- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 81
-
06/03/2017 12:59 PM #1
#تجارب_أم (تجربتي في تعليم طفلتي دخول الحمام)
#تجارب_أم
(5)
لاحظت في تجمعات الماميز كثرة تكرار سؤال متى وكيف اعلم طفلي دخول الحمام
من غير ان سبلة حواء تفتقر لذكر التجارب بشكل تفصيلي في كل النواحي
فحبيت اعرض لكم تجربتي المتواضعة بشكل منفصل مثل ما عرضت تجارب ثانية تحت هاشتاج #تجارب_أم
نبدأ بالسؤال الأول
+ما هو الوقت الصحيح لتعليم الطفل دخول الحمام؟
اغلب الدراسات تقول أن السن المناسبة هي من سنتين ل3 سنوات
بس فعليا في أطفال ممكن يتقبلو التعليم قبل السنتين
يعني في أمهات يعلمو اطفالهم من سنة ونص أو سنة و10 أشهر
ف بشكل عام.. انت كأم تعرفي قدرات طفلك، وتعرفي بالضبط متى استعداده الفعلي لتقبل دخول الحمام
المهم أنه يكون في هذه الفترة من سنة ونص لحد 3 سنوات
ويكون الطفل بدأ يتكلم بشكل مفهوم ويطلب ويشارك في الكلام
والمهم أكثر انك تكوني مستعدة لهذا الأمر نفسيا وجسديا
*تحضيــــــــــــــــــــ� �ـــــــرات التعليـــــــــــــم
- قبل كل شي ، ايش هي قابليتك واستعدادك النفسي والجسدي لهذا الأمر؟
وهل عندك بارض وصبر طووويل الاجل عشان تعلمي طفلك ؟
هذا الأمر يشكل 70% من نجاح العملية
ولا تعتقدي انك في يوم وليلة تقدري تعلمي طفلك
أقل أقل شي تحتاجي أسبوعين من الوقت ، أما الصبر والبارض ف حطي ما يقارب السنة
لان العملية تكاملية فوق بعضها، وممكن تجي للطفل حالات ما يقدر يسيطر ع نفسه اثناء الصياح او الضحك او
العناد
- وقت الصيف هو افضل وقت .. بسبب برودة الشتاء فالطفل يحتاج لدخول الحمام بشكل مستمر والبرد يأثر عليه وما يخليه يتحكم في مقدرته الجسدية على ضبط دخوله وخروجه للحمام
- كل ما كانت قدرتك الجسدية عالية، كل ما كان أحسن
مثلا الطفل كمل سنتين وانت قررتي أنك تريدي تحملي بطفل ثانني
معناها ان تعليم الطفل للحمام وانت حامل ، اصعب بكثير وخاصة الفترة الاولى من حملك الي كله وحام ونفسية سيئة
فمن الأفضل لك ولطفلك انك تعلميه قبل هذا الوقت
وكان هذا واحد من اخطائي
اني علمتها وانا حامل
الشي الي سويته اني انتظرت لين خلصت 3 شهور وثبت الجنين وتحسنت النفسية وقل الوحام وبعدها بديت اعلمها
بس واجهتني مشاكل الظهر ع كل روحة وجلسة ، وفادني هالكرسي حطيته في الحمام حتى ما اتقرفص واتعب اكثر
الحين جينا للجد
1) أول خطوة سويتها اني قبل لا اقرر ترك الحفاظة نهائيا
هو اني اعلم بنتي الطريقة الصحيحة لجلسة القرفصاء في الحمام العربي
فكنت لما ابدل لها حفاظتها اخليها تقرفص في مرحاض الحمام
طبعا حصلت رفض قاطع وصياح منها في البدايه، فبالتشجيع المستمر وتكرار الموضوع اكثر من اسبوع والصبر وعدم الصراخ نهائيا او الاجبار
صارت تتقبل الموضوع اكثر والحمدلله
2) جلستها عندي وفهمتها ان الحفاظة ما حلوة والحين انت كبيرة ولازم نشيلها وانت شاطرة وتسوي في الحمام
كلمة راس يعني ورغم انها ما كانت مستوعبة كل الي قلتلها اياه
بس كانت تسأل وتعيد كلامي (ما حلوة الحفاظة؟ وووالخ)
وهذا يعني تهيئتها للمرحلة القادمة
3) شلت الزوالي من الصالة والغرف وحطيت بدلهم حصير مؤقت
4) في ماميز يشتريو كرسي الحمام للطفل
