المساعد الشخصي الرقمي

عرض الإصدار الكامل : (*_*) أخطاء و حلول و أفكار لمنزلي المتواضع بالصور (*_*) - الجزء الثاني



كيان بلقيس
04/07/2012, 09:56 AM
السلام عليكم و رحمة الله و بركاته ..

اهلا و سهلا بكل اخواتنا الطيبات ..

(*_*) أخطاء و حلول و أفكار لمنزلي المتواضع بالصور (*_*)

http://up80.s-oman.net/E2fMg.jpg



في الجزء الأول ألتقينا : (*_*) أخطاء و حلول و أفكار لمنزلي المتواضع بالصور (*_*) (http://avb.s-oman.net/showthread.php?t=1547065)

و بصراحة لست راضية جدا عن مستوى التفاعل من العضوات .. (;)) ..


و الان اطرح الجزء الثاني و امل ان نتشارك سويا تجاربنا في تصميم و بناء منازلنا و نتشارك بعض النصائح لتتفاداها الاخوات مستقبلا في منزل الأحلام
و نعرض بعض الافكار لبعض المشاكل التي لم نخطط لها مسبقا و الحلول التي لجأنا اليها ..

http://up80.s-oman.net/E2fMg.jpg



أتمنى ان يكون الموضوع مفيد لجميع الاخوات المهتمات بالديكور و التصيميم المنزلي و لأخواتي اللواتي مازلن في مرحلة التخطيط لمنزل الأحلام ..


http://up80.s-oman.net/E2fMg.jpg

هذه المرة ساتنازل عن شرط عدم نقل صور من الانترنت مع التمسك بشرط واحد ..ان تكون الصور لافكار يمكن تطبيقها على ارض الواقع و متيسرة للتنفيذ..

كيان بلقيس
04/07/2012, 10:38 AM
للتغيير.. اذا كان المطبخ خارج المنزل و يفصله ممر ضيق عن المنزل.. تعجبني هذه الفكرة:

http://up90.s-oman.net/eF9Gc.jpg

FreeBird
04/07/2012, 12:36 PM
موضوعك جميل حبيبتي ويستحق التفاعل وأكثر
متابعة ولي عودة إن شاء الله

rawdha
04/07/2012, 03:36 PM
للتغيير.. اذا كان المطبخ خارج المنزل و يفصله ممر ضيق عن المنزل.. تعجبني هذه الفكرة:

http://up90.s-oman.net/eF9Gc.jpg



مرحبا عزيزتي كيان
أنا صراحة عجبني موضوعك السابق بس كنت متابعه بصمت
لحين بحاول أشارك ف هالجزء
الحمدلله ابتدينا في بناء بيت العمر
المطبخ كان داخل البيت بس بعدين غيرنا وسوينا نفس هالطريقه خلينا بره ويفصله عن البيت ممر وبعدين صالة طعام ويجي بعدها المطبخ
شو رائيكم؟ هذي طبعا كانت فكرة رفيق العمر

قلبي ملكي
04/07/2012, 03:50 PM
جميــل متــابعه

بنوته الحاره
05/07/2012, 03:02 PM
اولا مشكوووورة عالموضوع وجدا مفيد ..
:متفكر:وللاسف لأني مقلة بالدخول للسبلة ما شفت الجزءء الاول ..

انا دخلت فبيت زوجي بناه بنفسه قبل لا نتزوج يعني ذوق رجالي بحت كل شي رسمي وصبغ موحد ابيض فكل الغرف ..

وللأسف توين فيلا متلاصق ومعظم الغرف صغيرة ..

اول الاخطاء اللي شفتها وكانت بالنسبة لي كبيرة
1-المجلس مفتوح عالصالة ولما عندنا ضيوف صعب الجلوس فالصالة وما توجد خصوصية ..للاسف ما عندي صور :حزين:
الحلول : ماشي طلبت وبصووورة عاجلة بناء جدار يفصل المجلس عن الصالة وتم البناء..



ثاني خطأ بعد فالمجلس ..

2- جدا صغير وانا لحد ما يكون طقمين جلوس فالمجلس ما يدش راسي :مستحي:

الحلول : بما ان توين الفلة متلاصق والفيلا الثانية لأم زوجي وولدها وعلاقتي معهم فلة ( الله يديمها ياااااارب ) اقترحت ان نفتح المجلسين على بعض ولان معظم ضيوفنا مشتركين فما توجد مشكلة .. وفعلا فتحت المجلسين على بعض وارتحت من شفت كبر المجلس :كاشخ:

بنوته الحاره
05/07/2012, 03:27 PM
المشكلة هذي بعدها قيد التنفيذ :متفكر:

عندي غرفة فالدور الارضي صغيرة كثير وغالقتنها حاليا بس مفكرة اخليها لزيارات الحريم غير الرسمية يعني صديقاتي واخواتي لما تجي وحدة ولا ثنتين ..

المشكلة لانها صغيرة فتاثييها لازم يكون بحرص ما اصغرها اكثر ..

الحلول
1- انه اسويلها جلسة ارضية نفس هالصور ..
ممكن تكون تقليدية وطابع تراثي بكل شي فيها ..

http://fashion.fsaten.com/images/imgcache/2011/06/2234.jpg

او اخليها جلسة ارضية بستايل جديد بس مستحيل اسوي اسود ما فيني تصغر اكثر :حزين:



http://fashion.fsaten.com/images/imgcache/2011/06/2237.jpg


2- اسوي طقم جلوس بس مودرن واعتمد الزجاج والمرايا واختار لون فاتح يا بيج او رصاصي ..

http://up.arab-x.com/July09/hDF26040.jpg


http://roomenvy.files.wordpress.com/2008/11/rose-living-room.jpg




واذا عندكم حلول اخرى ما يمنع تضيفوه وبكون شاكرة لكم :)

the tear
05/07/2012, 06:48 PM
متابعــــــــــــــــــــــــــــه....

وردة الدرة
05/07/2012, 08:50 PM
مـــــتــــــــابـــــعــــــــــة بـــــــــــصـــــــــــمــــــــــــت:ممتاز::ممتا ز:

كيان بلقيس
06/07/2012, 09:03 AM
موضوعك جميل حبيبتي ويستحق التفاعل وأكثر
متابعة ولي عودة إن شاء الله

منورة عزيزتي..واسعدني مروروك و انتظر تفاعلك .. :)

غـلاي
06/07/2012, 09:06 AM
كيانوووو ///

أنا خاطري أجي أشوف بيتك فالطبيعه عشان أسرق كم فكرة :مستحي:

كيان بلقيس
06/07/2012, 09:13 AM
مرحبا عزيزتي كيان
أنا صراحة عجبني موضوعك السابق بس كنت متابعه بصمت
لحين بحاول أشارك ف هالجزء
الحمدلله ابتدينا في بناء بيت العمر
المطبخ كان داخل البيت بس بعدين غيرنا وسوينا نفس هالطريقه خلينا بره ويفصله عن البيت ممر وبعدين صالة طعام ويجي بعدها المطبخ
شو رائيكم؟ هذي طبعا كانت فكرة رفيق العمر

هلا حبيتي..تشرفت بمتابعتك و سررت بمشاركتك.. :وردة:
اتفق مع فكرة رفيق عمرك ..انا مطبخي حاليا داخل البيت و عن جد معاناه حقيقية..:(

==
فكرة ثانية عجبتني .. مطبخ خارجي و متصل فيه غرفة الشغالة و غرفة غسيل مستقله ..
لو توفرت المساحه افضل يكون فيه غرفة غسيل و كوي و يتخزن فيه ادوات التنظيف..بانزل خريطة بسيطة عجبتني.....بش شفتها متأخر:)

كيان بلقيس
06/07/2012, 09:15 AM
جميــل متــابعه

قلبو....:معصب: ما يكفي..شاركينا بذوقك و افكارك..ترا العزابيات خطيرات ..اعرف هالسر..!!;)

كيان بلقيس
06/07/2012, 09:23 AM
اولا مشكوووورة عالموضوع وجدا مفيد ..
:متفكر:وللاسف لأني مقلة بالدخول للسبلة ما شفت الجزءء الاول ..

انا دخلت فبيت زوجي بناه بنفسه قبل لا نتزوج يعني ذوق رجالي بحت كل شي رسمي وصبغ موحد ابيض فكل الغرف ..

وللأسف توين فيلا متلاصق ومعظم الغرف صغيرة ..

اول الاخطاء اللي شفتها وكانت بالنسبة لي كبيرة
1-المجلس مفتوح عالصالة ولما عندنا ضيوف صعب الجلوس فالصالة وما توجد خصوصية ..للاسف ما عندي صور :حزين:
الحلول : ماشي طلبت وبصووورة عاجلة بناء جدار يفصل المجلس عن الصالة وتم البناء..



ثاني خطأ بعد فالمجلس ..

2- جدا صغير وانا لحد ما يكون طقمين جلوس فالمجلس ما يدش راسي :مستحي:

الحلول : بما ان توين الفلة متلاصق والفيلا الثانية لأم زوجي وولدها وعلاقتي معهم فلة ( الله يديمها ياااااارب ) اقترحت ان نفتح المجلسين على بعض ولان معظم ضيوفنا مشتركين فما توجد مشكلة .. وفعلا فتحت المجلسين على بعض وارتحت من شفت كبر المجلس :كاشخ:

الغالية بنوتة الحارة هنا .. :منتزق:..نور الموضوع .. و الله يبارك لك في حياتك و بيتك ..:)
طبعا من شفت معرفك تفاءلت انه بتطلع منك حاجات فنتك..

للاسف هذي مشكلة فكرة بناء التوين..كثير يقيد و الغرف غصب تجي صغيرة..لو ارجع للورا ما راح اوافق لى فكرة التوين اطلاقا الا اذا كانت الارض كبيرة كثير وممكن نفصلهم عن بعض و نتوسع بالتصاميم..


فكرة دمج المجلسين حلوة ..

كيان بلقيس
06/07/2012, 09:29 AM
المشكلة هذي بعدها قيد التنفيذ :متفكر:

عندي غرفة فالدور الارضي صغيرة كثير وغالقتنها حاليا بس مفكرة اخليها لزيارات الحريم غير الرسمية يعني صديقاتي واخواتي لما تجي وحدة ولا ثنتين ..

المشكلة لانها صغيرة فتاثييها لازم يكون بحرص ما اصغرها اكثر ..

الحلول
1- انه اسويلها جلسة ارضية نفس هالصور ..
ممكن تكون تقليدية وطابع تراثي بكل شي فيها ..

http://fashion.fsaten.com/images/imgcache/2011/06/2234.jpg

او اخليها جلسة ارضية بستايل جديد بس مستحيل اسوي اسود ما فيني تصغر اكثر :حزين:



http://fashion.fsaten.com/images/imgcache/2011/06/2237.jpg


2- اسوي طقم جلوس بس مودرن واعتمد الزجاج والمرايا واختار لون فاتح يا بيج او رصاصي ..

http://up.arab-x.com/July09/hDF26040.jpg


http://roomenvy.files.wordpress.com/2008/11/rose-living-room.jpg




واذا عندكم حلول اخرى ما يمنع تضيفوه وبكون شاكرة لكم :)

بصراحة فكرة الجلوس الاراضية روعه ..كثير ستايل ,,اول مرة اشوف هالتصميم .. روعه ..

انا مجلسي كثير صغير فعملت للتغيير باب من المرايا sliding ..بس بصراحة متأذية من اولادي..24 ساعه يبصموا عليه :D
و هذا يضايقني كثير..بانزل صورة ان شاء الله..
و عندي فكرة بخصوص تصميم الكراسي باذكرها في وقت ثاني لما انزل الصور ان شاء الله لان يحتاجلها شرح كثير حسب تجربتي..

كنت محضرة كم صورة لبعض الافكار و احاول انزلها اليوم...اذا شاء الله ..

كيان بلقيس
06/07/2012, 09:32 AM
متابعــــــــــــــــــــــــــــه....



مـــــتــــــــابـــــعــــــــــة بـــــــــــصـــــــــــمــــــــــــت:ممتاز::ممتا ز:




تشريف..:وردة:

وسرورنا اكبر بمشاركتنا افكاركم.. :)

كيان بلقيس
06/07/2012, 09:36 AM
كيانوووو ///

أنا خاطري أجي أشوف بيتك فالطبيعه عشان أسرق كم فكرة :مستحي:

تنوريني و تشرفيني بأي وقت أكيد ...فيه افكار ثانية لبيت ثاني كثير عجبتني..ناوية انزلها في هذا الجزء و اتمنى تفيدكم..:)

كيان بلقيس
06/07/2012, 09:50 AM
* ارضية حوش المنزل:

احنا عملنا انترلوك و عن تجربة ما انصحكم به..بسرعه يصير قديم و يغبر..بصراحة ما حبيته .. حتى بعد التنظيف و الغسيل بعده شكله اغبر و تنظيفه متعب..هذي صورة من ارضية حوش بيتي..

http://up90.s-oman.net/xq7yg.jpg


في بلاطات اجمل و احسن للحوش..مثل هذي..افضلها اكثر..:

http://up90.s-oman.net/i2HS5.jpg

http://up90.s-oman.net/0V2LG.jpg

http://up90.s-oman.net/C0yQY.jpg



* سور الحديقة الحديدي:


في الحوش كان خاطري في سور و تحته ورود .. :كاشخ: .. حاولت طيلة سنين سكنا اني املأ المنطقة تحت السور بالورود و لكن دائما افشل.,,:مستغرب:
و صرفت مبالغ عليها و غيرت التربة ووووو لحد ما كرهت الفكرة خلاص و غطيت المكان و حصلت فكرة ثانية بديلة افضل و مريحة اكثر بدل معاناة المحاولات ..
على فكرة السور الحديدي فوق الزرع فكرة مو حلوة بسبب الصدأ.. لان المكان معرض للماء بكثرة و بشكل يومي..السور صار قديم و حليان و الورود بعدهن معاندات... :لسان:

السور قبل


http://up90.s-oman.net/VFrq.jpg


و بعد..



