- محرك البحث العام
- المركبات
- الأراضي
- العقارات
- الوظائف
رؤية النتائج 1 إلى 30 من 953
-
النعـــــــــــــــــــــ ال اللولويــــّـــــه
كيف حــــــــالكم ياترويــــــــــحين واخبار البــــــــــــــرد جلســـــــوا جلـــــــسوا كل حد في مـــــــــــكانه عن حد يقوم ما تخـــــــــــــــلوني أحلف
اليوم اتكلملكم عن قصــــــــــــــة العنوان واللي يتكلم عن
تو اخوينا التتون @NITROهتكونشيه هذا نعالك داسنها ونسيان هين حاطنها اشوف فيها قفل
قصة نعال اللولويه كان يا مكان يوم من الايام زهور رايحه اللولو هايبرماركت وقبل عن تحط رجلها تتفاجئ بالنعال تتبطل(مااعرفكم موه تقولوا) وصبرت لين وصلت صوب الاحــــــــــذية واشترت النعال وحاسبت وكانت اسرع محاسبه تعملها في التـــــــاريخ
ومضت الايام والشهــــــور ونست زهور هـــــــذا الموقف المحــــــــرج والامس نفس الموقف زهور تتجهز لموعد الاختبار وهي مرتبه الاوراق وبكل نشاطها وحمــــــــاسها وتنتظريجي وقت الاختبـــــــــار وكالطبيعتها قبل الموعد بعشرين دقيقه تطلع من المكتب متجه الى قاعة الاختبار على سرعه 280 وهي فرحانه انها قريبه من القاعه والفرحه ماتمت تتفــــــاجئ بنفس الموقف وخففت السرعه الى 40 واصلت مشوارها الى القاعه ووزعت الاوراق ومنهم اللي يستفسروهي تسحب رجلها عن حد يكشفها وفي نفس الوقت تفكر خطط ايش تعمل بعد الاختبار السياره اقرب لها من المكتب ولكن المشكله المفتاح فالمكتب تتصل بزميلتها تجيب النعال الثانيه من المكتب ماحلو تعنيبها وخاصه انه اخر الدوام
المهم خلص الاختبارواستلمت الاوراق والطلاب طلعوا بقت زهور في الكلاس وقررت ترجع المكتب ولكن على سرعة 5 والحمدالله وصلت المكتب وتم استبدالها وطاح الحطب على النار
الحمدالله هذا الموقف بعد افضل البعض تكســر ويطيح وسط الناس والسبب النعال
والحين دوركم ياترويحين اتحفونا بمواقفكم اللي تعرضتوا لها بسبب النعال
-
مادة إعلانية
-
13/12/2017 05:38 PM #2مساء البسمه
نحن نقول نعالي إنقصت
أو جوتيي إنقص..
حلوو زوز
مدري ما أذكر صارلي مثل هالموقف
وللإحتياط مخليه جوتي بالسياره..
تذكرت
نازله من الباص قدام البيت راجعه من الجامعه
الريال سايق الباص يناولني أغراضي وأنا واقفه مكاني
مستحيه نعالي إنقصت أول ما نزلت من الباص وبعدها صرت حذره
الجوتي أو النعال اللي يكون دوره ألبسه هذاك اليوم طبعآ تنسيق مع اللبس
أشوفه إذا يبا يموت ما ألبسه..
ومره داومت بنعال البيت
والحمد لله أنها نعال متطوره وعادي مر اليوم على خير
-
هْــّـٍـُـلآ بًــّـٍـُـكًََـ حبيبتي@@ بنت صحار @
الحمدالله حد طلع معي
نعم زين الاستحياط تراه انا نفعتني اللي فالمكتب اقصد زهور نفعتها بو حاطنها فالمكتب
المشكله النعال ارتاحلها كثير و مافيها اثر ان سير يريد ينقص ولا اعقها بطول يدي
والحمدلله اللي منقص سير الصبع ولا سير النعال هو اللي نفعني
-
13/12/2017 06:16 PM #4السلام عليكم
مساكم الله بالخير
لحظه
...