بصراحة هذا الكرسي عملي واجد وشكله كيوت والاطفال يتشجعو يروحوله يحسوه مثل الحصان او السلحفاة
بس انا ما اشتريته لعدة اسباب
- الجلسة الي يجلسها الطفل فيه غير صحية وما تساعد ع الدفع وهذا ممكن يأثر ع عظام الحوض عنده بدون ما تحس الام// ممكن تبحثو في جوجل اكثر عن خطورة هذا الشي
- في اطفال لما يتعودو ع هذا الكرسي يصير صعب تعوديه ع الحمام العادي بعدين واذا مثلا كنت مسافرة او طالعة ما يطيع يروح الحمام لما ما يحصل كرسيه الكيوت
ولهذه الاسباب قررت سيادتنا عدم استخدامه
لكن طاح فيني التعب بعدين
مرة بنتي شافت هالكرسي في بيت اختي وواجد فرحت وصارت تطلب الروحة للحمام دوم
فما اقولكم ما تلومت شوية ، ع الاقل بيساعدني وانا حامل اكثر
بس في نفس الوقت لما اشوف امورها تمام الحين اقول الحمدلله اني صبرت من البداية وما اشتريته
بعد اذا المراحيض عندك افرنجية ممكن تستعيني بهذا
[IMG]https://s3-eu-west-1.amazonaws.com/c...tseat.jpg?v=10[/IMG]
بس انا ما احتجته لان المراحيض في شقتي عربية
وحسيت الجلسة العربية افضل للطفل ولعظامه
5) بحكم دوامي كنت احطها الصباح مع ام زوجي، فكان صعب اقطع عليها الحفاظة بشكل كامل من البداية وبصراحة ما حبيت اكلف ع عمتي اكثر خاصة في مرحلة البداية تعرفو كيف الحالة
فقررت اني اعلمها وقت المساء فقط كمرحلة اولية من العصر للليل بدون حفاظة
وبعد ما تتعلم شوي ، اخبر عمتي ونقطعها نهائيا
الامهات الي ما يداومو او عندهم بديل مثل شغالة تقدرو تقطعوها نهائيا من البداية أوتبدأو بالتدريج ع راحتكم
في امهات يقولو احسن مرة وحدة عشان يتعود الطفل
بس بالنسبالي كان هذا الشي صعب وافضل التدريج
فبديت لها اسبوعين فترة المساء بس
وبعدها لما بدت تتقبل الموضوع، قطعت الحفاظة نهائيا
بإستثناء بعض الطلعات الطويلة كنت البسها تقريبا لمدة شهر ونص وبعدها خلاص نووو حفاظ
6) لازم تحطي في بالك شي، الطفل ما عمره شاف بعيونه فضلاته الي كانت كلها في الحفاظة وما ينتبه لها - اعزكم الرحمن ولا للوقت الي تطلع منه
فلازم لازم لازم يعملها في ملابسه عشان ينتبه ان في شي يخرج منه يستدعي الروحة للحمام
وهذا الشي طبيعي للطفل في المرحلة الاولية
ولازم عليك تتقبله وتخليه يلاحظ هالشي
لكن انت ممكن تتجنبي الفيضانات الهائلة انك تشليه كل ثلث ساعة للحمام او نص ساعة
وبمرور الأيام ان شاء الله بيتعلم
7) حاولي هالفترة تتجبني البناطلين الجينز الثقيلة او الملابس الجديدة
وحطي له بناطلين قديمة او انك قريب تتخلصي منها بحيث اذا سبحان الله اذا ما فيك بارض احيانا او تمري بظروف او نفسية مش ولابد
انك ترميه ع طول وما تستخسريه وفي نفس الوقت ما تعصبي ع الطفل
8) الطفل في فترة الليل وبحسب الدراسات
مستحيل يعملها وهو نائم، يعني لازم يصحى بذهنه وبعدها يعملها
فهذا الشي في صالح الام
بحيث انت تقدري تشوفيه كم مرة يقوم بالليل ومتى، وتضبطي المنبه ع هذا الاساس وتقيميه وتشليه الحمام
واذا كان من النوع الي ما يقوم بالليل فلااازم لازم لازم تقيميه وقت الفجر
لان احتباس السوائل لحد ما يقوم الصباح خطير ع الطفل وبيسببله مشاكل في الجهاز التناسلي ع المدى البعيد
لهذا الله تعالى امرنا نقوم لصلاة الفجر
طبعا هذا اصعب بكثير لان الطفل يكون نايم ونومه بدأ يثقل ، مع بنتي عانيت بشكل