""(صورة)

qalb alamal
06/07/2012, 10:50 AM
مراحب أختي كيان
مشكورة جدا عالمواضيع المميزة
تابعت لجزء الأول من هذا الموضوع وإستفدت ف تخطيط لبيت المستقبل
والحين متابعة لهالجزء وأكيد بنستفيد

شو عندك أفكار للمطبخ ؟؟ أنا نفسي تكون شرفة المطبخة مستطيله وفيها رف خارجي أحط فيه شتلات ورود يعني تقريبا نفسك فكرة شرفة صالة بيتك
وبعد نفسي يكون الفرن منعزل عن الطباخة يعني يكون فرن فقط ويكون فالجدار والطباخة تكون متساويه مع الانتر وطبعا تكون نار وليس كهرباء

عذبة الكلام
07/07/2012, 09:02 AM
كيانو حبيتي مواضيعك تهوس مثل العاااااااااااااااااااااااادة

ضروري ازورك أجمع أفكار من الأن حتى بناء البيت بإذن الله
كنت مفكرة في التوين بس من خلال أرائكن أحس ما ينفع

بنوتة الحارة ،،،،،،،،،،،،،،،، مشاركتك جميلة أحس حلوة الجلسة التثراثية كنوع من التغير وإذا سويتي مثل هالجلسة بتكون مرة روعة

كيان بلقيس
07/07/2012, 09:48 AM
مراحب أختي كيان
مشكورة جدا عالمواضيع المميزة
تابعت لجزء الأول من هذا الموضوع وإستفدت ف تخطيط لبيت المستقبل
والحين متابعة لهالجزء وأكيد بنستفيد

شو عندك أفكار للمطبخ ؟؟ أنا نفسي تكون شرفة المطبخة مستطيله وفيها رف خارجي أحط فيه شتلات ورود يعني تقريبا نفسك فكرة شرفة صالة بيتك
وبعد نفسي يكون الفرن منعزل عن الطباخة يعني يكون فرن فقط ويكون فالجدار والطباخة تكون متساويه مع الانتر وطبعا تكون نار وليس كهرباء

منورة ام سفيان .. تشرفت بمشاركتك .. :)

بخصوص المطبخ افكارك حلوة و تعجبني .. احب التغيير عن الروتين و افضل كثير فكرة عزل الفرن عن الطباخه ..حاليا انا اعاني من طباختي لانها متصلة بالفرن .. اذا شغلت الفرن .. تتقفل مفاتيح الطبخ اللي فوق و تاخذ وقت لحد ما ترجع بسبب حرارة الفرن.. فكرتك كثير حلوة من رايي.. احسن تفصليهم ..

بالنسبة للمطبخ .. عندي بعض الملاحظات حسب تجربتي:

1- يفضل تصميم المطبخ و اختيار اللون المحبب لك و بعدين اختاري السيراميك على هالاساس.. انا في مطبخي عملت العكس.. اخترنا سيراميك اي شئ و بعدين فكرنا في تصميم المطبخ .. و للاسف بعدين عجبتني كثير تصاميم الوانها كثير حلوة و غير مألوفه .. وتمنيت لو اني من قبل خططت تصميم المطبخ و بعدين على اساسه اخترت لون السيراميك ..
2- الى الان ان ما مقتنعه بصراحة بمخزن المطبخ .. احنا عملنا بس رفوف و كل الاغراض معروضة كانه سوبر ماركت .. :D و شخصيا ما افضل هالفكرة..

http://up90.s-oman.net/D4eao.jpg


افضل لو تكون الاغراض كلها مرتبة في كبت و ما تكون مكشوفة على مكان مفتوح ..
شخصيا ما افضل تكون اغراض مخزن المطبخ مكشوفة .. و افضلها كلها تكون في ادراج او كبتات تخزين .. و حطي في بالك اذا عاملة غرفة صغيرة للمخزن ان يكون فيها تهوية و لو نافذه او مروحه شفط .. الصراحة لاحظت حرارة الجو ما مساعده و بالذات عاد اذا المطبخ بالخارج .. يفضل يكون المخزن اما مفتوح على المطبخ او معزول و لكن مع تهوية.

احب مخزن المطبخ يكون ضيق ما كثير واسع
http://up90.s-oman.net/lxb2.jpg

و يتم غلقه باستخدام باب قابل للطي folded door (سألت في سيدار بس غالي كثير)

http://up90.s-oman.net/Pfomz.jpg

او فكرة باب مثل هذا sliding: ما ياخذ مساحه ..

http://up90.s-oman.net/OKFf.jpg


اغلب تصاميم مخازن المطابخ في بلدنا بهذا الشكل... خلاص عفا عليه الزمنhttp://up90.s-oman.net/MZ4ws.gif.. نريد افكار بديلة و مبتكرة و احلى
http://up90.s-oman.net/FUhWy.jpg

3- فيه حاجة انا ما فكرت لها في مطبخي هو اماكن وضع الثلاجة و الفريز و تنسيق الوانها مع ديكور المطبخ..!! هالادوات كانت متوفرة معي من زمان بس الحين اشوف انها مشوهه شكله المطبخ .. فريز ابيض مستطيل على ثلاجة رمادية و كبتات صفرا و سيراميك رماي .. :مستغرب: .. الشكل طالع غلط و بالاخص اني من الاساس لما صممت المطبخ ما عملت حسابي اشتري ادوات كهربائية جديدة تناسب تصميم المطبخ ..
يفضل اذا توفرت الميزانية يكون الفريز من النوعية الطولية و ليس المستطيلة عشان تتناسب مع الثلاجة و يفضل تكون الوانها و نوعياتها متناسبة مع ديكور المطبخ و لونه ..

http://up90.s-oman.net/x3Ybw.png

http://up90.s-oman.net/iDJ4u.jpg




انا سمعت عن وحده عملت كثير شتلات خضرا و اصايص في المطبخ .. انا للاسف ما شفته ..بس اللي شافته كثير عجبها .. تقول تحبي تجلسي في المطلخ من كثرة الخضرة و النباتات .. ممكن تفكري في الفكرة و تضيفيها في مطبخك اذا كنتي من محبي الطبيعه و الاهتمام بالنباتات الداخلية.. (بس عن جد شغلانة :منتزق:).. يصيرن كانهن حد من اولادك..اذا تروحي مكان لازم تدبري حد يهتم فيها .. من كذا مستكاودة ..اشتري و ازرع و لما اغيب كم يوم ارجع احصل نباتاتي كلها جافة وتحولت الى صحراء قاحلة .. ما حد يهتم فيهن :حزين:

باقة ورد
07/07/2012, 12:41 PM
كيان بلقيــــس

موضوع جميل عزيزتي تسلمي على مجهودك الطيب ;)
كنت متابعة لك في الجزء الأول بس للأسف ما تشرفت بالمشاركة
وأتمنى مشاركتي في هذا الجزء تكون مفيدة لي ولغيري بإذن الله ..

انتقلت لبيت الزوجية وكل شي كان من اختيار زوجي وأهله من بناء إلى تأثيث
والحمدلله زوجي ذوقه راقي في الإختيار :كاشخ:
المشكلة الوحيدة اللي أعاني منها .. في الغرفة الثانية فينيشنج الحمام سيء جدا
لدرجة إني صرت أكره أدخل هالحمام - الله يعزكم!!
يعني الأرضية والجدران وردي والحمام ككل وردي :منتزق::منتزق:
الأدوات الصحية وكم بلاطة بس بيضاء!! :حزين:
عندي عقدة منه بشكل ما تتخيليه!!
للأسف وقت بناء هالحمام زوجي كان مسافر
وما كان موجود يشرف بنفسه على شغل العمال ..


بالنسبة لنشر الملابس أستخدم البلكونة بس للأسف ما في إمكانية نحط حبل بسبب صغر مساحة البيت
فاستخدمت علاق الملابس بس أحسه غير عملي خاصة للشراشف :حزين:


http://img.alibaba.com/photo/117298002/Clothes_Drying_Racks_20_m.jpg



بنوتة الحـــــارة

حبيت فكرة الجلسة التقليدية ..

http://fashion.fsaten.com/images/imgcache/2011/06/2234.jpg

ممكن تخليها بطابع مودرن شوي بإضافة الإكسسوارات المناسبة
اختاري لون الصبغ فاتح عشان يبين المجلس واسع

http://dc16.arabsh.com/i/03527/zvahul37cvxg.jpg


ابتعدي عن الألوان الغامقة واختاري لون الأثاث والسجادات بحيث يساعد في إبراز مساحة أكبر للمجلس

http://www.design-remont.info/wp-content/uploads/2011/05/apartment102-2.jpg

MOPR
07/07/2012, 02:12 PM
موضوع جميل
كعادتك كيان
انا كل يوم اطلع عله ف البيت عشان اصلح فيه
ولو امسك هندي في يدي بيشرد لاني كل يوم اغير راي ف شي
بس والله التغيير حلو حتى لو البيت قديم اهم شي الاهتمام

ف بيتنا سوينا مطبخ خارج وما زال طور الانشاء
وعملنا مخزن مستقل
ومكان للغسيل وحوض
انا عملت مكان للغازات وفوقع ادراج للمنظفات ارتحت له كثير

كيان بلقيس
07/07/2012, 02:18 PM
معلاق الملابس :

مشكلة/ من الاشياء اللي ما فكرت لها سابقا هو افضل طريقة لتعليق ملابس ابو وزار و فانيله :ضحك:
بالعاده فيه ناس تحط المعلاق بالجدار او خلف الابواب او تستخدم المعلاق التقليدي،انا شخصيا كنت استخدم المعلاق التقليدي.. بس ما عجبني كثير لانه يشوه المنظر العام ..


http://up90.s-oman.net/gnCeW.jpg

الحل/ افضل اكثر فكرة تعليق الملابس داخل كبت صغير مخصص لهالغرض في مساحة صغيرة بالعاده غير مستغله على ممر دورة المياه
http://up90.s-oman.net/WUc2k.jpg

و هنا صورة المعلاق داخل الكبت:

http://up90.s-oman.net/S0CyW.jpg

بالنسبة لي كذا مريح اكثر و ارتب،لان الرجال بالعاده يحبوا يرموا بالملابس و ما يرتبوها زين .. داخل الكبت تكون بعيدة عن الانظار...
اذا فيه افكار افضل .. انا بالانتظار..

كيان بلقيس
07/07/2012, 02:22 PM
ملابس الغسيل:

ملابس الغسيل بعد الاستحمام وين تفضلوا تحطوها بالعاده؟و كيف؟
انا استخدم هذا النوع من السلل .. شكله احسن عن سلل الغسيل العادية لاني احطها ادخل دورة المياه .. حصلته بالصدفة في محلات اسواق هدايا العين بالسيب

http://up90.s-oman.net/5qUA.jpg

كيان بلقيس
07/07/2012, 02:30 PM
كيانو حبيتي مواضيعك تهوس مثل العاااااااااااااااااااااااادة

ضروري ازورك أجمع أفكار من الأن حتى بناء البيت بإذن الله
كنت مفكرة في التوين بس من خلال أرائكن أحس ما ينفع

بنوتة الحارة ،،،،،،،،،،،،،،،، مشاركتك جميلة أحس حلوة الجلسة التثراثية كنوع من التغير وإذا سويتي مثل هالجلسة بتكون مرة روعة

عذبة .. اذا جاني شئ بمخيخي ترا بأوجه اصابع الاتهام عليك ..تراني احذرك .. :ضحك::كاشخ:
امزح معك .. كلك ذوق.. و مشكورة .. حياك الله وسهلا و مرحبا و ينور بيتي بطلتك ..

===

من رايي .. بصراحة افضل منزل ارضي .. البيت الأرضي من وجهة نظري يلم الاسرة اكثر عن الطابقين .. و الاهتمام بالبيت الارضي اسهل و اريح ..لو رجعت للورا..بأبني بيت ارضي بس بتشطيبات راقية ،و تكفيني 3 غرف.. و اذا كبرت العايلة مستقبلا و احتجنا الى طابقين عاد يصير خير.. :لسان:


مهم تجلسي مع زوجك و تقرروا الانسب لأسرتكم حسب ميزانيتكم .. و الله يرزقك بمنزل احلامك قريبا غير اجل يا رب..:)

عذبة الكلام
08/07/2012, 08:28 AM
ملابس الرجال وما أدراك ما ملابس الرجال قمة الإهمال صراحة تشوه منظر الغرفة

السلة حبيتها كثير شفتها عند أختي عاجبتني صررررررراحة كيوت في الحمام


فعلا الكل يقول طابق واحد أريح وأفضل مفكرة بإذن الله بثلاث غرف ومجلسن وصالتين ومطبخ وغرفة غسيل ( مهمة جدا )

MOPR
08/07/2012, 08:55 AM
ملابس الرجال وما أدراك ما ملابس الرجال قمة الإهمال صراحة تشوه منظر الغرفة

السلة حبيتها كثير شفتها عند أختي عاجبتني صررررررراحة كيوت في الحمام


فعلا الكل يقول طابق واحد أريح وأفضل مفكرة بإذن الله بثلاث غرف ومجلسن وصالتين ومطبخ وغرفة غسيل ( مهمة جدا )

انا عندي هوس في سلال الملابس ما اروح مكان الا واشتري سله
حاطه ع كل باب حمام سله
سله لملابس بنتي
وسله عند باب غرفتنا لملابسنا
وسله خارج المطبخ للفوط اللي تحتاج غسيل
بالنسبه للعلاقات وملابس الرجال والله دار الراس حتى المجلس ما يسلم من الربشه

سكينه الزدجالي
08/07/2012, 04:21 PM
http://up90.s-oman.net/93xqy.gif

leadybeard
08/07/2012, 06:24 PM
موضوع جدا جمييييل .... وهادف .. يسلموا أختي كيان بلقيس !!

