يوصل 18 ريال لكل 4 لتر و لكن اغيره و أنا مرتاح .

[الضب17]

@سيباوي كول@ +11111

شكرا لك استاذ نيترو ع سرد التجربه
شخصيا لي نيه استبدل الزيت الحالي(شل 20w50) في سيارتي الي موديلها 99 لكزس واجرب زيت تخليقي كامل لان ف الاساس لزوجه الزيت الموصئ به في محرك الكزس es300 موديل 99 هو 5w30

[وسام العروبة]

عزيزي نايترو
أشكرك كل الشكر على هذي المواضيع

بس طلبتك طلب وقول تم

لما تكون فاضي افتح موضوع جديد وشامل واشرح فيه كل الزيوت وأنواعها وأفضلها وإيش يعني زيوت تخليقية وزيوت ثقيلة والزيوت في الأجواء الحارة والباردة ورموز الزيوت 10w40 وإذا كان مدعم بالصور بيكون أفضل وأفضل

لأنه أغلبنا تنقصنا المعرفة الكبيرة بالزيوت وأنا منهم وأشكرك عزيزي
وعاد اسمحلنا بنتعبك شوية

[بنت القرم]

عزيزي نايترو
أشكرك كل الشكر على هذي المواضيع

بس طلبتك طلب وقول تم

لما تكون فاضي افتح موضوع جديد وشامل واشرح فيه كل الزيوت وأنواعها وأفضلها وإيش يعني زيوت تخليقية وزيوت ثقيلة والزيوت في الأجواء الحارة والباردة ورموز الزيوت 10w40 وإذا كان مدعم بالصور بيكون أفضل وأفضل

لأنه أغلبنا تنقصنا المعرفة الكبيرة بالزيوت وأنا منهم وأشكرك عزيزي
وعاد اسمحلنا بنتعبك شوية

اشكركم اخواني وخصوصاً استاذي Nitro وانا رأيي نفس عزيزي وسام العروبه محتاجه افهم في الزيوت التخليقيه وغيرها لانه لاتوجد لدي درايه وحابه اتعمق اكثر في مجال المحركات ورياضه السيارات

[thug626]

بصراحة الاخ نيترو دائما يتحفنا بالمواضيع المفيدة دائما والاروع من ذلك هو اخلاقه العالية
فهو شخص يمكن الاستفادة منه لا يتهجم على الاعضاء

بعد اذنك عزيزي حبيت اضيف هذا الرابط يوضح بالتفصيل منعى الزيوت و الرموز التي ارمز لها
http://www.startimes.com/f.aspx?t=31268320

[بوحازم الشنفري]

عزيزي أنا شخصيا ماعندي خبرة في هالموضوع، ولي شك طويل وهاجس فيه من فترة، كمحرك مثلا اللي عندي محرك نيسان 5.6L V8 موديل 2004، ايش الأنواع المطلوبة اللي ترشحها؟

[NITRO]

بارك الله فيكم اخواني على مروركم العطر

صدقت مشرفنا
سيباوي الوقاية خير من العلاج .

بالنسبة للتساؤولات @الضب17
اللكزس الوارد يستعملوله الزيت التخليقي 5w30

--- @وسام العروبة @بنت القرم
الله يسلمكم الزيوت الثقيلة تبدأ من15 الى 20w50
هذي الزيوت اطلاقا مامناسبة للمحركات الحديثة وطبعا هي رخيصة
بعدين بتليها 10 ومثل اللي في الموضوع 10w40وعاد فيها ارقام هذا الزيت معتدلة بس بعدها تعتبر مامناسبة
(فيه زيتوت تخليقية 10w30,15w50)بس مامتوفرة معنا

طبعا ماشي زيت للبرد او للحر لانه كل سيارة ومصمملها الزيت المناسب حالها وفق مامكتوب في غطاء الزيت


اغلب السيارات الحديثة 5w30,5w40,0w5 هذي الزيوت تخليقية وتمشي من 10اللاف وفوق عاد يعتمد عالزيت ونوعيته
طبعا هو فيه انواع كثيرة ممتاز بس غالية بداية بالموبيل والكاسترول والايسي ديلكو والبي بي وشل والخ...

هو بالمختصر فيه زيوت معدنية تمشي5اللاف
وزيوت شبه تخليقية تمشي 5وبعضها 7اللاف
وزيوت تخليقية بشكل كامل تمشي 10اللاف وبعضها 15الف

وهذا موضوع مختصر يوضح جودة الزيوت التخليقية

http://m.assayyarat.com/forums/t273627.html
وهذا موضوع عام للزيوت
http://m.assayyarat.com/forums/t282634.html
بالاضافة الى موضوع اخينا الغالي @thug626
وشهادتك اعتز فيها اخي العزيز بوركت على كلامك وجهدك
كثر الله من امثالك
-- @بوحازم الشنفري

شوف غطاء الزيت ايش مكتوب الرقم
لانه انا بس اعرف من2007وفوق
و2007 وفوق لزوجة الزيت 5w30

ورعات الباترول يمدحو الكاسترول والتاتول والبي بي
بس انا اشوف نيسان يفي بالغرض لانه اعتقد ارخص عن المنافسين

[Green flash]

معي كامري و تيدا و اسويلهم يلي ما خمسه الاف شل
ابا اغير بويش تنصحني
خاصة الكامري مكينتها تعبانه و اذا مبدل ايل و اصب فيه جديد القاه فيه سواد

[NITRO]

معي كامري و تيدا و اسويلهم يلي ما خمسه الاف شل
ابا اغير بويش تنصحني
خاصة الكامري مكينتها تعبانه و اذا مبدل ايل و اصب فيه جديد القاه فيه سواد

هذي المشكلة الزيوت المعدنية قبل عن5اللاف تحصله سواد

الكامري سويلها زيت لكزس
والتيدا نيسان

او شل هيلكس

كلهن يمشين 10

او انك ابحث عن ماركة ثانية
الكامري مكتوب عالغطاء 5w30 او5w40?
اما تيدا 5w30

[Business dealers]

فترة صلاحية الزيت ،،



افضل انواع زيوت المحركات للسيارات

[الظل الأبيض]

من خلال استخدامي لزيوت التخليقيه ممتازه بس يعيبها سرعة التبخر او النقص في فترة زمنية اقصر من الزيوت القديمة
لكن تعطيك اداء مرضي وصرفيه نسبيا احسن

الا شو قصة فورد مرة احصلها في زيت موتر كرافت ومره في كاسترول

[بوحازم الشنفري]

تشكر نيترو، اللي ظهر لي 5w30 عادني بأتأكد من النوع المعبأ مؤخرا وإن شاء الله نمشي عالنصيحة وشكرا جزيلا.

[terbo911 343]

موضوع جميل نايترو ,,

ما قصرت ,,

بخصوص السيارات الامريكية @شبح السبله

كان منزل موضوع شامل عن تغير الزيت ,, لكن ما حصلته ..

وايضا مفتقدينه في السبلة في الفترة الاخيرة

كل الشكر لكم