المساعد الشخصي الرقمي

عرض الإصدار الكامل : ممكن مساعده .. للي عندهم خبره ^^



شموخ أميرة
28/05/2012, 10:59 AM
السلام عليكم ورحمه الله وبركاته ..
اخباركم كيفكم اخواني ..
بس حبيت استفسر استفسار بسيط للي عنده خبره او معرفه بهالمجال
ودي اسوي عمليه ( ليزك ) هناا بعمان
بس وين افضل مركز ..؟؟ اقترحولي مركز مسقط . ... والمركز الفلندي... بس اي واحد فيهم افضل ونتيجته مضمونه ..؟؟!!
ووش النتائج او الاثار الجانبيه للعمليه ..؟؟
اذا حبيت اسوي بس لعين وحده ومن المركز الفلندي بكم تقريبا ... القيمه لعين وحده او اثنين تختلف ؟؟؟
القيمه تختلف من مركز لثاني ولأ ..؟
شااكره لكم وياريت تفيدوني ...^^

ورده المضيبي
28/05/2012, 11:03 AM
مركز مسقط لعلاج العيون بالليزر

معظم الأهل مسوين هناك وما شفت أي آثار سلبيه

بالتوفيق

bsateen
28/05/2012, 11:14 AM
يمدحوهن مركز الفلندي ومركز مسقط
بس لو تروحي بروحك تستفسري اكثر راح يفيدوك وتعرفي كل التفاصيل من معهم
فضي لك يوم وحده ودوري ع كل المراكز
ومن ناحية التجربه حد من الاهل مجرب ف الفلندي والحمدالله اموره طيبه بس شوي غالي
ونفس الحاله مع مركز مسقط

موفقه:)

MR FOUR
28/05/2012, 11:55 AM
مركز مسقط

شموخ أميرة
28/05/2012, 05:38 PM
يسلموؤوؤوؤو ع المرور و ع المعلومات اخواني .. ^^
امممم بس لو رحت المراكز اكييد ما بيقولولي اي واحد فيهم افضل او سلبياات كل واحد فيهم ..
عشان كذاا ودي من مجربيين يفيدوني ..
تقريبا الاغلب قالوا الفلندي ...
بس قيمه كم تتراوح تقريبا ... ؟؟؟!!

شخص مزاجي
28/05/2012, 05:41 PM
انصحك تضربي لفه للقسم الطبي :ممتاز:
او ينقل المووضوع هناك .
لان الكثير من الاخوان المجربين متواجدين في القسم الطبي ..

أطياف راحلة
28/05/2012, 06:03 PM
عــــسى حدّ يفيدكـ وربـــيّ يشفيــكـ
:) :وردة:

المتفائل88
28/05/2012, 08:14 PM
موفقه....

عزف الوتر
28/05/2012, 08:26 PM
بالتوفيق

الايطالي83
28/05/2012, 08:44 PM
عن نفسي سويت العمليه في دار العيون
القيمه طبعا تختلف ونسبه نجاح العمليه تختلف
الاثار الجانبيه الشائعه هي جفاف في العين ليس دائما لكن كل المراكز اللي سألنا فيها قالوا نفس الكلام

عيون الجرناس
28/05/2012, 11:15 PM
اثنين من الاهل سوا في مركز مسقط.... والحمدالله امورهم تمام

اهم شيء النية والتوكل على الله

كل التوفيق

عادل الأمريكي
28/05/2012, 11:39 PM
ينقل للسبلة الصحية

ذكرى المحمدي
28/05/2012, 11:44 PM
مركز مسقط بس خلي الدكتورة ماريا هي إللي تعملك العملية دكتورة شاطرة
بس أول شيء تفتحي ملف عندهم ب 30 ريال وبعدين يحددولك الموعد مع الدكتورة
وهي تحدد شو عندك وعلى أساسه العملية والعين الوحدة ماتتعدى 500 ريال
يعني ممكن 400 ريال..
وفيه في مركز المغربي للعيون الدكتور تامر (مصري الجنسية) أيضاً شاطر
أنتي حديديلهم أسم الدكتور وعلى أساس يعملولك موعد معاه وهو يكون متواجد في المغربي
ثلاث أيام في الأسبوع فقط .. وأسعارهم في حدود المعقول وإذا بغيتي مساعدة من أختك رسليلي ع الخاص

