المساعد الشخصي الرقمي

عرض الإصدار الكامل : بابوه [أبو كرافته] راتبه 3000 ريال..وخلفان [واحليله] راتبه 200 ريال !!



خندق مسقط
26/09/2012, 09:00 PM
مساكم نور على نور
يا أهل عمان الطيبين

مسائكم ورد
بحجم قلوبكم
يا أهل عمان الغالين


http://www.youtube.com/watch?v=Ke51CF1VGYI

أنا حزين
بحجم الكون
وبحجم غصات الزمن
فالحزن يعصرني
وأتوجع
أرى أخواني وأخواتي راتبهم 200 ريال

هذا الموضوع
يؤرقني
ويؤرق شريحه كبيره من الشباب

راتب 200 ريال عماني

باكر أروح "اقلوع" روي
سكه سكه
زنقه زنقه
حله حله
جلبه جلبه

أشتري كرافته..أنقي اللي لونها مزركشه

http://www.theislandpalace.com/picturekris48.htm/mosaic-flame-notes-zebra%20ties.jpg

ناوي أداوم بكرافته بدل مصر أو ترمه
أنقلب راجوه وراجيش..يمكن يزيد راتبي بدل 200 ريال

تو بالله عليكم
هذا راتب
تقدمه شركات حال شخص وموظف أو موظفه
أو شخص ناوي يعرس..ومستحي ما قادر يقول حال البنت ناوي أخطبش..أول شي تسأله موه عندك في البنك..موه نوبه عنده..بنك فرنسي أو سويسري ولا خاش غوازيه مثل الشياب في جونيه وراء الجدار
راتبه 200 ريال..ما قادر..لا يدفع مهر..ولا يسوي عرس..ولا يشتري سياره يارس أو كورلا ولا قادر بعد 9 أشهر يسمع صوت ولده ورضيعه لأول مره في حياته..من كذا ما تزيد نسبة المواليد والنسل عندنا...أول كان الشياب عندهم حرمتين وثلاث..والأطفال ما شاء الله فريق قدم مع مدرب وأخصائي أجتماعي

سألت نفسي هذا السؤال
تو كيف قادرين نسبة عاليه من الموظفين العمانين يسيروا حياتهم في القطاع الخاص؟

ليش "الرهوه" على ذلا الشباب
بس عشان ما عندهم شهاده..الشهاده مش معيار أبدا..لأن أغلب الوظائف في القطاع الخاص ليست مهنيه

أنا أعرف مدراء عموم أجانب..وأحس أنهم مجرد "ضرب باليس" على مالك الشركه
مجرد "كرافته" على الرقبه..وكلمة "Yes Sir" والكذبه أكبر من الثانيه ومنحوا كل الأمتيازات

هل 200 ريال تكفي لمدة شهر يا قطاع خاص
يا شركات يا عمانيه

كيف تقسم هذه ال 200 ريال؟
هين تروح؟
ليش ما نفكر في حلول من أجل أسعاد الشباب العماني

دعونا نسلط بعض الحلول..لأننا أنتقدنا كثيرا وما فاد شي

1. أن تدرس وزارة القوى العامله جميع الشركات التي يكثر فيها الوافدون..مثل شركات السياحه أو المطارات أو وكالات السيارات..ويتم تدريب العمانيين وأعطاء مهله لهذه الشركات بعمل Outsourcing بناء على رغبة كل شركه..ويتم تعمين الوظائف التي يتعدى راتبها بين 400 الى 800 ريال وتوجهه للعمانيين..كما يتم العمل على دراسه أخرى وتقديم المتسندات والأحصائيات عبر المركز الوطني للأحصاء..بحيث تقدم الأدله وتدريب الطلبه الجامعين والذي يملك الخبره ليكونوا مدراء في الشركات

2. أن لا تمنح الحكومه أي مشروع أقتصادي لأي شركه التي لا تلتزم بقوانين التعمين والراتب فوق 400 ريال

3. أن تعمل قوانين لكافة العمانيين في القطاع الخاص بان يلتزموا بالعقد لمدة 4 سنوات تحت شروط..يجب أن تدرس وتريح الموظف العماني..مثلا..يعطى الموظف نسبة من الربح السنوي أثناء أدارة مشروع

4. أن تعطى بعض الشركات مهله في تقديم حلولها لوزارة القوى العامله في رفع نسبة الرواتب بناء على أرباح الشركه سنويا

هناك أمثله ناجحه في تعمين الوظائف في القطاع المصرفي ونحن نوجهه شكرنا لرئيس البنك المركزي العماني وكافة موظفي البنك

ونتمنى أن يخطوا وزير السياحه و رئيس غرفة التجاره ورئيس الطيران العماني وكافة وكالات السيارات وأيضا شركة الزبير وشركة الزواوي وبهوان في أعطاء مساحه لرفع الرواتب

يا جماعه
والله
ثم والله
200 ريال
ما تكفي
لا حال أجار
لا حال راشن
لا حال أقساط سياره

هل الشركات
تريد تعيش في عالم الخيال العلمي وتحسب الناس عايشه في العصور الوسطئ
يتريق بجبن مع خبزة لولاه
ولا يتغداء بكوب عيش مع دال
ويربط بطنه في الليل ما عنده فلوس حال عشاء..وينام بطنه حايسنه ويتلوى من الجوع

كيلو اللحم اليوم ب 3 ريالات
والسهوه ب 4 ريالات
وكيسة العوال ب ريال
والفمتو ب 800 بيسه

هين ذا الراتب يكفي يا أرباب كمار ويا أرباب راجوه؟
عجب حالكم مسوين راتب 2000 ريال
وضاحكين على الأرباب بذك الكرفته

خلونا نعيش في هذا الواقع المر
ونسلط الحلول بطريقه تفاعليه

خلونا نبتعد من قشب كمار وراجوه
تراه ما يفيد..ونحن عارفين موه يسويوا

هل 200 ريال تكفي يا وزارة القوى العامله ويا قطاع خاص؟

تحياتي

MR SALIM ALHATTALI
26/09/2012, 09:13 PM
ربي يوفق الباحثين عن عمل وكم اتمنى زيادة مرتب القطاع الخاص وربي يوفقهم

ملك بصراحتي
26/09/2012, 09:14 PM
حمدالله رب العالمين ..

جالسين ومانريد نتزوج خلاص , عسى نحصل حورية ف الجنة عاد:كاشخ:

الراتب كذاك يكفي ولله الحمد, بس مع الزواج ماريح يكفي , ف مافي حل الا ان لانفكر ف الزواج لان مافي حلول اخرى ..

اذا يسوي تجارة : فلازم يحتاج ل راس مال, ويحتاج وقت ومعظم اللي راتبه 200 يداومون شركات ويخلصون 6 العصر ...

بخصوص زيادة الراتب : كتبو وتكلمو ولكن ماشي فايدة ..

فما هو الحل ف نظرك عزيزي ؟؟

خندق مسقط
26/09/2012, 09:14 PM
الحل بأيدنا جميعا
وبأيدي الحكومه
علينا أن نتكاتف
وهذا دورنا جميعا
ويجب أن يعطي المجلس الأعلى للتخطيط الأهتمام بالموضوع
و وقف التأشيرات والتوظيف
في قطاع السياحه
والتدريس
والطيران
والأعلانات
والمبيعات

قلب رفيع الذوق
26/09/2012, 09:17 PM
هل تستطيع الحكومة الزام الشركات ع النقاط الي ذكرتهن؟؟؟
الا تخاف أحكومة اذا الزمة الشركات ع هذه النقاط يهرب المستثمر الاجنبي ة العماني؟؟؟
لماذا القطاع الخاص لا يثق في العماني!!!؟
حتى اغلبية الشركات الي موظفة عمانيين فقط لاكمال نسبة التعمين و حتى تطلب من العماني انه ما يداوم و تو يداوم يوقع حضور و ينصرف!!!؟
هل العماني فاشل ف الشركات الحكومية؟؟

خربشات
26/09/2012, 09:18 PM
الله المستعان.. الميتين ريال ما تكفي ولا حد يقول ما لازم تسوي كذا او لاتشتري كذا او لاتروح هنا وهناك. لانه لو ما تسوي شي الميتين ريال ما تكفي. الله يعين.

خندق مسقط
26/09/2012, 09:20 PM
حمدالله رب العالمين ..

جالسين ومانريد نتزوج خلاص , عسى نحصل حورية ف الجنة عاد:كاشخ:

الراتب كذاك يكفي ولله الحمد, بس مع الزواج ماريح يكفي , ف مافي حل الا ان لانفكر ف الزواج لان مافي حلول اخرى ..

اذا يسوي تجارة : فلازم يحتاج ل راس مال, ويحتاج وقت ومعظم اللي راتبه 200 يداومون شركات ويخلصون 6 العصر ...

بخصوص زيادة الراتب : كتبو وتكلمو ولكن ماشي فايدة ..

فما هو الحل ف نظرك عزيزي ؟؟


أهم حل وأسرع حل
أن تشكل هيئة وشراكه تحت مظلة مجلس الوزراء الموقر موازيه لمجلس الدوله والشورى
وتكون شريك أقتصادي
أحد شركائها شركات النفط والغاز قادره على الدعم المادي ويجب أن تمنح الحكومه لها بعض الأمتيازات سواء داخليه أو خارجيه
بحيث يتم الأهتمام بتوظيف الشباب وزيادة معدل الرواتب وبناء مجمعات سكنيه ومنح قروض زواج بلا فوائد طالما الموظف يعمل لدى هذه الشركات

خندق مسقط
26/09/2012, 09:23 PM
هل تستطيع الحكومة الزام الشركات ع النقاط الي ذكرتهن؟؟؟
الا تخاف أحكومة اذا الزمة الشركات ع هذه النقاط يهرب المستثمر الاجنبي ة العماني؟؟؟
لماذا القطاع الخاص لا يثق في العماني!!!؟
حتى اغلبية الشركات الي موظفة عمانيين فقط لاكمال نسبة التعمين و حتى تطلب من العماني انه ما يداوم و تو يداوم يوقع حضور و ينصرف!!!؟
هل العماني فاشل ف الشركات الحكومية؟؟


ممكن بطريقه غير مباشره
يا شركه يا محترمه
وظفي ابناء عمان
أمنيحهم الثقه
خلي نسبة من الأرباح حال الموظفين
وسوف أمنحك يا شركه بعض الأمتيازات

قلب رفيع الذوق
26/09/2012, 09:24 PM
العماني في الشركات الحكومية و البنوك وصل لرئيس تنفيذي و القطاع الخاص لازال لا يثق ف العماني

قلب رفيع الذوق
26/09/2012, 09:27 PM
أهم حل وأسرع حل
أن تشكل هيئة وشراكه تحت مظلة مجلس الوزراء الموقر موازيه لمجلس الدوله والشورى
وتكون شريك أقتصادي
أحد شركائها شركات النفط والغاز قادره على الدعم المادي ويجب أن تمنح الحكومه لها بعض الأمتيازات سواء داخليه أو خارجيه
بحيث يتم الأهتمام بتوظيف الشباب وزيادة معدل الرواتب وبناء مجمعات سكنيه ومنح قروض زواج بلا فوائد طالما الموظف يعمل لدى هذه الشركات


الحل الي ذكرته ع المدى البعيد راح يهدم اقتصاد الدولة
لان كل الدول تعتمد ع القطاع الخاص في دفع عجلة التقدم و البناء و القطاع الخاص لازم يساهم في اقتصاد الدوله بشكل كبير

قلب رفيع الذوق
26/09/2012, 09:31 PM
ممكن بطريقه غير مباشره
يا شركه يا محترمه
وظفي ابناء عمان
أمنيحهم الثقه
خلي نسبة من الأرباح حال الموظفين
وسوف أمنحك يا شركه بعض الأمتيازات


لكن الحكومة ما مقصره ف الامتيازات الي تمنحها للشركات
و لو شفت مؤخرا الامتيازات الي منحتهن المنطقة الاقتصادية ف الدقم راح تقول بعد ايش يريد المستثمر اكثر من كذا

خندق مسقط
26/09/2012, 09:34 PM
لكن الحكومة ما مقصره ف الامتيازات الي تمنحها للشركات
و لو شفت مؤخرا الامتيازات الي منحتهن المنطقة الاقتصادية ف الدقم راح تقول بعد ايش يريد المستثمر اكثر من كذا


كلامك صحيح
لكن نحن الأن نقدم مقترحات جديده للحكومه
من خلال ما ذكرته سابقا
تريد أمتيازات من عندي من الحكومه
هذه شروطي
واضحه
أهتم بأبناء البلد وأرفع رواتبهم
الوافد ما أحسن منهم
علمه الصنعه
و وفر له التدريب
ولا ميري وحسينه ما أحسن منهم

نمر ريدان
26/09/2012, 09:35 PM
ماحد دمر شباب الوطن الا هذه سياسه بعض المسؤولين في فرض رواتب متدنيه للعمانيين وجعلهم بوظائف بسيطه في حين يتمتع راجيش وكومار بكل الامتيازات من سكن وسياره وتلفون وراتب فوق ٢٠٠٠ وماينقص من الف !!!!

سلامي على التعمين ..

خندق مسقط
26/09/2012, 09:39 PM
ماحد دمر شباب الوطن الا هذه سياسه بعض المسؤولين في فرض رواتب متدنيه للعمانيين وجعلهم بوظائف بسيطه في حين يتمتع راجيش وكومار بكل الامتيازات من سكن وسياره وتلفون وراتب فوق ٢٠٠٠ وماينقص من الف !!!!

سلامي على التعمين ..


ياريت راجيش وكمار يعرف شي
أتحداك ما يعرف شي
يداوموا الساعه 9
ونص الظهر مع حريمهم
والعصر في الشغل ضرب شاي
وكل شهر سفره الى دبي
أوين رايحين يجيبوا مشروع
حال الأرباب
فندق 4 نجوم
وتذاكر
وفلوس جيب

قلب رفيع الذوق
26/09/2012, 09:49 PM
ماحد دمر شباب الوطن الا هذه سياسه بعض المسؤولين في فرض رواتب متدنيه للعمانيين وجعلهم بوظائف بسيطه في حين يتمتع راجيش وكومار بكل الامتيازات من سكن وسياره وتلفون وراتب فوق 2000 وماينقص من الف !!!!

سلامي على التعمين ..


محد فرض رواتب متدنية
و ع فكره هذه المشكلة في كل دول الخليج و هي مشكلة تهدد اقتصاديات دول الخليج

أبوسعد
26/09/2012, 09:51 PM
حتى أنا افكر مثلك
شركة عمان للاستثمارات والتمويل (oifc) تعطي قراء العدادات 200 ريال
طلبوا الشباب الزيادة في الرواتب وعملوا اضراب عن العمل
وجهوا ندا إلى وزارة القوى العاملة
وإلى شركة مسقط للتوزيع الكهرباء
وإلى الهيئة الكهرباء و المياة
ولكن ماشي فايدة حتى من وزير القوى العاملة

قلب رفيع الذوق
26/09/2012, 09:53 PM
ياريت راجيش وكمار يعرف شي
أتحداك ما يعرف شي
يداوموا الساعه 9
ونص الظهر مع حريمهم
والعصر في الشغل ضرب شاي
وكل شهر سفره الى دبي
أوين رايحين يجيبوا مشروع
حال الأرباب
فندق 4 نجوم
وتذاكر
وفلوس جيب


اسمح لي يا خندق مسقط والله المندي تخصله في اكبر و ارقى الشركات العالمية
للامانة و كلمة الحق تقال الهندي صنع لنفسه مكانه عالمية و اكبر الدول و من بينها اليابان تستعين بالهندي و خاصة في مجال تقنية المعلومات

مجرد ذكريات
26/09/2012, 09:54 PM
بابوه توه جاي مخلص بحث علمي من جامعة....
وخلفان توه جاي مخلص محدر النخل وساقي جلبة القت

مالكم كيف تحكمون

om769an
26/09/2012, 09:55 PM
راجوة ما بيخلي الناس في حالها ويرضي براتب ٢٠٠٠ بعد بيجيب أهله وعشيرته وبيسوي لوبي في الشركة عشان يضمن جلوسة في بلادنا وينهب من حلالها نهب ... والله العظيم انه العماني ناجح بس يحتاج وقفة صارمة من الحكومة ضد الأجنبي الي ما مخلي العماني المسكين في حاله بيجلس يلف علي العماني لف كما الثعبان علين ما يطفر به ...
انا أقول انه جهاز الرقابة لازم يعين موظفين في الشركات يشتغلوا حالهم من حال الموظفين العاديين ويشوفوا أيش راجوه جالس يلعب بالفلوس وبالعماني لعب وبتنكشف الحقائق تراه حقيقة فيه أجانب ما يستاهلوا يجلسوا يوم واحد في بلادنا بس أيش تسوي كما يقول صاحب المثل أيش دخل البيدار يوم صاحب الضاحية راضي...