إحنا حالياً نبني بيت العمر إن شاء الله ... فكرة المطبخ خارج البيت حلوة بس أنا ما حبيتها لأن من النوع إللي أخاف شويه خصوصاً إنه لسه ما في جيران جنبنا ...

لذلك فكرتنا هي إن الطبخ العادي يكون فالمطبخ ، ولكن لما تكون السالفة فيها قلي سمك أو دجاج فبيكون في هناك طباخة صغيرة فالحوش جنب المطبخ تستخدم للقلي فقط تجنباً

لريحة الشياط ...


أما بخصوص الحوش ففعلاً نصحونا بعدم التفكير فالانترلوك لأنه يجمع النمل أيضاً بالاضافة للأسباب إللي ذكرتها أختي كيان بلقيس ..

لذلك أشكال البلاط فالصورة الثانية هي بنظري الأفضل ... ومفكرين فيها بشكل جدي !!


وسلامتكم !!

عذبة الكلام
09/07/2012, 08:05 AM
شو نصائحك من حيث الميزانيةوالتشطيبات ؟؟؟؟؟؟؟؟؟؟؟؟؟؟؟؟؟

حياتو أنا
09/07/2012, 09:09 AM
موضوع راااااااااااائع
استفدت كثير

صاحبه الحق
09/07/2012, 10:57 AM
موضوع حلوه وفالوقت المناسب
انا حاليا اسوي الخارطه وميزانيتنا محدوده واهم شي عندي غرفه الغسيل بس تنازلت عنها عشان المساحه بس فكرت اسويها فوق مع غرفه الشغاله لانه احنا بنبني طابق واحد حاليا
المطبخ عزلته عن البيت وجنبه غرفه الطعام عسى تضبط الحركه

مميزة بطبعي أنا
09/07/2012, 01:31 PM
ربي يوفقك كيااااااااان عن جد ذوووووووووووقك جناااااااااااان

حتى ظلي له مهابه
09/07/2012, 03:19 PM
الموضوع رائـــــــــــــــــــــــــــــع :)

بوسعيدية للأبد
09/07/2012, 06:10 PM
امممممممممم
مرحبا حبوبات;)
انا بيتي حاليا في طور الانشاء
بالنسبة للحوش ما مفكرة ابدا في الانترلوك دايما يتوسخ ويجمع اتربه افضل الانواع الثانية:متفكر:
بالنسبة للطابق الارضي سويت مجلسين للرجال والحريم كل واحد بحمامه وسويت الصاله مفتوحة ع ممر الدخول عشان تتوسع شوي :مرتاح:
وسويت المطبخ بابين الاول ادخله من الصالة والثاني خلفي يطلعني خلف البيت
استغليت المساحة الي تحت الدرج كمخزن
وطبعا لانه المطبخ جنب الدرج فاقدر ادخل المخزن من المطبخ
حسيته صغبر ويمكن بيتعبني لاني لما ادخل الاغراض يحتاج مني انحني :حزين:
اممممم شو بعد:مفتر:
اهتميت وانا داخلة البيت تجي الصالة ع يميني فسوينا جدار مال متر عرض ع اساس احط مرايه وبعد الجدار تجي الصالة
قلت عشان ما يتشوه المكان بغطي الجدار بورق جدران مناسب للسيراميك
تعرفن المراية مهمة واحنا داخلين واحنا خارجين نعدل:كاشخ:


لي عودة مع الطابق الثاني والفناء الخلفي

خيوط الليل
09/07/2012, 07:00 PM
مووضوعك روعه ..

انا من النوع الي افضل 100% ان المطبخ برا ..

و عجبتني سلة الملابس .. نحن كما الاغلب نستخدم السله البلاستك
متابعه

Lovely princess
09/07/2012, 07:08 PM
الموضوع كثير رائع ومفيد .. عندي بعض الأفكار راح احاول ادرجها قريبا ..

عذبة الكلام
10/07/2012, 08:12 AM
امممممممممم
مرحبا حبوبات;)
انا بيتي حاليا في طور الانشاء
بالنسبة للحوش ما مفكرة ابدا في الانترلوك دايما يتوسخ ويجمع اتربه افضل الانواع الثانية:متفكر:
بالنسبة للطابق الارضي سويت مجلسين للرجال والحريم كل واحد بحمامه وسويت الصاله مفتوحة ع ممر الدخول عشان تتوسع شوي :مرتاح:
وسويت المطبخ بابين الاول ادخله من الصالة والثاني خلفي يطلعني خلف البيت
استغليت المساحة الي تحت الدرج كمخزن
وطبعا لانه المطبخ جنب الدرج فاقدر ادخل المخزن من المطبخ
حسيته صغبر ويمكن بيتعبني لاني لما ادخل الاغراض يحتاج مني انحني :حزين:
اممممم شو بعد:مفتر:
اهتميت وانا داخلة البيت تجي الصالة ع يميني فسوينا جدار مال متر عرض ع اساس احط مرايه وبعد الجدار تجي الصالة
قلت عشان ما يتشوه المكان بغطي الجدار بورق جدران مناسب للسيراميك
تعرفن المراية مهمة واحنا داخلين واحنا خارجين نعدل:كاشخ:


لي عودة مع الطابق الثاني والفناء الخلفي


إن شاء الله يكون بيت وعافية عليش عاد عليش بالصور

al balochia
10/07/2012, 12:49 PM
موضوع حلوو
حاولت انزل صور بس ماعرفت
دشي هالرابط http://search.babylon.com/imageres.php?iu=http://www.ro7net.net/up/uploads/images/ro7net-5083d37db2.jpg&ir=http://www.ro7net.net/vb/t590.html&ig=http://t0.gstatic.com/images?q=tbn:ANd9GcRnZi9v37Rbeh8ZtGfwvRh0yiEkFDyE1 L_8LboZFL5tysejriAUW-B7D643&h=537&w=600&q=%D8%A7%D9%81%D9%83%D8%A7%D8%B1+%D9%84%D8%A8%D9%8 A%D8%AA+%D8%A7%D9%84%D8%B9%D9%85%D8%B1&babsrc=NT_ss
وان شاء الله يعجبك

تقبلي مروري

كيان بلقيس
10/07/2012, 03:27 PM
مشاركات و لا اروع..شكرا للجميع .. ستكون لي عودة ان شاء الله:)

عذبة الكلام
11/07/2012, 08:16 AM
بااااااااااااااااااااانتظارك كيانوووووووووووووووو

رضاك يالله
11/07/2012, 11:09 AM
http://fashion.fsaten.com/images/imgcache/2011/06/2234.jpg

حبيت هالجلسه من وين اقدر احصل عليها ويضبطها لي ؟؟؟؟؟؟؟؟؟؟؟؟؟

البلسم الشافي
11/07/2012, 01:07 PM
هلا اخواتي الغاليات موضوع رائع جدا وف وقته
انا الحين ف مرحلة بناء بيت العمر واصلين سقف الدور الثاني
بس طبعي احب اجهز وارتب واخطط لكل ركن من الحين
حبيت أسألكم انا حاطه غرفة الشغالة تحت بس لما وصلنا الدور الثاني طلعلي مكان ينفع احوله الى غرفة صغيرووونه بحمامها
فحولته الى غرفة شغاله ايش رأيكم
مترددة كثير اخليها فوق ولا تحت مع العلم اني اذا خليتها فوق تطلعها بس ف الليل وقت النوم والغرفه اللي تحت بخليها غرفة غسيل

عمانية إلى الأبد
11/07/2012, 03:36 PM
للتغيير.. اذا كان المطبخ خارج المنزل و يفصله ممر ضيق عن المنزل.. تعجبني هذه الفكرة:

http://up90.s-oman.net/eF9Gc.jpg

هذا طبقته في منزل بنيته في العامرات
وبعته
وكان الصاله وممر ياخذك إلى المطبخ وباب يواجه المطبخ ياخذك في الحوش
يعني المطبخ كأنه خارجي وداخلي في نفس الوقت

عمانية إلى الأبد
11/07/2012, 03:40 PM
http://fashion.fsaten.com/images/imgcache/2011/06/2234.jpg

حبيت هالجلسه من وين اقدر احصل عليها ويضبطها لي ؟؟؟؟؟؟؟؟؟؟؟؟؟

هذي فصليها في أي محل ستائر وينجد كراسي وشغله حلو وراويهم الصوره

ضي القمر
11/07/2012, 07:20 PM
موضوع قمة بالروعه وحلو هالنقاش والمشاركات ما بين بعضنا نتبادل فيها الأفكار للإفادة وكذلك للأستفادة
أنا ولله الحمد بيتي جهزته بنفسي من ديكور وأصباغ وزوجي ما قصر عطاني الحرية بالأختيار،،

ع فكرة سعدت جداً ان زرت صديقة العمر كيان في بيتها وبصراحة وبدون مجاملة بيت ولا أروع وكان نفسي أحوس فيه لولا ضيق الوقت
بيت مرتب ومودرن واللي عجبني لمساتها ع جدران البيت ،،

هناك بعض النصائح اللي أحب أعلم فيها للأخوات اللي بعدها في طور البناء

خارطة البيت لازم تشاركي فيها مع زوجك لا تقولي والله جاهزة وما أقدر أعدل فيها
بإمكانك تعدلي وتغيري لأن من تبني عاد ما يفيدك وتجلسي تلوميه ليش وليش
فمن البداية عرفي وين موقع المطبخ ووين بتكون غرفة النوم وكيف بيكون الدرج للسطح
لأن للأسف كثير يخربوا الصالة ويحطوا الدرج اول ما تدشي بيتهم
يصغر حجم الصالة وأيضاً عرضة للخطر لأطفالك
لذا يستحسن يكون متداري ومعزول ومسكر عليه بباب حرصاً ع العيال

ثاني نقطة توزيع بلكات الكهرباء والمكيفات : يمكن تستغربوا ليش طيب؟

بلكات الكهربا ما تحتاجي له ضروري لأن يكون بمستوى أرضي يجب أن تحرصي ان تختاري ما يكون مغلق حتى لا يلعب الاطفال فيه وأما الباقي بمستوى عالي لا يصلوا له،،

اما المكيفات وانتي تعايني خريطة البيت وزعي بنفسك وين بيكون الشبابيك ووين بتكون الأسرة والدواليب وعلى أساسها بحط المكيفات حتى يكون مواجه إذا حبيتي للسرير أو غير ذلك لأن وهم يبنوا يبدوا يوزعوا نقاط الكهربا فدلي زوجك وين حابه يكون مواقع المكيفات والتلفزيونات ،،

صبغ البيت أختاري دايماً ألوان فاتحه وعصرية وتفتح النفس وأبتعدي عن الفاقع لأنه يبعث ع الأنزعاج والضيق

يفضل بعد الصبغ الداخلي للبيت يدهن بزيتي كي يسهل عليكِ التنظيف في حال خربشوا العيال ع الجدران ،،

وإذا تذكرت نصائح ثانية بعلمكم فيها بإذن الله وتسلمي كيان ع هالموضوع التحفه ،
سلامي لك عزيزتي ،،

عذبة الكلام
14/07/2012, 08:39 AM
موضوع قمة بالروعه وحلو هالنقاش والمشاركات ما بين بعضنا نتبادل فيها الأفكار للإفادة وكذلك للأستفادة
أنا ولله الحمد بيتي جهزته بنفسي من ديكور وأصباغ وزوجي ما قصر عطاني الحرية بالأختيار،،

ع فكرة سعدت جداً ان زرت صديقة العمر كيان في بيتها وبصراحة وبدون مجاملة بيت ولا أروع وكان نفسي أحوس فيه لولا ضيق الوقت
بيت مرتب ومودرن واللي عجبني لمساتها ع جدران البيت ،،

هناك بعض النصائح اللي أحب أعلم فيها للأخوات اللي بعدها في طور البناء

خارطة البيت لازم تشاركي فيها مع زوجك لا تقولي والله جاهزة وما أقدر أعدل فيها
بإمكانك تعدلي وتغيري لأن من تبني عاد ما يفيدك وتجلسي تلوميه ليش وليش
فمن البداية عرفي وين موقع المطبخ ووين بتكون غرفة النوم وكيف بيكون الدرج للسطح
لأن للأسف كثير يخربوا الصالة ويحطوا الدرج اول ما تدشي بيتهم
يصغر حجم الصالة وأيضاً عرضة للخطر لأطفالك
لذا يستحسن يكون متداري ومعزول ومسكر عليه بباب حرصاً ع العيال

ثاني نقطة توزيع بلكات الكهرباء والمكيفات : يمكن تستغربوا ليش طيب؟

بلكات الكهربا ما تحتاجي له ضروري لأن يكون بمستوى أرضي يجب أن تحرصي ان تختاري ما يكون مغلق حتى لا يلعب الاطفال فيه وأما الباقي بمستوى عالي لا يصلوا له،،

اما المكيفات وانتي تعايني خريطة البيت وزعي بنفسك وين بيكون الشبابيك ووين بتكون الأسرة والدواليب وعلى أساسها بحط المكيفات حتى يكون مواجه إذا حبيتي للسرير أو غير ذلك لأن وهم يبنوا يبدوا يوزعوا نقاط الكهربا فدلي زوجك وين حابه يكون مواقع المكيفات والتلفزيونات ،،

صبغ البيت أختاري دايماً ألوان فاتحه وعصرية وتفتح النفس وأبتعدي عن الفاقع لأنه يبعث ع الأنزعاج والضيق

يفضل بعد الصبغ الداخلي للبيت يدهن بزيتي كي يسهل عليكِ التنظيف في حال خربشوا العيال ع الجدران ،،

وإذا تذكرت نصائح ثانية بعلمكم فيها بإذن الله وتسلمي كيان ع هالموضوع التحفه ،
سلامي لك عزيزتي ،،



ما شاء اله نصائح ولا أروع

أول مره يجي في بالي موضوع بلاكات الكهرباء ،،ن شكرا ع التنبيه

ريما الشمال
14/07/2012, 08:47 AM
عذبة .. اذا جاني شئ بمخيخي ترا بأوجه اصابع الاتهام عليك ..تراني احذرك .. :ضحك::كاشخ:
امزح معك .. كلك ذوق.. و مشكورة .. حياك الله وسهلا و مرحبا و ينور بيتي بطلتك ..