موقف تحفه
تذكرت موقف صارلي في الجامعة .. ووسط الزحمهوانا رايحه محاضره في ابعد مبنى عن المبنى اللي طالعه منه بعدني ما كملت نصف الطريق وتنقص نعالتي
اتذكر في ذيك الفتره لفيت يمين ويسار عن حد ينتبه وتعرفي الحمد لله ان نعال فلات .. يعني اقدر امشي الامر بدون محد يدري ومن حسن الحظ زميلتي بعدها ما طالعه من السكن .. وجابت لي نعال سبير
اما الموقف
بس تصير معي مواقف بعد غير النعال
البس نعال غير عن الثانيه واخره مره لابسه عباه قلب
وبس
-
13/12/2017 08:40 PM #5
يحدث مثل هذه المواقف وسط الانشغال والتأخير والسرعه وعدم الانتباه ..
حدث لي موقف واحد اتذكر يوم من الايام رجعت
من المسجد للبيت بدون نعال .....
شكرااااااا. لك
-
13/12/2017 09:54 PM #6
هين الوطية مالي بو ليتات لين تو ماجبتي شي؟؟
وموقفش نعم ضحوك بعده يوم تكوني فمكان قريب زين ,لكن يوم بعيد توريطه
انا جاله نقصت علي الوطية فالمدرسة والسبب واحد وكاني
وماعندي وطية غيرها تصلت حال ابوي من لمدرسة قالي كم قياس رجلك,,قلت له وحدي انقي العصر (اول تراني معذب ابوي في اختيار النعلان,يقول شهر العيا نته)
وجابلي الجوتي من سنين ذا الكلامنج مايوم تو صف التاسع
ويخبرني واحد مسؤوله العود طالبنه ومن وصل المبنى نقصت الوطية
ماعرف عاد يقول تقريبا لبس وطية السكرتير لين يخلص المقابلة
هو حقيقة الاستحياط زين,,دايما الواحد يخليله وطية سبير وحيت يروح يشلها
لانه مايعلم موه يستوي وفضايح تستوي نعم من تنقص
تجلس تتسحب على رجلك
احسنتي استادة زهور
-
13/12/2017 09:56 PM #7
@زهور الظاهرة
لو كان ما شي عنوان . حسبتك تتكلمي عن قطار اليابان السريع من السرعه الفائقة
هذه عاد ما نعال
نحن الرجال والشباب عندنا قصص كثيره عن النعلان يوم تسرق عند المساجد
وتخيلي عاد راجعه حال سيارتك ماكله حلوى وقبولي لحم ومصر مال 50 ريال والرجول حافيه ماشي فيها نعال
منظر حلو ومضحك ومتكرر
يالله نتحمل تراها هذه ضريبة روحت الملكات
تو عاد نشل كارتون نعلان في السيارات. نفسخ الجديدات ونخلي القديمات مال كل شي بريال
-
وعليكم السلام
اسعد الله ايامگ بكل خير وسعاده@ابتسامة الشمس راعيت العباه القلبه
يالله هذيك الساعه صعبه اول شيء نظره يمين وشمال عن حد يشوفك
ان شاء الله تكون اخر المواقف مثل هذا
-
اسعد الله ايامگ بكل خير وسعاده اخينا @دمعة النورس
نعم صدقت فهذا الاغلب المواقف بسبب سرعه والعجله
ماشاءالله عليك يا دمعة البر ماحسيت بطعنه حصاه ولا شي
تسلم اخينا علﮮ مرورك الطيب
-
عندما كنت صغيرا ، كبرت حتى صرت كما انا
وعندما كبرت ذهبت يوما من الايام الا العزاء حتى اسلم عليهم
وابكي معهم بكاء مريرا ، ولكنه عندما طلعت من خيمه العزاء الملكية لم اجد نعالي ابدا ، وجلست ابحث عنها يمنه ويسرى حتى اشتدت سواعدي وتشجنت عظلاتي وتعبت نفسيا ، فقررت ان امشي من خيمه العزاء حافيا في تحت الشمس وظهيرة الشتاء وانا اضحك واقول لهم الارض ليست حارة ولكنه كانت حاره جدا ولكن واجب العزاء كان لا بد منه فويل له من اخذ نعالي لاني اشتريتها ب 7 ريال والسلام عليكم
-
مامنك من هذيك بو رايحه ماكس واخوانه بو ف جراده مول ومصورتلك نعلان بو صبع وسير. تو اللي يشوفني هيقول هذي موه تسوي قسم الاحذيه مال رجال التتونين
