دفتر العنايه بالجسم والبشره والشعر مع يوه الغاويه
صباح الخير بنات حواء
رجعت لكم بعد طووووول غياب .... غلاي انا رجعت :عيار:
يمكن كل وحده منا عندها كتيب ولا ملاحظه تسجلها ..لما تحصل حاااجه فالنت .. وخاصه المنتديات ..
يعني شغفي الوحيد في جميع المنتديات . ركن العنايه بالبشره والجسم .
وبعدها ع طول ركن المكياج والعطور .. مرات لما أروح اتسوق اكون ما عارفة شو اريد وراسي يدور .. واشوف اشياء حلوه .. بس ما اعرف كيفيه إستخدامها .. ولا شو فائدتها .. فأتردد اخذها . وهالدفتر وين ما اروح اخذه معي ... وإذا حاااطه نيه حال تسوق .. اشوف شو ناقصني واكتب فورقه صغيره ..
نجي فالموضوع .
.
انا عندي دفتر .. اول ما احصل حاااجه ينمدح فيها ولا اي بنت جربتها وحصلت نتائج نالت على رضاها .. ع طول اكتب فالدفتر وابدأ اشتغل عليها .
اليوتيوب دائما في المقدمه لمشاهدة اجدد انواع المكياج وطريقته على حسب الألوان والموضه ,, بس راح اخبركم عن عن التجميل بعد ما اشوف تفاعل يا حلوات .
ركن العنايه بالبشره والجسم :
خلطات طبيعيه .. وجربتها تقريبا كلها كلها ..
ماسك للتقليل من البقع السوداء
1) ملعقتين لوز مطحون
ملعقتين عصير ليمون يستحب الليمون البلدي
صفار بيض
ملعقة حليب بارد
حطيتها ع وجهي تقريبا 20 إلى 15 دقيقة ..
هذا يكون للتقليل من البقع السواء والتفتيح لانه ضمن الخلطه عندنا كركم ..
ملعقتين كركم مطحون ( أفضل كركم الجسم )
ملعقتين زبادي
تحيطه ع الوجه 15 إلى 20 دقيقة
أما هذا القناع بصراااحه فنتكه .. حسيت وجهي ابيض زياده .. كأني كاسبر هههههه
ملعقتين طحين أبيض
ملعقة زبادي
نص ملعقه كركم
ملعقتين كبار حليب بارد
ملعقة صغير زيت زيتون ( افضله فلسطيني )
وتحط إلى 15 إلى 20 دقيقة ..
قناع العسل المفيد : بياض بيضة
ملعقة عسل
ملعقة زبادي
3 قطرات من زيت اللوز
نخلطهم مع بعض عدل .. وإستخدامه فالاسبوع مرتين ومن 15 إلى 20 دقيقة
العناية بالجسم :
هذه الخلطه حصلتها من بعض المنتديات . وفادتني بدرجه رهيبة ..
نص علبه صنفره كريم كاب
نص كيس ملح الحليب يوكو
كركم الجسم
ملعقتين نشا
حليب بودر
تخليطهم مع بعض بملعقة خشبيه لانه كل المواد جاافه .. وبعدها إستخدميها ع الجسم مده 10 دقائق .. وبدي فركي بحركه دائريه .وشفطيه بالماي وشوفي النتيجة .يوحد لون البشرة وبياض ونعومه ويقشر البشره .. إستخدامه يوم وراء يوم ..
وعاااد الحمام المغربي ما استغى عنه .. كل اسبوع .. خاصه يوم الجمعه ..
:)
واخلط صابون بلدي بزيت الزيتون
حنة مغربي ولا عماني ولكن بدون ليمون
عشبة الداد البيضاء ( حنه بيضاء )
ليمونه وحده
ومرات اضيف عكر فاسي ومرات اخليه بعد الحمام المغربي اخلطه مع ماي ورد كاخر شفطه .. يخلي الجسم مورد .ونعومه .. بدرجه ما تتخيليها ..
لتبيض الجســـــم
250 جم حناء بورة
250 جم شبة مطحونة
نصف لتر شاي أخضر ( شاي تغلونه مع الماي عشان يكون مركز)
بعد ما استحم اشفط الجسم بالخلطة .. واخلى الخلطة مده ربع ساعه على الجسم .. إستخدام يومي .. بياض روعه.. انا استخدمتها اربع مرات وشفت نتائجها .عاااد كيف إذا كنت متواصلة عليها
عنــاية الشـــعر :
دائما كل خميس ادفى زيت الأركان المغربي .. واحطه فشعري مع شويه مساج عشان احرك الدورة الدموية إللي فروه الراس .. وانام فيه ... ولكن بامكانج تخليه لمده ست ساعات عشان بصيلة الشعر تشبع بالزيت ..
الصباح ع طول اغسلة بالشامبو .. وبعدها ابدا .. بخلطه زينت العسكري العجيبة .
4 ملاعق خل تفاح
2 ملعقتين مايونيز
2 بيضة كاملة
2 ملعقة روب
اخلطهم مع بعض .. واحطهم فشعري مده 20 دقيقة .. ومرتين فالإسبوع .. هذه الخلطه فوائدها .. تفيد للشعر المتموج وتخليه ناعم ومستقيم .. وفرق كبير الحين .. اول كل ما غسلته احصل الشعر متموج وصاير مثل الشكل الحلزوني .. بس الحين صار واااو روعه .. وغير منفوش ..
يا الله يا بنات شدوا حيلكم عشان انزل الباقــي
بحاول أنزل الصور بعدين ....