===

من رايي .. بصراحة افضل منزل ارضي .. البيت الأرضي من وجهة نظري يلم الاسرة اكثر عن الطابقين .. و الاهتمام بالبيت الارضي اسهل و اريح ..لو رجعت للورا..بأبني بيت ارضي بس بتشطيبات راقية ،و تكفيني 3 غرف.. و اذا كبرت العايلة مستقبلا و احتجنا الى طابقين عاد يصير خير.. :لسان:


مهم تجلسي مع زوجك و تقرروا الانسب لأسرتكم حسب ميزانيتكم .. و الله يرزقك بمنزل احلامك قريبا غير اجل يا رب..:)

من وجهة نظري البيت الطابقين احسن
واذا سويتي بيت طابق نظام طابقين ما راح يطلع البيت على مزاجك مهما عدلتي فيه وبعد تجيبي عمال وانتوا ساكنين فالبيت ربشه وتكسير طول اليوم...فاحسن طابقين مره وحده :)

جرح الحب
14/07/2012, 08:54 AM
هلا خواتي
انا حاليا ف تشطيبات بيت الاحلام
عندي مشكلة ف المطبخ احسه صغير وما عارفة كيف الطريقة اللي ممكن فيها احط فيها الكبتات واستغل المساحة الصغيرة

جرح الحب
14/07/2012, 08:56 AM
وايش تنصحوني بالنسبة لديكورات المجلس والصالة لان ما عندي مجلس حريم
ايش الديكور المناسب لهم وايش الالوان اللي تحسوا تعطي فخامة وجحم اكبر لهذي الاماكن
وهل ورق الجدران زين؟ ويا ترى في احد اشتكى منه او بدأ يخرب؟

مميزة بطبعي أنا
14/07/2012, 10:55 AM
وايش تنصحوني بالنسبة لديكورات المجلس والصالة لان ما عندي مجلس حريم
ايش الديكور المناسب لهم وايش الالوان اللي تحسوا تعطي فخامة وجحم اكبر لهذي الاماكن
وهل ورق الجدران زين؟ ويا ترى في احد اشتكى منه او بدأ يخرب؟



أفضل أنواع الديكورات اللي ماشيه الحين هي المودرن وتكون جداً بسيطه .. والألوان الفاتحه هي اللي تعطي للمكان حجم أكبر ...

الألوان اللي تناسب المجلس.. الأبيض الكريمي أو اللؤلؤي .. الترابي الفاااتح جداً أو الرمادي المائل للبيااض ...

بالنسبة لورق الجدران كثيرين يستخدموه بس اختاري ذو الجوده الممتازه ... وفالك طيب ..

جرح الحب
14/07/2012, 12:57 PM
أفضل أنواع الديكورات اللي ماشيه الحين هي المودرن وتكون جداً بسيطه .. والألوان الفاتحه هي اللي تعطي للمكان حجم أكبر ...

الألوان اللي تناسب المجلس.. الأبيض الكريمي أو اللؤلؤي .. الترابي الفاااتح جداً أو الرمادي المائل للبيااض ...

بالنسبة لورق الجدران كثيرين يستخدموه بس اختاري ذو الجوده الممتازه ... وفالك طيب ..

شكرا اختي ع الرد
المشكله عندي اطفال واخاف من الالوان الفاتحة

البلسم الشافي
14/07/2012, 04:29 PM
ما حد عبرني
طيب هل تؤيدوا شراء التشطيبات من الصين؟؟؟

كيان بلقيس
15/07/2012, 09:17 AM
عدنا..:)

كيان بلقيس
15/07/2012, 09:20 AM
موضوع جدا جمييييل .... وهادف .. يسلموا أختي كيان بلقيس !!

إحنا حالياً نبني بيت العمر إن شاء الله ... فكرة المطبخ خارج البيت حلوة بس أنا ما حبيتها لأن من النوع إللي أخاف شويه خصوصاً إنه لسه ما في جيران جنبنا ...

لذلك فكرتنا هي إن الطبخ العادي يكون فالمطبخ ، ولكن لما تكون السالفة فيها قلي سمك أو دجاج فبيكون في هناك طباخة صغيرة فالحوش جنب المطبخ تستخدم للقلي فقط تجنباً

لريحة الشياط ...


أما بخصوص الحوش ففعلاً نصحونا بعدم التفكير فالانترلوك لأنه يجمع النمل أيضاً بالاضافة للأسباب إللي ذكرتها أختي كيان بلقيس ..

لذلك أشكال البلاط فالصورة الثانية هي بنظري الأفضل ... ومفكرين فيها بشكل جدي !!


وسلامتكم !!

اختي العزيزة,,

اسعدتني مشاركتك كثيرا.. :)
فكرة عمل طباخة خارج المنزل كثير عملية .. حتى للي عندهم مطبخ خارجي.. صحيح رائحة المقليات سمك و غيره مؤذية و جبتي بحل بسيط .. اعجبني صراحة;)

كيان بلقيس
15/07/2012, 09:25 AM
شو نصائحك من حيث الميزانيةوالتشطيبات ؟؟؟؟؟؟؟؟؟؟؟؟؟؟؟؟؟

من اي ناحية عذوبة ..سؤالك كثير عام؟!:متورط:
احيانا تحطي ميزانية للسيراميك و يعجبك الاغلى و ما تقدري تقاومي الرغبة من شدة روعته .. فتسرقي من الميزانية شوي شوي و تتعثر الحالة و يتأخر البيت ..يحتاجلها المسألة ضبط نفس ..



موضوع راااااااااااائع
استفدت كثير

انتي و مرورك الأروع .. :)
يلا..انتظر افكارك .. :ممتاز:



موضوع حلوه وفالوقت المناسب
انا حاليا اسوي الخارطه وميزانيتنا محدوده واهم شي عندي غرفه الغسيل بس تنازلت عنها عشان المساحه بس فكرت اسويها فوق مع غرفه الشغاله لانه احنا بنبني طابق واحد حاليا
المطبخ عزلته عن البيت وجنبه غرفه الطعام عسى تضبط الحركه


انتي الأحلى اكيد .. لا تتنازلي عن غرفة الغسيل.. نصيحة.. و لو مكانك احط معها مكان صغير للكوي بنفس الغرفة ..



ربي يوفقك كيااااااااان عن جد ذوووووووووووقك جناااااااااااان

تسلميلي يا ام الذوق الحلو انتي .. :وردة:
ذوقك اروع و احلى .. ياليت تعطينا شئ من افكارك الجنان .. :)



الموضوع رائـــــــــــــــــــــــــــــع :)

انتي الأروع حبيبتي .. اسعدتني متابعتك .. و ستسعدني اكثر مشاركتك .. :)

كيان بلقيس
15/07/2012, 09:32 AM
عاد السموحة .باعقب على باقي الاخوات في وقت لاحق ان شاء الله ..بس تفاعل الاخوات هالمرة كثير يفرحني .. :ممتاز:

كيان بلقيس
15/07/2012, 09:47 AM
المطبخ:

هالمرة اريد اتكلم اكثر عن تصاميم المطبخ لان في بالي كذا فكرة و احب اخذ ارائكن فيها..
1- افضل يكون متصل فيها مخزن كبير شوي و اخلي كل الادوات الكهربائية الكبيرة فيه .. ثلاجة و فريز ..ليش؟
لان هالأدوات تجي بألوان محدودة ..و انا مثلا في بالي الوان غير مألوفة لمطبخي..

2- للتجديد ..تعجبني فكرة عمل اسقف غربية بسيطة للمطبخ .. و تكون ملونة على نفس لون المطبخ مع (الاكثار من الاضاءة) .. ما احب المطبخ باضاءة خافتة..

3- ما انصح بنافذة كبيرة جدا في المطبخ ..ابدا.. اشوفها مساحة على الفاضي.. افضل يكون مقاسها متوسط و يفي بالغرض..و عليها ستارة بسيطة تتناسب مع ديكور المطبخ..

4-

حياتو أنا
18/07/2012, 08:28 AM
http://t2.gstatic.com/images?q=tbn:ANd9GcRBIYe_E5juZcg_ms-lWjmVGYKZh_g7ruQBLSfUzpdAlA837YxPW5gn_M8عجبتني فكرة استغلال المنطقة اللي تحت الدرج
شوفن الصورة واتمنى تعجبكن الفكرة

بنت شاداوغلو
18/07/2012, 08:42 AM
متابعة لابداعكم

شظايا السعادة
18/07/2012, 02:32 PM
http://t2.gstatic.com/images?q=tbn:ANd9GcRBIYe_E5juZcg_ms-lWjmVGYKZh_g7ruQBLSfUzpdAlA837YxPW5gn_M8عجبتني فكرة استغلال المنطقة اللي تحت الدرج
شوفن الصورة واتمنى تعجبكن الفكرة

شكرا كيان بلقيس على هالموضوع الحلو مثلك!

وانا أأيد فكرتك البيت بالدور اﻷرضي أحسن و أريح بكثير من الطابقين خصوصا إذا افراد البيت عدحهم صغير،،،

و بما إنه بيتي من البيوت التجارية الي خذيته جاهز فأنا كثير محصوره في زواياه لذلك احول قدر اﻹمكان إني أغير فيه حسب إمكانيتي، يعني على البسيط بصراحة،،،،

و بخصوص فكرة العضوة حياتو أنا فمنطقة تحت الدرج حلوه كثير حسب الصورة الي ارفقتيها بس اعتقد إذا هالمنطقة موجودة في ممر فراح يكون ضيق إنك تستخدميه لانه نفس هالفكرة كانت ببالي بس شلتها لهالسبب وجاري البحث عن حل أخر بأقرب فرصة ولا راح يكون مثل المخزن لعيالي و ابوهم

عذبة الكلام
19/07/2012, 09:35 AM
http://t2.gstatic.com/images?q=tbn:ANd9GcRBIYe_E5juZcg_ms-lWjmVGYKZh_g7ruQBLSfUzpdAlA837YxPW5gn_M8عجبتني فكرة استغلال المنطقة اللي تحت الدرج
شوفن الصورة واتمنى تعجبكن الفكرة



حلوة الفكرة عمل كبتات وممكن تعملي باب بس هالفكرة حبيتها

صمت الحكاية
19/07/2012, 07:33 PM
http://t2.gstatic.com/images?q=tbn:ANd9GcRBIYe_E5juZcg_ms-lWjmVGYKZh_g7ruQBLSfUzpdAlA837YxPW5gn_M8عجبتني فكرة استغلال المنطقة اللي تحت الدرج
شوفن الصورة واتمنى تعجبكن الفكرة


هلا وغلا ب صاحبة الموايع المميزة ...:)


الموووهيييم....


أنا لسه ما ف فترة بناء بيت عمر ولا غيره...

بس أهلي حاليا يبنو بيت..وأنا اشاركهم طبعا :)....


بيت أهلي الجديد...شوي صغروون...واستغلينا ما تحت الدرج ... وحطينا (دورة مياة)..الله يكرمكم...

لأن الدرج بيجي ع مرر يطل ع الصاله...ف بتكون للاستخدام العام..


بالنسبة للمطبخ ...

الوالدة ما عاجبنها إنه المخزن ضيق جدا...واحنا أصلا ف هالبيت نعاني من ضيق المطبخ ...سبحان الله الرجال ما يهتموا بتصحيح الأخطاء...

بالنسبة للتأثيث... لسه ماااا مأثثين..((تو بعدنا نسلك)) ....(( من صدقها حاشرة عمرها وجاية تكتب


بس بخبركم عن بيت أختي :)

عشان تنشيف الملابس...

كانت تنشفهم فووق السطح..((بيتهم طابقين))..

وكانت تستكاود تطلع الدرج خصوصا وقت الحمل .. فاستغلت بلكونة غرفة البنات ..(( بعد ما سورتها بسووور حديدي مناسب...

(( ع فكرة إذا بيوتكم طابقين ...خلوا غرفة الغسيل ف الطابق الثاني ...

ممممم

شيء بعد؟؟؟

بجيكن بأفكار لاحقا...

تاجرة السبله
19/07/2012, 09:26 PM
والله روووووعة

أم المجد
20/07/2012, 11:11 PM
موضوع جميل.. ومنكم نستفيد :)


بالنسبة للمطبخ ...
الوالدة ما عاجبنها إنه المخزن ضيق جدا...واحنا أصلا ف هالبيت نعاني من ضيق المطبخ ...سبحان الله الرجال ما يهتموا بتصحيح الأخطاء...

