المساعد الشخصي الرقمي

عرض الإصدار الكامل : دراسة البنت في الخارج



صفاء السماء
23/06/2012, 11:23 AM
السلام عليكم ورحمة الله وبركاته

أخواتي وإخوتي حييت اخذ أرائكم حول إكمال دراسة البنت في الخارج (الماجستير+ الدكتوراه ) ؟؟

صراحة حابه أكمل دراستي إن شاء الله حيث إني تخرجت ألسنه الماضية واشتغلت وقلت بدل لا جالسة كذا لازم ادرس وأكمل دراستي وتعرفوووا الحين وزارة التعليم العالي منزل بعثات خارجية ونفس الوقت الجامعات والكليات في عمان فاتحة بابا التسجيل لإكمال الدراسات العليا.

الحين انأ محتارة ما بين إني أكمل الماجستير في عمان أو خارج عمان . قبل لا انهي كلامي بعطيكم نبذة بسيطة عن سبب حيرتي ف هذا الموضوع ......بنسبة الايجابيات والسلبيات لدراسة في عمان وخارج عمان

الدراسة خارج السلطنة:
الايجابيات

1- راح احصل على شهادة قوية وممتازة
2- للغتي الانجليزية راح تقوى
3- راح أتعلم أشياء ثانية يمكن م تعلمتها في عمان
4- مناهج الدراسية قوية وثرية والطاقم الدراسي للجامعات الخارجية مؤهلين
5- أهم حاجة الدراسة للماجستير للجامعة إلي أريدها للمدة سنه

السلبيات

1- إني م متعودة ابتعد عن أهلي
2- أكيد طبيعتهم غير عنا من ناحية العادات والملبس
3- الزواج (أهلي يقولوا انه عمري 24 سنه) إذا سافرت راح يتأخر زواجي
4- بظطر أبيع سيارتي آلي م كملت سنة من اشتريتها


الدراسة داخل عمان:

الايجابيات :

1- بكووون عايشة مع أهلي ونفسيتي بتكون مرتاحة
2- كل السلبيات الي ذكرتها فووووق م بتكووون موجوده (م عدا الزواج بيد رب العالمين طبعا)

السلبيات :

1- الشهادة قوية صح بس م مثل الشهادة ف الجامعات الخارجية
2- لغتي الانجليزية م راح تتطور
3- المنهج الدراسي والدكاترة م بهذي القوة
4- الدراسة للمدة سنتين او أكثر
رجاءا أريد أرائكم بجدية وايش تحصلوووه انسب لي بعد م ذكرتلكم الاسباب

العامود
23/06/2012, 11:37 AM
أنا أقول توكلي ع الله
والغربه تعلم الشخص الاعتماد ع النفس
والحين الحمدلله كل شي متوفر تقدري تتواصلي مع أهللك في كل وقت وتقدري تشوفيهم بعد .
وأما الزواج ما راح يتأخر إن شاء الله
والسيارة أنا أشتريها من عندك ههههههه ايش من السيارات عندك ؟؟
هذا اللي عندي والقرار الاول والاخير يرجع لك .

عماني موسوس
23/06/2012, 01:55 PM
انا اقولش درسي هنا في بلادش وتوكلي على الله:كاشخ:

قربك من اهلك وحدها تشترى بثمن :)

الحياة عنوان
23/06/2012, 01:58 PM
انا اقولك اذا كنتي محتارة استخيري ربك...
والأفضل درسي ف عمان بين اهلك وناسك ...وبالتوفيق