كذاك سوالفك يعني مالا هنا مطفربنا طلعت حتﮮ الوالد ربي يحفظه مطفربه
نعم نته من يوم صغير طلعت بطران عوين منشطفه نعاله ومتصل بابوه وبعده يشرط عليه اروح معك العصر طيب ليش متصلبه نعم نيتروا باغلك مقشاع
ماشاءالله عليه مسكين تصرف لو انا مكانه افك حلقي مااعرف ايش اسوي
بلفعل الاستحياط واجب
تسلم اخينا علﮮ مداخلتك للنعال ولكن تو ماحاوبتني هذيك زنوبتك ولا نفسها اللي هذاك اليوم كاسرتلك رجلك ولا غيرها
-
@خندق مسقط
تراه بسبب السرعه الفائقه ماتحملتني النعال
ههههه تذكرت اخواني لما يتكشخوا بنعال الجديده ويجوا بلاها عاد الحين يشلوا نعلان مال تمشيه حال
منظر جميل اخي خندق يقولوا زين مشيه من دون نعال
صراحه بعدني ماسويت هذا الحركه وشكلي هتعلم بخلي نعال فسياره ومفتاح سياره يكون معي
جزيت شكرا اخي خندق علﮮ مرورك وسمعت اليوم فلوس وتبرع ل اخونا جاسم
-
@الرجوع من الماضي
عاد ماقصه بو حكيتها حلنا رجوع
ياخي حركات النعلان مثل هذا المواقف اخينا الرجوع بنعطيه فلوس عشان نطلع من الموقف
لكن ياخي مستغربه حموه رجال يشلوهن نعلانهم عب احنا الحريم الحمدالله نحصلهن مثل هنا
-
13/12/2017 11:09 PM #14
@زهور الظاهرة
اقترح لك تشلي كارتونين نعلان في سيارتك. واحد فيه ماركات..والكارتون الثاني مال النعلان مال كل شي بريال
يوم تنزلي المدرسه شلي نعال مال ريال واذا غابت ما تجلسي تصيحي وتطلبي اجازه من المديره
ما خبرناش عن جاسم
@واسطة العقد جمعت له 100 الف روبيه هنديه عشان زواجه من حيدراباد
اوين باغي زوجه من برع والعمانيات مهرهن غالي ويريدن ذهب والحفله في قصر البستان والكيكه من مخبز الفوارس
-
حموه كروتونين كان باغي ولاد اخواني يطيروهن حلي فشارع تكفي نعال وحده سبير هذا درس شيه نتعلم منه
انا ما في المدرسه والحمدالله مانتعامل مع مديره امورنا طيبه
' "
@خندق مسقط
مسكينه طاحت في اختينا @واسطة العقدتجمعهن عب الله يعينها اليوم ماهتجيها نومه هتجلس تعدهن
الله يهديه اخونا @جاسم القرطوبي جلس وهجع عن هذا القرار بو برع نوبه نته مثل بو هذاك صوب بو خارج
-
عمتم مساءا
أيها الكروش الترويحية
جاسم مسكين ما طلب من برا ، راضي بأي شي من داخل حتى لو جنية ججج بدليل قصيدتي اللي نشرتها من زمان
محتاج في الزمن الأغبر = لفتاة سبحان الأكبر
إني محتاج لامرأة = في الحسن تفوق بني الأصفر
كالصبح حلاوتها أبدا= والريق زلال كالكوثر
أدب نسب حسب شرف = علم من جامعة الأزهر
أصحو وأنام على حلمي = كالبلبل أشدو لا أفتر
والأمنية الصغرى كبرت = حتى صارت أمرا أخطر
أين الحمقاء العاقلة = من تقبل عشقا في أسمر
من تجعلني في عالمها =رمزا للقوة لا أقهر
فمتى ألقاها سيدتي= من تلهمني شعر العنتر
تتحملني بطبيعتها = وتدللني مثل الأصغر
وبحثت فلم أر سيدةً = كالأم لحمقي لا تضجر
-
ولد الحلال تو الصبح الظلام من تحي س12
ماشاءالله عليك اخينا@جاسم القرطوبي ابدعت في تالقك اختيار كلمات جميله ربي يوفقك
عب مخبرنا شيه اخونا @خندق مسقط تلقاه تو ذنه تصوصو لآن طريناه
اخي جاسم ان شاء الله يوم الله يكتب بتتحق حلمك
-
14/12/2017 08:24 AM #18
هو كذلك .. والعجلة من الندامة
تو عاد كيف افهمك !!!!!