أبوالدرة
29/05/2012, 12:00 AM
أنا مسوي عملية في مركز مسقط في الصاروج عند الدكتورة ماريا وصارلي الأن تقريبا سنة ونصف والحمد لله 6/6 بس بقت مشكلة بعض الأحيان أحس بجفاف في العين لما أكون في عمل ميداني وفي الشمس وأضطر أستعمل قطور (دموع صناعية) ولكن نادر يعني عل 3 أو 4 أشهر ما أستعمل
والعملية استغرقت تقريبا 20 دقيقة كل العينين وبعد العملية جلست سبوع تقريبا ما أشوف شي إلا شي بسيط وبعد سبوعين أو 3 أسابيع لحد ما رجع النظر كامل وحتى الأن ولله الحمد والتكلفة كان عندهم عرض وسامحوني من رسوم التسجيل وتقريبا حسبما أذكر كلفت كامل العملية 500ر.ع. فقط....

bsateen
29/05/2012, 08:28 AM
أنا مسوي عملية في مركز مسقط في الصاروج عند الدكتورة ماريا وصارلي الأن تقريبا سنة ونصف والحمد لله 6/6 بس بقت مشكلة بعض الأحيان أحس بجفاف في العين لما أكون في عمل ميداني وفي الشمس وأضطر أستعمل قطور (دموع صناعية) ولكن نادر يعني عل 3 أو 4 أشهر ما أستعمل
والعملية استغرقت تقريبا 20 دقيقة كل العينين وبعد العملية جلست سبوع تقريبا ما أشوف شي إلا شي بسيط وبعد سبوعين أو 3 أسابيع لحد ما رجع النظر كامل وحتى الأن ولله الحمد والتكلفة كان عندهم عرض وسامحوني من رسوم التسجيل وتقريبا حسبما أذكر كلفت كامل العملية 500ر.ع. فقط....

حلو بس اتوقع العملية تكون ع حسب العين ونسبتها وهم يقرروا كم تكلف بعد الفحص

عقبالي:كاشخ:

صدى الحقيقة
29/05/2012, 08:40 AM
أنا مسوي عملية في مركز مسقط في الصاروج عند الدكتورة ماريا وصارلي الأن تقريبا سنة ونصف والحمد لله 6/6 بس بقت مشكلة بعض الأحيان أحس بجفاف في العين لما أكون في عمل ميداني وفي الشمس وأضطر أستعمل قطور (دموع صناعية) ولكن نادر يعني عل 3 أو 4 أشهر ما أستعمل
والعملية استغرقت تقريبا 20 دقيقة كل العينين وبعد العملية جلست سبوع تقريبا ما أشوف شي إلا شي بسيط وبعد سبوعين أو 3 أسابيع لحد ما رجع النظر كامل وحتى الأن ولله الحمد والتكلفة كان عندهم عرض وسامحوني من رسوم التسجيل وتقريبا حسبما أذكر كلفت كامل العملية 500ر.ع. فقط....

كنت مفكره اعمل العمليه بس خوفتووني لما قلتولي يصير جفاف ف العين :(

bsateen
29/05/2012, 09:17 AM
كنت مفكره اعمل العمليه بس خوفتووني لما قلتولي يصير جفاف ف العين :(

عادي يصير غالبا ما دائما عند البعض وبسيط بدواء القطور راح تتحسن

صخراوي
29/05/2012, 01:12 PM
اعرف اكثر من شخص من الاصدقاء ومن الاهل قامو بعمل عملية ليزر للعين في إيران
ولله الحمد النتائج كانت مضمونه وبفضل الله وبفضل العملية استغنو نهائيآ عن النظارات الطبيه اللي لازمتهم سنين طويله .