السلام عليكم ورحمة الله وبركاته
حاب استفسر ايهم افضل في السياره كامري الوارد اوكامري الخليجي مع العلم حتي الوارد صنع ياباني.
لان حسب معلومتي انه الوارد ابدا ما يدخل وكالة بهون لعمل سرفس.
ايش نصحتكم لي.ايهم الافضل ؟
عرض للطباعة
السلام عليكم ورحمة الله وبركاته
حاب استفسر ايهم افضل في السياره كامري الوارد اوكامري الخليجي مع العلم حتي الوارد صنع ياباني.
لان حسب معلومتي انه الوارد ابدا ما يدخل وكالة بهون لعمل سرفس.
ايش نصحتكم لي.ايهم الافضل ؟
وعليكم السلام ورحمة الله تعالى وبركاته ..
شخصيا افضل الوارد ع الخليجي خاصة اذا كنت راح اصدر من الشارجة ..
الوارد يجي انظف عكس الخليجي يكون مكدود كد :كاشخ: ..
اما بخصوص السيرفس م محتاجه للوكالة تقدري تسرفسي بروحك .. اذا كان السيرفس ف الوكالة مثلا 30 ريال برع الوكالة بيكون 20 او اقل ..
تبقى وجهة نظر ف النهاية ..
موفقة ..
كامري ما يحتاجلها سيرفس وكالة
ناس مشتريه Bmw من الوكاله وتسرفسه برع
الخليجي الكامري غالي ..
يعني فول اوبشن موديل ٢٠١٦ خليجي بـ ٧٠٠٠
والوارد بتحصليه بـ ٥٠٠٠ حادث كان فيه وتصلح
وما شرط الخليجي مكدود يكون .. ممكن تحصلي موديل ٢٠١٦ ماشيه ٣٠ او ٤٠ ألف كم
الخليجي أفضل لأن عداد السرعة بالكيلومتر ولأن مواصفاته مهيأة لتحمل الحرارة.. لذلك أعطالها أقل بالأخص التكييف.
الوارد معروف أنه مميزاته أكثر ونظيف(شكلاً) .. إذا ما حصلتي خليجي نظيف اشتري الوارد ماشي حيله
على أي أساس علمي استندت عليه بأن الوارد ما مهيأ لتحمل الحرارة وأعطاله أكثر فالتكييف من الخليجي؟!!
جميع قطع السيارة متطابقة في الخليجي والوارد عدا بعض القطع البسيطة جداً جداً وتختلف بسبب المواصفات وعادة ما تكون زائدة في الوارد بسبب مواصفاتها الإضافية( على سبيل المثال النقاط العمياء في الكامري الوارد).
متى ما كان الوارد نظيف ومافيه حادث خاصة في المقدمة عشان ما يلعوز المكيف، اكيد تكييفه يكون ما عليه كلام.. وعلى العكس تراه امريكا فيها ولايات درجة حرارتها عالية جداً ويمكن اكثر عن أجوائنا.
وبإمكانك تجيب سيارة بدون حوادث او بحوادث والسيارة انت تزامن عليها وتعرف الي فيها والي مافيها.
ارشح الكامري الوارد بدون نقاش
عندي كامري وارد موديل ٢٠١٥
مواصفات احسن عن الخليجي بمليون مره
من كل النواحي من تقنيات وسفتي أكثر
وإذا ع الصيانه روحي اي كراج يسرفسلك بس اهم شي تركزي ع نوع الأيل عشان تحافظي ع المكينه فتره طويله
إذا تاخذي وارد ٢٠١٥ وفوق بس يكون ٦ سلندر فيه مميزات كثيره
مثلا فيه الرادار وفيه النقطه العمياء وفيه الخروج عن المسار
هذي للحين الخليجي ما يجي فيه هالمميزات