أهم مرافق المنزل عند الرجال هو المجلس، وعند النساء المطبخ :متفكر:
بإمكانكم تفصيل خزائن طويلة جدا في المخزن والمطبخ لزيــادة مساحة التخزين، ووضع بعض المقسمات في الأدراج وسيتسع المكان بإذن الله..
إن كان المطبخ داخل المنزل، فوضع شفاط فوق الطباخة أمر ضروري :)

عذبة الكلام
21/07/2012, 09:37 AM
فكرة دورة المياه تحت الدرج بعد حلوة بس كأنها تكون صغيرة كثير

nanh
22/07/2012, 09:27 AM
بالتوفيق للجميع

والله يحفظ بيوتكم من الحسد

star in the sky
22/07/2012, 11:12 AM
موضوع جميل...ومفيد....
و إن شاء الله تفيدونا بأفكاركم للمستقبل..

عذبة الكلام
24/07/2012, 12:04 PM
كيااااااااااااااااااااااااااان وينك

مغامرة جريئة
26/07/2012, 03:00 AM
كيان حبّي موضوعك مميز وانا تابعت بارت ون بس بعدين انقطعت ..
يلا سكّر كمّلي :)

فجر الهدى
28/07/2012, 12:38 AM
متابعة....

عذبة الكلام
28/07/2012, 09:46 AM
صباح البيوت الرائعة ،،،،،،،،،،،،،،،

بنات حلوالموضوع لا تسكروه بعدم الردود

رحيق العمر
28/07/2012, 06:07 PM
جميل جميل :منتزق:

أم‎ ‎وتين
29/07/2012, 02:52 PM
حلو الموضوع. استفدت منه افكار محتاجتها .. انا كتبت موضوع. محتاجه فيه مساعده لأفكار ونصائح وتجارب اللي بانين بيوتهم منكم
ماكنت اعرف ان في موضوع كيان

اللي استفدته موضوع البلاكات والمكيفات .. ان ما اسوي انترلوك للحوش وبعد فكرة استغلال تحت السلم كنت محتاره اسوي مخزن او كبت للشنط والنعل ولجيت الفكره ..

وماعليكم امر ابي اعرف افضل نوع بلاط للبيت كامل .. وبعد معاي غرفة صغيره فالصاله كانت ع اساس مغاسل وانا حولتها غرفه للألعاب. لأن ألعاب بناتي. كثيره وتستخدم دوم مابي احطهم فالمخزن .شو رأيكم بالفكره؟!

عذبة الكلام
30/07/2012, 09:37 AM
حلو الموضوع. استفدت منه افكار محتاجتها .. انا كتبت موضوع. محتاجه فيه مساعده لأفكار ونصائح وتجارب اللي بانين بيوتهم منكم
ماكنت اعرف ان في موضوع كيان

اللي استفدته موضوع البلاكات والمكيفات .. ان ما اسوي انترلوك للحوش وبعد فكرة استغلال تحت السلم كنت محتاره اسوي مخزن او كبت للشنط والنعل ولجيت الفكره ..

وماعليكم امر ابي اعرف افضل نوع بلاط للبيت كامل .. وبعد معاي غرفة صغيره فالصاله كانت ع اساس مغاسل وانا حولتها غرفه للألعاب. لأن ألعاب بناتي. كثيره وتستخدم دوم مابي احطهم فالمخزن .شو رأيكم بالفكره؟!



موفقة


عمل غرفة ألعاب للطفال فكرة حلوة لأنه بدل بهدلة البيت أحسن تكون لهم غرفة خاصة

ما خبرتينا شو فكرتك لتحت الدرج

من غير إسم أحسن
30/07/2012, 12:51 PM
مساء الخير بنوتات
كيونة ربي يعطيك العافية ترا سبلة حواء مفتقدة وجودك

كنت متابعة الجزء الأول وكثير إستفدت منه لأني كنت في مرحلة بناء الهيكل
الحين في التشطيبات النهائية وإن شاء الله بنتقل قريب

دعواتكم

عذبة الكلام
31/07/2012, 09:15 AM
مساء الخير بنوتات
كيونة ربي يعطيك العافية ترا سبلة حواء مفتقدة وجودك

كنت متابعة الجزء الأول وكثير إستفدت منه لأني كنت في مرحلة بناء الهيكل
الحين في التشطيبات النهائية وإن شاء الله بنتقل قريب

دعواتكم


بيت مبارك وعامر بالذكر والمحبة ،،،،،،،،،،،،،،

شو نصائحك للتشتطيبات ؟

:ضحك:أقول توقيعك مرررررررررررررررررررررة حمااااااااااااااااس

من غير إسم أحسن
31/07/2012, 11:28 AM
بيت مبارك وعامر بالذكر والمحبة ،،،،،،،،،،،،،،

شو نصائحك للتشتطيبات ؟

:ضحك:أقول توقيعك مرررررررررررررررررررررة حمااااااااااااااااس


مشكورة عذبة على دعواتك الطيبة

بالنسبة للتشطيبات ما رمبشت البيت بالأصباغ الصبغ ابيض لؤلؤي موحد لكل مرافق البيت ، خذيت كل المواد من عمان وكلها جودة عالية لأن ما أريد أصرف طول عمري أعدل هذا وأغير هذا ، الأرضيات في الدور الأرضي رخام لأنه الدور كله إستقبال والدور الثاني بورسلين برازيلي أوف وايت ، بلاطات دورات المياه وانتي بكرامة أسبانية ،

وعندي نصيحة اللي يبني بيت ضروري يكون مستعد مادياً وعنده السيولة الكافية لأن فعلا مكلف

وشكراً :)

عذبة الكلام
01/08/2012, 09:38 AM
نصائح حلووووووة مرة
جاري الحفظ للمستقبل القريب بإذن الله

عذبة الكلام
01/08/2012, 09:38 AM
مشكورة عذبة على دعواتك الطيبة

بالنسبة للتشطيبات ما رمبشت البيت بالأصباغ الصبغ ابيض لؤلؤي موحد لكل مرافق البيت ، خذيت كل المواد من عمان وكلها جودة عالية لأن ما أريد أصرف طول عمري أعدل هذا وأغير هذا ، الأرضيات في الدور الأرضي رخام لأنه الدور كله إستقبال والدور الثاني بورسلين برازيلي أوف وايت ، بلاطات دورات المياه وانتي بكرامة أسبانية ،

وعندي نصيحة اللي يبني بيت ضروري يكون مستعد مادياً وعنده السيولة الكافية لأن فعلا مكلف

وشكراً :)



أفيدنا شو ميزة البورسلين ؟؟؟؟؟؟؟؟؟؟؟؟؟؟؟؟

الياسمين
01/08/2012, 10:15 AM
اشكرك أختي على الموضوع بغيت اسال كم المساحة المناسبة للمطبخ طبعا تعرفن الحريم يحبن يكون المطبخ كبير وايش رايكن بمساحة 4*4؟

من غير إسم أحسن
02/08/2012, 11:16 AM
أفيدنا شو ميزة البورسلين ؟؟؟؟؟؟؟؟؟؟؟؟؟؟؟؟

أهلين عذبة ،،

اللي أعرفه عن البورسلين إنه طبقة من طبقات الرخام
يقاوم الحرارة والخدوش ،ما يمتص الألوان والبقع المنسكبة ( عكس الرخام تماماً )
فيه عدة خيارراااات اللي يشبه الرخام واللي يشبه الجرانيت واللي يشبه السراميك
فيه منه لامع وفيه منه مطفي
وألوانه وأشكاله كثيييرة

البلسم الشافي
02/08/2012, 01:58 PM
طيب عزيزتي اذا البورسلين فيه كل هذي الميزات ليش اخترتي الرخام للدور الارضي افيديييينا

من غير إسم أحسن
05/08/2012, 11:06 AM
طيب عزيزتي اذا البورسلين فيه كل هذي الميزات ليش اخترتي الرخام للدور الارضي افيديييينا

أهلين بلسم وعذريني على التأخير

إخترت الرخام لسبب واحد وهو الدرج
الدرج عندي دائري ويطل على الصالة ، و لو خذيت أي بلاط للأرضية راح أتقيد بيها للدرج وتخيلي لو كان بورسلين مثلا
تعتقدي كم قطعة بورسلين بحتاج لكل درجة من الدرجات
في حين إنه الرخام يجي على شكل قوالب تُقطع على الشكل اللي إنتي تريديه يعني قطعة وحدة لكل درجة من درجات السلم
ولأني ما حبيت البيت يطلع مرقع سويت الدور الأرضي رخام مع الدرج كامل وبكذا طلع متناسق وهيبة :كاشخ:

وهالشي وفر علي من ناحية التكلفة لأني لو كنت مسوية بورسلين أو أي بلاط ثاني كان البوك منشرخ عاد !!!!
قطعة رخام وحدة تعادل 4 قطع بورسلين إذا ما أكثر

البلسم الشافي
06/08/2012, 02:48 AM
هلا اختي من غير اسم احسن
وانا نفس الشي عندي الدرج دائري ومفتوح على الصاله
ونفس الشي ما احب الترقيع وناويه كل البيت نفس الارضيه
ما عدا الصاله ناويه اسويها خشبيه لانه مرتفعه درجتين والله احترت ما اعرف

عذبة الكلام
06/08/2012, 10:25 AM
هلا اختي من غير اسم احسن
وانا نفس الشي عندي الدرج دائري ومفتوح على الصاله
ونفس الشي ما احب الترقيع وناويه كل البيت نفس الارضيه
ما عدا الصاله ناويه اسويها خشبيه لانه مرتفعه درجتين والله احترت ما اعرف



عاد نحتاج صور منك لبيتك ربي يهينيكي أيها

عذبة الكلام
06/08/2012, 10:26 AM
طيب سؤال ،،ن شو تفضلوا دور أرضي أو بيت طابقين ؟؟؟؟؟؟؟؟؟؟؟؟؟؟؟؟؟؟؟؟؟؟ وليششششششششش؟

من غير إسم أحسن
07/08/2012, 10:17 AM
هلا اختي من غير اسم احسن
وانا نفس الشي عندي الدرج دائري ومفتوح على الصاله
ونفس الشي ما احب الترقيع وناويه كل البيت نفس الارضيه
ما عدا الصاله ناويه اسويها خشبيه لانه مرتفعه درجتين والله احترت ما اعرف


تعرفي اختي بلسم كنت ناوية اسوي نفس الشي بس في الغرف أميز الدريسنج روم بالباركيه ( الأرضية الخشب )
بس لما رحت خلاص علشان أختار شفت خيارات حلوة من البورسلين بالضبط يشبه الخشب وعدة ألوان
بس في النهاية غيرت رايي وسويت الأرضيات موحدة ( اوف وايت ) لأني حبيت استمتع بالرحابة أول كم سنة
وأكيد بواحي على التغيير لأن لو سويت ألوان وايد من البداية أتوقع إني بمل بسرعه

* على فكرة أنا بعد عندي صالتين في الإستقبال وحدة مرتفعه بس درجة

من غير إسم أحسن
07/08/2012, 10:24 AM
طيب سؤال ،،ن شو تفضلوا دور أرضي أو بيت طابقين ؟؟؟؟؟؟؟؟؟؟؟؟؟؟؟؟؟؟؟؟؟؟ وليششششششششش؟

هلا أختي عذبة في نظري أشوف إنه طابقين وايد أحسن من الأرضي
لأن المفروض تكون فيه خصوصية للمعيشة وللإستقبال

الدور الأرضي يكون إستقبال ونصيحة لا تسوي مجلس حريم ومجلس رجال (الشكل التقليدي) لا سوي صالة حلوة مرتبة لإستقبال الحريم ومجلس للرجال
وفوق يكون لمعيشتكم بكل أريحية ولما يجي عندكم ضيوف إستقبالك يكون نظيف ومرتب ( تخيلي يجو عندك ضيوف فجأة وإنتي حضرتك دور أرضي وربشتكم إنتي والعيال ذاك اليوم ربشة ) !!!