كل يوم الفجر صياح وعناد وما تطيع تقوم ولا تروح الحمام وووالخ
بس كنت متمسكة بضرورة انها تدخل الحمام وقت الفجر وبعد شهر من المعاناة وبإصراري صارت تتقبل هالشي والحمدلله الحين امورها تحسنت
7) التشجيع والتشجيع والتشجيع ونظام المكافآة اكثر شي يحفز الطفل
وخذي الموضوع وكأنه لعبه تلعبوها مع بعض
كنت بدل لا اقول لطفلتي يلا ركضي للحمام
اقولها: يلا نشوف من يسبق ماما ولا انت
وكنت اقولها يالله نشوف اذا بتسجلي جوول الحين او لا
نفس الشي لما يجي ابوها
اخبره وامدحها لأبعد حد.. "اليوم بنتنا الشطورة سوت جووول في الحمام وحدها"
ونجلس نصقفلها ونشجعها ونقولها يالله نروح الالعاب لانك شاطرة رحتي الحمام وهكذا
او نجيبلها هدية
مثل هالامور الي ما تكون جدية
يتحفز الطفل لها اكثر وتعطيه ثقة بنفسه
8) تجنبي الصراخ والضرب والنزاعة قدر استطاعتك
عشان كذا اقولكم ان هذه المرحلة تحتاج منكم صبر وبارض كبيييييير والا مستحيل تنجحي فيها
وكل ما لجأتي للتشجيع والمكافأة وتجنبتي الصراخ، كل ما تقبل الطفل الموضوع اكثر
خاصة في المرحلة الاولى وما بعد الاولى
انت تريدي تصنعي طفل قوي الشخصية وهو في مرحلة التعليم فلازم تعطيه الثقة الكاملة لهذا الشي وانها قادر له بإذن الله
ما اقولكم ما نازعت بنتي ابدا، بس حاولت امسك اعصابي قدر استطاعتي
ولاحظت بعد كل ما نازعتها كل ما رجعت ورا اكثر وصارت من الخوف تعملها في ملابسها بشكل زايد
بس لما عطيتها الثقة وشجعتها صارت قادرة وتطلب بسرعة اول ما تحس
في النهاية هي مسألة وقت ولازم نصبر عليهم ونتحملهم اذا نريدهم يوصلو لمراحل متقدمة
هذه تجربتي الي قد تحمل اشياء صحيحة واشياء خاطئة قد لا تتناسب مع كل ام بس حبيت اقولكم تجربتي لكي تستفيدو واتمنى من الله تعالى الأجر
-
مادة إعلانية
-
06/03/2017 01:17 PM #2خاطر
- تاريخ الانضمام
- 27/06/2007
- المشاركات
- 10
بصراحة موضوعك جاء في وقته
و فعلا يحتاج لنا بارض وصبر طويل
وبنتي عمرها ثلاث وانا حاليا حامل في الخامس والصيف اقبل ومافي مجال للتأجيل والله المستعان
-
06/03/2017 01:43 PM #3عضو مميز
- تاريخ الانضمام
- 13/09/2014
- الجنس
- أنثى
- المشاركات
- 3,595
موضوع جميل
بس ف أطفال رأسهم يابس
بوركتي
-
06/03/2017 01:54 PM #4عضو نشيط
- تاريخ الانضمام
- 10/09/2015
- الجنس
- أنثى
- المشاركات
- 924
المرأة في صراع من بداية الحمل ولحد ما يكبروا العيال ويتزوجوا تحس نفسها خلاص ارتاحت ومن بين هالصراعات عملية ترك الحفاظ اعتبره صراع لاني واجد عانيت مع ولدي بديت معاه من سن السنتين خذيتله الحمام الخاص بالاطفال وتركها لما كمل 4 سنوات وفعلا كلامك صح الحمام العربي يساعده اكثر مع انه ما يلبسها طول اليوم بس وقت ما يبي يطلع الفضلات كان يطلب حفاظة ولما توقفنا نشتريله ما سواها 5 ايام لحد ما جاله امساك وتعب ورجعناله الحفاظ خفت يمرض مرة ثانيه بس ظليت احاول واحاول معاه لحد ما حملت واول ما حملت سبحان الله ترك الحفاظ من نفسه الحمدلله
-
06/03/2017 02:05 PM #5
هذا اصعب شي احسه بمرحلة الامومه
شكرا ع المعلومات بتنفعنا فالمستقبل بإذن الله
-
06/03/2017 02:51 PM #6
موضوع رائع ومتعوب عليه سلمت اناملك يا رب ............