السفاح التغلبى
26/09/2012, 09:58 PM
ياريت راجيش وكمار يعرف شي
أتحداك ما يعرف شي
يداوموا الساعه 9
ونص الظهر مع حريمهم
والعصر في الشغل ضرب شاي
وكل شهر سفره الى دبي
أوين رايحين يجيبوا مشروع
حال الأرباب
فندق 4 نجوم
وتذاكر
وفلوس جيب


أتفق معك

كومار و ربعه موجودين فى كل مكان حتي شركة تنمية نفط عمان ما سلمت منهم
خبره تخبيس و هز رؤوس عندهم

بس ما منهم من العماني اللى جابهم و وظفهم
لو كفاءات ما قلنا شي بس هذولا عاله على الوطن

و الله يعين العمانى اللى يكدح من أجل لقمة العيش و من أجل وطنه

خندق مسقط
26/09/2012, 09:59 PM
راجوة ما بيخلي الناس في حالها ويرضي براتب ٢٠٠٠ بعد بيجيب أهله وعشيرته وبيسوي لوبي في الشركة عشان يضمن جلوسة في بلادنا وينهب من حلالها نهب ... والله العظيم انه العماني ناجح بس يحتاج وقفة صارمة من الحكومة ضد الأجنبي الي ما مخلي العماني المسكين في حاله بيجلس يلف علي العماني لف كما الثعبان علين ما يطفر به ...
انا أقول انه جهاز الرقابة لازم يعين موظفين في الشركات يشتغلوا حالهم من حال الموظفين العاديين ويشوفوا أيش راجوه جالس يلعب بالفلوس وبالعماني لعب وبتنكشف الحقائق تراه حقيقة فيه أجانب ما يستاهلوا يجلسوا يوم واحد في بلادنا بس أيش تسوي كما يقول صاحب المثل أيش دخل البيدار يوم صاحب الضاحية راضي...


حل جميل جدا
نرجوا أن تدرس الحكومه هذه المقترحات الرائعه
شكرا لك

Ben Foster
26/09/2012, 10:01 PM
رئيس تننفيذي هندي في شركة ابراج راتبه 11 الف ريال عماني ومهندس سالم الي كان ريس سابقا 5 الف ريال - رغم انه مهندس رائع جدا خبره كبيرة في العمل و اشتغل في امريكا و هولندا و دبي و الكويت والخ و الحين رئيس رئيس تنفيذي شركه ديوتاك الالمانية ..
للاسف الشركات تحب الايدي العامله اكثر من مواطن

خندق مسقط
26/09/2012, 10:02 PM
ولاد راجوه وبابوه يدرسوا طب في كندا وشيكاجو
عشان يرجعوا ولادهم عمان مره ثانيه
يشتغلوا ويتزوجوا
ويمكن يحصلوا على جنسيه

om769an
26/09/2012, 10:04 PM
رئيس تننفيذي هندي في شركة ابراج راتبه 11 الف ريال عماني ومهندس سالم الي كان ريس سابقا 5 الف ريال - رغم انه مهندس رائع جدا خبره كبيرة في العمل و اشتغل في امريكا و هولندا و دبي و الكويت والخ و الحين رئيس رئيس تنفيذي شركه ديوتاك الالمانية ..
للاسف الشركات تحب الايدي العامله اكثر من مواطن

المهندس سالم ونعم الرجال وشخص معروف بس حكم القوي علي الضعيف ... ما قصر الجديد جايب العشيرة كلها

عاشق الكامارو
26/09/2012, 10:07 PM
ياريت راجيش وكمار يعرف شي
أتحداك ما يعرف شي
يداوموا الساعه 9
ونص الظهر مع حريمهم
والعصر في الشغل ضرب شاي
وكل شهر سفره الى دبي
أوين رايحين يجيبوا مشروع
حال الأرباب
فندق 4 نجوم
وتذاكر
وفلوس جيب

صح كلامك والصورة أبلغ دليل .. راجيش يقوم قبل صلاة الفجر ويزاول أشرف مهنة في الوجود وراتبه 60 ريال .. وغيره جالس في مقهى إنترنت يقييم وضع البلاد الإقتصادي والسياسي ويطالب ويطالب ويطالب .. متى نتعلم بأن نعمل بصمت راجيش ربما يأتينا رب راجيش برزقه !

http://4.bp.blogspot.com/-T3x20vIDyTI/TiXwIYSnFjI/AAAAAAAAAZM/RP-3hJe_7Qo/s1600/1.JPG

الفيلق المرهق
26/09/2012, 10:07 PM
الله المستعان :كاشخ:

خندق مسقط
26/09/2012, 10:08 PM
أنا أخبركم كيف أنتشروا الهنود في الوزارات والشركات
بطريقة الرشوه
يتفق أول واحد مع أخر
أذا جبتك في ذي الشركه ولا ذي المؤسسه الحكوميه كم تعطيني؟
أول راتب حالك
أو 10% من راتبي حالك
وهكذا مع البقيه
المهم..أول شي
يدهن سير المسؤول
اللي فاك حلقه
يوم يخاز المسؤول
الهنود يكرروا العباره
خليه ولي

روتردام
26/09/2012, 10:08 PM
أصلا ليش أقبل وظيفة براتب 200 ريال


أقتراحي لوزارة القوى العاملة بدل ماتراقب نسب التعمين يضعون خيار آخر كم نسبة رواتب العمانيين مقارنة بالأجانب
عارف شركة كل المدراء أجانب ورواتبهم اقل واحد 1800 ريال غير البدلات وعندهم نسبة التعمين خمسة وخمسين في المائة وأكبر راتب العمانيين 280ليش مسجل في القوى العاملة مدير اداري

Ben Foster
26/09/2012, 10:09 PM
المهندس سالم ونعم الرجال وشخص معروف بس حكم القوي علي الضعيف ... ما قصر الجديد جايب العشيرة كلها

اعرفه مره شخصيه جدا كنت في بي دي او معه ايام حلوه .. وعرض عليه وظيفه في ابراج بس رفضت ... العرض مب هذاك زوووود بس رجل محترم جدا .. هو صاحب فكره ابراج مع مهندس سالم السيابني الي يدير منصب رئيس تنفذيOMAN OIL COMPANY

القناص قناص
26/09/2012, 10:11 PM
ياخي شو خسرانين اذا زادوا الرواتب تراه منكم وإليكم ما بيروحن مكان 2 ذيلاك البيستن بيرعن حال كرش راجوه ورباعته..:(

كرستوفر
26/09/2012, 10:11 PM
ما زلتم تجنوا ثمار سياسات قديمة صاغها أناس لمصلحتهم ومصلحة شركاتهم !! .
لما كان الأمر بيدهم الذي عثو في البلاد فساد !!.

وها انتم تتجرعوا ويلات بقايا ومخلفات خوايا الضمير ..
ولا يصلح أمر هذا البلد الا باجتثاث رؤوس الفساد كاملة..

خندق مسقط
26/09/2012, 10:12 PM
صح كلامك والصورة أبلغ دليل .. راجيش يقوم قبل صلاة الفجر ويزاول أشرف مهنة في الوجود وراتبه 60 ريال .. وغيره جالس في مقهى إنترنت يقييم وضع البلاد الإقتصادي والسياسي ويطالب ويطالب ويطالب .. متى نتعلم بأن نعمل بصمت راجيش ربما يأتينا رب راجيش برزقه !

http://4.bp.blogspot.com/-T3x20vIDyTI/TiXwIYSnFjI/AAAAAAAAAZM/RP-3hJe_7Qo/s1600/1.JPG


يعني أنت بهذه الصوره
عاجبنك وضع رواتب الشباب في القطاع الخاص؟
وجاي الله هداك دافع عن الهنود
وهل تعتقد هندي راتبه فوق 1000 ريال رايح ينظر بعطف لهولاء الهنود اللي يشتغلوا في مهن بسيطه؟

مراد باشا
26/09/2012, 10:13 PM
أحييك خندق مسقط ((يأخى انت مبدع)) في كل شي00

اتمنى من المسؤولين العمانيين يحسوا في خلفان وربعه00 ويعطوهم الثقة عشان يبدعوا0000 ما قاصر يطلعون لنا في الجرايد والاخبار على مؤتمرات ومحادثات وتطوير الشركات الصغيرة والمتوسطة00وتطوير السياحه00 والنهوض بالمواطن00 00 لذا اضم صوتي مع صوتك (((( نعم للنهوض بالوطن والمواطن))) وعمان وأبناءها أمانه

بيت سليط
26/09/2012, 10:13 PM
السلام عليكم ورحمة الله وبركاته يا خندق مسقط
أخي العزيز ,,,
أنت دائما تتحفنا في المواضيع التي تطرحها وهذا يدل على القلب النابض في جسدك وما يتلجلج في داخله من هموم لهذا الوطن العزيز علينا جميعاً.

أخي العزيز ,, لقد تفكرت في هذه المشكلة وماهي أسبابها وما هي مسبباتها وكيف وصل بنا الحال الى هذا المستوى.
هذا الواقع الذي نعيشه ليس بسبب إشراقة شمس يوم واحد من الأيام ولكن تراكمات لسياسات عوجاء في مجال بناء الوطن والمواطن. عندما يتحدث وزرائنا و" عباقرة " وفلاسفة هذا البلد عن الشباب يقول لك أيش تريدني أوفر وظيفة لشاب خريج ثانوية وما عنده دراسة تخصصية.
طيب وليش الكثير من خريجي الثانوية ما فتحت الحكومة أبواب التعليم لنيل شهادة البكالوريوس لمن حصل على نسبة 60 فما فوق ومن هو دون ذالك يحصل على دبلوم.
وتكون هذه البرامج تعليمية ناجحة ما مثل مال الكلية التقنية GNVQ وغيرها من البرامج الفاشلة التي أستوردها الكثير من الأغبياء في بلدنا وصفق لهم المخادعيين والمستفيدين من الفشل.

اليوم البلد يجني ثمار هذا الفشل لسنوات في بناء جيل متعلم أكثر من الكمية المتعلمة الحالية.
ولنضرب مثال وكما قيل بالمثال يتضح المقال:
أنا استطيع أن أحدد حجم متطلب سوق العمل من العمالة الوطنية من خلال مؤشرات وهي كالتالي:
كم عدد المهندسين المدنيين الموجودين في البلد من العمالة الوافدة وهذا موجود في قاعدة بيانات القوى العاملة وبناء عليه أوجه بالعمل على تدريب عدد مشابة وأكثر من الشباب العمانيين وبالذات الشباب العمانيين.
وهكذا لجميع الطبقات من العاملين المتخصصين الذين يحصلوا على رواتب أعلى.
وبهذا نوجد شريحة اكبر من الحاصلين على الرواتب الجيدة.
ولكن للأسف الكثير من الشباب ومن الفقراء بالذات أختار عدم مواصلة الدراسة وهو حاصل على نسبة 75 وقالوا نفضل العمل ولو براتب زهيد ولو الى حين ولا ندخل في سنوات من الدراسة ونخرج بلا فائدة.

وما حصل الأن من توظيف الععد الكبير من البنات والعنصر النسائي بحجة حملة الشهادات وأنهن يساعدن أهلهن أتحداكم أن هذا سيخلق فجوة إجتماعية وقريبا من سيعيش منكم سيرى كيف ستحدث تغييرات في التركيبة المجتمعية في هذا البلد العزيز.

أنا لست متشدد ولا متحيز ولكني أقول أن من منطق ترتيب الأولويات في بناء مجتمع ذو تركيبة مجتمعية أن تكون الشريحة الكبرى الذي لديها الرواتب المتوفرة هي الشباب وهم الذين يتحملون مسؤلية بناء الأسرة وهم يكونون مسؤلين عن الزوجة والأخت والوالدة العزيزة وهكذا هي التركيبة الصحيحة.
معظم أو كل من تم توظيفها في الحكومة أتجهت لشراء سيارة جديدة وتلفون و.....و.........إلخ

والشباب والشريحة الكبرى منهم في هذا الجيل يعملون براتب كما ذكرته يا خندق مسقط فكيف سنمشى نبني جيل قادم من الأولاد والبنات والأسر ذات التركية الإجتماعية العمانية الأصيلة ونحن نرى ونسمع ونشاهد من السلوكيات والحياة التي يعيشها الواقع.
وللأسف هنالك واقع حقيقي من البدائل التي يعيشها الشباب وعزوفهم عن الزواج وبناء الأسرة وهذا يضعف المجتمع والدولة على المدى البعيد والله المستعان وعلية التكلان.

روتردام
26/09/2012, 10:17 PM
ياأخي القطاع العام لايوجد به أجانب لو قارنت بدول مجاورة يكاد يكون صفر بس السواد الأعظم في القطاع الخاص والعماني مكتوب له يكون سواق ثلاثين بالمائة من الشعب سواقين

om769an
26/09/2012, 10:19 PM
صح كلامك والصورة أبلغ دليل .. راجيش يقوم قبل صلاة الفجر ويزاول أشرف مهنة في الوجود وراتبه 60 ريال .. وغيره جالس في مقهى إنترنت يقييم وضع البلاد الإقتصادي والسياسي ويطالب ويطالب ويطالب .. متى نتعلم بأن نعمل بصمت راجيش ربما يأتينا رب راجيش برزقه !

http://4.bp.blogspot.com/-T3x20vIDyTI/TiXwIYSnFjI/AAAAAAAAAZM/RP-3hJe_7Qo/s1600/1.JPG


عمي هذاك بو تشوفه في الصورة ما محصل لقمة عيش في بلادة ومن من ... من ربعه لأنهم منقسمين طوائف وكل طائفة تأكل طائفة في بلادهم فلازم يشتغل اي شغله وبأي مرتب وانا لو بدله سويت مثله وأخس والشغل ما عيب واجدادنا بنوا البحرين والسعودية والإمارات والكويت وقطر لأنهم بحاجة للمال بس ما سويوا سوات الأجنبي الي في بلادنا والفرق لانه المبادئ والدين والقيم والأخلاق ما نفس أجدادنا الأجنبي الي في بلادنا جاي عمان يقسموا شركاتها تقسيم وكل واحد يجيب قومة وما همهم غير كم جمعت ومن ساعدت الله يعينا و يخلصنا من هالفيروسات

اللهم احفظ جلالة السلطان وادمه ذخرا لنا واحفظ عمان وأبنائها

روتردام
26/09/2012, 10:20 PM
بدل نسبة تعمين نسبة رواتب

وهذا سيرفع راتب العمانيين واترك الخيارات مفتوحة

Waleedalmamari
26/09/2012, 10:22 PM
ما حد مخرب الدوله غير المسؤليين
العمانيين. ولا جاي شي يتصلح
القطاع الخاص بيضل مظلوم للابد

Ben Foster
26/09/2012, 10:23 PM
سبق ونزلت موضوع مشابه اخونا الكريم بس ما حد شاركنا و لا ما كو حماس
http://avb.s-oman.net/showthread.php?t=1689699

عجيب 2020
26/09/2012, 10:25 PM
الله كريم

كاتب خطيرون
26/09/2012, 10:27 PM
هل تستطيع الحكومة الزام الشركات ع النقاط الي ذكرتهن؟؟؟
الا تخاف أحكومة اذا الزمة الشركات ع هذه النقاط يهرب المستثمر الاجنبي ة العماني؟؟؟
لماذا القطاع الخاص لا يثق في العماني!!!؟
حتى اغلبية الشركات الي موظفة عمانيين فقط لاكمال نسبة التعمين و حتى تطلب من العماني انه ما يداوم و تو يداوم يوقع حضور و ينصرف!!!؟
هل العماني فاشل ف الشركات الحكومية؟؟
هذا هو الواقع لا يمكن للحكومة أن تفرض على الشركات أمورا قد تكون في نظر المستثمر مضرة الشركات همها الربح في الدرجة الأولى وانتقاءها للأشخاص قائم بناء على ذلك، الحل من وجهة نظري هو تنمية الكادر البشري لإدارة مثل هذه المؤسسات، تشجيع المستثمرين العمانيين لخلق مؤسسات تجارية ودعم هذه المؤسسات لتصبح ربحية المؤسسة وربحية الموظفين في ميزان واحد.

عم2020ان
26/09/2012, 10:28 PM
أعتقد أن السلطنة الدولة الوحيدة التي يكون فيها الأجنبي فوق المواطن .
لا أدري ما السبب ؟

Waleedalmamari
26/09/2012, 10:28 PM
السلام عليكم ورحمة الله وبركاته يا خندق مسقط
أخي العزيز ,,,
أنت دائما تتحفنا في المواضيع التي تطرحها وهذا يدل على القلب النابض في جسدك وما يتلجلج في داخله من هموم لهذا الوطن العزيز علينا جميعاً.