QHSE
07/08/2012, 10:29 AM
السلام عليكم

اخواتي عندي استفسار..
بخصوص المجلس تنصحو بالمجلس الجاهز او تفصيل؟؟
ووين يعملو تفصيل وبكم؟؟

مشكووورات

من غير إسم أحسن
07/08/2012, 10:43 AM
إذا حابه لوك عصري أحسن تاخذي جاهز
أما إذا تحبي لوك عربي مثلا أو المجلس عندك كبير والطقم الجاهز ما بيكفي روحي على التفصيل

وأظن نفس الجودة ونفس الأسعار

البلسم الشافي
07/08/2012, 08:27 PM
تعرفي اختي بلسم كنت ناوية اسوي نفس الشي بس في الغرف أميز الدريسنج روم بالباركيه ( الأرضية الخشب )
بس لما رحت خلاص علشان أختار شفت خيارات حلوة من البورسلين بالضبط يشبه الخشب وعدة ألوان
بس في النهاية غيرت رايي وسويت الأرضيات موحدة ( اوف وايت ) لأني حبيت استمتع بالرحابة أول كم سنة
وأكيد بواحي على التغيير لأن لو سويت ألوان وايد من البداية أتوقع إني بمل بسرعه


* على فكرة أنا بعد عندي صالتين في الإستقبال وحدة مرتفعه بس درجة
اها حلو يعني فيه بورسلين اوف وايت سبحان الله شكله ذوقنا متقارب
طيب تحسيه متعب ف التنظيف يعني بسرعه يبين فيه الوسخ والتراب الخفيف ولا عادي مثل الارضيات البيج اللي تعودنا عليها؟؟؟؟

من غير إسم أحسن
08/08/2012, 10:21 AM
اها حلو يعني فيه بورسلين اوف وايت سبحان الله شكله ذوقنا متقارب
طيب تحسيه متعب ف التنظيف يعني بسرعه يبين فيه الوسخ والتراب الخفيف ولا عادي مثل الارضيات البيج اللي تعودنا عليها؟؟؟؟

هلا اختي بلسم
بعدني ما سكنت عسب أفيدك عن البورسلين في التنظيف إن شاء الله قريب
بس أنا ما سويت البورسلين المصقول اللي يلمع لا سويت المطفي

انتي بديتي تشطيبات وإلا لسه ؟

عذبة الكلام
12/08/2012, 10:03 AM
صباح البيوت الطيبة الرائعة

احلى زهره
12/08/2012, 11:15 AM
يا رب يكون عندي بيت وارتاح

صدى الحقيقة
12/08/2012, 11:21 AM
مبببدعه

وعقبالي اطلع بيت بروحي

شكرا كيوووونه :مستحي:

عذبة الكلام
12/08/2012, 12:25 PM
آآآآآآآآآآآآآآآآآآآآىمين عقبال ما نبني بيوتنا

من غير إسم أحسن
13/08/2012, 01:18 PM
آآآآآآآآآآآآآآآآآآآآىمين عقبال ما نبني بيوتنا


امين يارب العالمين يرزق كل وحدة البيت اللي تتمناه

بس قولي لنا شو تخطيطك لبيت العمر ؟ شو الأفكار اللي حابة تنفذيها في التصميم ؟

عذبة الكلام
14/08/2012, 09:56 AM
امين يارب العالمين يرزق كل وحدة البيت اللي تتمناه

بس قولي لنا شو تخطيطك لبيت العمر ؟ شو الأفكار اللي حابة تنفذيها في التصميم ؟


أحب أحد لما يشسألني عن البيت ( اللي يسمعني يقول عاد تو جالسة تنبين ) ما علينا
المهم حاليا
ما حاطة شكل تصميم معين بس حاطة لي ضوابط بحسبالميزانية الللي راح تتوفر عندنا

البيت أريد فيه مجلسين وصالة بالإضافة إلي ثلاث غرف

بالفضافة إل صالة طعام وغرفة غسييل ومطبخ خارجي
بس لحد الحين ما فكرت في تصميم
وممكن استغني عن مجلس واحد غذا حصلت فكرة لصالة تحل محل مجلس النساء

من غير إسم أحسن
15/08/2012, 01:35 PM
أحب أحد لما يشسألني عن البيت ( اللي يسمعني يقول عاد تو جالسة تنبين ) ما علينا
المهم حاليا
ما حاطة شكل تصميم معين بس حاطة لي ضوابط بحسبالميزانية الللي راح تتوفر عندنا

البيت أريد فيه مجلسين وصالة بالإضافة إلي ثلاث غرف

بالفضافة إل صالة طعام وغرفة غسييل ومطبخ خارجي
بس لحد الحين ما فكرت في تصميم
وممكن استغني عن مجلس واحد غذا حصلت فكرة لصالة تحل محل مجلس النساء


تو مو ذي الطلاسم و أوين مسمية عمرها عذبة الكلام !!!!
وإلا ذا من الحماس :نطوط::نطوط:
الظاهر تحمستي وايد وما عرفتي وش تكتبي

الله يوفقك إن شاء الله وتبني أحلى بيت معمور بذكر الله وطاعته قولي آمين

إعملي بالميزانية لكن فيه أشياء أساسية لا تتنازلي عنها
مثل غرفة الغسيل ويفضل تكون واسعة لأن راح يكون فيها موضوع الكوي وتكون قريبة من المطبخ إذا خارجي أو قريبة من غرفة عاملة المنزل إذا كان المطبخ داخلي
المخزن هو لتخزين الأشياء والأغراض اللي تسبب عجأة في البيت وما أقصد مخزن اللي في المطبخ ( أنا ما سويت مخزن في المطبخ سويت كابينات المطبخ لتخزين كل شي عدة مقاسات وعدة مساحات وبشكل عملي )
غرفة العاملة بدورة مياه وما المفروض تكون برا البيت حتى ما نشعرها انها منبوذة وعلشان ما تسوي السوالف إياها اللي نسمع عنها وأبداً أبداً لا تنام عند الأطفال

من الأساسي بعد إنه تكون الغرف بدورات المياه كذا تكون خصوصية وايد بالذات غرف البنات
إذا حابة تسوي للبنات غرفة مشتركة والأولاد غرفة مشتركة يفضل تكون الغرف وااااسعة

لا تسوي مجلسين الفكرة ما عملية أبداً
سوي مجلس واسع للرجال بصالة طعام و دورة مياه
وصالة واسعة للنساء غير صالتكم اللي فيها ربشتكم
تعرفي ليش ؟ فرضاً لو عند زوجك ضيوف أكيد بيستقبلهم في المجلس
وانتي لو عندك ضيوف حريم بس إستقبليهم في المجلس
اما لو رجال وحريم ترا الرجال بيكونوا في المجلس والحريم بيكونوا في الصالة

أتمنى اكون افدتك عذوبة

غزالة نزوى
15/08/2012, 02:50 PM
جميل بالتوفيق ..:ممتاز:

Miss al Moqbali
15/08/2012, 04:06 PM
صراحه استفدت منكم اخواتي
انا وشريك عمري بعدنا ندور ارض كورنر في الخوض وبعدها نبدا نبني ولحد الحين مامحصلين ويلي محصلينهم ماقل عن 45 الف والعموله علينا بعد
وبدانا مع بعض نخطط ونكتب الملاحظات يلي استفدناها من تجارب الاهل والمعارف
ناوبن توبن فيلا وحده نسكنها والثانبه نقسمها شقتين ناجرهم
زوجي اقترح انه غرفه الغسيل والكوي تكون الطابق الاول عشان اقرب للسطح وبعد بنسوي خزانين ماي سبحان الله في حالة طارئه او ينقطع الماي
والعلاق يلي ف الحمام مال الفوط بنزيد طوله عن المعتاد
والحمامات يلي ف الطابق الارضي والطابق الاول تكون فوق بعض لان تقلل قيمه البناء لان التسليك يسهل
وبصراحه مفكره اسوي مطبخ كبير ومطبخ صغير للطبخ الثقيل ويلي يسوي ريحه واخلي مثلا سوالف الشاي والغلي والفرن ف المطبخ الكبير
وصراحه احس كذا انظف بعد
ومفكرين نسوي صاله تحت وثانيه فوق
يلي تحت للجعدات والتلفزيون ويلي فوق بتكون مكتب مفتوح لمذاكره الاولاد ولمنع الازعاج لان غرف النوم فوق

um Rinaas
16/08/2012, 10:24 AM
انا ابي افكار حج غرفتي . انا ساكنة مع اهل زوجي و غرفتي صغيرة ابي ارتبها و اغيرها بحيث يكون عندي مساحة احط فيه اغراض بنتي و من غير كباتها و منزها . و الله ما اعرف كيف ارتب الغرفة

Miss al Moqbali
16/08/2012, 12:02 PM
ام ريناس انصحك انك بشكل شهري تتخلصي من الاشياء يلي ماتحتاجيها من ملابس نعل تصدقي فيهم لان بعد كثره الاغراض تسوي زحمه
استغلي المساحه يلي تحت تعليق الملابس وتحت السرير
وتجي بوكسات راقيه تقدري تخزني فيهم اشياء وتحطيها تحت السرير وتحت الملابس المعلقه
واسره الاطفال اغلبها يجي تحتها ادراج استخدميها للوشن وعطورها

من غير إسم أحسن
28/08/2012, 07:59 AM
انا ابي افكار حج غرفتي . انا ساكنة مع اهل زوجي و غرفتي صغيرة ابي ارتبها و اغيرها بحيث يكون عندي مساحة احط فيه اغراض بنتي و من غير كباتها و منزها . و الله ما اعرف كيف ارتب الغرفة

صباح الخير أم ريناس

وصباح البيوت المعمورة بذكر الله

أختي شوفي هالرابط ممكن يفيدك
http://avb.s-oman.net/showthread.php?t=1509828

عذبة الكلام
28/08/2012, 08:07 AM
تو مو ذي الطلاسم و أوين مسمية عمرها عذبة الكلام !!!!
وإلا ذا من الحماس :نطوط::نطوط:
الظاهر تحمستي وايد وما عرفتي وش تكتبي

الله يوفقك إن شاء الله وتبني أحلى بيت معمور بذكر الله وطاعته قولي آمين

إعملي بالميزانية لكن فيه أشياء أساسية لا تتنازلي عنها
مثل غرفة الغسيل ويفضل تكون واسعة لأن راح يكون فيها موضوع الكوي وتكون قريبة من المطبخ إذا خارجي أو قريبة من غرفة عاملة المنزل إذا كان المطبخ داخلي
المخزن هو لتخزين الأشياء والأغراض اللي تسبب عجأة في البيت وما أقصد مخزن اللي في المطبخ ( أنا ما سويت مخزن في المطبخ سويت كابينات المطبخ لتخزين كل شي عدة مقاسات وعدة مساحات وبشكل عملي )
غرفة العاملة بدورة مياه وما المفروض تكون برا البيت حتى ما نشعرها انها منبوذة وعلشان ما تسوي السوالف إياها اللي نسمع عنها وأبداً أبداً لا تنام عند الأطفال

من الأساسي بعد إنه تكون الغرف بدورات المياه كذا تكون خصوصية وايد بالذات غرف البنات
إذا حابة تسوي للبنات غرفة مشتركة والأولاد غرفة مشتركة يفضل تكون الغرف وااااسعة

لا تسوي مجلسين الفكرة ما عملية أبداً
سوي مجلس واسع للرجال بصالة طعام و دورة مياه
وصالة واسعة للنساء غير صالتكم اللي فيها ربشتكم
تعرفي ليش ؟ فرضاً لو عند زوجك ضيوف أكيد بيستقبلهم في المجلس
وانتي لو عندك ضيوف حريم بس إستقبليهم في المجلس
اما لو رجال وحريم ترا الرجال بيكونوا في المجلس والحريم بيكونوا في الصالة

أتمنى اكون افدتك عذوبة




من الحماس حبيبتي


أقوووووووووووووووول

ما فهمت شوه تقصدي بكبينات كيف يعني الشكل بالضبيط ؟

من غير إسم أحسن
28/08/2012, 08:24 AM
هلا عذبة من طول الغيبات جاب الغنايم

قصدي بالكبينات كبتات المطبخ يا حلوة

ما بغيت أقولها باللهجة الدارجة :)

افااااا
28/08/2012, 08:40 AM
بعرس :منتشي:


وااااااااايد فرحت بالموضوع ببدأ افكر وارسم واخطط من الحين
الخطه نبني بعد سنه ما يمنع اشوف واتثقف واتنور بابداعاتكن


مشكوووره كيووووونه

وفديت بنوته الحارة اللي شاده حيلها فبيتها هه

من غير إسم أحسن
28/08/2012, 08:47 AM
من الحماس حبيبتي


أقوووووووووووووووول

ما فهمت شوه تقصدي بكبينات كيف يعني الشكل بالضبيط ؟


عذبة بحاول احط روابط للكابينات اللي أقصدها
بس من أتفيق

من غير إسم أحسن
28/08/2012, 09:00 AM
هذا اللي أقصده عذوبة

http://fashion.azyya.com/358011.html

http://www.technothrone.com/t3738.html

عذبة الكلام
08/09/2012, 12:00 PM
صباح البيوت الرائعة


البنات شو رايكن أحسن نبيني دور أو دورين وليششششششششششششششششش؟

كيان بلقيس
08/09/2012, 02:37 PM
بعرس :منتشي:


وااااااااايد فرحت بالموضوع ببدأ افكر وارسم واخطط من الحين
الخطه نبني بعد سنه ما يمنع اشوف واتثقف واتنور بابداعاتكن


مشكوووره كيووووونه


وفديت بنوته الحارة اللي شاده حيلها فبيتها هه


كللللللولووووووش افا....كثير فرحت للخبر..زواج مبارك ان شاء الله والله يسعدك يارب...:)

كيان بلقيس
08/09/2012, 02:39 PM
مشكورات جدا اخواتي على الافكار الرائعه..السموحة ما انفعكن الحين بس مازلت متابعه لافكاركن الرائعه و المفيدة بحق...