ما هي النعال انسرقت @زهور الظاهرة
كيف بعد ما حسيت شو قالوا لك جماد
او بشر من غير إحساس ولا شعور أو فيل أو تمساح يمشي
ما هي كلها مسافه امتار من باب
المسجد لغاية موقف السيارة وحتى البيت
الظاهر السستم عندك مشوش
شكراااااااااا لك
-
14/12/2017 09:34 AM #19
السلام عليكم ورحمة الله وبركاته..
صبري طشة خليني اضحك
واجد شية هالمواقف
والموقف اللي تروحي بزنوبة للكلية
وما تستعلمي الا من بعد ما ماخذة لفة ع
الكلية
-
14/12/2017 10:47 AM #20
@زهور الظاهرة
صباحك مسك
@خندق مسقط
مسكين الرجل مانوي على برع انت سويت له سوالفه @جاسم القرطوبي
الله يوفقك
-
14/12/2017 10:51 AM #21
اسعد الله صباحكم
سالفه النعال والقطع تحصل معي اذا كنا طالعين فالسيح او منطقه شويه جبليه
تحصل انه تخورها معي النعال وتنقطع
وطبعا في السياره لازم احتياطي اخلي لطوارئ
@زهور الظاهرة
-
14/12/2017 10:57 AM #22
ما فمهت من الموضوع ولا تشه
الا نعال تكرخكم
-
-
14/12/2017 11:55 AM #24محظور
- تاريخ الانضمام
- 12/04/2016
- الجنس
- ذكر
- المشاركات
- 1,270
أقولكم سكتو وسمعو الهرجة بو صارت لي ...
كنت ف المرحلة الثانوية بو تجي قبل مرحلة الجامعة ... كان معي فلوس قلت أروح أشتري نعال تو طايحات جديدات
إسمها ريكر .. إلى حد اليوم بعدهم يبيعوهن وغاليات .. تلقيوهن ف الخميس للأحذية ..
إنزين .. إشتريتها وفوادي يوجعني غالية مو باغلها .. قلت أتفرشبها ...
ورجعت السكن وبمرة قلت أجربها فحص .. ورحت المطعم لقيته بعده ما فاتح .. فصخت النعال ودخلت قاعة بو يقلع العيون التلفزيون
وجلست جوب 5 دقائق بس ما طولت واجد .. وخرجت وجيت أبغى ألبس النعال وما لقيتها .. وقمت أدورها كما بو مجنون يمين يسار وأحاوط على المكان وفوق السطوح وما لقيتها
وقمت اصيح بس ما قدام الأوادم
وعاد موه أسوي .. الحمد لله حظي الوطية القديمة ما عاقبها .. ورجعتلها .. وعاد موه أسوي .
-
@دمعة النورس
اااها قول كذا عبالي تقول طلعت ونسيت تلبسها
الله يعينكم عهذا الامر
هههه صحيح الحمدالله احنا العباه طويله يعني لو استوى مثل هذا الموقف ماحد يعرف ماشيء نعال لكن الخدمه معكم بو الكنادير شويه قصيره
هو مااقولك مامشوش مشوش شويه
احترامي لك
-
وعليكم السلام ورحمة الله وبركاته
هلابك حبيبتي شواتي @شواطئ الذكريات
ابوي ضحكي واخذي راحتك
هههه نعم فضايح عاد بو ماداري شيء محاوط لين قايل بس وعاد يوم يجلس يرتاح يشوف الارض بيشوف النعال الغاويه
-
نته @شهاب الفجر
اصلا ماهتفهم
ماعليك يوم تتعرض بمثل هذا الموقف هتفهمه على الطائر
-
اسعد الله ايامك بكل خير وسعاده
@واسطة العقد
الحمدالله امورك طيبه مع الاهل وان شاءالله ماتمري بالمواقف المحرجه
-
تو زين كذا التفوشيره طحت على قرونك لا بفلوسك ولا بنعال نعم يضرب قهر الله يهديهم
هذا شكله نعال القديمه تنتقم من الجديده عشان ترجعلها
الله كريم ماشيء حيله ما من نصيبك
تسلم اخي الاجتماعي @منبع الخيرات على مرورك
-
14/12/2017 12:17 PM #30خاطر
- تاريخ الانضمام
- 20/01/2017
- الجنس
- ذكر
- المشاركات
- 23
طرح جميل
القفل اغلا من زنوبه
سالفة زنوبة لها سالفة
من زمان كل واحد معه زنوبة ونشطب عليها بنار لكي ما تختفي