أخي العزيز ,, لقد تفكرت في هذه المشكلة وماهي أسبابها وما هي مسبباتها وكيف وصل بنا الحال الى هذا المستوى.
هذا الواقع الذي نعيشه ليس بسبب إشراقة شمس يوم واحد من الأيام ولكن تراكمات لسياسات عوجاء في مجال بناء الوطن والمواطن. عندما يتحدث وزرائنا و" عباقرة " وفلاسفة هذا البلد عن الشباب يقول لك أيش تريدني أوفر وظيفة لشاب خريج ثانوية وما عنده دراسة تخصصية.
طيب وليش الكثير من خريجي الثانوية ما فتحت الحكومة أبواب التعليم لنيل شهادة البكالوريوس لمن حصل على نسبة 60 فما فوق ومن هو دون ذالك يحصل على دبلوم.
وتكون هذه البرامج تعليمية ناجحة ما مثل مال الكلية التقنية GNVQ وغيرها من البرامج الفاشلة التي أستوردها الكثير من الأغبياء في بلدنا وصفق لهم المخادعيين والمستفيدين من الفشل.

اليوم البلد يجني ثمار هذا الفشل لسنوات في بناء جيل متعلم أكثر من الكمية المتعلمة الحالية.
ولنضرب مثال وكما قيل بالمثال يتضح المقال:
أنا استطيع أن أحدد حجم متطلب سوق العمل من العمالة الوطنية من خلال مؤشرات وهي كالتالي:
كم عدد المهندسين المدنيين الموجودين في البلد من العمالة الوافدة وهذا موجود في قاعدة بيانات القوى العاملة وبناء عليه أوجه بالعمل على تدريب عدد مشابة وأكثر من الشباب العمانيين وبالذات الشباب العمانيين.
وهكذا لجميع الطبقات من العاملين المتخصصين الذين يحصلوا على رواتب أعلى.
وبهذا نوجد شريحة اكبر من الحاصلين على الرواتب الجيدة.
ولكن للأسف الكثير من الشباب ومن الفقراء بالذات أختار عدم مواصلة الدراسة وهو حاصل على نسبة 75 وقالوا نفضل العمل ولو براتب زهيد ولو الى حين ولا ندخل في سنوات من الدراسة ونخرج بلا فائدة.

وما حصل الأن من توظيف الععد الكبير من البنات والعنصر النسائي بحجة حملة الشهادات وأنهن يساعدن أهلهن أتحداكم أن هذا سيخلق فجوة إجتماعية وقريبا من سيعيش منكم سيرى كيف ستحدث تغييرات في التركيبة المجتمعية في هذا البلد العزيز.

أنا لست متشدد ولا متحيز ولكني أقول أن من منطق ترتيب الأولويات في بناء مجتمع ذو تركيبة مجتمعية أن تكون الشريحة الكبرى الذي لديها الرواتب المتوفرة هي الشباب وهم الذين يتحملون مسؤلية بناء الأسرة وهم يكونون مسؤلين عن الزوجة والأخت والوالدة العزيزة وهكذا هي التركيبة الصحيحة.
معظم أو كل من تم توظيفها في الحكومة أتجهت لشراء سيارة جديدة وتلفون و.....و.........إلخ

والشباب والشريحة الكبرى منهم في هذا الجيل يعملون براتب كما ذكرته يا خندق مسقط فكيف سنمشى نبني جيل قادم من الأولاد والبنات والأسر ذات التركية الإجتماعية العمانية الأصيلة ونحن نرى ونسمع ونشاهد من السلوكيات والحياة التي يعيشها الواقع.
وللأسف هنالك واقع حقيقي من البدائل التي يعيشها الشباب وعزوفهم عن الزواج وبناء الأسرة وهذا يضعف المجتمع والدولة على المدى البعيد والله المستعان وعلية التكلان.




شكرًا لك كلام راقي جداً. واتفق معك

Waleedalmamari
26/09/2012, 10:31 PM
ما زلتم تجنوا ثمار سياسات قديمة صاغها أناس لمصلحتهم ومصلحة شركاتهم !! .
لما كان الأمر بيدهم الذي عثو في البلاد فساد !!.

وها انتم تتجرعوا ويلات بقايا ومخلفات خوايا الضمير ..
ولا يصلح أمر هذا البلد الا باجتثاث رؤوس الفساد كاملة..
هذا اللي المفروض يصير. تغير كل قوانيين
القطاع الخاص لانه. القوانيين للمصلحة الكروش الكبيرة

روتردام
26/09/2012, 10:36 PM
العماني ناجح إذا كان بعيد عن منطقتة أو خارج الدولة ماأعرف لييش

خندق مسقط
27/09/2012, 07:39 AM
حسبي الله ونعم الوكيل
المواطن ما قادر يشتري سمك
وكمار وراجيش عندهم أراضي في كيريلا
من الرواتب اللي يعطوهم أياها والأمتيازات في عمان

om769an
27/09/2012, 08:02 AM
صباح الخير يا العماني ... السهولة الصغيرة ب ٧.٥٠٠ اليوم

خندق مسقط
27/09/2012, 08:22 AM
صباح الخير يا العماني ... السهولة الصغيرة ب ٧.٥٠٠ اليوم


سامحني
يمكن ما تحب الأغاني
بس دقق في كلمات هذه الأغنيه
وأتخيل أن المغني يتحدث عن السمك العماني


http://www.youtube.com/watch?v=WlzzK-JO0gw

تحياتي

روتردام
27/09/2012, 08:49 AM
مسكين أبو وزار وفانيلة

مطرحية
27/09/2012, 09:05 AM
بابو ( مايمرض وما يتأخر وما يغيب وما يتكسل كما خلفان)

أعطيكم نموذج عن خلفان وأخواته ، قريت موضوع بالعامة ( للأسف انغلق) وحدة طالبة بكلية التربية تريد حد يعطيها موضوع جاهز من مجاميعه عشان ( المشروع )

بالله عليكم هذه تو كذي كيف لما تتوظف وتصير مسؤولة عن الطلبة !!!

لاحظوا معرفها ( عازفة على أوتار صامتة !) حشى ما اسم !!

الساحر702
27/09/2012, 09:06 AM
راق لي موضوعك

خندق مسقط
27/09/2012, 09:12 AM
راق لي موضوعك


أنا راق لي
قلبك
وأخوتك
ودخولك للموضوع
شرف لي يا أخي العزيز

المغامر ابن المجتمع
27/09/2012, 09:33 AM
مسقط ـ العمانية: قامت شرطة عُمان السلطانية بمداهمة عدد من المواقع في منطقة المعبيلة الجنوبية بولاية السيب تم خلالها القبض على 60 متسللاً من جنسيتين آسيويتين.
وكشف مصدر مسؤول بشرطة عُمان السلطانية بأنه أثناء عمليات المداهمة تم ضبط متهمين بمخالفة قانون الاتصالات، مشيراً إلى أن هذه الجريمة تعتبر من ضمن الأعمال التي يقوم بها المخالفون لقانون العمل وإقامة الأجانب من أجل الكسب السريع والتي تؤدي إلى ظهور سلبيات أمنية واقتصادية واجتماعية.

sAD HaKer
27/09/2012, 09:48 AM
سوا الشباب اعتصامات واضراب >>> قلتوا شوهتوا سمعة البلد والاجنبي ما بيجي يستثمر ف البلد .. .

كل الحلول اللي ذكرت ماحد بطبقها بدون وقفه حقيقيه .. .


استغفر الله

الهملقار
27/09/2012, 10:04 AM
لا اخفي عليكم الحقيقه الموضوع ابكاني فعلا... وخصوصا لما شغل الموسيقى. فعلا كلام جدا واقعي و منطقي لاني انا شخصيا اعيش هذي الحاله. شغال بشركه وطبعا الشركه فيها هنود الواحد منهم راتبه اضعاف راتبي على الرغم اني انا دارس وعندي باكلوريوس.. ما اشكيها منهم اشكيها من الي سرحهم لنا ومن الي عطاهم الخيط و المخيط....الله المستعان صبرا جميلا... وفعلا لا قادر اتزوج ولا عندي بيت يالله يالله عندي سياره. بروحنا نريد لانفسنا كذا "خبز خبزتيه كليه وحدش" :معصب:

خندق مسقط
27/09/2012, 10:13 AM
لا اخفي عليكم الحقيقه الموضوع ابكاني فعلا... وخصوصا لما شغل الموسيقى. فعلا كلام جدا واقعي و منطقي لاني انا شخصيا اعيش هذي الحاله. شغال بشركه وطبعا الشركه فيها هنود الواحد منهم راتبه اضعاف راتبي على الرغم اني انا دارس وعندي باكلوريوس.. ما اشكيها منهم اشكيها من الي سرحهم لنا ومن الي عطاهم الخيط و المخيط....الله المستعان صبرا جميلا... وفعلا لا قادر اتزوج ولا عندي بيت يالله يالله عندي سياره. بروحنا نريد لانفسنا كذا "خبز خبزتيه كليه وحدش" :معصب:


قبل فتره
كنت خارج السلطنه
والصباح وأنا في الفندق من 4 نجوم
رحت أتريق في مطعم الفندق
جلس في الطاوله اللي جنبي
هندي شاب في الأربعينات
جلس يشوف علي
كنت لابس دشداشه
بعد ما خلصت الريوق
رحت مكتب رجال الأعمال في نفس الفندق
راح تبعني..سألني اذا كان جهاز الكمبيوتر يشتغل..رديت عليه من طرف اللسان
لأنه كان يريدني أسلم عليه
المهم..بعد ساعه تقريبا..شفته من ضمن الوفد اللي كان يفترض يكون معنا..بس هو الظاهر تأخر في عمان
طلع هذا مدير عام في شركه في عمان
جلست معه لاحقا وليومين
طلع ما عنده أي فكر تجاري وسوف تفشل الشركه بسببه..لكن المالك ما مهتم..عنده أكثر من شركه
مجرد مسير من قبل بقية الموظفين
وأخبرني عنده بي أب دبليو في عمان وراتبه فوق 2000 ريال
دوكم الحاله

الهملقار
27/09/2012, 10:17 AM
:معصب:

بياض الوجه
27/09/2012, 11:57 AM
أهم حل وأسرع حل
أن تشكل هيئة وشراكه تحت مظلة مجلس الوزراء الموقر موازيه لمجلس الدوله والشورى
وتكون شريك أقتصادي
أحد شركائها شركات النفط والغاز قادره على الدعم المادي ويجب أن تمنح الحكومه لها بعض الأمتيازات سواء داخليه أو خارجيه
بحيث يتم الأهتمام بتوظيف الشباب وزيادة معدل الرواتب وبناء مجمعات سكنيه ومنح قروض زواج بلا فوائد طالما الموظف يعمل لدى هذه الشركات


ما دام أنك طرحت الموضوع وذكرت نقطة مجلس الوزراء ومجلس الشورى هل الكلمة الأولى لهم أم لحاكم البلاد ؟
وما دام نذكر حكومة ما حكومة يعني هي من يديرها أصلا ؟ ومن يدير البلاد إلا إذا كان أعتقادنا القديم أن الوزير مسيطر على كل شي في البلد فهذا فهم خاطئ
ليش لازلنا نضحك على نفسنا ونضحك على الناس ؟
يعني بالله عليكم حاكم الدولة ما يعرف أن شعبه يستلم 200 ريال !!!
وما يعرف أن نسبة كبيرة من الشباب باحثين عن عمل !!!
ويريدوا يتزوجوا ويبنوا مستقبلهم
وبعدين يقولوا هذي سياسة حكيمة !!!
يا أخوان بسنا مجاملات والله بسبب المجاملات والمديح تزيد الأخطاء

muscat2007
27/09/2012, 12:13 PM
هذا اللوبي الهندي بصراحة لازم الدولة تحسب له ألف حساب ... صدقوني الوضع ما مطمئن ... يعني بعد الشهادة العامة (الثانوية العامة سابقا) اللي يجيب نسبة 60% إلى 70% ممكن الدولة تفتح لهم معاهد لتعلم اللغة الإنجليزية ومادة واحدة أو مادتين فقط في الإدارة مثل التسويق أو إدارة الأعمال وهذا يكون لمدة سنة واحدة فقط بعدها يمنح المجتازون شهادة بسيطة ويتم إجبار الشركات على توظيف هؤلاء الشباب في وظائف إدارية بسيطة (منسق .. مدير مبيعات ... كاتب ) وتلزم الشركات على تأهيلهم بحيث بعد فترة 10 سنوات في الوظيفة إذا أثبت وجوده يتم منحه وظيفة قيادية في المؤسسة (مدير قسم .. مدير دائرة ... مدير إداري ) وبهذا نتخلص من هذا اللوبي الجشع الذي يأكل الأخضر واليابس (مع إحترامي للمخلصين منهم) ....

muscat2007
27/09/2012, 12:18 PM
أنا أقول جيبوهم الهنود بس لا تعطوهم وظائف قيادية ... قوموا بتأهيل أبناء الوطن فهم من سيكونون أكثر غيرة عليه من غيرهم ....
نعم لجلبهم للوظائف البسيطة كبناء الشوارع والمجمعات والبيوت ولكن لا لفتح المجال لهم لتقلد مناصب يستغلونها لخدمة ذوي جلدتهم وهم يستميتون في ذلك من خلال ملاحظاتنا لهم في أرض الواقع ....
دامت أوطاننا عزيزة بأهلها ..

om769an
27/09/2012, 12:22 PM
سامحني
يمكن ما تحب الأغاني
بس دقق في كلمات هذه الأغنيه
وأتخيل أن المغني يتحدث عن السمك العماني


http://www.youtube.com/watch?v=WlzzK-JO0gw

تحياتي

ذويق طارح الموضوع ... وفقك الله

متفرد بنفسي
27/09/2012, 12:26 PM
تعرف ليش راجوه أو بابوه راتبه 3000 وخلفان راتبه200 ؟؟؟
لأنه راجوه أو بابوه جاي من بلاده وما يعرف شيء وخلال شهرين تعلم كل شيء
ولأنه خلفان عادله سنتين في الشغل وهو يوصل العمال موقع العمل وينزل كرسي السيارة وينام وأخر الدوام نهض ورجعهم الكامب

وتحياتي

صقرالباديه
27/09/2012, 12:35 PM
حتى أنا افكر مثلك
شركة عمان للاستثمارات والتمويل (oifc) تعطي قراء العدادات 200 ريال
طلبوا الشباب الزيادة في الرواتب وعملوا اضراب عن العمل
وجهوا ندا إلى وزارة القوى العاملة
وإلى شركة مسقط للتوزيع الكهرباء
وإلى الهيئة الكهرباء و المياة
ولكن ماشي فايدة حتى من وزير القوى العاملة

صدقت يا أبوسعد ,,,وحتى شباب موظفين في حكومه بالاجر اليومي ولا يتعدا الراتب 200 ريال أو 300ريال

لك الله ياوطن

صقرالباديه
27/09/2012, 12:40 PM
شكرا لطارح الموضوع خندق مسقط دائما مواضيعك مفيده صراحه

تحياتي لك,,,,,,,,,,,:ممتاز:

أعماق المحيط
27/09/2012, 12:45 PM
شكرا يا خندق مسقط على موضوعك ,

تريد تعرف السر ليش الوافد راتبه كبير ويترقى بسرعة مع الرغم انه جاي وعنده كورس مال شهرين من الهند وماخذنه ب 30 ريال ؟

انا بخبرك الجواب , الوافد ما عنده ميزة الحسد على بني جنسه ( يعني ما جالنا نشوف هندي يحسد او يخرب على هندي ) , عكس العماني يحسد زميله اذا ترقى واحيانا يلجا الى استخدام السحر .

الوافد ( الهندي ) يدرب زميله ويخصص من وقته الكثير عشان يطور مهارات زميله , اما العماني ما يعطيك ولا يساعدك حتى ولو عنده حل للمشكلة


بعطيك مثال على ذلك : قبل شهر انا عملت مقابلة في شركة نفطية في مجال الصحة والسلامة والبيئة , وكانوا في المقابلة نائب مدير الموارد البشرية ( هندي الجنسية ) + مدير الصحة والسلامة والبيئة ( بريطاني الجنسية ) + شخص بريطاني اخر
المهم انا اديت في المقابلة , ونائب المدير ( الهندي ) بالاضافة الى البريطاني مدير الصحة والسلامة وافقوا علي عالطول وقالوا نحن بنعطيك راتب كون ماعندك خبرة 800 ريال , وانا وافقت عالطول .