شكرا جدا جدا للجميع على ابداعكن....:وردة:

انثى رآقية
09/09/2012, 12:59 AM
شي حلو وراقي جدا

سماسم
09/09/2012, 10:24 AM
صباح البيوت الرائعة


البنات شو رايكن أحسن نبيني دور أو دورين وليششششششششششششششششش؟

هلا
انا اشوف احسن تبني دورين عشان الخصوصية والغرف الخاصة بالاسرة كلها فوق
وتحت تكون المجالس لاستقبال الضيوف وباقي مرفقات المنزل مثل المطبخ والصالة وغرفة الطعام
نحن بنينا دورين وحالياً في التشطيبات الاخيرة :)
الله يوفقنا ويجهز البيت على خير ان شاء ربي

سماسم
09/09/2012, 10:27 AM
تو مو ذي الطلاسم و أوين مسمية عمرها عذبة الكلام !!!!
وإلا ذا من الحماس :نطوط::نطوط:
الظاهر تحمستي وايد وما عرفتي وش تكتبي

الله يوفقك إن شاء الله وتبني أحلى بيت معمور بذكر الله وطاعته قولي آمين

إعملي بالميزانية لكن فيه أشياء أساسية لا تتنازلي عنها
مثل غرفة الغسيل ويفضل تكون واسعة لأن راح يكون فيها موضوع الكوي وتكون قريبة من المطبخ إذا خارجي أو قريبة من غرفة عاملة المنزل إذا كان المطبخ داخلي
المخزن هو لتخزين الأشياء والأغراض اللي تسبب عجأة في البيت وما أقصد مخزن اللي في المطبخ ( أنا ما سويت مخزن في المطبخ سويت كابينات المطبخ لتخزين كل شي عدة مقاسات وعدة مساحات وبشكل عملي )
غرفة العاملة بدورة مياه وما المفروض تكون برا البيت حتى ما نشعرها انها منبوذة وعلشان ما تسوي السوالف إياها اللي نسمع عنها وأبداً أبداً لا تنام عند الأطفال

من الأساسي بعد إنه تكون الغرف بدورات المياه كذا تكون خصوصية وايد بالذات غرف البنات
إذا حابة تسوي للبنات غرفة مشتركة والأولاد غرفة مشتركة يفضل تكون الغرف وااااسعة

لا تسوي مجلسين الفكرة ما عملية أبداً
سوي مجلس واسع للرجال بصالة طعام و دورة مياه
وصالة واسعة للنساء غير صالتكم اللي فيها ربشتكم
تعرفي ليش ؟ فرضاً لو عند زوجك ضيوف أكيد بيستقبلهم في المجلس
وانتي لو عندك ضيوف حريم بس إستقبليهم في المجلس
اما لو رجال وحريم ترا الرجال بيكونوا في المجلس والحريم بيكونوا في الصالة

أتمنى اكون افدتك عذوبة

نصائحك حلوة (من غير اسم احسن) بس انا سويت مجلس للحريم ومجلس للرجال وقررت استقبل
الحريم (الغريبات) اقصد اللي مو من الاهل استقبال رسمي في مجلس الحريم والحريم اللي من الاهل في الصاله لأني سويت صاله واسعه

عطر الفل
09/09/2012, 02:56 PM
حلوه الافكار

بيتخدمها يوم ببني بيت العمر ان شاالله :بلابلا:

من غير إسم أحسن
10/09/2012, 08:52 AM
نصائحك حلوة (من غير اسم احسن) بس انا سويت مجلس للحريم ومجلس للرجال وقررت استقبل
الحريم (الغريبات) اقصد اللي مو من الاهل استقبال رسمي في مجلس الحريم والحريم اللي من الاهل في الصاله لأني سويت صاله واسعه

أهلين سماسم
ترا هذي فكرتي بالضبط
لما يكون عندي حريم غريبات مثلا جاراتي أو صديقاتي استقبلهم في المجلس
أما الحريم اللي من الأهل استقبلهم في الصالة

و زوجي إذا عنده ضيوف ما من الأهل استقبالهم في المجلس إذا رجال بس بدون حريمهم أما إذا حريمهم معاهم ترا بيكونن في الصالة

وضحت فكرتي ؟
مجلس الحريم اشوفه أبداً ما عملي بس في النهاية يعتمد على ظروف كل حد
و عاداته في المعيشة

عذبة الكلام
10/09/2012, 01:30 PM
حمااااااااااااااااااااس على الموووووووضوع

سماسم
11/09/2012, 09:13 AM
أهلين سماسم
ترا هذي فكرتي بالضبط
لما يكون عندي حريم غريبات مثلا جاراتي أو صديقاتي استقبلهم في المجلس
أما الحريم اللي من الأهل استقبلهم في الصالة

و زوجي إذا عنده ضيوف ما من الأهل استقبالهم في المجلس إذا رجال بس بدون حريمهم أما إذا حريمهم معاهم ترا بيكونن في الصالة

وضحت فكرتي ؟
مجلس الحريم اشوفه أبداً ما عملي بس في النهاية يعتمد على ظروف كل حد
و عاداته في المعيشة

فكرتك حلوة وعمليه :)
كيف بالنسبة لديكور السقف؟

من غير إسم أحسن
12/09/2012, 08:39 AM
صباح الخير

تسلمي خيتو

سويت أشياء بسيطه و مودرن وصبغتها أبيض بس في الدور الأرضي اللي هو الإستقبال وطبعاً غرفتي
أما باقي الغرف والصالات سويت بوردر جبس خفيف بس

وشكراً

مميزة بطبعي أنا
12/09/2012, 08:50 AM
من غير إسم .. ممكن تفيدينا من وين أخذتي البورسلين للأرضيات ..!! تعبت ونا أدور شي يناسب الدور الأول !!

وبالنسبه صح للدور الأرضي الدرج عندي نفس بيتك دائري .. ونا أقرأ انتي وش كاتبه جاااني إحبااااااااط وخوف فضيييع .:لا تعليق:. لاني اخترت لأرضية الصالات بورسلين أبيض لاامع محفووور بالكريستال والطااااامه الكبرى الدرج !!! مااافكرت بهالنقطه !! لااا يجي بيتي مرقع !! :مغتم:

بالأخص أن الدرج هو اللي مميز بيتي !! وللحين ماامختاره لها شي ..المقاول نصحنا ماناخذ رخام يقول انه يحتااجله قص كثير ويطلع مشوه .. أشوف كلامه عكس كلااامك !! نصحنا نااخذ جرااانيت للدرج .. ونا مخططة أخذ لون نفس درجة لون بورسلين الصالة بس بعده كلااامك مخلني عااايشه ف رعب :متغربل:

مميزة بطبعي أنا
12/09/2012, 08:54 AM
أها حبيت أشجعكم بالأرضيات الخشب .:ممتاز:. بالأخص اللي عندها صالة طعام حلو تميزيها بالخشب بس الأفضل يكون بورسلين أسباااني هذا يجي ضبط وكأنه خشب 100 %:مرتاح: وهو أفضل من الخشب لأن الخشب مع مرور الوقت راح يتآكل من الماي ... ومن غير إزعاج الصوت اللي يسببه ... وبعد حلو تعملو هالأرضيه لغرفة الألعاااب .. يعطي منظر ولاا أروع يكسر روتين بيوت العمااانييين اللي هو غرفة البنت وردي والأولاد أزرق .. والله كرهت هالعاده المتوارث عليها أب عن جد ..:عنيف:

omhind
12/09/2012, 10:41 AM
شو هوه ذا البورسلين بنات ممكن صورة ؟

ممكن ترفقوا صور لبيوتكم مع الشرح اللى كاتبينة ع شان توضح الصورة عندنا اكثر

انا وزوجى الحين نجهز الخارطة وصراحة محتارة بالتصميم وادخل النت اشوف اشكال كثيرة ويدور راسي ،، اريد شي بسيط وراقى بعد لان الميزانية ع قد الحال
ونحن بنبنى طابق ونص واللى يبقى من الطابق الثانى بعملة شقف وبخلية مكان للغسالة ونشر الغسيل ،، هذا شي شفته فبيت وحدة وعجبتنى الفكرة شو رايكم انتو ؟؟

سماسم
12/09/2012, 10:49 AM
أها حبيت أشجعكم بالأرضيات الخشب .:ممتاز:. بالأخص اللي عندها صالة طعام حلو تميزيها بالخشب بس الأفضل يكون بورسلين أسباااني هذا يجي ضبط وكأنه خشب 100 %:مرتاح: وهو أفضل من الخشب لأن الخشب مع مرور الوقت راح يتآكل من الماي ... ومن غير إزعاج الصوت اللي يسببه ... وبعد حلو تعملو هالأرضيه لغرفة الألعاااب .. يعطي منظر ولاا أروع يكسر روتين بيوت العمااانييين اللي هو غرفة البنت وردي والأولاد أزرق .. والله كرهت هالعاده المتوارث عليها أب عن جد ..:عنيف:

مميزة بطبعي فعلاً البورسلين الاسباني الخشب فضييييع انا مفكرة اسويه بس لغرفتي..
برأيك مناسب لغرفة الطعام؟

مميزة بطبعي أنا
12/09/2012, 10:54 AM
البورسلين عزيزتي أم هند نوع من أنواع البلاط المستخدم للأرضيات مثل الرخام والجرانيت وغيره وهو ثاني أرقى نوع بعد الرخام ،،

شوفي التصميم .. فكري انتي وزوجك مع بعض واتخيلي ايش الأشياء اللي تسر نظرك وتلفتك أول ماتدخلي البيت .. اقولك انا كيف صممت وانتي حاولي تتبعي بس بأسلوبك الخاص ومزاجك :مرتاح:..

انا أول شي خططت له هو اني اختار مهندس شاطر درجة أولى عشان يساعدني بالأفكار الراقية .. وقبل هذا كله كنت كثير أبحث ف النت وأطلع ع فلل بالإضافة كنت كثير ماأزور بيوت قيد الإنشاء وأخذ بعض الأفكار :متفكر:.. بعد هذا رحت للمهندس وخبرته اني أحب أول ما أدخل البيت أحس بشي شرح ويفتح النفس .. يعني أحس بأن المكان واااسع وخبرته انا كم غرفة أحتاج والمساحات المناسبة لنا وللميزانية أهم شي !! بالإضافة للخصوصية ف بعض الأماكن .. وبهالطريقة راح يعمل المهندس شي من أفكارك ويناسب احتياجاتكم ... كان دايماً يضحك علي يقول أول حرمة تجيني وماتهتم بالمطبخ كان أكثر تركيزي ع الصالات وبس !! لاني من عشاق الصالات الرحبة ...;)

مميزة بطبعي أنا
12/09/2012, 10:58 AM
مميزة بطبعي فعلاً البورسلين الاسباني الخشب فضييييع انا مفكرة اسويه بس لغرفتي..
برأيك مناسب لغرفة الطعام؟

غرف الطعام لو تطلعي ع معظم البيوت المودرن أغلبها ذات أرضية خشبية ... ع فكرة أنا من عشاااق التصاميم المودرن البحت ف عشان كذا اخترت هالطابع لغرفة الطعام وغرفة الألعااب .. من وجهة نظري كثيييييييير مناسب وراااقي

من غير إسم أحسن
12/09/2012, 10:59 AM
من غير إسم .. ممكن تفيدينا من وين أخذتي البورسلين للأرضيات ..!! تعبت ونا أدور شي يناسب الدور الأول !!

وبالنسبه صح للدور الأرضي الدرج عندي نفس بيتك دائري .. ونا أقرأ انتي وش كاتبه جاااني إحبااااااااط وخوف فضيييع .:لا تعليق:. لاني اخترت لأرضية الصالات بورسلين أبيض لاامع محفووور بالكريستال والطااااامه الكبرى الدرج !!! مااافكرت بهالنقطه !! لااا يجي بيتي مرقع !! :مغتم:

بالأخص أن الدرج هو اللي مميز بيتي !! وللحين ماامختاره لها شي ..المقاول نصحنا ماناخذ رخام يقول انه يحتااجله قص كثير ويطلع مشوه .. أشوف كلامه عكس كلااامك !! نصحنا نااخذ جرااانيت للدرج .. ونا مخططة أخذ لون نفس درجة لون بورسلين الصالة بس بعده كلااامك مخلني عااايشه ف رعب :متغربل:

أهلين مميزة ،،

خذت البورسلين من محل التاجر اللي في بركا ( بورسلين برازيلي )

وبالنسبة للدرج لا تحاتي ما بيكون مرقع روحي محلات الرخام وشوفي الألوان الموجودة وإخذي أقرب درجة للون الأرضية اللي إخترتيها
أما بالنسبة لكلام المقاول ما صحيح لأن الرخام بيجي أصلا مقطع على قياس كل درجة من درجات السلم الدائري << لو كتبت الدرج بيطلع مثل بطتنا بطت بطن بطتكم هع هع هع

يعني يا حلوة محل الرخام بيجي ياخذ المقاسات والرخام بيجي مقطع وجاهز من المصنع !!!!
المقاول وهنوده عليهم التركيب فقططط
الرخام أحلى من الجرانيت
أتمنى وضحت فكرتي

مميزة بطبعي أنا
12/09/2012, 11:03 AM
http://im17.gulfup.com/2012-09-12/1347433353621.jpg

http://im17.gulfup.com/2012-09-12/1347433353782.jpg

http://im17.gulfup.com/2012-09-12/1347433353103.gif

مميزة بطبعي أنا
12/09/2012, 11:08 AM
أهلين مميزة ،،

خذت البورسلين من محل التاجر اللي في بركا ( بورسلين برازيلي )

وبالنسبة للدرج لا تحاتي ما بيكون مرقع روحي محلات الرخام وشوفي الألوان الموجودة وإخذي أقرب درجة للون الأرضية اللي إخترتيها
أما بالنسبة لكلام المقاول ما صحيح لأن الرخام بيجي أصلا مقطع على قياس كل درجة من درجات السلم الدائري << لو كتبت الدرج بيطلع مثل بطتنا بطت بطن بطتكم هع هع هع

يعني يا حلوة محل الرخام بيجي ياخذ المقاسات والرخام بيجي مقطع وجاهز من المصنع !!!!
المقاول وهنوده عليهم التركيب فقططط
الرخام أحلى من الجرانيت
أتمنى وضحت فكرتي

وضحت بس شو دخل بطتنا تو هذا اللي جالسة أحاول أفهمه وماقدرت:ضحك:

لا ترا مقاولنا حبوب واجد يحب ينصح ويرشد خخخخخخخخ .... ولو انه مطفحنا بيتنا صغير وتو عاد يقارب السنه وماجااهز !! بس عجب بنشوف الرخام لانه من البداية براسي

شمس العاصمة
12/09/2012, 11:34 AM
السلام عليكم بنااااات
متى بيكوون عندي بيتي الخاااااااص
شوقتوني بصراحة

عذبة الكلام
12/09/2012, 12:04 PM
السلام عليكم بنااااات
متى بيكوون عندي بيتي الخاااااااص
شوقتوني بصراحة

ربي يرزقنا الخير جميعا ،،،،،،،،،، الصبر زين

عذبة الكلام
12/09/2012, 12:11 PM
البورسلين عزيزتي أم هند نوع من أنواع البلاط المستخدم للأرضيات مثل الرخام والجرانيت وغيره وهو ثاني أرقى نوع بعد الرخام ،،

شوفي التصميم .. فكري انتي وزوجك مع بعض واتخيلي ايش الأشياء اللي تسر نظرك وتلفتك أول ماتدخلي البيت .. اقولك انا كيف صممت وانتي حاولي تتبعي بس بأسلوبك الخاص ومزاجك :مرتاح:..