بالفعل هالنقطه جدا جدا متعبه للام وانا وحده من الامهات الي عانت هالشي ... بنتي عنيده بشكل ولما تشوف الحفاظات يا الهي الفرحه الكبيره بالنسبه لها شي كبير جدا ....
طبعا جربت كرسي الحمام مال الاطفال وهو الوحيد الي نفع معها الحمدلله لما تكون بيت اهلي تستخدمه وطبعا لما تكون معي ما تحتاجه بس بعده بقت نقطه وحده وهي نايمه ما قدرت ما البسها حفاظه
جربت مره احطها بدون حفاظه ووخذيتها الحمام قبل لا تنام والفجر سوتها فالفراش بللت نفسها ومشكلتي حامل ونومي متقطع وصعب اطلع من غرفتي واروح غرفة البنات واصحيها لو صحيتها بتصيح
وصعب تنام مره ..
-
07/03/2017 07:14 AM #7
موضوع جميل جدا
-
07/03/2017 07:14 AM #8
شكرا لك ع الطرح
-
07/03/2017 09:17 AM #9
-
07/03/2017 09:19 AM #10
-
07/03/2017 09:21 AM #11
-
07/03/2017 09:22 AM #12
-
07/03/2017 09:24 AM #13
العفوو خيتوو تستاهلو الخير
اذا سوتها وقت الفجر معناه ان هذا وقت دخولها للحمام
يعني حلو انها ما تسويها طول الليل
وفعلا صعب انك تكوني حامل توديها الحمام وتقطعي نومها
انا عانيت تقريبا مدة شهر لحد ما بنتي تقبلت موضوع قومة الفجر وكانت تصيح وتعاند ونجلس ثلث ساعة بس محايل
بس كنت مصرة عليها عشان صحتها وحرام يحبسو السوائل لحد ما يقومو الصباح
والحمدلله الحين صارت تقوم بسرعة وترجع تنام بعدها
-
07/03/2017 03:41 PM #14
-
08/03/2017 08:49 AM #15عضو نشيط
- تاريخ الانضمام
- 23/10/2009
- الجنس
- أنثى
- المشاركات
- 571
صباااح الخير للجميع
تركت السبله فتره طويله ورجعت شفت هالموضوع وحبيت اشاركم بتجربتي الحديثه مع بنتي
عمرها الحين سنتين وشهرين والحمد لله بأجازه نص السنه قررت اعلمها على الحمام واستغليت هالفتره
عشلن اختها اللي بصف ثاتي تساعدني دام انها بأجازه وتركض فيها للحمام عني
والحمد لله ما غذبتني خلال شهر ونص انتهت مهمتي معها
وعلى فكرة ما اشتريت حمام خاص لها عودتها على الحمام
العربي
-
08/03/2017 09:33 AM #16
-
08/03/2017 09:33 AM #17
-
08/03/2017 09:35 AM #18
-
12/03/2017 09:19 AM #19
ماميز خبرونا تجاربكم مع اولادكم في تعليم دخول الحمام
-
13/03/2017 10:09 PM #20عضو نشيط
- تاريخ الانضمام
- 22/09/2011
- الجنس
- أنثى
- المشاركات
- 430
انا ولدي الحين عمر سنتين وشهر وبعدني مستمرة اعمله من اربع أسابيع
بس كانت المهمه صعبه فالبدايه اول مره وديته الحمام وعملها فالحمام قام
مفجوع .شاف شي غريب خرج منه
وعاد بدأه المعانه ما رضي يعملها أبدا لما يريد يعملها يصيح ويمسك نفسهعن تخرج
وجاءه إمساك وزادت المعاناه .الامساك صار يعوره لما يعملها ورجعتله الحفاظ وظل الامساك
والخوف فيه مستمر لحد ما وديته المستشفى وعطيته إدويه عن الامساك
والموضوع كان صعب كثير فالبدايه بس الحين بدأ يعملها فالحمام
بس لازم اوديه بين فتره واُخرى وبالليل بعدني البسه حفاظ
-
14/03/2017 12:46 PM #21
-
15/03/2017 09:14 AM #22
اشكرك اختي على تجربتك والموضوع الرئع
انا بحاجه له ف تعليم بنتي بصراحه انا حسيت ان تعليم البنت اصعب من الولد
اولادي ماتعبونا ابدا ععكس بنتي جربت اعلمها اسبوع وبصراحه جاني اكتئاب ورجعت البسها بس بعد هالموضوع ان شاء الله برجع ابدا معها واعلم خصوصا ان باقلها شهرين وتكمل سنتين يعني اباها تكون خلاص متعلمه ع الحمام