ولكن للاسف الشديد جدا جالي اتصال من مدير الموارد البشرية العماني الحاسد ( وهو من ن....) : ( يا ........ نحن في الشركة بنعطيك 460 ريال كون ماعندك خبرة ) كان تريد تعال وقع العقد يوم السبت ( ولما ناقشته بالموضوع فرد علي : انت ماعندك خبرة والبريطاني بعده جديد بالشركة ومايعرف سياسة الرواتب وغير ذلك ) .

خندق مسقط
27/09/2012, 12:57 PM
هذا اللوبي الهندي بصراحة لازم الدولة تحسب له ألف حساب ... صدقوني الوضع ما مطمئن ... يعني بعد الشهادة العامة (الثانوية العامة سابقا) اللي يجيب نسبة 60% إلى 70% ممكن الدولة تفتح لهم معاهد لتعلم اللغة الإنجليزية ومادة واحدة أو مادتين فقط في الإدارة مثل التسويق أو إدارة الأعمال وهذا يكون لمدة سنة واحدة فقط بعدها يمنح المجتازون شهادة بسيطة ويتم إجبار الشركات على توظيف هؤلاء الشباب في وظائف إدارية بسيطة (منسق .. مدير مبيعات ... كاتب ) وتلزم الشركات على تأهيلهم بحيث بعد فترة 10 سنوات في الوظيفة إذا أثبت وجوده يتم منحه وظيفة قيادية في المؤسسة (مدير قسم .. مدير دائرة ... مدير إداري ) وبهذا نتخلص من هذا اللوبي الجشع الذي يأكل الأخضر واليابس (مع إحترامي للمخلصين منهم) ....


عجبتني المداخله والأقتراح

أتمنى أن تخفض الحكومه نسبة القبول في الكليات
بل تؤسس دوائر جديده في المؤسسات الحكوميه والخاصه
تتبع لهيئة التوظيف
أسمها دائرة تعمين الوظائف

Khulood88
27/09/2012, 12:59 PM
موضوعك لا يشمل الوآفدين كــ كل معظمهم مظلومين مثلنا ف رواتب لأنه معظم الهنود هم للي يبنوا البيوت والعمارات وترميم الشوارع والصبح تحصله ينظف شوارع مسقط وغيره م محافظات السلطنه اقصد أصحآب المكاتب ف الشركات وهيئة التدريس في الكليات الخاصه او الحكوميه وراتبه يفوق بكثير عن الموظف العُمآني من غير الإمتيازات الأخرى كــ العلاج ف العيادات الخاصه بلآشُ عندهم نسبه تخفيض ف لولو ووو !!!

بالله عليكم الشهادة هي مقيآس الراتب؟!!!

خندق مسقط
27/09/2012, 01:11 PM
شكرا لطارح الموضوع خندق مسقط دائما مواضيعك مفيده صراحه

تحياتي لك,,,,,,,,,,,:ممتاز:

شكرا لك أخي العزيز
بارك الله فيك
مشاركاتك تثلج قلوبنا

الوحش الثائر
27/09/2012, 01:16 PM
الحل يصبروا نفسهم في مراكز المساج :حزين: وينتشر الفساد والجرائم والامراض !

هذا حل الحكومة الرشيده

om769an
27/09/2012, 08:33 PM
الحكومة ما مقصرة بس نحتاج رقابة وقوانين حديثة تواكب الاحداث والتغيرات الحالية.

الطريق للأعظم
27/09/2012, 09:11 PM
كنت فى زيارة لشركة الانصاري بغلا وتفاجات بعدد الاجانب االعاملين فى ادارة الشركة

عدد كبير جدا وفى وظائف ادارية يمكن يشغلها عمانيين

والادراة العليا كلها اجانب ولما تكون عماني ماحد يعبرك

محمد البلوشي166
27/09/2012, 09:15 PM
بصراحة انا غاضب جداً ومستاء جداً جداً
صار لي 11 سنة أكرف فالقطاع الخاص
بس الهنود يحصلوا اكثر مننا ومميزات احسن وفرص للحياة الكريمة
انا العماني ليس له قيمة البر وما مهم اذا يتطور او يقدر يعيش كإنسان محترم يستلم حقوقه ومحد يذله ويهينه
في عندنا مدير يقول اكبر غلطة في عمان ان الوافد يحصل اكثر من المواطن
قققققققهر حتى الهندي اصبح له شأن سياسي فالبلد وينتقد.
ومن هذا اللي يقول يقول ان المستثمر يطير ويشرد من التعمين!!!!!!! أقوله يالحبيب المستثمر يشرد بسبب الشروط والتكبر في قوانين العمل والتجارة وليس بسبب التعمين.
هناك دول عديدة لا أريد ان اذكرها ويتسابق عليها المستثمرون رغم ان شرط اتاحة فرص عمل لأهل تلك البلدان
يتجاوز 80% ورغم ذالك يستمر المستثمر بالرغبة والعمل للاستثمار ويفيد البلد واهلها ويستفيد.
وقد طرحت عدة مقترحات حقيقية وواقعية لوزير القوة العاملة و اوضحت له حقيقة المطالبات ولكنها لم ترى النور وفالاجتماع طال الحديث.
واكشفت مأخراً ان وزارة القوة العاملة ترفض بعض عقود العمل اذا كان الراتب طيب. ليش يعني العماني ليس له رب؟ أو حيوان ما يستحق يعيش بكرامة؟
ومهما قلنا وعملنا لن يتغير شي ما دامت هناك مؤامرة ضد الفقراء
كرهنا الحياة ولعنة الله على المتسببين في ذالك
ذليتونا عسى ان يخزيكم الله فالدنيا والآخرة
الله يلعن هذي السياسة و يلعن الظالمين اللي سببوا هذا الظلم على الابرياء
الهنود والاجانب يعيشوا مرتاحين ويحققوا اهدافهم. لا وبعد ما يفكروا يطلع من عمان لأنها افضل ملاذ لهم.
إيش هذا العقل اللي يعتقد ان اذا ذليت الناس بيطيعوك؟؟؟!!!
ايش هذا الذل حتى بيت ما نقدر نبني او نشتري
وكأنتا عبيد اشترتهم الحكومة وتستعبدهم على كيفها
لعنة الله على كل حكومة ما تسأل شعبها ويش يحتاج وإيش يريد
اليوم كرهت كل شي بسبب قرارات البنكية اللتي منعتني من حلم شراء منزل ادفع ديونه عشان اولادي عالأقل.
والله الموت اشرف من هذي الحياة في عمان
وطز على الدنيا ولعنة الله على ابليس ومن معه ومن اتبعه

رأس الجنز
27/09/2012, 09:48 PM
مع إحترامي أخي العزيز ، ولكن لماذا لا تكون لدى خلفان الإرادة والعزيمة مثل هذه..
هذه التي بنصفي ذراع بإرادتها الكبيرة صنعت المعجزات ، فإين أولئك الذين بكامل صحتهم عن تحقيق طموحاتهم


http://www.youtube.com/watch?v=Gf1YDBbazYg&feature=youtube_gdata_player

بنت عز ما تنهز
27/09/2012, 10:02 PM
بابوه انسان وأكيد مثقف وشغلة من عرق جبينه لكل مجتهد نصيب

المغامر ابن المجتمع
27/09/2012, 10:06 PM
القانون الضعيف هو الذي جعل العماني لا يمكن أن يدير عمل

نثار غيم
27/09/2012, 10:22 PM
تعرف ليش راجوه أو بابوه راتبه 3000 وخلفان راتبه200 ؟؟؟
لأنه راجوه أو بابوه جاي من بلاده وما يعرف شيء وخلال شهرين تعلم كل شيء
ولأنه خلفان عادله سنتين في الشغل وهو يوصل العمال موقع العمل وينزل كرسي السيارة وينام وأخر الدوام نهض ورجعهم الكامب

وتحياتي
كفيت ووفيت

اقوول باه خلفان اشتغل بضمير

لما تشتغل فكر تخدم وطنك قبل اهلك لا تفكر تشتري سياره جديده وايفون

وشوف بعد هالتعب والضمير شو بيصير

محمد باكو
27/09/2012, 10:42 PM
تعبنا من الكلام بس محد يسمعكم

سليل المجد82
27/09/2012, 10:50 PM
تعبنا من الكلام بس محد يسمعكم


اصلا انت تكلمت !!!!!!!!



ترك كسول والتحب الكسل

وتريد من غيرك يكون مثلك كسول بعد !!!


بأذن الله
لن توقف ابدا وسنتكلم ونتكلم ونتكلم
الى ان يصلن صواتنا او يسمعوننا !!!

عين صحار
27/09/2012, 11:03 PM
الهجره هي الحل
نعم سنهاجر مثل ما فعل اخوان لنا عمانيين هاجرو واستقرو في دول المهجر وعاشوا حياة رغيده سندعها للهنود والبنجاليه
كم من قصص لاخوان واخوات عمانيين ذهبو للدراسه ولم يعودو
لقد اغرتهم تلك الدول بالوظائف والمميزات وتدريس لاطفالهم ورعايه صحيه . ومنهم من رفض تلك العروض ورجع الي ارض الوطن وانصدم بواقع الحال مع شهادته المرموقه ومجهوده الذي ذهب ادراج الرياح ليكون في طابور الباحثين عن العمل الطويل والمليء بالحواجز والعثرات .

في شركاتنا الوطنيه يتفننون في اعطاء الاجنبي علاوات بشتى المسميات
وللعماني الاجحاف والتنكيل مهما ابدع وانجز واجتهد .

Waleedalmamari
27/09/2012, 11:03 PM
اهههههههههه

المقصود
27/09/2012, 11:15 PM
صح كلامك والصورة أبلغ دليل .. راجيش يقوم قبل صلاة الفجر ويزاول أشرف مهنة في الوجود وراتبه 60 ريال .. وغيره جالس في مقهى إنترنت يقييم وضع البلاد الإقتصادي والسياسي ويطالب ويطالب ويطالب .. متى نتعلم بأن نعمل بصمت راجيش ربما يأتينا رب راجيش برزقه !

http://4.bp.blogspot.com/-T3x20vIDyTI/TiXwIYSnFjI/AAAAAAAAAZM/RP-3hJe_7Qo/s1600/1.JPG

بارك الله فيك ،،،،كلام من ذهب،،،،
لمثلك ترفع القبعات،،،
حفظك الله ،، وكثر ربي من امثالك ،،،

المقصود
27/09/2012, 11:20 PM
تعرف ليش راجوه أو بابوه راتبه 3000 وخلفان راتبه200 ؟؟؟
لأنه راجوه أو بابوه جاي من بلاده وما يعرف شيء وخلال شهرين تعلم كل شيء
ولأنه خلفان عادله سنتين في الشغل وهو يوصل العمال موقع العمل وينزل كرسي السيارة وينام وأخر الدوام نهض ورجعهم الكامب

وتحياتي

وازيدك من الشعر شقة ،،،
هذا خلفان من قبضوه سيارة الشركة صار توايرها كل شهرين يغيرن،،
واذا كان موسم دراسة تحصل خلفان يداور جنب المدارس بو الطالبات بسيارة الشركة،،،


خلفان يباله يشعر بقيمة العمل،، ويخلي عنه انتظار الحلول من الاخرين،،،

تقنية المظلات الحديثه
27/09/2012, 11:21 PM
الله يعين خلفان ومرهون

عين صحار
27/09/2012, 11:30 PM
صح كلامك والصورة أبلغ دليل .. راجيش يقوم قبل صلاة الفجر ويزاول أشرف مهنة في الوجود وراتبه 60 ريال .. وغيره جالس في مقهى إنترنت يقييم وضع البلاد الإقتصادي والسياسي ويطالب ويطالب ويطالب .. متى نتعلم بأن نعمل بصمت راجيش ربما يأتينا رب راجيش برزقه !

http://4.bp.blogspot.com/-T3x20vIDyTI/TiXwIYSnFjI/AAAAAAAAAZM/RP-3hJe_7Qo/s1600/1.JPG

والله العظيم شي زبالين عمانيين في صحار وانا اشوفهم كل صباح انا ورايح الدوام ولابسين نفس هذا البس ومن الخجل يتلثمو
لا تمدح الهنود يا الهندي
انته واحد من الثنينه يا هندي يا خوالك هنود

حكاية حياه
27/09/2012, 11:53 PM
http://up90.s-oman.net/2VX5P.jpg
وزير التنمية الدولية البريطاني أندرو ميتشل وهو في طريقة إلى داوننج ستريت للقاء رئيس الوزراء
بسيكل :متفكر:
وليس بسياره ...!
؛
يعني من باكر ..
روح دور سيكل وكرفته مناسبه ..!

متفرد بنفسي
28/09/2012, 10:05 AM
وازيدك من الشعر شقة ،،،
هذا خلفان من قبضوه سيارة الشركة صار توايرها كل شهرين يغيرن،،
واذا كان موسم دراسة تحصل خلفان يداور جنب المدارس بو الطالبات بسيارة الشركة،،،


خلفان يباله يشعر بقيمة العمل،، ويخلي عنه انتظار الحلول من الاخرين،،،


هذي المشكلة نلقي اللوم على الحكومة ما تعطينا رواتب زينه ونحن من المفترض نبني الوطن خربناه بيدينا

خندق مسقط
28/09/2012, 10:17 AM
http://up90.s-oman.net/2VX5P.jpg
وزير التنمية الدولية البريطاني أندرو ميتشل وهو في طريقة إلى داوننج ستريت للقاء رئيس الوزراء
بسيكل :متفكر:
وليس بسياره ...!
؛
يعني من باكر ..
روح دور سيكل وكرفته مناسبه ..!


ما قادر أتخيل
واحد من الوزراء عندنا في عمان أو الخليج أو الدول العربيه رايح الشغل في سيكل

نحن يروحوا بسياره مرسدس
والسائق في الشارع يقولك "خوز" من الطريق
ما تعرف هذه سياره وزير

وغير اللي المسؤلين واقفين في مواقف المعوقين
موذي الحاله اللي عندنا

شبل العامرات
28/09/2012, 10:19 AM
مساكم نور على نور
يا أهل عمان الطيبين

مسائكم ورد
بحجم قلوبكم
يا أهل عمان الغالين


http://www.youtube.com/watch?v=Ke51CF1VGYI

أنا حزين
بحجم الكون
وبحجم غصات الزمن
فالحزن يعصرني
وأتوجع
أرى أخواني وأخواتي راتبهم 200 ريال

هذا الموضوع
يؤرقني
ويؤرق شريحه كبيره من الشباب

راتب 200 ريال عماني

باكر أروح "اقلوع" روي
سكه سكه
زنقه زنقه
حله حله
جلبه جلبه

أشتري كرافته..أنقي اللي لونها مزركشه

http://www.theislandpalace.com/picturekris48.htm/mosaic-flame-notes-zebra%20ties.jpg

ناوي أداوم بكرافته بدل مصر أو ترمه
أنقلب راجوه وراجيش..يمكن يزيد راتبي بدل 200 ريال

تو بالله عليكم
هذا راتب
تقدمه شركات حال شخص وموظف أو موظفه
أو شخص ناوي يعرس..ومستحي ما قادر يقول حال البنت ناوي أخطبش..أول شي تسأله موه عندك في البنك..موه نوبه عنده..بنك فرنسي أو سويسري ولا خاش غوازيه مثل الشياب في جونيه وراء الجدار
راتبه 200 ريال..ما قادر..لا يدفع مهر..ولا يسوي عرس..ولا يشتري سياره يارس أو كورلا ولا قادر بعد 9 أشهر يسمع صوت ولده ورضيعه لأول مره في حياته..من كذا ما تزيد نسبة المواليد والنسل عندنا...أول كان الشياب عندهم حرمتين وثلاث..والأطفال ما شاء الله فريق قدم مع مدرب وأخصائي أجتماعي

سألت نفسي هذا السؤال
تو كيف قادرين نسبة عاليه من الموظفين العمانين يسيروا حياتهم في القطاع الخاص؟

ليش "الرهوه" على ذلا الشباب
بس عشان ما عندهم شهاده..الشهاده مش معيار أبدا..لأن أغلب الوظائف في القطاع الخاص ليست مهنيه

أنا أعرف مدراء عموم أجانب..وأحس أنهم مجرد "ضرب باليس" على مالك الشركه
مجرد "كرافته" على الرقبه..وكلمة "Yes Sir" والكذبه أكبر من الثانيه ومنحوا كل الأمتيازات

هل 200 ريال تكفي لمدة شهر يا قطاع خاص
يا شركات يا عمانيه

كيف تقسم هذه ال 200 ريال؟
هين تروح؟
ليش ما نفكر في حلول من أجل أسعاد الشباب العماني