انا أول شي خططت له هو اني اختار مهندس شاطر درجة أولى عشان يساعدني بالأفكار الراقية .. وقبل هذا كله كنت كثير أبحث ف النت وأطلع ع فلل بالإضافة كنت كثير ماأزور بيوت قيد الإنشاء وأخذ بعض الأفكار :متفكر:.. بعد هذا رحت للمهندس وخبرته اني أحب أول ما أدخل البيت أحس بشي شرح ويفتح النفس .. يعني أحس بأن المكان واااسع وخبرته انا كم غرفة أحتاج والمساحات المناسبة لنا وللميزانية أهم شي !! بالإضافة للخصوصية ف بعض الأماكن .. وبهالطريقة راح يعمل المهندس شي من أفكارك ويناسب احتياجاتكم ... كان دايماً يضحك علي يقول أول حرمة تجيني وماتهتم بالمطبخ كان أكثر تركيزي ع الصالات وبس !! لاني من عشاق الصالات الرحبة ...;)


ما شاء الله من كلامك أحس بيتك راقي ،،،،،،،،،،كم غرفة عملتي والميزانية أريد التفاصيل ؟؟؟؟؟؟؟؟؟؟

مميزة بطبعي أنا
12/09/2012, 12:43 PM
انا مسويه 3 غرف مع دورات المياه مع الدريسنج إلا وحده ..بأحجام متوسطه ماحب غرف النوم الكبيره ومن جانب عشان الميزانية ماتسااعد خخخخخخ وتحت غرفة ضيوف صغيره مع دورة المياه ...


مااسويت مجلس حريم مااأحب هالفكره مع انه أمي كانت تصر علي أسويها بس انا أفكاااري غييييير عن ماما ...

الميزانية والله للحين مجهوووله الهويه .. لان كل الفينشينج علينا ما ع المقاول وللحين النص مااخذيناه !! بعد

نور الكون
12/09/2012, 01:05 PM
هلا حبيبتي
من وين مهندس الديكووووووور ؟؟
اريد مصمم لبيتي

مميزة بطبعي أنا
12/09/2012, 01:09 PM
هلا حبيبتي
من وين مهندس الديكووووووور ؟؟
اريد مصمم لبيتي

المشهور العصور للإستشارات الهندسية موقعهم الغبره نفس بناية القارات الخمس .. المهندس / أحمد (مصري)

من غير إسم أحسن
12/09/2012, 01:22 PM
المشهور العصور للإستشارات الهندسية موقعهم الغبره نفس بناية القارات الخمس .. المهندس / أحمد (مصري)

مشهور العصفور

مميزة إذا تقصدي أحمد الراوي فـ هو ما موجود خلاص عندهم
طلع والحين يشتغل ديكور داخلي في مؤسسة ثانية

هو اللي مصمم بيتي لما كان عند مشهور :كاشخ:

من غير إسم أحسن
12/09/2012, 01:25 PM
سماسم خلي النقاش هني
علشان نثري الموضوع أكثر ونشجع البنات

نور الكون
12/09/2012, 01:47 PM
مشهور العصفور

مميزة إذا تقصدي أحمد الراوي فـ هو ما موجود خلاص عندهم
طلع والحين يشتغل ديكور داخلي في مؤسسة ثانية

هو اللي مصمم بيتي لما كان عند مشهور :كاشخ:

ووين الحين راح ؟؟

من غير إسم أحسن
12/09/2012, 01:50 PM
ووين الحين راح ؟؟

هلا نور
بصراحة ما عندي فكرة

مميزة بطبعي أنا
12/09/2012, 01:51 PM
متى راح المهندس أحمد !!! قبل 3 شهور تقريباً كان موجود !!!:منتزق:

من غير إسم أحسن
12/09/2012, 01:54 PM
إنزين من أحمد اللي تقصديه ؟
اللي أقصده أحمد الرااااوي مصري
يمكن اللي تقصديه غيره

بس كيف أسعار المكتب مميزة ؟ أذكر إنها كانت مرتفعة ؟

مميزة بطبعي أنا
12/09/2012, 02:00 PM
إنزين من أحمد اللي تقصديه ؟
اللي أقصده أحمد الرااااوي مصري
يمكن اللي تقصديه غيره

بس كيف أسعار المكتب مميزة ؟ أذكر إنها كانت مرتفعة ؟

بصراحة ماعرف أحمد شو !!! هو جاي متوسط الطول وشوي مليان وشعرة واجد عليه جل :ضحك:

أسعارهم أيوا صح مرتفعه مقارنة مع بقية المكاتب .. بس ع شي يستاهل وأهم ما في البيت الخريطه تكون مضبوطه صح .. المتر أعتقد ريال و700 بيسة فقط ...

zahrose
15/09/2012, 08:01 AM
صباح الخير
موضووووووووووع راقي ورووووووووعة

سماسم
16/09/2012, 08:43 AM
سماسم خلي النقاش هني
علشان نثري الموضوع أكثر ونشجع البنات

ان شاء الله حبوبه

سماسم
16/09/2012, 08:45 AM
بنات ويش رايكن بديكورات السقف فالممر؟
انا سويتها لبيتي شفت بعض التصاميم وعجبتني كثير
بس ماسويت لكل ممرات البيت سويتها في الممرات الرئيسية

مميزة بطبعي أنا
16/09/2012, 12:09 PM
بنات ويش رايكن بديكورات السقف فالممر؟
انا سويتها لبيتي شفت بعض التصاميم وعجبتني كثير
بس ماسويت لكل ممرات البيت سويتها في الممرات الرئيسية

ويش من الديكورات اللي تقصديها !!

من غير إسم أحسن
16/09/2012, 12:11 PM
إذا ممر واسع بيطلع حلو
أما إذا ممر ضيق أحسن تسوي بوردر جبس أبيض بس بيطلع حلو

وبليز ابتعدي عن تلوين ديكورات السقف خليها أبيض يطلع المكان شرح

سماسم
16/09/2012, 01:15 PM
ويش من الديكورات اللي تقصديها !!

ديكورات السقف (الجبس)

سماسم
16/09/2012, 01:17 PM
إذا ممر واسع بيطلع حلو
أما إذا ممر ضيق أحسن تسوي بوردر جبس أبيض بس بيطلع حلو

وبليز ابتعدي عن تلوين ديكورات السقف خليها أبيض يطلع المكان شرح

الممر ضيق بس الديزاين اللي شفته كان مسواي لممر ضيق وشكله روعه كثير..
حبوبه ديكورات السقف مال البيت سويتها كلها باللون الابيض مع سبوت لايت،، ما احب الديكور الملون

عذبة الكلام
17/09/2012, 01:19 PM
مساء الديكورات

البلسم الشافي
17/09/2012, 05:41 PM
[QUOTE=سماسم;36036855]الممر ضيق بس الديزاين اللي شفته كان مسواي لممر ضيق وشكله روعه كثير..
حبوبه ديكورات السقف مال البيت سويتها كلها باللون الابيض مع سبوت لايت،، ما احب الديكور الملون[/


ممكن نشوف صورة ديكور الممر لاني عندي ممر واسع 3 متر ومحتاره ف ديكوره
اذا ما عندك مانعUOTE]

Legend of Love
17/09/2012, 09:17 PM
موضوع حماااسي

سماسم
18/09/2012, 10:12 AM
[QUOTE=سماسم;36036855]الممر ضيق بس الديزاين اللي شفته كان مسواي لممر ضيق وشكله روعه كثير..
حبوبه ديكورات السقف مال البيت سويتها كلها باللون الابيض مع سبوت لايت،، ما احب الديكور الملون[/


ممكن نشوف صورة ديكور الممر لاني عندي ممر واسع 3 متر ومحتاره ف ديكوره
اذا ما عندك مانعUOTE]
و لـــــــــــــــــو
مافيه مانع حبوبه

سماسم
18/09/2012, 12:10 PM
هذا ديكور الممر
الاخت البلسم الشافي شوفي الخاص

عذبة الكلام
18/09/2012, 01:36 PM
ليش الخاص كلنا نريد نشوووووووووووووف
هذا ديكور الممر
الاخت البلسم الشافي شوفي الخاص

سماسم
19/09/2012, 12:38 PM
ليش الخاص كلنا نريد نشوووووووووووووف

حبوبه الديزاين مال المحل ما اقدر انشره
عذريني:)

البلسم الشافي
21/09/2012, 05:11 PM
هلا يا العسولات
اقول حبيباتي اللي يبنين ايش سويتن ف الجدار اللي خلف الدرج ما حبيت الحجر حسيته قديم محتارة ايش اسوي
حد عنده افكار جهنمية؟؟؟؟

سماسم
22/09/2012, 10:16 AM
كيف يعني الجدار اللي خلف الدرج مافهمتك لو توضحي اكثر

عذبة الكلام
26/09/2012, 08:46 AM
صبااااااااااااااااااااااااااح البيوت الطيبة العامرة بالذكر

qalb alamal
26/09/2012, 11:50 AM
منكم نستفيد حبوبات
عقبال نبني بيتنا

فجر الهدى
26/09/2012, 12:09 PM
مـــــاشاْءالله
موضوع جدا مميز:)

فجر الهدى
26/09/2012, 12:23 PM
http://up90.s-oman.net/6z1ao.jpg
http://up90.s-oman.net/xLdn7.jpg
http://up90.s-oman.net/ar9Li.jpg

القصايد
26/09/2012, 12:38 PM
أقوووول يا حلوة ..

متى بتعزميني على جولة في ربوع بيتج المتواضع ؟؟ :مستحي:


بيت معمور يااا رب

rouka
27/09/2012, 03:00 AM
جميــل متــابعه

نور الكون
02/10/2012, 10:59 AM
بنات من تعرف واحد يعمل ديزاينات للبيت
حد عنده خبره افيدووووووووووووني

جوالي
02/10/2012, 02:06 PM
من عندها صور مجلس جديد البيوت عمانيه اخذ افكار

نور الكون
03/10/2012, 07:45 AM
حوووووووووووووووووووووووووووووووووووووووول
صباح الخير
محد يفيدنيييييييييييييييييييييييييييييييييي

قصر الأناقة
03/10/2012, 09:48 AM
واااااااااااااااااااااااااااو ...رهيب هالموضوع
انا بعدي ما بنتيت..
بس اهم شي عندي في البيت حوش كبيييييييييير ..وصالات واسعه
المجالس ما وايد مهمه عندي...لان الزيارات صارت نادره خاصه من حد غريب..مع اني انا جددددااااا اجتماعيه...وعندي كثير معارف بس مفكره اسوي مجلس مفتوح واسويله باب متحرك في حال وجود ضيوف مو من العيله
واتمنى اسوي بركة سباحه بشكل انيق ومميز وتكون مطله على احدى صالات الجلوس وصالة الطعام
عندي افكار واااااااايد
عسى اقدر انفذها ف بيت العمر

جوالي
03/10/2012, 03:17 PM
اصباغ لصاله حركات جديده المجلس كراسي من يزيدنا افكار

Dr Java
06/10/2012, 12:04 AM
سولفكن حلوة وإن شاء الله لي عودة لاني بإذن الله قريب بنبني بيت الأحلام
أحس أنتت تهتمن بالديكور وأنا قالولي أهم شيء الأساس وخريطة البيت وأنه يكون واسع
ومعضم أهتمامات الحريم في البيت هي اللمسات الأخيرة وهو الديكور
برجع استفيد وأخذ أفكار وأريد خرائط بيوتكن ممكن ؟؟

عذبة الكلام
07/10/2012, 09:01 AM
اهم حاجة ما تحطي مساحات فاضية ما مستغلة ،،،،،،،،،،،،،،،،،،،،

مهارة الحياة
07/10/2012, 12:08 PM
موضوع مشوقه ...

من غير إسم أحسن
07/10/2012, 12:08 PM
سولفكن حلوة وإن شاء الله لي عودة لاني بإذن الله قريب بنبني بيت الأحلام
أحس أنتت تهتمن بالديكور وأنا قالولي أهم شيء الأساس وخريطة البيت وأنه يكون واسع
ومعضم أهتمامات الحريم في البيت هي اللمسات الأخيرة وهو الديكور
برجع استفيد وأخذ أفكار وأريد خرائط بيوتكن ممكن ؟؟



شي طبيعي نهتم في الديكور في هذي المرحلة لأن خلصنا مرحلة الخريطة والأساس وعلى وشك ننتقل
إذا بعدك في البداية وفي مرحلة الخرايط أحسن تشوفي الجزء الأول من نفس الموضوع

موفقة حبوبة

إبتسامة الورد
07/10/2012, 10:20 PM
ماشاء الله تبارك الله الافكار جميييييييله كثير
بتنفعني فتجهيز بيتي الجديد بإذن الله ;)

إبتسامة الورد
07/10/2012, 10:26 PM
شكرا خيتووووو
جميل إن الوحده تستغل كل مكان فاضي في اشياء نافعه
وعمليه