-
16/03/2017 08:07 AM #23
-
16/03/2017 08:09 AM #24
سبحان الله انا اسمع ان البنت تتعلم اسرع من الاولاد بس كل حد وتجربته
يمكن لانك بعد كنتي حامل مشرفتنا ف الوحدة ما فيها بارض للموضوع
ويمكن ما تتقبل التعليم قبل السنتين فانتظريها لحد ما تكمل احسن
تكون استوعبت الموضوع اكثر
ودام عندك اطفال قبل فخليها تنتبه لهم انهم شاطرين ويروحو بروحهم الحمام
التشجيع المستمر وعدم الاستسلام اهم شي
وعسى تجي تبشرينا انها ما تعبتك
-
16/03/2017 09:33 AM #25
مووووضوع في وقته ،،
لاني هالفترة أحاول أبدأ مشوووواري معي أميرتي الصغيرة
وعسى تتقبل بسرعه وتساعدني
مشكككوره أختي
-
19/03/2017 10:03 AM #26
-
21/03/2017 11:38 PM #27
حتى انا محتاجه هالموضوع ف ذا الوقت
بنتي كملت السنتين و الثلاثة أشهر و حاولت معاها ما متقبله الحمام نهائيا
تخاف كثير مع اني احاول اافهمها و اشوفها فيديوهات لاطفال يدخلوا الحمام و كذا عشان تتقبل الفكره
-
22/03/2017 03:03 PM #28
@شمس الصحراء
هذا هو الموضوع
وانا بذكر تجربتي مره اخرى لاني سبق وذكرتها ..
الطفل اول ما يصحى من النوم خذيه للحمام ع طول لانه لازم بيتبول ومنها بيعرف انه هالشي يطلع منه
وفتره النهار عطيه ماي وبعدها بشوي وديه الحمام وراقبي وضعه كل ربع ساعه او اقل يحتاج ع حسب في اطفال ياخذو نص ساعه او ساعه ..
اما بخصوص الككاع لاحظي الوقت الي يسوي فيه مو لما فيه اسهال تعلميه للحمام هنا صعب عليج وعليه
واذا سواها ف الحفاظ روحي وارمي الوسخ بالمرحاض وخليه يشوف انه حتى هذا هنا مكانه
واذا الطفل يتكلم اتوقع المهمه تكون سهله عليه
انا ولدي كان ما يتكلم كثير لكني سويت همه وعلمته والحمدلله بسرعه تعلم ولو اني كنت اعصب
وهالشي غلط لانه يخلي الطفل خايف انه بتنازعيه وهو ما مستوعب بعده ..
والتشجيع والتصفيق وايد مهم انا كنت امدحه قدام ابوه وابوه يشجعه ويمدحه..
ولا تجبري الطفل الا لو حسيتي بالفعل متقبل الحمام وترك الحفاظ ..واذا بديتي تعلميه لا تتركي وتستسلمي لانه الطفل بتصعب عليه المهمه بسبب ترددك ..
مره مرتين وعشر وبيتعلمووو ،،نظافه الزوليه ما اهم من طفلي ..
-
30/03/2017 08:50 AM #29
-
10/04/2017 01:33 PM #30
انا بديت اعلم بنتي الحمام هالاسبوع و الحمداللهً بدا الخوف يخف منها شجعتها و اعطيها هدايا تشجيعية عشان بس رضت تجلس فالقيصريه و تتقبلها بس بعدها ما تنزل شي فيها ابدا غير اليوم الصبح شًوي نزلت بول اعزكم الله و احسها تحاول مسكينه بس الوضع جديد عليها
و صحيح وحدها صارت ترمي الحفاظ تقول ماما ما اريد حفاظ بس وقت الكاكا تطلب الحفاظ
مواضيع مشابهه
-
الحمام المغربي من خلال تجربتي,,للاستفاده
بواسطة OnePearl في القسم: صالونات التجميلالردود: 2آخر مشاركة: 29/09/2012, 04:32 PM -
تجربتي مع الحمام المغربي.. وحبيت أفيدكم..
بواسطة OnePearl في القسم: صالونات التجميلالردود: 20آخر مشاركة: 26/08/2012, 01:47 AM -
تجربتي مع الحمام المغربي.. وحبيت أفيدكم..
بواسطة OnePearl في القسم: قسم إهتمامات حواءالردود: 18آخر مشاركة: 24/08/2012, 05:01 PM -
تجربتي مع تعليم السياقه
بواسطة شهدالحياة في القسم: السبلة العامةالردود: 96آخر مشاركة: 25/10/2011, 08:55 AM