دعونا نسلط بعض الحلول..لأننا أنتقدنا كثيرا وما فاد شي

1. أن تدرس وزارة القوى العامله جميع الشركات التي يكثر فيها الوافدون..مثل شركات السياحه أو المطارات أو وكالات السيارات..ويتم تدريب العمانيين وأعطاء مهله لهذه الشركات بعمل Outsourcing بناء على رغبة كل شركه..ويتم تعمين الوظائف التي يتعدى راتبها بين 400 الى 800 ريال وتوجهه للعمانيين..كما يتم العمل على دراسه أخرى وتقديم المتسندات والأحصائيات عبر المركز الوطني للأحصاء..بحيث تقدم الأدله وتدريب الطلبه الجامعين والذي يملك الخبره ليكونوا مدراء في الشركات

2. أن لا تمنح الحكومه أي مشروع أقتصادي لأي شركه التي لا تلتزم بقوانين التعمين والراتب فوق 400 ريال

3. أن تعمل قوانين لكافة العمانيين في القطاع الخاص بان يلتزموا بالعقد لمدة 4 سنوات تحت شروط..يجب أن تدرس وتريح الموظف العماني..مثلا..يعطى الموظف نسبة من الربح السنوي أثناء أدارة مشروع

4. أن تعطى بعض الشركات مهله في تقديم حلولها لوزارة القوى العامله في رفع نسبة الرواتب بناء على أرباح الشركه سنويا

هناك أمثله ناجحه في تعمين الوظائف في القطاع المصرفي ونحن نوجهه شكرنا لرئيس البنك المركزي العماني وكافة موظفي البنك

ونتمنى أن يخطوا وزير السياحه و رئيس غرفة التجاره ورئيس الطيران العماني وكافة وكالات السيارات وأيضا شركة الزبير وشركة الزواوي وبهوان في أعطاء مساحه لرفع الرواتب

يا جماعه
والله
ثم والله
200 ريال
ما تكفي
لا حال أجار
لا حال راشن
لا حال أقساط سياره

هل الشركات
تريد تعيش في عالم الخيال العلمي وتحسب الناس عايشه في العصور الوسطئ
يتريق بجبن مع خبزة لولاه
ولا يتغداء بكوب عيش مع دال
ويربط بطنه في الليل ما عنده فلوس حال عشاء..وينام بطنه حايسنه ويتلوى من الجوع

كيلو اللحم اليوم ب 3 ريالات
والسهوه ب 4 ريالات
وكيسة العوال ب ريال
والفمتو ب 800 بيسه

هين ذا الراتب يكفي يا أرباب كمار ويا أرباب راجوه؟
عجب حالكم مسوين راتب 2000 ريال
وضاحكين على الأرباب بذك الكرفته

خلونا نعيش في هذا الواقع المر
ونسلط الحلول بطريقه تفاعليه

خلونا نبتعد من قشب كمار وراجوه
تراه ما يفيد..ونحن عارفين موه يسويوا

هل 200 ريال تكفي يا وزارة القوى العامله ويا قطاع خاص؟

تحياتي



اخوي شكلك انته ما في الدنيا بابا شويه عليه 3000 قول فوق الخمسه وطالع
تقبل خالص ودي

خندق مسقط
28/09/2012, 10:22 AM
اخوي شكلك انته ما في الدنيا بابا شويه عليه 3000 قول فوق الخمسه وطالع
تقبل خالص ودي


بعض التجار العمانيين
حاسدين
ما يريد يصرف حال العماني
لكن عنده 3 و 5 و 6 حال الوافد
سبحان الله من البخل

SoLeH
28/09/2012, 10:41 AM
بإختصار شديد أبو كرفته ( بابو ) متعلم وعنده إلتزام بقوانيين العمل ( وإنتاجيته في العمل تصل لنسب عالية )
والبعض أو ( القلة من أخواننا العمانيين ) غير متعلم وغير ملتزم بقوانيين العمل أو يبحث في أي ثغرة فيها ليأخذ إجازة أو إلخ
(يعني الانتاجية قليلة )

وسيروا بأنفسكم إسالوا الرؤساء التنفيذين للشركات الخاصة والقطاع الخاص بشكل عام وبيخبروك إنتاجية من أعلى ولماذا ؟؟؟

وأصلاً المقارنة بين هذا وذاك غير عادلة بتاتاً ...


قارنوا مثلاً بين نفس الرتب لوظيفية بيكون أحسن لاهـــ ... وشكرا لكم ...

وجهة نظر شخصية ...

SoLeH
28/09/2012, 10:44 AM
بعض التجار العمانيين
حاسدين
ما يريد يصرف حال العماني
لكن عنده 3 و 5 و 6 حال الوافد
سبحان الله من البخل

عزيزي ليس حسد ولا غيره ... هذي سالفة الحسد تزرعونها لأنفسكم وتصدقوها ..!!!!

التاجر يبحث عن ربحه فقط ...

فإذا كان عمل إنتاجية الوافد يكسبه فليصرف عليه كماء يشاء ...!!! لأنه باحث عن الربح

وكذا الحال للأخ العماني المنتج والمربح لشركة التاجر ...

لكن أن يأتي البعض من الغير منتجين في العمل ويطالبوا برواتب أصلاً لا تساوي تكلفة تشغيلهم فالشركة فهذه خسارة للشركة ..!!!

إذن السالفة كفاءة وإخلاص وإنتاجية وليست حسد ( الحسد فيلم إنتاج بعض الكسالى فالعمل )

SoLeH
28/09/2012, 10:47 AM
وبعدين .. أنت بدأت موضوعك الكريم بسالفة راتب 200 ريال ....ولا تسرد فالتفاصيل ..!!!

ممكن تعطيني مسميات الوظيفية بهذا الراتب 200 ( أعتقد مساءلة راتب ال200 ذهبت بلا رجعة وخصوصا لشهادة التعليم العام )

فحدثنا بشيء يعقل ..!!!

و

خندق مسقط
28/09/2012, 10:51 AM
بإختصار شديد أبو كرفته ( بابو ) متعلم وعنده إلتزام بقوانيين العمل ( وإنتاجيته في العمل تصل لنسب عالية )
والبعض أو ( القلة من أخواننا العمانيين ) غير متعلم وغير ملتزم بقوانيين العمل أو يبحث في أي ثغرة فيها ليأخذ إجازة أو إلخ
(يعني الانتاجية قليلة )

وسيروا بأنفسكم إسالوا الرؤساء التنفيذين للشركات الخاصة والقطاع الخاص بشكل عام وبيخبروك إنتاجية من أعلى ولماذا ؟؟؟

وأصلاً المقارنة بين هذا وذاك غير عادلة بتاتاً ...


قارنوا مثلاً بين نفس الرتب لوظيفية بيكون أحسن لاهـــ ... وشكرا لكم ...

وجهة نظر شخصية ...


أخالف الرأي وبقوه
بابوه
لا عنده شهاده ولا أنتاجيه
عنده ضرب باليس
وكذب ونفاق حال الأرباب العماني
والشغل يأديه غيره
هو فقط يأمر
واللي تحته هم يسيرون الشغل

أنا مستعد شخصيا أقوم بمقام بابوه المدير العام
وعندي شهاده وعندي أنتاجيه وعلاقات
هل الأرباب العماني قادر يعطيني مثل بابوه؟
ويثق في؟
وما يسمع كلام الحساد الهنود؟

خندق مسقط
28/09/2012, 10:54 AM
وبعدين .. أنت بدأت موضوعك الكريم بسالفة راتب 200 ريال ....ولا تسرد فالتفاصيل ..!!!

ممكن تعطيني مسميات الوظيفية بهذا الراتب 200 ( أعتقد مساءلة راتب ال200 ذهبت بلا رجعة وخصوصا لشهادة التعليم العام )

فحدثنا بشيء يعقل ..!!!

و


هناك تقرير صدر الأسبوع الماضي
يقول أن نسبه 74% على ما أظن
من العمانين في القطاع الخاص
يحصلوا على راتب في حدود 200 ريال
وأنت عارف هذه الوظائف ما تريد تعرف عليها

SUWAIQAWI
28/09/2012, 10:56 AM
ادرس وتعلم وستحصل على ما ترييييد انت ..... انت كما تريد

في هذا البلد شباب درسو رواتبهم تفوق 3 الاف ريال وهم مازلو في اعمار 28 و30
العلم والعمل فقط ولا غيرهما

انت كما تريد
تريد زبال بتكون تريد مهندس ستكون فقط واجه وتحدى الصعااااب

SoLeH
28/09/2012, 10:58 AM
أخالف الرأي وبقوه
بابوه
لا عنده شهاده ولا أنتاجيه
عنده ضرب باليس
وكذب ونفاق حال الأرباب العماني
والشغل يأديه غيره
هو فقط يأمر
واللي تحته هم يسيرون الشغل

أنا مستعد شخصيا أقوم بمقام بابوه المدير العام
وعندي شهاده وعندي أنتاجيه وعلاقات
هل الأرباب العماني قادر يعطيني مثل بابوه؟
ويثق في؟
وما يسمع كلام الحساد الهنود؟

انزل الميدان ( ساحات العمل ) واثبت كفاءتك هناك وستجد من يهتم فيك ويقدر عملك ويعطيك على مقدار إنتاجك ...

فــ بابوه ( نزل الميدان واثبت وجوده ) و وصل لما وصل إليه ... وإذا كان ضرب باليس مفيد (كما تدعي) فجربه لعلى وعسى ينفع معك ..!!!

مع العلم إنني مؤمن بشي وهو إن البعض ينظر لنجاحات الأخرين على إنها غير شرعية ( ضرب باليس وغيره )

أذكرك إن ضرب الباليس إذا نفع مرة ما راح ينفع كل مرة ..!!!

واللي تسميه أنت ضرب باليس = بالنسبة لي أراها كفاءة فالعمل وليست باليس ..!!

أخر سطرين بردك ....

هل الأرباب العماني قادر يعطيني مثل بابوه؟
ويثق في؟

طبعاً لا والسبب معروف لأنه متعارف إنهم أكثر إنتاجاً .. لكن حاليا أرى تبديل في بعض المواقف والعماني أصبح ثقة (العماني الكفؤ وليس كثير الكلام )


وما يسمع كلام الحساد الهنود؟
الهنود صاروا حساد ... من متى ومن اين تعلموا ذلك ...؟؟
انا اشوفهم وصف بطرانيين أقرب لهم من حساد ...!!!

SoLeH
28/09/2012, 10:59 AM
هناك تقرير صدر الأسبوع الماضي
يقول أن نسبه 74% على ما أظن
من العمانين في القطاع الخاص
يحصلوا على راتب في حدود 200 ريال
وأنت عارف هذه الوظائف ما تريد تعرف عليها

اسدح التقرير من المصدر وبالتفصيل .. عندي شكوك ...!!!

خندق مسقط
28/09/2012, 11:05 AM
انزل الميدان ( ساحات العمل ) واثبت كفاءتك هناك وستجد من يهتم فيك ويقدر عملك ويعطيك على مقدار إنتاجك ...

فــ بابوه ( نزل الميدان واثبت وجوده ) و وصل لما وصل إليه ... وإذا كان ضرب باليس مفيد (كما تدعي) فجربه لعلى وعسى ينفع معك ..!!!

مع العلم إنني مؤمن بشي وهو إن البعض ينظر لنجاحات الأخرين على إنها غير شرعية ( ضرب باليس وغيره )

أذكرك إن ضرب الباليس إذا نفع مرة ما راح ينفع كل مرة ..!!!

واللي تسميه أنت ضرب باليس = بالنسبة لي أراها كفاءة فالعمل وليست باليس ..!!

أخر سطرين بردك ....

هل الأرباب العماني قادر يعطيني مثل بابوه؟
ويثق في؟

طبعاً لا والسبب معروف لأنه متعارف إنهم أكثر إنتاجاً .. لكن حاليا أرى تبديل في بعض المواقف والعماني أصبح ثقة (العماني الكفؤ وليس كثير الكلام )


وما يسمع كلام الحساد الهنود؟
الهنود صاروا حساد ... من متى ومن اين تعلموا ذلك ...؟؟
انا اشوفهم وصف بطرانيين أقرب لهم من حساد ...!!!






اليوم
أكتشفت
عندنا أعضاء في السبله
يدافعوا عن حقوق الهنود
وبقوه
ولكن ما يهمهم حقوق العمانيين

SoLeH
28/09/2012, 11:12 AM
اليوم
أكتشفت
عندنا أعضاء في السبله
يدافعوا عن حقوق الهنود
وبقوه
ولكن ما يهمهم حقوق العمانيين

العماني عزيز وغالي وعلى رأسي من فوق ..ونحن هنا ما تناقشنا عن العماني والهندي كلهم بشر وسواسية عند الله ..

ولكن ناقشتك في ما سدحت من مغالطات في طرحك الكريم والكبير ...

وابديت لك حسب ما رأيت ووجهة نظري...

بس حسيتك بالأخير تهربت من النقاش الفعلي بالمضامين والأسباب واتجهت لفبركة هذا الرد ع كلامي من هواك ...

اعترف إنك شاطر بإنتقاء الكلمات الحلوة لجذب القراء ولكن بالمقابل تهرب أحياناً من المناقشات بالمستفيضة ..!!!

واحتراما للقراء والمتتبعين لا تسيء الظن للناس الثانية من هواك لربما ارتكبت إثم ونحن بنهار الجمعه المباركه ..

جاء في إحدى الآيات القرآنية:
(يا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْمٌ وَ لا تَجَسَّسُوا وَ لا يَغْتَبْ بَعْضُكُمْ بَعْضاً أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتاً فَكَرِهْتُمُوهُ وَ اتَّقُوا اللّهَ إِنَّ اللّهَ تَوّابٌ رَحِيمٌ)([1]).


واذكرك ميدان العمل لا ينظر لكثيري الأقوال بل لكثيري الأفعال مثل بابوه وراجو ... فإنزل الميدان لتثبت وجودك وليس هنا بكثرة الطباعة ع الكيبورد

راعي الناقة
28/09/2012, 11:19 AM
عندما يكون المسؤول أجنبي لن يبقى للمواطن مكان
أخر زمان الهندي يأمر المواطن وينهي
إفعل كذا
لا تفعل
لماذا فعلت كذا
والعماني ماقدر حتى يعمل تجارة
انا صاحب محلات سابقا وخسرت بأسباب كثيرة جدا جدا

اولها عند تنزيل البضاعة يقوم مندوب المبيعات الهندي بإعطائي سعر اكبر من السعر الي يعطيه اصحاب المحلات الهنود
يعني هندي و هندي متعاونين. ..يريدو يطيحو العماني
صاحب المحل الهندي يقول لمندوب المبيعات لاتنزل حال هذا العماني انا داح اخذ من عندك كونتينر كامل

كذاب الي يقول الهنود ماعندهم حسد
الحسد كل مكان

اخر الشهر الشركة تجي تطالبك بدفع المبالغ
وانت اصلا مابعت البضاعة لانة الهند صاحب المحل الي جنبك تري البضاعة بسعر اقل ويبيع بسعر اقل

والله قهرررر:غاضب:

همسة وطن
28/09/2012, 11:32 AM
اليوم

أكتشفت
عندنا أعضاء في السبله
يدافعوا عن حقوق الهنود
وبقوه
ولكن ما يهمهم حقوق العمانيين

تاكد ما يدافع عنهم الا لي ضاحك عليه هندي وعنده مصلحه او شركه .. ويمكن الفلوس اعمت عيونه .. ولكن لو يراجع حساباته ..
بيحصل الهندي ماكل نص فلوسه فبطنه

واقع..

همسة وطن
28/09/2012, 11:39 AM
كم مثل هالمواضيع تم طرحها هنا في السبلة.. لسنوات عديده .. ومديده ..

لا حياة لمن تنادي..


صار الهندي شيخ والعماني البيدار فبلادنا

.. ذل العزيز .. وعز .. ناسٍ ذليله ...!! <-- بالضبط

همسة وطن
28/09/2012, 11:59 AM
نعم قهر ..من اشوف هالمواضيع.. فيني قهر عليهم الهنود

يا جماعه رافعين خشومهم فوق ولا احترام ولا حشيمه للعماني

شوفوا المواقف اليوميه معاهم :

في الشارع يسوق بكل ثقه.. يلزق وراك بسيارته الغاليه عشان تفتحله مجال انت وسيارتك الجربوعه لانه مشغول وما عنده وقت وانت فاضي ما تشتغل ولانك في نظره عماني ..

في المحلات الكبيره كاللولو مثلا.. لا ادب ولا حشيمه اذا حريم بيطلعو اللفت ضاغطين ع الزر ينتظرو.. يجي ابو كرش خشمه فوق ويضغط ع الزر ويدخل قبل واذا تبوا دخلو معاه!!

اللي نعرفه في احترام اسمه( ليديز فرست )عند الغرب ولكن الاخوان فبلادنا (هنودز فيرست)

تكون فالصيدليه مثلا واقف تنتظر دورك.. يجي الهندي .. ولا همه لي واقفين.. ويكلم صديقه لي من جنسه صاحب الصيدلية

وطبعا هذا يخاف لانه اربابه والعمانين ساكتون على نياتكم ترزقون...!!

السايق العماني يسوق بهنود الشركة..الموظفين.. مودنهم وقت الغدا..من الشركة.. وينتظرهم في سيارة الشركة لين يخلصوا.. المهم هو تغدا؟.. لا ما عنده لان راتبه مخلص من اول يوم.. والله يعينه..

خندق مسقط
28/09/2012, 12:42 PM
العماني عزيز وغالي وعلى رأسي من فوق ..ونحن هنا ما تناقشنا عن العماني والهندي كلهم بشر وسواسية عند الله ..

ولكن ناقشتك في ما سدحت من مغالطات في طرحك الكريم والكبير ...

وابديت لك حسب ما رأيت ووجهة نظري...

بس حسيتك بالأخير تهربت من النقاش الفعلي بالمضامين والأسباب واتجهت لفبركة هذا الرد ع كلامي من هواك ...

اعترف إنك شاطر بإنتقاء الكلمات الحلوة لجذب القراء ولكن بالمقابل تهرب أحياناً من المناقشات بالمستفيضة ..!!!

واحتراما للقراء والمتتبعين لا تسيء الظن للناس الثانية من هواك لربما ارتكبت إثم ونحن بنهار الجمعه المباركه ..

جاء في إحدى الآيات القرآنية:
(يا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْمٌ وَ لا تَجَسَّسُوا وَ لا يَغْتَبْ بَعْضُكُمْ بَعْضاً أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتاً فَكَرِهْتُمُوهُ وَ اتَّقُوا اللّهَ إِنَّ اللّهَ تَوّابٌ رَحِيمٌ)([1]).


واذكرك ميدان العمل لا ينظر لكثيري الأقوال بل لكثيري الأفعال مثل بابوه وراجو ... فإنزل الميدان لتثبت وجودك وليس هنا بكثرة الطباعة ع الكيبورد




أنا ما أتهرب من النقاش
بس أنت خرجت من الموضوع الأصلي الى "دفاع مستميت" عن الهنود وكأنك محامي عنهم وكأنك في محكمه هنديه أو تعمل لدى مؤسسه هنديه

هل تعلم كم عدد الباحثين عن عمل؟
هل تعلم كم مديونية الموظفين في القطاع الخاص؟
من ينصف الشباب العماني في القطاع الخاص؟

أخبرني هندي قبل أيام يعمل مسؤول مبيعات في دبي..أن لديه 7 أراضي في كيريلا..وأعلم كم عدد أبناء الهنود اللي يدرسوا من خيرات الخليج في لندن وكندا وأمريكا..هل هذا بتفوقهم؟ في المقابل...الفتاه أو الشاب العماني جالس في البيت أو ضحكت عليه شركه..تعطيه 100 ريال نظير التعمين ويجلس في البيت..أليس ذلك ضحك وسذاجه على الناس

مافيا هنديه تاكل الأخضر واليابس معززه مكرمه..يخططوا من خلفنا ونحن نايمين يا أخي الكريم..ونحن ندعي دوله نفطيه وغنيه

أريد تجاوب بكل شفافيه دون أن تتهرب من الأسئله:

1. هل يرضيك ما يحدث للشباب العماني ومن ضعف الرواتب لهم في القطاع الخاص؟ وماهو الحل في نظرك؟

2. أصبحت الأموال تخرج أعطباطا من الشركات باـجاه الهند من أجل توظيفها للبنيه التحتيه والبحوث النوويه..ألم يكن أجدى أن تسير هذه الأموال في عمان؟

3. للأسف الشديد..بدفعاك المستميت عن الهنود..لم تقدم حلول أو أقتراحات..بل أنزيت الى موضوع أخر وهو أنتقائي للكلمات..وهذا ليس شأنك..وليس من أختصاصك

4. ماهي مصلحتك في الدفاع عن الهنود..وأنت تعرف أن هناك الأف العمانيين باحثين على لقمة عيش وعمل بينما راجوه وكمار رافع خشمه على المواطن؟

الفتى الشمالي
28/09/2012, 12:49 PM
بسكم لا تدافعوا عن الهنود
يظربوا رواتب قوية في الشركات وانت يا عماني يا فقير عيش على 200 او 300 ريال
لا زواج ولا سيارة مثل الناس
لحد يدافع عن الهنود حتى بحرف واحد

ج.الجابري7744
28/09/2012, 12:52 PM
و الله يا طارح الموضوع ما مشكلتنا
يوم ما تفكر
انا راتبي 700 و عندي شهادة الثاني ثانوي !!!
تعرف مركز الولو ؟؟ راعيه اول يبيع سساعات في الهند
و اعرف عمااااني كان راتبه 80 ريال
و الحين دخله 6000 ريال الشهر و ما يشتغل و الشخص "أخوي" !!
حبيبي عقلك
لما يعطى الواحد راتب قال يا الله الامارات
خلا تايلاند نسوي فواحش ..
الصلاة ما تصلى في وقتها القرأن ما احد يقراه ...
التبرع صفر 0
من وين الواحد بيرتقي للافضل ؟؟
صح نسيت الواحد هنده بيستسن لغم سيارته سستم + رنجات + يغازل البنات مال المدارس و يروح المراكز و الاسواق
يعني كيف تبي الواحد تسير حياته و الضياع منه وفيه ؟؟
بااي خلصت

the shock
28/09/2012, 01:04 PM
أخي العزيز يعني يسوي معاصي ما أعطيه راتب عب الوزير لاتعطاه راتب يسوي معاصي الهندي كافر لاتعطاه راتب !! الشئ الثاني لوعندهم فلوس بيتزوجو وبيخفن التصرفات

راعي الناقة
28/09/2012, 01:05 PM
طالب هندي يدرس في جامعة صحار معاه لكزس isF اخر موديل
سعرها فوق 30الف
انا ما احسده. ..لكن الطالب العماني في الجامعة حتى ماعندة مصروف. حال اكله وشربه

هذا كذا مجرد هندي مقيم وشارلك هالسيارة
يعني لو غ بلادة شو بيسوي
؟؟؟

راعي الناقة
28/09/2012, 01:08 PM
و الله يا طارح الموضوع ما مشكلتنا
يوم ما تفكر
انا راتبي 700 و عندي شهادة الثاني ثانوي !!!
تعرف مركز الولو ؟؟ راعيه اول يبيع سساعات في الهند
و اعرف عمااااني كان راتبه 80 ريال
و الحين دخله 6000 ريال الشهر و ما يشتغل و الشخص "أخوي" !!
حبيبي عقلك
لما يعطى الواحد راتب قال يا الله الامارات
خلا تايلاند نسوي فواحش ..
الصلاة ما تصلى في وقتها القرأن ما احد يقراه ...
التبرع صفر 0
من وين الواحد بيرتقي للافضل ؟؟
صح نسيت الواحد هنده بيستسن لغم سيارته سستم + رنجات + يغازل البنات مال المدارس و يروح المراكز و الاسواق
يعني كيف تبي الواحد تسير حياته و الضياع منه وفيه ؟؟
بااي خلصت
طيب نحن ما سألناك كم راتب اخوك
ماشاء الله لايحسدوه. ..مسح الرد. ...شي ناس ماشبعانو


نطيب

همسة وطن
28/09/2012, 01:18 PM
طيب نحن ما سألناك كم راتب اخوك
ماشاء الله لايحسدوه. ..مسح الرد. ...شي ناس ماشبعانو


نطيب

:كاشخ:

عادي خلهم يحسدوه يمكن بعدين يحس بالعمانين المظلومين من الهنود في بقاع عمان:متفكر:

انتظار الفرج
28/09/2012, 01:28 PM
والله كأنك ضربت على الوتر الحساس
نحن ف سشركتنا جميع العمانيين ما يتعدى راتبهم 350 بدون زيادات والشركة مليانة اجانب ما بس من قوم راجو
وكل المدراء اجانب عدا مدير الموارد البشرية لا يهش ولا ينش مسير
رواتبهم ما اقل من 800 ريال وعاد المدراء حدث ولا حرج ف الامتيازات والرواتب
الوظائف الدونية كلها للعمانيين ويلقى الذل والاهانة من قبل الاجانب اللي مستولين على كل الوظائف العليا
200 او حتى 250 والله ماتسوي شي في هالزمن
لا يقدر يفتح بيت ولا يشتري سيارة ولا حتى يفكر يسويله مشروع صغير ع اساس ما يعتمد على راتبه اساسا هالراتب ف اول يوم يروح هذا اذا كان عزابي عاد شو لو فكر يتزوج

راعي الناقة
28/09/2012, 01:34 PM
:كاشخ:

عادي خلهم يحسدوه يمكن بعدين يحس بالعمانين المظلومين من الهنود في بقاع عمان:متفكر:

الي شبعان عندة فلوس تراه يدوس النعمة
تراه قالوها
لا يألم الجرح إلا من به الم
يعني الغني مايشعر بحال الفقير
بس الفقير يشعر بحال الغني

انتظار الفرج
28/09/2012, 01:40 PM
اللي يدافعوا عن بابوه وربعه تكلموا كلام منطقي وبلا مثاليات زايدة ف الردود
اذا انتوا كروشكم مليانه فقولوا خيرا او اصمتوا لا نكم ماراح تحسوا بغيركم
يبالكم تنذلوا عند واحد من هالاجانب عشان تتأدبوا وتعرفوا كيف غيركم يعاني
وخذوا ها 200 ريال بنشوفكم كيف تقدروا تعيشوا

راعي الناقة
28/09/2012, 01:42 PM
و الله يا طارح الموضوع ما مشكلتنا
يوم ما تفكر
انا راتبي 700 و عندي شهادة الثاني ثانوي !!!
تعرف مركز الولو ؟؟ راعيه اول يبيع سساعات في الهند
و اعرف عمااااني كان راتبه 80 ريال
و الحين دخله 6000 ريال الشهر و ما يشتغل و الشخص "أخوي" !!
حبيبي عقلك
لما يعطى الواحد راتب قال يا الله الامارات
خلا تايلاند نسوي فواحش ..
الصلاة ما تصلى في وقتها القرأن ما احد يقراه ...
التبرع صفر 0
من وين الواحد بيرتقي للافضل ؟؟
صح نسيت الواحد هنده بيستسن لغم سيارته سستم + رنجات + يغازل البنات مال المدارس و يروح المراكز و الاسواق
يعني كيف تبي الواحد تسير حياته و الضياع منه وفيه ؟؟
بااي خلصت

ثانيا ع قولتك انه كان يبيع ساعات صاحب اللولو
انا كنت ابيع خضرة و قوم فجل وجلجلان (ماعيب وما مستحي)
خلال سبع سنوات صارو معاي خمس محلات والحمدلله
في السنة السابعة بدت الخسارة
سببها الحسد اولا

الهنود اصحاب المحلات مايريدو عماني ينافسهم
ويتعاونو مع اصحاب الشركات الممولة للمحلات عشان انهم ماينزلو بضاعة لي
واحيان الشركة تنزلها لي بسعر اكبر

انا خسرت تعبي مال 7سنوات
والهندي مرتاح

انا تعبت وصبرت وكديت
كنت ادرس بعدني
صباح ادرس وارجع بعد الدراسة ع طول محل
حتى اهلي قليل يشوفوني ف البيت

اخر المطاف المحل مغلق واشتراه هندي وفتحه



موقع المحل لاجيت تسأل اي شخص بيقولك المكان ماينفع ماله اقبال
بس انا خلال اشهر بسيطة خليت المحل مدخولة يوميا الفين ريال


الحسد هو عامي عيون الناس

انتظار الفرج
28/09/2012, 01:49 PM
شكرا يا خندق مسقط على موضوعك ,

تريد تعرف السر ليش الوافد راتبه كبير ويترقى بسرعة مع الرغم انه جاي وعنده كورس مال شهرين من الهند وماخذنه ب 30 ريال ؟

انا بخبرك الجواب , الوافد ما عنده ميزة الحسد على بني جنسه ( يعني ما جالنا نشوف هندي يحسد او يخرب على هندي ) , عكس العماني يحسد زميله اذا ترقى واحيانا يلجا الى استخدام السحر .

الوافد ( الهندي ) يدرب زميله ويخصص من وقته الكثير عشان يطور مهارات زميله , اما العماني ما يعطيك ولا يساعدك حتى ولو عنده حل للمشكلة


بعطيك مثال على ذلك : قبل شهر انا عملت مقابلة في شركة نفطية في مجال الصحة والسلامة والبيئة , وكانوا في المقابلة نائب مدير الموارد البشرية ( هندي الجنسية ) + مدير الصحة والسلامة والبيئة ( بريطاني الجنسية ) + شخص بريطاني اخر
المهم انا اديت في المقابلة , ونائب المدير ( الهندي ) بالاضافة الى البريطاني مدير الصحة والسلامة وافقوا علي عالطول وقالوا نحن بنعطيك راتب كون ماعندك خبرة 800 ريال , وانا وافقت عالطول .

ولكن للاسف الشديد جدا جالي اتصال من مدير الموارد البشرية العماني الحاسد ( وهو من ن....) : ( يا ........ نحن في الشركة بنعطيك 460 ريال كون ماعندك خبرة ) كان تريد تعال وقع العقد يوم السبت ( ولما ناقشته بالموضوع فرد علي : انت ماعندك خبرة والبريطاني بعده جديد بالشركة ومايعرف سياسة الرواتب وغير ذلك ) .



والله الحسد ف كل مكان
والدليل اريدك تروح عند هالهندي اللي تمدحه وخبره يعلمك الشغل شوفه اذا بيعلمك تعال ساتها خبرنا

انتظار الفرج
28/09/2012, 01:51 PM
ثانيا ع قولتك انه كان يبيع ساعات صاحب اللولو
انا كنت ابيع خضرة و قوم فجل وجلجلان (ماعيب وما مستحي)
خلال سبع سنوات صارو معاي خمس محلات والحمدلله
في السنة السابعة بدت الخسارة
سببها الحسد اولا

الهنود اصحاب المحلات مايريدو عماني ينافسهم
ويتعاونو مع اصحاب الشركات الممولة للمحلات عشان انهم ماينزلو بضاعة لي
واحيان الشركة تنزلها لي بسعر اكبر

انا خسرت تعبي مال 7سنوات
والهندي مرتاح

انا تعبت وصبرت وكديت
كنت ادرس بعدني
صباح ادرس وارجع بعد الدراسة ع طول محل
حتى اهلي قليل يشوفوني ف البيت

اخر المطاف المحل مغلق واشتراه هندي وفتحه



موقع المحل لاجيت تسأل اي شخص بيقولك المكان ماينفع ماله اقبال
بس انا خلال اشهر بسيطة خليت المحل مدخولة يوميا الفين ريال


الحسد هو عامي عيون الناس

الله يعوضك خير ويبعدك عن الحساد

همسة وطن
28/09/2012, 01:54 PM
الي شبعان عندة فلوس تراه يدوس النعمة
تراه قالوها
لا يألم الجرح إلا من به الم
يعني الغني مايشعر بحال الفقير
بس الفقير يشعر بحال الغني

راعي الناقه

في مثل عماني متداول..


يوم نسلم انا وناقتي ما علي من رفاقتي..

المغامر ابن المجتمع
28/09/2012, 01:57 PM
العماني مسكين مظلوم .

راعي الناقة
28/09/2012, 02:01 PM
الله يعوضك خير ويبعدك عن الحساد
ن
امين يارب:)

omar alrashdi
28/09/2012, 02:56 PM
200 ريال أضن..تكفي ...للدراسة في كليات الخاصه ..

دبلوم + لغة ..3 سنوات ,,, :متفكر:


بعدها ..بتستلم راتب ..أكبر ..وتقدر ..تتزوج :لسان:


المسأله ما مسألة الحكومة ...
الحكومة ..لم تمنع المواطنين ..من الدراسة في ..الكليات الخاصـه, ؟ :مستغرب:

الحكومة كل سنة .. تفتح باب المعونات للي يدرسـ بحسابه الخاصـ ... في الكليات الخاصه ..

muscat2007
28/09/2012, 02:58 PM
بإختصار شديد أبو كرفته ( بابو ) متعلم وعنده إلتزام بقوانيين العمل ( وإنتاجيته في العمل تصل لنسب عالية )
والبعض أو ( القلة من أخواننا العمانيين ) غير متعلم وغير ملتزم بقوانيين العمل أو يبحث في أي ثغرة فيها ليأخذ إجازة أو إلخ
(يعني الانتاجية قليلة )

وسيروا بأنفسكم إسالوا الرؤساء التنفيذين للشركات الخاصة والقطاع الخاص بشكل عام وبيخبروك إنتاجية من أعلى ولماذا ؟؟؟

وأصلاً المقارنة بين هذا وذاك غير عادلة بتاتاً ...


قارنوا مثلاً بين نفس الرتب لوظيفية بيكون أحسن لاهـــ ... وشكرا لكم ...

وجهة نظر شخصية ...

إنزين أنا بعطي الرؤساء التنفيذيين إقتراح وأتمنى يعمم على كل الشركات .... يتم تعمين الوظائف العليا تدريجيا ... مثلا خطة خمسية ... أي شاب عماني أعطيته مسؤولية وما كانت إنتاجيته بالمستوى المطلوب يمنح نقاط معينة (أهداف) كل سنة وإذا لم يصلها كل سنة فإنه بعد 3 سنوات يتم طرده من الوظيفة (I hire and I fire ) لو طبقت هذه السياسة لرأينا الشباب العماني يجتهد للإستمرار في الإنتاج ولا نمنح الأجنبي كل الفرص لإثبات وجوده ونخلق فكر أو ثقافة عن الشاب العماني بأنه غير كفؤ أو غير منتج.
بالنسبة لقائدي المركبات أو الوظائف الدنيا ... فعلا هنالك تسيب من كثير من الشباب ويستغل الكثير منهم السيارة لأمور خطأ لكن هنالك ألف طريقة وطريقة لضبطهم والإداري الناجح يبحث عن حلول ولا يطرح المشكلة بدون حلها وحينما نبحث عن الحلول لابد أن يكون المواطن أولوية لدينا .... وكما قال أحمد زويل العالم المصري المعروف: ألغرب يأخذ بيد الفاشل حتى ينجح.
شكرا ...

omar alrashdi
28/09/2012, 03:05 PM
200 ريال أضن..تكفي ...للدراسة في كليات الخاصه ..

دبلوم + لغة ..3 سنوات ,,, :متفكر:


بعدها ..بتستلم راتب ..أكبر ..وتقدر ..تتزوج :لسان:


المسأله ما مسألة الحكومة ...
الحكومة ..لم تمنع المواطنين ..من الدراسة في ..الكليات الخاصـه, ؟ :مستغرب:

الحكومة كل سنة .. تفتح باب المعونات للي يدرسـ بحسابه الخاصـ ... في الكليات الخاصه ..

السماء لا تمطر ذهب وفضه

أعماق المحيط
28/09/2012, 03:20 PM
والله الحسد ف كل مكان
والدليل اريدك تروح عند هالهندي اللي تمدحه وخبره يعلمك الشغل شوفه اذا بيعلمك تعال ساتها خبرنا

على الاقل الهندي عطاني راتب 800 ريال لما عرف انه ماعندي خبره وهو نائب مدير الموارد البشرية ( وكبداية يعتبر راتب ممتاز جدا ) , اما العماني الحاسد هو الي ما وافق وقال عطوه ( 460 ريال كون ماعنده خبره ) وكأن الشركة ابوه وارثنه .

SoLeH
29/09/2012, 09:08 AM
أنا ما أتهرب من النقاش
بس أنت خرجت من الموضوع الأصلي الى "دفاع مستميت" عن الهنود وكأنك محامي عنهم وكأنك في محكمه هنديه أو تعمل لدى مؤسسه هنديههل تعلم كم عدد الباحثين عن عمل؟
هل تعلم كم مديونية الموظفين في القطاع الخاص؟
من ينصف الشباب العماني في القطاع الخاص؟

أخبرني هندي قبل أيام يعمل مسؤول مبيعات في دبي..أن لديه 7 أراضي في كيريلا..وأعلم كم عدد أبناء الهنود اللي يدرسوا من خيرات الخليج في لندن وكندا وأمريكا..هل هذا بتفوقهم؟ في المقابل...الفتاه أو الشاب العماني جالس في البيت أو ضحكت عليه شركه..تعطيه 100 ريال نظير التعمين ويجلس في البيت..أليس ذلك ضحك وسذاجه على الناس

مافيا هنديه تاكل الأخضر واليابس معززه مكرمه..يخططوا من خلفنا ونحن نايمين يا أخي الكريم..ونحن ندعي دوله نفطيه وغنيه

أريد تجاوب بكل شفافيه دون أن تتهرب من الأسئله:

1. هل يرضيك ما يحدث للشباب العماني ومن ضعف الرواتب لهم في القطاع الخاص؟ وماهو الحل في نظرك؟

2. أصبحت الأموال تخرج أعطباطا من الشركات باـجاه الهند من أجل توظيفها للبنيه التحتيه والبحوث النوويه..ألم يكن أجدى أن تسير هذه الأموال في عمان؟

3. للأسف الشديد..بدفعاك المستميت عن الهنود..لم تقدم حلول أو أقتراحات..بل أنزيت الى موضوع أخر وهو أنتقائي للكلمات..وهذا ليس شأنك..وليس من أختصاصك

4. ماهي مصلحتك في الدفاع عن الهنود..وأنت تعرف أن هناك الأف العمانيين باحثين على لقمة عيش وعمل بينما راجوه وكمار رافع خشمه على المواطن؟

مشكلتك في المناقشات واضحة جداً اكرر واضحة ... الخروج عن المألوف والتسلق على مصطلحات سوقية ...
واللعب عن وتر الكلمات الغير صحيحة بتاتاً .. مع كيل الاتهامات المبطنة في مضمون كلامك ...
شوف ردك بالأعلى وما ذكرت ...
وتفهمي قصدي زين لأنني على ثقة إنك فطن وعلى درجة من الذكاء ولكنك تجيد لعبة التغابي كثيراً ..وبإختصار الهندي ما وصل لما وصل إليه إلا بسببنا نحن والفئة الأكثر من إخواننا العمانيين ..
شطار بالحكي أكثر من العمل بالميدان ..!!!

وسالفة الحسد مع الهنود راجعها وبتعرف من الحاسد الحقيقي ... ومفضي نفسه ومنزل موضوع كامل ...

لو حاط لعنوانك موضوع ( النجاحات والتميز للهنود وكيفية الوصول إليها ؟؟؟ )

كان موضوعك بيكون أكثر تحفيز وبلا سوالف إن الهنود حساد وما حساد ...

وأزيدك بعد .. دوم الناجحين يكونون متصيدون من الفاشلين والسبب لأنهم لا يصلون لمستوياتهم أبداً ..

ولذلك لا يلتفتون لهم نهائياً ...


همسة ::: مدير فرع خدمة تويوتا بنفسه كان يسلم السيارات للزبائن بالخميس والأخوة العمانيين مرتاحين (نص دوام لاهــ )
ولك عبرة اخرى في شوارعنا الساعه 12 بعد الظهر بالأربعاء ... والدوام الرسمي ما مخلص ...!!!!

وردة الزيزفون
29/09/2012, 09:13 AM
كم اكره الهنود الحمد لله الذي خلاني اشتغل بعيد عنهم

كم انقهر لما اشوف هندي يسوق بي ام او مرسيدس والا هنديه وهي كانها شغالتنا يالله لا وبعدالغم تجاري يعني الشركه موفرتلها السياره

نسيبي وفروله ايكو طايحه الطاسه مال تايرها
يالله

alsamer 20
29/09/2012, 09:35 AM
هلا
اخوي
هل تدري من وين السبب ؟؟؟
السبب منا نحن
ليش ؟
اننا فكرنا فقط بالراتب لكن لم نفكر بان نطور بانفسنا
هم كيف وصلوا لهذا المستوى هم تعلموا عملهم وفكروا بالخبره قبل ان يفكروا بالراتب مع انهم في بلادهم يتقاضون القليل وجاءو ا الى الخليج ليجنوا ثمار تعبهم
بامانه لو فكرنا بأ نفسنا قليلا وفكرنا بعقولنا سنصل الا الابداع
من خلال تجارب شاهدتها بنفسي وانا اعرف الكثير من الشباب فكروا بهذا المبدأ ووصلوا الى مراتب علياء
اتمنى من الجميع التفكير نحو الابداع

تحياتي

وردة الزيزفون
29/09/2012, 09:48 AM
هلا
اخوي
هل تدري من وين السبب ؟؟؟
السبب منا نحن
ليش ؟
اننا فكرنا فقط بالراتب لكن لم نفكر بان نطور بانفسنا
هم كيف وصلوا لهذا المستوى هم تعلموا عملهم وفكروا بالخبره قبل ان يفكروا بالراتب مع انهم في بلادهم يتقاضون القليل وجاءو ا الى الخليج ليجنوا ثمار تعبهم
بامانه لو فكرنا بأ نفسنا قليلا وفكرنا بعقولنا سنصل الا الابداع
من خلال تجارب شاهدتها بنفسي وانا اعرف الكثير من الشباب فكروا بهذا المبدأ ووصلوا الى مراتب علياء
اتمنى من الجميع التفكير نحو الابداع

تحياتي
ربما يكون كلامك صحيح ولكن هذا ليس دائما هناك عمانين مجتهدين جدا فالقطاع الخاص

ومضلومين جدا

يعني الفارق كبير جدا جدا فالرواتب والترقيات و البونس والاميتيازات

عدو ابليس
29/09/2012, 10:00 AM
العتب ما على الهنود العتب على وزارة القوى العامله
يوم تريد تجي تفتيش اول شي الو الو
بيضبطوا امورهم وبيخلوا العمانيين في الكراسي واذا احد تكلم منهم بيدوروله غلط وبيخرج

عاشق تايلند
29/09/2012, 12:16 PM
العتب ما على الهنود العتب على وزارة القوى العامله
يوم تريد تجي تفتيش اول شي الو الو
بيضبطوا امورهم وبيخلوا العمانيين في الكراسي واذا احد تكلم منهم بيدوروله غلط وبيخرج




,الله الشعب العماني طيب وفي نفس الوقت جبان.شوف السعودي والنعم فيهم والله الوافد مدير جهاز بترول يعني راتبه بالعناني ما اقل من ثلاثة الاف بس يخليوه يركب في الكريل( البيكب )
بس هنا الله يبقي المدارس الهندية :نربيهم في مستشفياتنا وندرسهم في بلادنا ويشتغلوا احسن الوظائف و باعلى راتب مو بس في الشركات حتى الحكومه ( يا ناس المدارس الهندية في عمان قنبله موقوته
واتاثيرها واضح /// يعني نقارن مدارسنا الكحيانه الي يتخرج من الثالث ثانوي وما يعرف شيء أبدا ولا مدارس الي كلها كتبهم من بداية الصف الاول//////أسميها بلاد
ألله المستعان

عاشق تايلند
29/09/2012, 12:20 PM
,الله الشعب العماني طيب وفي نفس الوقت جبان.شوف السعودي والنعم فيهم والله الوافد مدير جهاز بترول يعني راتبه بالعماني ما اقل من ثلاثة الاف بس يخليوه يركب في الكريل( البيكب )
بس هنا الله يبقي المدارس الهندية :نربيهم في مستشفياتنا وندرسهم في بلادنا ويشتغلوا احسن الوظائف و باعلى راتب مو بس في الشركات حتى الحكومه ( يا ناس المدارس الهندية في عمان قنبله موقوته
واتاثيرها واضح /// يعني نقارن مدارسنا الكحيانه الي يتخرج من الثالث ثانوي وما يعرف شيء أبدا ولا مدارس الي كلها كتبهم من بداية الصف الاول ENGLISH MY FRIENDOOS//////أسميها بلاد
ألله المستعان


,الله الشعب العماني طيب وفي نفس الوقت جبان.شوف السعودي والنعم فيهم والله الوافد مدير جهاز بترول يعني راتبه بالعماني ما اقل من ثلاثة الاف بس يخليوه يركب في الكريل( البيكب )
بس هنا الله يبقي المدارس الهندية :نربيهم في مستشفياتنا وندرسهم في بلادنا ويشتغلوا احسن الوظائف و باعلى راتب مو بس في الشركات حتى الحكومه ( يا ناس المدارس الهندية في عمان قنبله موقوته
واتاثيرها واضح /// يعني نقارن مدارسنا الكحيانه الي يتخرج من الثالث ثانوي وما يعرف شيء أبدا ولا مدارس الي كلها كتبهم من بداية الصف الاول ENGLISH MY FRIENDOOS//////أسميها بلاد
ألله المستعان

آي فون 4
29/09/2012, 12:23 PM
خلوها على الله بس .. 3000 شوووي .. لو عرفتو انه يستلم 6000 او 5800 ايش بتقوولوا ..
لا وازيدكم من الشعر بيت .. السايق ماله عماني مسكين هو يجيبه ويرجعه البيت .. ويشل اولاده المدرسه .. ويشل زوجته الولو تشتري راشن للبيت ..
وما خفي كان اعظم ..
لا تقارنو ولا بتموتو قهر ..

تاجر غني
29/09/2012, 12:53 PM
مشكلتك في المناقشات واضحة جداً اكرر واضحة ... الخروج عن المألوف والتسلق على مصطلحات سوقية ...
واللعب عن وتر الكلمات الغير صحيحة بتاتاً .. مع كيل الاتهامات المبطنة في مضمون كلامك ...
شوف ردك بالأعلى وما ذكرت ...
وتفهمي قصدي زين لأنني على ثقة إنك فطن وعلى درجة من الذكاء ولكنك تجيد لعبة التغابي كثيراً ..وبإختصار الهندي ما وصل لما وصل إليه إلا بسببنا نحن والفئة الأكثر من إخواننا العمانيين ..
شطار بالحكي أكثر من العمل بالميدان ..!!!

وسالفة الحسد مع الهنود راجعها وبتعرف من الحاسد الحقيقي ... ومفضي نفسه ومنزل موضوع كامل ...

لو حاط لعنوانك موضوع ( النجاحات والتميز للهنود وكيفية الوصول إليها ؟؟؟ )

كان موضوعك بيكون أكثر تحفيز وبلا سوالف إن الهنود حساد وما حساد ...

وأزيدك بعد .. دوم الناجحين يكونون متصيدون من الفاشلين والسبب لأنهم لا يصلون لمستوياتهم أبداً ..

ولذلك لا يلتفتون لهم نهائياً ...


همسة ::: مدير فرع خدمة تويوتا بنفسه كان يسلم السيارات للزبائن بالخميس والأخوة العمانيين مرتاحين (نص دوام لاهــ )
ولك عبرة اخرى في شوارعنا الساعه 12 بعد الظهر بالأربعاء ... والدوام الرسمي ما مخلص ...!!!!


ترى لازم بيسلم السيارات لانة المدير
لان راتبه اضعاف راتب العماني
ومحصل بيت وسيارة

كيف تريد العماني ينتج او يشتغل باخلاص وهو مظلوم

SuperBoy
29/09/2012, 12:55 PM
:حزين:

SoLeH
29/09/2012, 01:09 PM
ترى لازم بيسلم السيارات لانة المدير
لان راتبه اضعاف راتب العماني
ومحصل بيت وسيارة

كيف تريد العماني ينتج او يشتغل باخلاص وهو مظلوم

وكيف تريد يعطوه نفس مميزات المدير وهو اصلاً عمله ويتهرب منه ولا يبادر ولا يبدع في مجال عمله؟؟

Legend of Love
29/09/2012, 01:14 PM
أصلا لو تلاحظو أغلب مشاريع وشركات عمان ماسكيننهن ويديروهن ولاد الفلفل > أقصـــد الهنود

الله يرزقهم من فضله :عيار:

راعي ستاندر
29/09/2012, 01:17 PM
بالنسبه لبابوه فيمسك المناصب القياديه في اغلب الشركات ولو لم تكن عنده شهاده او خبره ويصلح لوظيفة محاضر او مدرس في كليات السلطنه ولو لم يكن يعرف كوعه من بوعه

اما العماني فيصلح في نظر الشركات ونظام التعمين ان يعمل كعامل وسايق وراتبه محدد من قبل المسؤول الهندي..

هذا هو قطاع العمل في السلطنه

عدو ابليس
08/10/2012, 10:19 AM
[QUOTE=عاشق تايلند;36247612],الله الشعب العماني طيب وفي نفس الوقت جبان.شوف السعودي والنعم فيهم والله الوافد مدير جهاز بترول يعني راتبه بالعناني ما اقل من ثلاثة الاف بس يخليوه يركب في الكريل( البيكب )
بس هنا الله يبقي المدارس الهندية :نربيهم في مستشفياتنا وندرسهم في بلادنا ويشتغلوا احسن الوظائف و باعلى راتب مو بس في الشركات حتى الحكومه ( يا ناس المدارس الهندية في عمان قنبله موقوته
واتاثيرها واضح /// يعني نقارن مدارسنا الكحيانه الي يتخرج من الثالث ثانوي وما يعرف شيء أبدا ولا مدارس الي كلها كتبهم من بداية الصف الاول//////أسميها بلاد
ألله المستعان


تعرف مره قلت بشتكي على الشركة في التامينات لانها ما حسبت لي سنتين خدمه

تعرف ويش قالي الموظف قالي عادي بناخذ ملفات العمانيين كلهم بحيث لا تدري الشركه من هو المشتكي
تعرف لما وصل الشركة ويش سوى
قالهم اريد ملف فلان لان عنده مشكلة
يعني علمت الشركة ان المشتكي هو انا
ولو فصلتني الشركة برتجعني التامينات زين المدير قالي نقل بس

خندق مسقط
08/10/2012, 10:29 AM
[QUOTE=عاشق تايلند;36247612],الله الشعب العماني طيب وفي نفس الوقت جبان.شوف السعودي والنعم فيهم والله الوافد مدير جهاز بترول يعني راتبه بالعناني ما اقل من ثلاثة الاف بس يخليوه يركب في الكريل( البيكب )
بس هنا الله يبقي المدارس الهندية :نربيهم في مستشفياتنا وندرسهم في بلادنا ويشتغلوا احسن الوظائف و باعلى راتب مو بس في الشركات حتى الحكومه ( يا ناس المدارس الهندية في عمان قنبله موقوته
واتاثيرها واضح /// يعني نقارن مدارسنا الكحيانه الي يتخرج من الثالث ثانوي وما يعرف شيء أبدا ولا مدارس الي كلها كتبهم من بداية الصف الاول//////أسميها بلاد
ألله المستعان


تعرف مره قلت بشتكي على الشركة في التامينات لانها ما حسبت لي سنتين خدمه

تعرف ويش قالي الموظف قالي عادي بناخذ ملفات العمانيين كلهم بحيث لا تدري الشركه من هو المشتكي
تعرف لما وصل الشركة ويش سوى
قالهم اريد ملف فلان لان عنده مشكلة
يعني علمت الشركة ان المشتكي هو انا
ولو فصلتني الشركة برتجعني التامينات زين المدير قالي نقل بس


مجرد سؤال
من يدير هذه الشركه؟
ومن مالك الشركه؟
وأكيد العماني صاحب الشركه ما واثق في العماني

كم عدد العمانيين اللي أنسرقوا من الوافدين؟

وأيش السبب؟

دكتاتوري
08/10/2012, 10:38 AM
هذا هو القهر بعينه هندي جاي من افقر دوله ويعطوه راتب بالالاف ومواطن يذل عشان 200 ريال مهزله ياقوى .

silent soul87
08/10/2012, 10:45 AM
انت نبراس بأفكاراك عزيزي
الكلام اللي قلته واقع
والله محد أحسد منهم وميعلموك شي ابد

بدر الارض
08/10/2012, 11:08 AM
يا حليله يالمواطن العادي !!!

الفيصل 2020
08/10/2012, 11:13 AM
الحمد لله على كل حال

اسعوا للرزق أحسن لكم عن الكلام والتشكي

الله الموفق

عدو ابليس
08/10/2012, 11:28 AM
تراه رئيس مجلس الادارة ما موجود في الشركات
مكتبه في مكان اخر ولا يعلم ما يدور هناك بس اخر الشهر يوصل راتبه ونصيبه

NMHA
08/10/2012, 12:51 PM
مشكلتك في المناقشات واضحة جداً اكرر واضحة ... الخروج عن المألوف والتسلق على مصطلحات سوقية ...
واللعب عن وتر الكلمات الغير صحيحة بتاتاً .. مع كيل الاتهامات المبطنة في مضمون كلامك ...
شوف ردك بالأعلى وما ذكرت ...
وتفهمي قصدي زين لأنني على ثقة إنك فطن وعلى درجة من الذكاء ولكنك تجيد لعبة التغابي كثيراً ..وبإختصار الهندي ما وصل لما وصل إليه إلا بسببنا نحن والفئة الأكثر من إخواننا العمانيين ..
شطار بالحكي أكثر من العمل بالميدان ..!!!

وسالفة الحسد مع الهنود راجعها وبتعرف من الحاسد الحقيقي ... ومفضي نفسه ومنزل موضوع كامل ...

لو حاط لعنوانك موضوع ( النجاحات والتميز للهنود وكيفية الوصول إليها ؟؟؟ )

كان موضوعك بيكون أكثر تحفيز وبلا سوالف إن الهنود حساد وما حساد ...

وأزيدك بعد .. دوم الناجحين يكونون متصيدون من الفاشلين والسبب لأنهم لا يصلون لمستوياتهم أبداً ..

ولذلك لا يلتفتون لهم نهائياً ...


همسة ::: مدير فرع خدمة تويوتا بنفسه كان يسلم السيارات للزبائن بالخميس والأخوة العمانيين مرتاحين (نص دوام لاهــ )
ولك عبرة اخرى في شوارعنا الساعه 12 بعد الظهر بالأربعاء ... والدوام الرسمي ما مخلص ...!!!!

السلام عليكم ورحمة الله وبركاته
عذرا على المداخلة
أخي هذا الموضوع لمدح العمانيين وذم الهنود حسب رايك لذلك لا نريد ان نقرا الردود التي تمدح الهنود في هذا الموضوع .
لذلك لو تتكرم شرفنا بصمتك .
واذا حاب تمدح الهنود سو موضوع خاص بك وماحد بيدخل فيه
تقبل مروري بصدر رحب شكرا

خندق مسقط
08/10/2012, 01:24 PM
السلام عليكم ورحمة الله وبركاته
عذرا على المداخلة
أخي هذا الموضوع لمدح العمانيين وذم الهنود حسب رايك لذلك لا نريد ان نقرا الردود التي تمدح الهنود في هذا الموضوع .
لذلك لو تتكرم شرفنا بصمتك .
واذا حاب تمدح الهنود سو موضوع خاص بك وماحد بيدخل فيه
تقبل مروري بصدر رحب شكرا


عجبني الرد
تسلم أخي العزيز

الهنود حد يمدحهم؟

كنت أروح حديقة الهايدبارك وفي ركن الخطباء في لندن كل يوم أحد
ما كنت أعرف السبب في كراهية الأنجليز للهنود
الحين عرفت السبب

والهندي مثل الثعبان
خاف على نفسك منه

والهندي رافع خشمه على أهل البلد
ما يتعامل الا للمصلحه فقط مع أصحاب القرار

واذا حصل على الشي اللي يريده
خلاص...رفع خشمه عليك

وأذا ما يريد منك شي
ولا رايح يسلم عليك

مخاوي
08/10/2012, 01:47 PM
ويوم راجيش داوم فالشركة 20 سنة براتب 200 ريال وفي السنة 21 صار راتبه 2000 ريال ؟ ولعماني داوم 3 اشهر بشهادة اعداديه قال عطوني الف ريال باغي اتزوج :لسان:

مخاوي
08/10/2012, 01:50 PM
خلوها على الله بس .. 3000 شوووي .. لو عرفتو انه يستلم 6000 او 5800 ايش بتقوولوا ..
لا وازيدكم من الشعر بيت .. السايق ماله عماني مسكين هو يجيبه ويرجعه البيت .. ويشل اولاده المدرسه .. ويشل زوجته الولو تشتري راشن للبيت ..
وما خفي كان اعظم ..
لا تقارنو ولا بتموتو قهر ..

وفي نفس اللحظة فيه عُماني دخله الشهري 10 آلاف ريال وعنده 3 سواقين هنود مش واحد :لسان:

خندق مسقط
08/10/2012, 01:54 PM
ويوم راجيش داوم فالشركة 20 سنة براتب 200 ريال وفي السنة 21 صار راتبه 2000 ريال ؟ ولعماني داوم 3 اشهر بشهادة اعداديه قال عطوني الف ريال باغي اتزوج :لسان:


راجيش
وكمار
وبابوه
ومهنداس

مستحيل

رايح يدوام 20 سنه براتب 200 ريال
مستحيل جدا

بيضربه غم

خلفان اللي بيداوم 20 سنه براتب 200 ريال
ويظل ساكت

مخاوي
08/10/2012, 01:57 PM
راجيش
وكمار
وبابوه
ومهنداس

مستحيل

رايح يدوام 20 سنه براتب 200 ريال
مستحيل جدا

بيضربه غم

خلفان اللي بيداوم 20 سنه براتب 200 ريال
ويظل ساكت

اعرف هنود خبروني شباب عنهم انهم لما جيو عمان كان راتبهم ما يتجاوز 100 ريال والآن اقل واحد فيهم راتبه 2500 ايضاً واحد صار عنده شركة مستقله تحت كفيل عماني وكان اول زياره له في عمان في سنة 91 راتبه 70 ريال .

خندق مسقط
08/10/2012, 02:40 PM
اعرف هنود خبروني شباب عنهم انهم لما جيو عمان كان راتبهم ما يتجاوز 100 ريال والآن اقل واحد فيهم راتبه 2500 ايضاً واحد صار عنده شركة مستقله تحت كفيل عماني وكان اول زياره له في عمان في سنة 91 راتبه 70 ريال .


الله يعطيهم الخير ويمن عليهم بالرزق
فحكمة الله تقضي
أن لا يفرق الله بين البشر

ولكن نحن لا نؤمن بقضية فساد
أو توسع أنتشار الهنود
مهما تكون الأسباب
الأولى أن نمنح الأولويه لأبناء البلد
مهما كانت الأسباب

شكرا أخي العزيز

الله يمنحك الخير

bintalsultan89
08/10/2012, 03:47 PM
انا اشتغل مع الاجانب انا مهندسة واعترف راتبي525 ريال
بس ما يعرفو يشتغلو ف البرامج اللي اشتغل فيها والقهر هو ساكن في
فندق5 نجوم واكل ببلاش ع حساب الشركة من غير راتبه ما اقل عن5 الالاف
والقهر يتأمر سوي وسوي وهو فاك حلقه ما يعرف انا مو جالسه اسوي

AMG E63
08/10/2012, 03:52 PM
خلفان
دوم مظلوم

ساعة صمت
08/10/2012, 03:54 PM
هل تستطيع الحكومة الزام الشركات ع النقاط الي ذكرتهن؟؟؟
الا تخاف أحكومة اذا الزمة الشركات ع هذه النقاط يهرب المستثمر الاجنبي ة العماني؟؟؟
لماذا القطاع الخاص لا يثق في العماني!!!؟
حتى اغلبية الشركات الي موظفة عمانيين فقط لاكمال نسبة التعمين و حتى تطلب من العماني انه ما يداوم و تو يداوم يوقع حضور و ينصرف!!!؟
هل العماني فاشل ف الشركات الحكومية؟؟
الحكومه غلطانه مفروض التعمين 95% هذا بيكون اجباري
عيل ليش الحكومه قادره تدفع 1000 ل راجيش و كومار ومقادره تدفع 200 ريال للمواطن؟؟
هل هذا معناه ان الهندي شاطر والعماني ما شاطر؟

لو تعرفو الحاله
ترا الهندي خبيث
يسوي اي شي مظل ما قلت ياخندق يلاحس صاحب الشركه بذيك اللسان
مال تمليقه
وبعدين الشركات ما تثق بالعماني اصلا

ما مالي عينهم
مع ان العماني اثبت جدارته بكل موقع

ساعة صمت
08/10/2012, 03:56 PM
انا اشتغل مع الاجانب انا مهندسة واعترف راتبي525 ريال
بس ما يعرفو يشتغلو ف البرامج اللي اشتغل فيها والقهر هو ساكن في
فندق5 نجوم واكل ببلاش ع حساب الشركة من غير راتبه ما اقل عن5 الالاف
والقهر يتأمر سوي وسوي وهو فاك حلقه ما يعرف انا مو جالسه اسوي
وبعدهم يقولو العماني ما شاطر وما يشتغل
احسن شي نغير الجنسيه للهندي

الطريفي
08/10/2012, 04:22 PM
انا اشتغل مع الاجانب انا مهندسة واعترف راتبي525 ريال
بس ما يعرفو يشتغلو ف البرامج اللي اشتغل فيها والقهر هو ساكن في
فندق5 نجوم واكل ببلاش ع حساب الشركة من غير راتبه ما اقل عن5 الالاف
والقهر يتأمر سوي وسوي وهو فاك حلقه ما يعرف انا مو جالسه اسوي

للأسف أغلبنا يمر بهذه الحالة والمرحلة والأصعب عندما يطلب منك أن تعلّم صاحب المؤهل التعاليمي الأعلى منك وصاحب الخبرة !!! وبعدها توضع في خانة الترميج
الله المستعان بس .

روتردام
22/02/2013, 11:57 AM
يسلم بابو

أفواق الوصف
22/02/2013, 12:11 PM
الله يعين وبعده عشرات المليارات يفيضن من مزانيه الدوله
وين يروحن كله حال الوزراء
والله قهر إلي راتبه 200 وين بيعيش أهله
الله يعين بس

خندق مواضيع وسردك في المواضيع جميل جدا

لكن نبهنا عنك الموسيقى حرام وفي أغلب مراضيع موسيقى

الله يهديك يا خندق

لحظة آلم
22/02/2013, 12:25 PM
لوآقـــع 200 آو 300 ريال في هذه لحيلة للي نحن فيهآ الموآد الغذآئية غالية و كله دفع فلوس فحيآتي مآ شفــــت شيء ببلاش لموآطنين إذا هم المعــآقين للي مفروض من حقهم يآخذوآ بإعفـآء في التجديد وآلخ و تخفيضات لم نرى عآد الموآطن العآدي للآسف تعآيشنآ كله بدفــع فلوس لو كآن شيء مآ يستحق ولا بيسة فهم رآح يحتآجوآ ريالات لبيع كمثآل ( الانترنت عمآنتل و النورس ) كله خرآف لموآطـن .

فالشيء طبيعي الاجنبي يعطآه علاوآت وروآتب آعلى من لموآطن خصوصآ عمآن عشآن يقال هنآ كل شيء متوفر ورآحة وآلخ . بذالك كيف رآح نقنع لعآلم آنه آحنآ ما قآدرين نوفر روآتب للآجآنب فوق 3000 ريال آو 1000 ريال .. !!

لانه الدليل وآضح عدد السكآن ( لوآفدين ) هو في تزآيد وتزآيد ربمآ آيحطم رقم لقيآسي وآيدخل في جنيس من كثرة الوآفدين للي نشوفهم في الولايآت و المنآطق السلطنة فالشيء طبيعي نحن الموآطن حدنآ رآتب 300 ريال لاننآ نستأهل كأننآ موآطنين رخصآء بلا فآئدة خصوصآ ( الشباب و لفئة المعاقين ) .

و الشركآت آغلب من صآلح لوآفدين فتحصل رآجو كآن ( عآمل نظآفة ) بتحصله بعد كم شهرين بتحصله كآتب آو مسؤول قسم ومن ثم بعد شهر بتحصله مدير على رنج و شقة مأثثة . فلوزير القوى لعآملة آخبركم ما عيب لموآطن يعمل مرآفق النظآفة آو شحن وتفريغ لانه آبدآء الوظائف لعماني للي نظافة وخمام ولحالة لكن لوظائف الادارية حال احبآبة لهنود وعآدي يعطيهم سبل الرآحة لكي لا يقولوآ آنه الوزير كذب علينآ آهم شيء رآحة نفسية لوآفدين فخلى لعمآني يحفر قبور آفضل له .

للوآقع هكذآ نحن نعيش للآسف . إذا هم 56 آلف وظيفة لم نرآهآ فعآد 325 ريال بتحصلهآ للآسف السلطنة آصبحت تترآجع الى الخلف .

t3rfny
22/02/2013, 02:59 PM
علووه زيدوا الشعب راتب خليه يتفخفخ شوي .

فاسكو
22/02/2013, 03:09 PM
علووه زيدوا الشعب راتب خليه يتفخفخ شوي .

بيزيدوه راتب ... وبيرفعوا أسعار السلع من صوب ... وبعدين كأنه ما صار شيء

ونرجع على نفس الإسطوانة

خندق مسقط
27/02/2013, 05:55 PM
قلنا لكم
راجوه جاء أول بنفسه..وصل البلاد ويمكن قدم رشوه
ويوم تمكن جاب حرمته ويمكن كذب على كمين شخص..وأنه مسلم وأنه طييب
وبعدين جلس يدور على شخص غيره..ونوبه ضحك عليه وأعطاه فيزا يلين جاب حبوته
والحين..روي ودارسيت ومطرح كلها تارسه حيان راجوه
سويوا حالهم مدارس..ومطاعم
وقالبين روي فوق تحت
باقي بس يحصلوا على جواز
ويلبسوا عمامه مثلكم
ويريحوا العيود
ويدخلوا مجلس الشورى يمثلوا روي في المجلس
ويطالبوا بأشياء كثيره
طلع راجوه ما سهل